Frühlings-Kinderwünsche - wir haben's geschafft

[Kizank]

Hoi zäme!

Nach däm Feedback i eusem Heimat-Thread http://www.swissmomforum.ch/viewtopic.p ... 2&t=188152 machi da also en Folgethread uuf, für ali, wo's gschafft händ, und eusi no-hibbelig-Gspönli, dassi au chönd ineluege.

Fange eifach mal "Das sind mer"-Lischte aa. Wänner no Vorschläg händ, was drii sötti, mached eifach en Vorschlag.

Das sind mer:
* Kizank / ZH / 1985 / 2. ÜZ / 1. Kind / ET 12.1.2015
* Sportyspice / BL / 1984 / 1. ÜZ / 1.Kind / ET 25.1 2015
* fea / BE / 1984 / 2. ÜZ / 1. Kind / ET 1.2.2015
Talulah / SZ / 1987 / 2. ÜZ / 1. Kind / ET 11.03.2015
Awe / AG / 1987 / 5. ÜZ / 1. Kind / ET 16.4.2015
Gini / AG / 1980 / 2. Kind / ET 11.5.2015
Mimi83 / LU / 1983 / ?.ÜZ / 1. Kind / ET ?
gerbera / BE / 1983 / ?.ÜZ / ?. Kind / ET ?
black_key / ZG / 1985 / ?.ÜZ / ?. Kind / ET ?


* Euses Wunder isch da!
Sportyspice / Meitli / ET 25.1.2015 / Gebore 30.12.2014
Kizank / Bueb / ET 12.1.2015 / Gebore 8.1.2015
fea / Meitli / ET 1.2.1985 / Gebore ?

[Tiare29]

@kizank
ohhhh bi dir gohts jo gar nüm soooooo lang

[Kizank]

Hoi Jenny Und bi dir gohts nüm lang zum teschte, oder? Düüme sind druckt, dass me dich au bald chönd id Lischte ufnäh!

[Talulah]

@Kizak: du bisch supper! Dankevillmal fürs eröffne!
han xrh, dass du ja scho so guet we ide helfti bisch! we xeht afig din Buuch us? ich find das äbe uhh spannend!

und nu zu mine Date: im 2. ÜZ/1. Kind/ET 11.03.2015

Fürd übersicht und dasses chli eifacher isch, hanich ez au mal sonen Signatur vo Lillypie (oder we das heisst) gmacht. de xeht me ja immer schön, wenn öpper gschribe hät, we wit diejenigi scho isch.

@all: ich hoffe dass gliii alli vom Flüehligs-Forum au da inne sind!!!!

[Kizank]

@Talulah, ja d Signatur isch amigs no praktisch. Mängisch schrib i trotzdem bewusst, i welere Wuche i gad bi, will wämmer im Nachhinein nahlist, dänn isch (ohni nahzrächne) nümm ganz klar, wo me gsii isch.

@Buuch: Ha lang müesse warte, laht sich jetzt aber langsam nümme verstecke (eml mit Summersache ned). Han jetzt die Wuche s erschte mal Umstandshose aa. Chani würkli empfehle! Wür mi nüm mit komische Chnopf-Schlaufe umeschlah, gad diräkt so Hose go poschte. Die gsähnd uns wie normale Jeans, händ aber anstatt eme Bund eifach en dehnbars Stoffband bis under d Brüscht, und dert en Gummizug rundume. Isch also super-bequem (au wenns im erschte Moment ohni Oberteil chli gspässig usgseht)!

1.9. Hani de Termin für s Organscreening. Freu mi mega, dass en 3D-Ultraschall git! Sorge machi mer eigetli ned, bi de bisherige Untersüech mit Ultraschall het d FÄ s Bébé immer sehr guet gseh (inkl. Schnäbi i de 12. und Herzchammärä! I de 18. Wuche) und s het bisher alles guet usgseh.

Hüt Abig gani no uf de See go sägle. Kommandiere d Kollege chli ume, nimes sälber gmüetli

Mini Hauptsorg im Moment isch, dasi nur wenig zuenime. Obwohl i ganz normal isse und de Buuch ja am wachse isch. OK, hoffe etzt, dass eifach dra lit, dass eusi Waag chli andersch geicht isch wie die vo de FÄ...

