Winti Mamis Teil 87 *Neue Willkommen*

[Shorna]

Oberi isch schön, det han ich au mal gwohnt. (Zinzikon)

Jetzt simer im Deutweg dihei.

[Krambambuli]

Düütwäg, jep, hani glaub i dem Thread sogar gläse. Bi momentan ebiz vergässlich, schulligung !!

Miir zügled diräkt an Goldeberg *freu* Zinzikä känni au guet

[Zwetschge]

Hallo zeme

Sorry das mi erscht ez mekde viel los gsu. Ich ha ja na bandschive vorfall gha uii sega eui daa het weh ta. Gottlib usch mun gf na die hei gsi aver da hani glauv mal gschribe.

Vorem jul isch au nüd meh sicher. Xavi frässt mit ihm dur die ganz wohnig mitem bobbycar het ja ferie. So sind beid beschäftigt.

Asi get na e spiekdecki falka öppert brucht und maxikosi.

Muss wieder sorry jul usch unterem eckbank.

Schln gats allene siwit guet treffe wäru ide ferie suscht au mal debi

[jana :-)]

[emoji2]

[Shorna]

Hallo Jana
Natürlich darfsch mit schriebe. Hi hi, da chasch du dich grad mit de Zwetsche ustusche, sie hät au en 10 Monatige sohn.
I welem Stadteil bisch du dihei?

[Krambambuli]

Gugguseli Jana

Hui, 10Mönet, da werdeds mobil, hm ?

sweet

[jana :-)]

[emoji2]

[Krambambuli]

steckebliebe so süess *lach*


Ich zügle am Dunnstig uf Oberi quasi dirät zum Rychebergschuelhuus momentan wohni na z'Seeä, na bis übermorn hihi.

[mi deseo]

huhu zäme

krambambuli, gahts dir wieder besser? so e ohreentzündig isch ja müesam... schön häsch einiges chönne abhage.

shorna, ja danke, bin au froh isch mit em zahn alles wieder tip top.

glace ässe oder so, wäri au debi. nume han ich no einiges zum abhage und momentan isch mini polyarthritis grad recht aktiv. mached ihr öpis ab und wenns irgendwie gaht bini sponti debie. ja und suscht sötti mini pendenze bis endi monet au chli abgschaffed ha und mini neue medus würked denn hoffendlich au. spöteschtens nach mine ferie weri sicher au wieder debie. aber versuechs mir vorher izrichte... säged eifach wenn.

zwetschge, oh neiii! autsch das tuet weh... zum glück hesch unterstützig vom ma übercho. jöö, mit dine zwei schatz lauft grad chli öpis, so läss!

jana, willkomme! ich bin 36gi, wohne in oberseen und chume im dezämber mis erschte chind über. jö, da lauft bi dir au grad viel... isch sicher uh schön, wenn so gsehsch wie die chline fortschritt mached!

grüessli

[Krambambuli]

Danke der Nachfrage

Ohr isch immernanig ok, rächts ghöri fasch nüt. Geschter bini nomal bim Husarzt gsy, ez musi morn nomal, hetmer Ohretröpfli gää... Hoff wird ez langsam mal besser....
Vorteil : wenn mi was nervt musi hald uf di lingg Siite ligge, denn isch schicht im schacht

Wie gaz Eu ??

[Shorna]

@ Zwetschge
Wie gahts dir mit dinere Bandschiebe?

@ Krambambuli
Guets Zügle!

@ mi deseo
Oh, das isch aber en seich mit dinere Polyarthritis. Hoffentlich schlönd die neue Medis guet a!

@ jana
Du wohnsch au amene schöne Egge.

Ich bin 34, han 2 Chind, wo im September 11 & 3 wärdet. Mir sind im Deutweg dihei.

[jana :-)]

Krambambuli, viel Spass bim Zügle und herzlich Wilkomme in Oberi.
Zwetschge, hoffe du häschs im Griff mit de Bandschibe. Gueti Besserig vo mir.
Mi deseo: Ja im moment findi sis alter mega lässig, will er so mobil wird. Und au d kommunikation wo sich veränderet mit zeige und nicke isch toll. Han s gfühl ez isches scho so e richtig eigni persönlichkeit, wo mer merkt was ihm passt und was nid.
Shorna, 3 und 11 isch ja au en unterschid. Klappts guet mit dene zwei? Hett de Gross nid amigs kei Lust zum immer uf de Chlini rücksicht znäh?