[Awe]

@Kizank: Danke herzlich fürs eröffne, das esch jo super. findes cool wenn mer alli unterschiedlich wiit send,
chömmer doch profitiere

also bi mer chasch no 5. üz, 1. kind ergänze. ET hani noch minere eigete berächnig 20.4. aber ich weiss halt au ned wörkli öb da stimmt. han ersch am 29.8. de erschti ultraschall (goht no eeeewigs)

@Buuch: jo die hose känni vo minere tante. wirde mir die au zuetue, wenns denn mol einisch so wiit esch, freu
mi ufs büüchli

@3D: wow das wird secher mega schön jo mach das metem sägle

@Talulah: wie gsehts bi der us? gseht mer scho öppis wägem buuch?

@all: bin so gspannt wer sich als nächschts aschlüüsst daumen sind gedrückt

[Kizank]

@Awe: hans eifach mal so ufgno - Änderige chasch jo immer no mälde. Wänns kä gsundheitlichi Gründ git, isch guet, dassd eher spöter an erschte Untersuech gahsch. Dänn gsehsch meh im Ultraschall. Git Ärzt, die macheds uu früe, und d die werdende Mamis sind dänn verunsicheret, will me (no) nüt gseht.

Wilis obe editiert ha do nomol: Mini Hauptsorg im Moment isch, dasi nur wenig zuenime (wenn ned sogar biz abgnoh). Obwohl i ganz normal isse und de Buuch ja am wachse isch. OK, hoffe etzt, dass eifach dra lit, dass eusi Waag chli andersch geicht isch wie die vo de FÄ... Mängisch gahts ebe scho cheibe lang vo Untersuech zu Untersuech.

[Talulah]

@Kizank: ou ja sägs nüd, d Signatur ishc ja immer aktuell und nüd wänns denn gad xi isch. denn schribi de zwüscheddure au bewusst d Wuche ane. Danke füre Tipp!
ohh bin ja gspannt we din Termin fürs Organscreening usechunt!! wooooooow 3D-US - bini gad chli niidisch min FA hät ebe leider keis 3D-US-Grät.
uuuund s Gschlächt weisch du au scho - sit de 12. Wuche - das isch ja uh früeh, so kuul!

Go segle, so kuul!! ja du hesch Rächt, tue di nur schone und de andere schufte lah!

wegem Zuehneh: also min FA hed xeit, grundsätzlich nemed die meiste Fraue zuvill zue... Also ich han mier s Ziel gsetzt, nüd meh we 7kg zue znäh. (evtl. isch das unmöglich oder schier nüd machbar, aber bin nu nie ss xi und drum probieris ez eifach mal ganz blauäugig )
het den din FA xeit, du hegisch z wenig zuegnoh? oder warum machsch der Sorge? i welne abständ gasch ez amel zum FA?

@Awe: ja ich find das au spannend, wemmer unterschidlich wiit sind!
ja bis zum 29.08 gahts nu en Momänt, defür xeht meh de villicht scho chli öppis bim US, wenn ez nu solang muesch warte. mich het der FA au nüd z früeh welle xeh (bin am Termin bi 6+4 xi) und de hani aber scho dörfe es schlagends Härzli xeh!

@Buuch: also ich find, ich selber xeh bi mier also scho chli öppis. Han en zimmli schmali/fiini Taliä, de bruuchts au nüd vill... aber min GG xeht bi mier au nu nüt!
wett das mit de Umstandshose nochli usezögere, sicher bis Ende 1. Trimester. (was ez au nurnu 2 Wuche gaht) all schwärmed vode SS-Hose... villicht gangi de gliich früehner mal go pöstele!
inzwüsche machi de Gurt um 2 Löcher witer und sit dere Wuche muessi de Chnopf bide Hose ufmache wenni sitze, susch verlidis nümme.
Isch bi mier eh immer chli schwirig mit Hose, die normal gschnittene sind mier meistens ume Buuch ume vill z wiit. Ich hoffe das chunt mer ez ide SS wenigstens chi z guet.

@FA Termin:
Min nechst (also de 2.) Termin isch nechst DI am 26.08. Bin denn 11+4. Mer wers lieber xi wäred die 12 Wuche scho ume aber es isch terminlich bim FA nüd andersch gange. Aber glaub weg dene 3 Täg chunts de au nümme druffab... hend ebe am 29.08. no es Familiefäst, womers allne wend verzelle (es weiss drum nu niemert) und deswege wetti de FA Termin lieber vorher ha, zum wüsse, dass alles guet isch.

[Kizank]

@Talulah: Ja, ha wie du au ganz e schmali Taille (gha ). Scho gli müesse Chnöpf ufmachä. Aber nachher hets mega lang duuret, bises würkli unangnäm worde isch. Taille isch schnäll usgfüllt gsi, aber bis de Buch nach vorne gwachse isch, häts dänn doch rächt lang bruucht. Ha de no biz mit zwei Paar Hose mit Gummizug und eme Pärli wo mer chli z gross isch überbrückt. Aber GG het au lang immer gseit, da gsäch me nüt, obwohl ichs für mich durchuus gseh han.

@Gwicht: Han ebe bis zur 12. Wuche hii nur abgno, i de 18. dänn s erscht mol wider bizeli meh gha. FÄ het scho gseit, ich sell luege, dasi gnueg isse. Han die erschte 12 Wuche ebe scho chli gar wenig Apetit gha. Woni geschter uf di eiget Waag gstande bi, isches aber wider weniger gsii wi i de 18. bi de FÄ (ebe, drum hoffi, dass eusi waag eifach chli spinnt). Bode isch ned so ebe - guet mögli, dass würklich eifach nur en Messfehler gsi isch.

@Ultraschall: Ja, mini FÄ het ebe au käne. Aber i däm Gebäude isch under dere Praxis no en elei praktizierende FA - und de het sones Grät ('mini' Praxis beteiligt sich eifach mit dra, und döf jedi Schwangeri ei mal bi ihm verbiischicke).

@Termine: Nimi bewusst ned uf di erscht siite - me vezellt ja glich devo, und git chli vill Arbet zum immer aktuell halte.

[fea]

Hallo Kizank
dasch jetzt wirklich mol e gueti Idee mit dem Nachfolgethread! Mir gohts jo au so, dasi mi weder im Januar- no im Februar-Forum wohl fühl...ich finds no cool wemr verschiede witt sind do inn...obs uns öbis bringt oder halt denn doch eher nid, gsehmr jo denn...

fea / BE / 1984 / beinahe verheiratet / 2. ÜZ / 1. Kind / ET 1.2.2015

@Gwicht: ich ha au die ersti Zyt es paar Kilo verlore..mittlerwile hani die wieder ufgholt und bi ungefähr bim Usgangsgwicht...Zuegno hani also sit Beginn SS au nonig...da ich chli muess ufpasse mitem Ässe (weni zviel ufs mol iss, denn wird's mir nach wie vor schlächt), wirdi derzyt wohrschins au nid grad meega zuelege...mir persönlich isches aber grad eher rächt...ich dänk, s Zuenäh chunnt no schnäll gnueg, bi mänge Fraue jo denn au erst v.a. im letschte Drittel...aber jo, tönt so als ob du scho sehr schmal gsi bisch KIZANK, denn muesch sicher eher chli luege..ich bi jetzt au nid grad dick oder so, aber ich muess mir au nid grad sofort Sorge mache und kei nonig abem Stängeli

@SS-Hose und Buuch: ich ha scho vo ganz Aafang aa KEINERLEI drugg möge verliide uf mim Buuch...naja, ich schaff jo au mit Säugling und Chlikinder und sitz dementsprächend dr halb Dag mit ihne am Bode, was natürlich gar nid e gueti Position isch wemes nid mag verlide wenns in Buuch druggt...ich ha dorum scho fascht vo Aafang aa die meischte Hose nümi chönne alege, au wenn mir die zum Teil so viel zgross gsi sind dass e Fuscht no drin Platz het...aber ebbe, sobald me sitzt....
bi mir isch eher umgekehrt als bidr Kizank....mini Taille hets mir nonig ufgfüllt, defür isch scho sehr gli -und jetzt immer meh- mi Büüchli gege vorne usegwachse...
hihihi, ich glaub mir mien denn mol chli Foteli do inestelle

@awe: ich verstands, dases für di -wo de jetzt so lang druf gwartet hesch und di so freusch- befremdend isch, wenn d Lüt nid gärn schwanger sind... mir isches damals eher umgekehrt gange...alli andere sin so überglücklich gsi (oder hän vilicht au so do als ob?) und ich ha au s gfühl ka ich miessi das doch eigentlich si (unser Kind isch jo au e absoluts (plants) Wunschkind!), aber glichzytig isches mir eifach so eländ gange...ich ha mängmol nid gwüsst wienich die nägst Stund söll ushalte..oder e ganze Dag...geschwige denn 3-4 Mönet!! do isch denn eifach -ehrlich gseit- nümi viel übrig vo Freud und gärn schwanger si.... aber naja, du hesch jo gseit ka, die Fraue heige keini Beschwärde, denn isches scho chli seltsam...