Hmmm, chan mir öber in Winti en guete Chinder/ Baby Coiffeur empfehle?

[jana :-)]

Alles gueti na für di letschte SS mönet mi deseo. Gahts dir guet und chasch es chli gnüsse?

[Chilli Vanilli]

Hey ihr liebe tapfere Bezwingerinne vo Wöschbärgä, Schnellwickler und Schlafliedli Dauersingerinne. Ich freu mich mega, dass es so e Siite git für Mamis in Winti!!

Ich bin im Mai s'erst Mal Mami wordä und in Winterthur Hegi di Heime. Momentan drähed sich mini Gedankä um:

- Isch sie ächt z'heiss agleit???
- Wieso schlaft sie nöd? und wenn sie schlaft: Wieso schlaft sie ächt so lang????
- Jööh, chunt sie ächt mini oder sini Augefarb über?
- Meine Güte so es herzigs Mänschli und so es Gegrunz bim Trinkä!!
- Hach ich chönt sie dä ganz Tag im Arm träge ODER Aaahh wo bliebt Ziit für mich?

Ich finds ämel es riiiiiiiiiiese schöns Abentüür Mami z'sy. Wie gahts au so demit???

Ich freu mich uf Ustusch und vielleicht au mal uf en Spaziergang mit eunä Süessä Böhnli!
B-)

[Shorna]

@ Jana
Bi eus klappts überhaupt nid. Aber ich mues nid die chli vom grosse beschütze, sondern umgekehrt. S Programm so z gschtalte, damit beid öpis devo händ isch nid eifach. Im Summer Badi und Spielkiosk...

En spezielle Chindercioffeur kenn ich keine.

[Zwetschge]

Hallo

Uii grad einiges gange.

Neue welcome ich bi 31gi beütte die hei ha 2chind de xavier wo 9i wurd und de julien wo i 10mt isch und im sept 1 wird uii au scho gli und e xavi im nov 9i uii.

Mir gats besser muss i physio aber easy. Merks ab und zue na.

De julien fangt ha chli rede es tönt so na blabla;-). Ja und versucht ez amig sich ufzieh.

Allne wos nid so gueg gat gueti besserig.

Treffe wens mir gat bini gern debi.

Allegi julien isch nu im tisch und kurzi hose oder nu im body.

[Zwetschge]

Krambabuli ha sue en pn gmacht;-)

[Shorna]

@ Chilli Vanilli
Wie träffend häsch du de alltag vomene Babymami beschriebe. Gnüss die Ziet, so schnäll sinds gross!

Hegi hät schöni spazierwäg, mer chönd gern mal öpis abmache.

@ Krambambuli
Häsch guet züglet?

@ mi deseo
Wie gahts dir?

@ Zwetschge
De Jul isch au imene spannede Alter! Gnüss dini süesse.

[Krambambuli]

Gugus

Jawohl, ich bi guet z'Oberi aacho und bi flissig de Wald da obe am erkunde. Eifach herrich. Ich ha d'Ussicht vom Goldeber scho immer gliebt. Dasi jetzt i 10min Fuessmarsch det bin, isch soooooo super Ich gseh uf Seen und weni genau luege sogar es Eggli vo mim alte Block, hehe.

S'Ohr isch wieder guet zum Glück !

@Chilli Vanilli, uf Hegi gsehni abe hehe, het viel so farbigi Blöck, richtig Farbefroh

@Shorna, wie gehts wie stehts ?

[Zwetschge]

Krambambuli pn gseh?

Shorna ja ez isch de im luschtige alter. Vorallem schnell chunter im sitze fürschi. Striterei furs au scho mitem xavi tönt na luschtig. Misch mi mug nud dri,bis de xavi seit mani chumen go hole er folgt mir nid.

So muss go luege isch eibe am katzefuetter.