[sportyspice]

hAllo... ich bin auch dabei. Cooli Wach, so chönne mir witerhin zämme hibble, eifach ufere andere Basis

Ich freu mi endlos uf euses Chline. Bi scho fliessig am Nähe und mache... Neschttrieb het bi mir scho sehr früeh igsetzt;-)
Hüt hani endlich e Beleghebamme chönne an Land zieh, was mich ziemlich happy macht.

@bUCH und Gewicht: I ha e mini Büchli und mini Jeans gönge aber no tiptop, do mi Buch eher witer obe isch. Zuegnoh hani knapp 700gr... hält sich no in grenze.
BH grössi isch scho um 1 Cup grösser, und mi dunkts de wird au scho langsam biz eng

Bi gspannt was ihr no so schriebet.
Wüssed ihr alli was es bi euch git? Und gspühred ihr euches Chline? i gspührs scho ziemlich guet, wenn i ruig lieg, und mir wei eus loh überrasche was es gitt, nämes egal welles gschlecht und werdes so oder so über alles liebe

Mittlerwile bini 17+ 2!
Grüess an Euch Bald Mamis.

[Kizank]

Hey so cool, fea und sportyspice, schön mached ihr au mit! Han eu uf de erschte Siite ufgno! D Lischte sortieri mol nach ET.

@Gwicht: nö also ich bin normalgwichtig, sogar eher im obere Bereich devo, aber han halt e uu schmali Taille. Nur het halt mini FÄ chli Sorge gha, wili am Aafang gad irgendwie 4 Kilo abgno han bis zur 12. Wuche. Mis Mami het aber au gseit, si heigi bi mir und au minere Schwöschter zersch abgno. Läck, fea das isch sicher no umständlich mit de Hose, wännd so am Bode 'umerutsche' tuesch de ganz Tag.

@sporty: hui also BH hani immer no d Originalgrössi. Wow, so cool - ich cha ned so guet Nähe - mir langeds gad mol, amigs de Hosebund iiznäh, weni neui Hose chaufe. Babychleidli würdi glaub ned schaffe... Defür sind mis Mami und mis Gotti (ihri Schwöschter) wie wild am Stricke

Mer wüssed sit em Ultraschall i de 12. Wuche, dass en Bueb git Ich durchbriche da total d Familietradition (Gaaanz vill Wiiber ).

@Gspüre: Ja, meischtens im Sitze. S erschte mol hani ihn am 11. August gspürt, also ca aafangs 19. Wuche. Det het er mol voll nach usse boxet. Glaub ich han ihn scho früener gspürt, bi mir däm aber ned bewusst gsii, wills soo mega fiin gsi isch (oder nach ine uf es Magerumple oder so zruggfüert) Bi däm erschte Boxer bini im Büro am Compi ghocket und plötzlich vor Schreck zämezuckt

@Wunschchind: Es befründets Ehepaar isch länger scho sit letscht Jahr am hibble, und s het noni klappet. Ich hoffe so, dass bi ihne au bald iischlaht. Mer unternäme vill zäme und si gänd üs überhaupt nöd s Gfühl, niidisch z sii oder so, aber ich weiss ja, dass sie sich au sehnlichscht es Baby wünsched... Ab und zue ned ganz eifach. Mir sind jetzt am überlegge, eb mer ihn als Götti frooged (Gotti isch scho gsetzt, d Schwöschter vom GG)... Gad au, will mer so vill mit ihne machäd. Meined ihr, das wär e gueti Idee?

[Talulah]

Guete Morge mini Liebe

Läck da gaht ja was! schöööön, dass Sportyspyce und d Fea au dezuegstosse sind.
Ich persöndlich findes nüd es Problem, dass mer unterschidlich wiit sind, eigentlich eher im Gägeteil . Han gester mim GG vo dem Folge-Theard verzellt. Und er hät also au gmeint, moll da profitiereder doch devo, wenn jedi chli inere andere Wuche isch!

@Gwicht: hmm also Kizank wenn gnueg issisch sötts ja au gnueg Nährstoff ume ha für üch beidi. (bin kei Dökti, isch mini Anahm )
han da mal no de Link dezue gfunde.
http://www.swissmom.ch/schwangerschaft/ ... twicklung/
Irgendwo, au bi Swissmom, hani gläse, dass de Energiebedarf gar nüd vill höcher isch we vor de SS. Ha de Bricht ez aber leider nümme gfunde.

@BH: han au immer no die gliich grössi. Eifach echli meh usgfüllt! Da ich aber eher en chlini Oberwiti han, erwarti ez also au nüd gad es C Chörbli. (Han es A) Mini Sis, wo ez gad im 9te Moned isch, hät aber au xeit, si hed grösseri BHs müesse chaufe. Bin ja mal gspannt.

@fea: oh ja du das stell ich mier ez also au sträng/unagnähm vor mit am Bode sitze und s druckt...

@Sporty: ohh so kuul, ich nähje doch au so gern. chume aber wenni nüd gad Ferie han eifach zwenig dezue.

@Gschlächt wüsse: also iiiich wotts umbedingt wüsse, min GG au. mer sind üs aber nonig so rächt einig ob mers vorher scho verzelled wases git oder nüd. ich xeh äbe kei Grund zums nüd säge, er find es söll en Überraschig bliibe. Warschindli gib ich denn nache!

@Kizank: ich find das en uuuuuh herzigi Idee mitem Götti, wo en guete Kolleg isch.

@Buuch: Kizank, oh demfall bini nüd die einzig, wos scho xeht und de GG nonig!

@me: bin gester gad chli deprimiert xi. Ich tue Grätturne und han normal 2 mal ide Wuche Training. Gester bini s 2ti mal nach de Summerpause wieder xi. Und ich chan afig nurnu d Helfti mache we vorher, will susch ziehts und machts überall. und säge wottis ja au nu nüd, da ich die 12 Wuche wett abwarte. Han mer äbe im vorhinein vorgstellt, dass denn das probleblos gad bis en Buuch in Wäg chunt... wie man sich täuscht!

@FA Termine: also ich find au nüd, dass die müend uf de erste Sitä stah. sind ja eh all ime andere Stadium, de machts au weniger Sinn...

[Awe]

Guete Morge zäme

@Kizank: jo ich bin bim erschte untersuech denn grad afangs 8. woche, hoffe ganz fescht das mer öppis gseht ond s'herzli schloht
ich finde das ganz e schöni idee metem götti, er hed secher freud

@Buuch: ich han natürli no keine aber ich freu mi druf findes aber guet dasi bi eu chan läse wenns losgoht metem büüchli, denn hani vorfreud

@BH: bin jo ersch i de 6. woche ond ha au wenig oberwiiti, aber es quillt scho use...

@fea: schön bisch au debii weisch no mer händ einisch genau metenand ghibblet, bi mer heds denn eifach no 2 mönet bruucht ich verschtoh dich absolut. vor dem hani au mega respekt, wenn d'übelkeit chunt. wenns eim eifach so schlecht esch cha mer fasch ned positiv dänke, das chani mer wörkli vorstelle.

@sportyspice: au cool besch debii ach wie schön ich cha leider ned nähe aber han en grossmuetter wo sich denn glii id arbet stürzt sobald sies weiss

@gspüre: ich gspüre mis schätzli halt noni aber muess mi halt nochli gedulde

@geschlecht: mer lönd eus lo überrasche

@anderne säge: also bi mer wösseds mini bescht fründin (wo au trauzügin esch, ich hürote i 2 woche kirchlich) sie trinkt denn heimlich mini cüpli ond mini eltere wösseds au. mer düends aber nochem 1. untersuech am 29.8 mine schwiegereltere ond de gschwüschterti säge, well die würeds alli merke wenni am hochzit nüt trinke

[fea]

Hallo zämme!

ich ha gescht voll dr Angscht-Dag ka...ich ha sit em Mittwuch zobe harte, verkrampfte Buuch ka...ha die ganz Nacht nid gwüsst wie liege, am Morge isches no schlimmer worde, Ässe hani nümi chönne bhalte durch dr Drugg uf dr Mage...i ha denn dr Hebammehotline aglüte (ha ghofft die seit mir ich sölli mi eifach chli usruihe und die het gseit ich miessi das unbedingt go zeige..denn hani natürlich erst rächt Angscht becho...i ha denn am 4i am Nomidag e Termin ka und dr ganz Dag Angscht dases em Chline nümi guet goht...aber mir sin total beruhigt worde, däm gohts tiptop au dr Muettermund isch no ganz zue, Plazenta i.O.... mini Krämpf wohrschins wäge Magnesiummangel oder wägere liichte Infektion (Harnwäg oder so)...jetzt miemr erst in 5 Wuche wieder go wenn alles guet lauft...e paar Organ het är sogar grad chönne scanne will är eh scho dra gsi isch Mittlerwile gohts au mir wieder guet, bi sehr erlichteret.
ah übrigens, händr gwüsst dass me im Urin gseht wenn me Hunger het? är het gfrogt ob ich kei Zmittag ka heig, ich heig do sone Wärt im Urin wos nume git weme Hunger het

am Oobe binich denn dopplet versöhnt worde für dr schwierig Dag...erstens isch unser Chlins sehr läbhaft gsi und het mis guet gspüre lo und zweitens hani no e gaaaanz e härzigs Päckli im Briefkaschte ka wo mi sehr gfreut het. Dankeschön Sporty!!!!

Ich hoff euch allne gohts guet!!

Mir gön hüt zur Trageberotig, do freu ich mi au. Und d Sunne schiint! Was wott me also meh ))

e guete Dag allne!

[Kizank]

So schön, fea! Zum Glück isch alles guet, und het dich dis Baby no so versöhnt.
Ich bi eimal (weiss nümme, wänn) uf di halbi zwöfli zur FÄ, und det het si nüt gseit wäg em Urin, aber d Bluetwert sind biz durenand gsii. Ha dänn gseit, ja ich heg halt no kä Zmittag gha...

GG und ich händ geschter en grosse Tag gha. Sind uf em Notariat für de Huuschauf gsii. Jetzt simmer offiziell Hüüslibsitzer S ganze rundume (Renoviere, Umzug) macht mr aber scho no chli Buuchweh. Bi froh, wänn das gschafft isch.

[Awe]

Hoi zäme

@fea: das freut mi das alles in ordnig esch onds du weder chasch gnüsse. hätt au angst öbercho, aber zum
glück esch alles guet metem baby

nei das hani no nie ghört metem hunger, intressant

@Kizank: wow gratuliere herzlich zum hüüsli jo das get denn scho no rächt arbet, aber umso schöner wenn denn alles fertig esch

@me: bi mer nöchet langsam de 1. untersuech, ersch esch immerhin scho nächscht fritig

[LadyWolverine]

Hoi zämme
Dörfi mi do aschliesse?
Chum usem Baselbiet, bi ghürote, Jg. 86, klappet hets bi eus im 2. ÜZ und ich bi no i de Frühschwangerschaft (5+3).
ET wäri irgendwenn Endi April 2015 denn
Bi mega hibbelig wils euses erschte Baby isch. Ha mega Schiss dass doch no irgendöppis schief goht.
Bi mega gereizt und müed. Eifach total k.o.
Kennet dir das au? :/
Wie sit dir mitem Arbeitgeber umgange? Wenn heit dir vrzellt dass dir schwanger sit?
Ha bitz angscht drvor...
LG Lady

[sportyspice]

Guete morge, dir liebe.

@BH: i ha vorher au wenig oberwiti gha... bi miner Schweschter isch das genau glich gsi, i ha bi ihre ufgrund vo dem s erscht mol spekuliert, dass sie schwanger isch. Hätti nid denkt.Bi ehrlich gseit biz geschockt... aber hoff, dass i nid nach dr Geburt nomol mehr Oberwiti ha- find es längt

@fEA: kopf hoch, i ha das letscht wuche imfall au gha... jede morge, bi sogar in dr nacht deswege ufgwache... meh het Gebärmuetter und alles im detail gseh, wills so hart gsi isch. Ha denn sowieso e Termin bi miner FA gha und die het gseit, dass sigi typisch für de Zitpunkt, will s chline e starki Wachstumsphase hebi. Sither hani au s Gfühl mi büchli isch gwachse.

@Talua: Jo das kenn ich, i bi Läuferin, ha au denkt i würd bis zum Schluss vollgas geh... isch jo grundsätzlich nix dregge, will meh jo nid fremdiwürkig het gege dr Buch... aber i finds momentan biz frustrierend, wie schlecht i mag. I bi so schnell usser atem. i bi vorher sehr sehr viel glofe und sicherlich au nid e schlechti Läuferin gsi, aber momentan schlich ich ume jogge cha meh das fascht nid neh. So machts nümm so viel spass... denk es isch fascht eifacher ufe Sportart wechsle, wo i nid so im bluet ha.- Drum wird i wahrschiens bald mehr go schwimme.

@Gschlecht wüsse und bscheid geh: I finds ehrlich gseit biz schad, wenn meh vor dr Geburt alles weiss.. also au als Aghörigi. I ha e Fründin gha, wo im Vorfeld gseit het es git e bueb, er heisst XYZ und er wird denn und denn uf d Welt chi (Kaiserschnitt) hani mega schad gfunde, isch wie wenns Wunder biz verblasst. Ob mehs selber weiss isch jo no s einte, aber nid witer verzähle... das isch doch schad. ABER muess natürlich jede sleber wüsse.

@Lady: Cool, Baselbieterfraktion wachst. Vo wo bisch du??? Schön bisch do drbi.

@Kizank: Herzlichi Gratulation, hammer Gfühl, gäll. Müessed ihr denn viel an euchem Huus mache? Mached ihr alles selber? Mir hei au eis im Früehlig kauft, hei sehr sehr viel selber gemacht... drum hei mir bis zum zügle gwartet mit projekt Baby... jetzt hei mir zwar no immer e hufe wo mir mache, aber nümm soooo dringend und so astrengends. Kellermole... Garte... das goht guet als schwangeri. gniesseds.
Götti: Hm, verstand dini bedenke, aber villicht freue sie sich sehr, und sie hei jo s recht au abzlehne, falls sie nid wette. Find dini Idee herzig. I ha au e Kollegin müesse froge wo scho ewigs schwanger will werde ob sie mini Pilatesstunde denn wett überneh, wenn ich in schwangerschaftsurlaub gang... sie isch au scho ewigs am üebe und i ha mega respekt ghz- aber sie freut sich sehr. I glaub so Sache cha meh nid beiflusse und sie chönne so wenig drfür das es nid klappt wie mir, dass es grad klappt het. Und villicht git so e neui Ufgob au wieder neue Wind bi ohne- und plötzlich klappts au dört.
Ha amigs scho e schlechts gwüsse, dass es bi eus sooooo schnell klappt het. Bim 1.ÜZ und ich Depp ha angscht gha, dass mir ewigs warte. Euses chline het nid chönne warte... und mir sind mega happy.

[Awe]

Guete Morge zäme

@LadyWolverine: herzlich willkomme bi eus ond gratuliere der vo herze zu dinere schwangerschaft
Jetzt esch au öppe debii wo no ganz am afang esch wie ich, bin jetzt i de 7.te woche
Chan der au sehr guet nochefühle, bi mer esches au s'erschte baby (imfall bi allne i dem chat)
ond mer freued eus riiiisig klar han ich au angscht das no ergend öppis chan schief go aber ich bin
ganz positiv igstellt ond plange uf de nächscht fritig, wenn mer zum 1. ultraschall chönd go.

Also ich han bis jetzt no keini bschwerde usser das brüst spanned, und geschter esch mer doch scho einisch mol liecht übel gsi de tag dur.

Also ich säges am arbeitgeber noch dene 3 mönet ond han gar kei angst. ich weiss min chef wird sich sehr
freue ond ich chan au zimmli secher nochher wiiters det im teilpensum schaffe.
Wieso hesch denn du chli angst wenni dörf froge?

Hesch susch no öpper igweiht bis jetzt? Bi mer wösseds d'eltere ond nochem ultraschall denn au d'schwiegereltere ond gschwüschterti. am reste wämmers erscht noch dene 3 mönet säge