Frühlings-Kinderwünsche - wir haben's geschafft

[Kizank]

Hoi zäme!

Hey, bi zrugg vom Organscreening
Alles paletti mit em Chliine. Isch scho (errechnet) 26cm gross! Läck das isch soo villl sit em letschte Untersuech... Wahnsinn... 3D Ultraschall isch ok gsi, leider het er di ganz Ziit d Händli vor em Gsicht ghaa. Trotzdem es guets Foti chönne machä. Und me erkennt scho es richtigs Gsicht. Einisch het er sogar s Müüli chli uuf und wider zue gmacht!
Für euse Flug uf Elba gseht au alles guet uus. Mumu verhebt super, sett also kei Problem gäh.

@Basteln: Glaube ich mache ned z vill... Chunnt no chli drufaa, wies mit de Renovation und Umzug lauft, aber glaube ned, dasi gross dezue chume, im Voruus vill z mache.

@Spüren: Ha Vorderwandplazenta - drum bisher nur sporadisch gspüürt. Aber am Samstig het GG ihn vo usse au gspüürt!

[Kizank]

Churze Nachtrag:
Einzigs Wülchli am Horizont isch, dass i Kell öpis seltnigs bi, und vo mim GG wüsse mers nonig. Bi ja bi eme andere FA gsi hüt, wie sus. Dem isch das ufgfalle, dass me das no abkläre söttet. Setti aber meischtens ned zu Problem füere. Wäge Rhesus bruchi eh scho d Sprütze (bin 0 negativ, GG 0 positiv). So gits halt nomol eini meh.

[Awe]

hoi zäme

@Kizank: wow scho 26 cm, das esch jo riesig (chunt mer ämel so vor im gegesatz zu mim schätzli wo fangs
en cm gross isch )
Schön esch alles guet gange ond so cool hesch chöne 3D luege
Wenn gönder id Ferie?
öbrigens chamer min ET uf 16.04.2015 ändere

@sportyspice: jo allgemein de ganz untersuech esch bewegend gsi. de FA hed vorher gseit was mer alles setti
gseh ond wo mer gluegt händ esch denn au alles zgseh gsi =) wo mer d'herztön ghört händ bini soo erliechteret ond glücklich gsi, GG au
bin jo i de 8. woche ond de FA hed gmeint d'grössi segi tip top. wie gross esch dis chliine gsi bim erste
untersuech?

muesch luege dis büüchli wachst jetzt secher meega schnell ond denn gsänds de au die andere.
die händ halt amigs anderi auge...wenns de buuch chönted vergliiche wöreds es secher au gseh

@bastle: bi mer esch nochli zfrüeh dra zdänke aber ich möchtis au selber bastle

@me: geschter hani praktisch de ganz tag gschlofe, eifach kabutt gsi. hött bini zum glück weder normal
fit jetzt hämmer nochli ztue, am samstig hämmer hochzit ond am mäntig gohts id flitterwoche
das esch grad e super ablenkig, well noch de ferie gohts genau no 2 täg ond denn chömmer zum
nächste untersuech, freued eus jetzt scho denn chumi de grad i die 12. woche

[sportyspice]

Guete Morge,

@Awe: wow, cool. Vorher isch immer guet... glaub nach hindere verschobe zwerde isch weniger luschtig.
Euses chline isch bim 2. Ultraschall also in dim Ziitpunkt einiges chliner gsi- 6,7cm ... aber es isch wohl sowieso nid s gröschti. Aber sie het gmeint es sigi alles sehr tiptop. I glaub d Spannwiti isch amigs jo au recht gross.

@kIZANK: Wow, dis isch wirklich recht wachse...hesch du scho e grosse buch?
Hesch du au so oft e harte Buch?
Verstands guet, dass ihr grad biz anderi Plän heid... und nid so zum bacshtle chunnsch. Euses Huus isch mittlerwile praktisch komplett fertig, die Wuche gits bi eus s letschte wichtige d heizig... bi froh mache sie das jetzt, hätt mi sehr gestresst, wenn die bis dezember noni gmacht wär. Momentan hei mir jo demnoch au kei Heizeig, was jo in dere Jooresziit vertretbar isch.

i ha am Sunntig im schlaue Buch gläse, dass es in dere Wuche oft zu dehnige vo de Muetterbänder chönn cho und das zumene zieh im Unterbuch chönn füehre... geschter hani sooooo oft e richtig harte Buch gha, so stark, dass i d einzelheite vo dr Gebärmuetter ha chönne ertaste...egal was i gmacht ha. Jetzt bin i biz verunsichered und frog mich ob i das muess go zeige, oder ob das normal isch.
Ha das amigs nur am Morgen früeh gha, aber geschter ganz sicher mehr als 20 mol am Tag.
Ha aber au euses chline guet gspührt, dem gohts also wahrschiens nid schlecht Was mi biz beruigt.

Mi nöchscht FA Termin isch erscht am 17.9 - goht no sooooo lang.

[Talulah]

Guete Morge mitenand

@Kizank: schön isch alles guet nachem Organ-Screening. Wow, das isch ja würkli scho rächt gross! so schön! sorry, das i dim Nachtrag hani nüd ganz verstande?! was isch so selte?
Han au im Chopf, dass am Wuche 25 s Baby überläbensfähig chan si... aber mer studiered ez nümm um das ume.

@Sportyspice: ah das glaubi, dass di nervt, wenn all Fraged wo di Buuch isch... we wit bisch jetzt? sorry, xeh irgendwie üssi Tickers unnedra nümme meinsch wetsch wegen herte Buuch nüd mal churz aalüte? lieber einisch meh als weniger!?
Ah so schön gspürsch dis Chliine amel! ich plange uf de Momänt, wonis serschmal gmerke! hihi, Marathon-Training... ganz di Mama!
i welne Abständ chasch ez amel zum FA?

@Awe: schööön isch alles guet!! und s schlagende Herzli xeh und ghört - unbezahlbar so öppis. gell?! das glaubi gern, mitem ganze Tag schlafe. Hani ab und zue au (gha). ez hesch ja vill schöni Ereignis vor dir. Gnüss es!

@Bastlä: ohhh das findi ganz en schöni Idee mit em sälber bastlä!! ich glaub ich wer au nu de Typ dezue, bin doch sone Bastel-Tante. aber isch halt scho en rächte Ufwand... we du seisch es bruucht halt doch es paar. Hesch denn d Adrässene schomal zämetreit, dass weisch wevill dasses brucht? ich chan mer ez vorstelle dassme schnäll mal bi 100 Stk. isch.

@me: Mini Sis het en riiiiiise Freud dra, dass si dörf Gotti werde. hend sit em leste Fritig agfange de Familie verzelle und jetzt nadisnah de Kollege. Freued sich all so mit üs. uh schön!
Und im Gschäft hanis gester "bichtet". Sie hends aber sowit guet ufgnoh und freuet sich für mich. Han äbe chli schiss gha zum verzelle...

[Kizank]

@Talulah: gäll isch schön, das umezverzelle bi de Familie und Fründe! Me freut sich gad nomol meh Bim Chef hani au mega Bammel gha... Aber er isch sälber Vater und als Kolleg freut er sich - als Chef ischs e Useforderig, wili gärn würd 60% wiiterschaffe. Aber geschter Namittag het er tatsächli gfrogt, wies gange isch bim FA Termin!
Wäg em Kell System chumi au ned ganz druus... http://de.wikipedia.org/wiki/Kell-Cellano-System De FA het aber gseit, das heig no Ziit, das chani nach de Ferie mit minere übliche FÄ aaluege.

@Sportyspice: Wasi öppe ha isch es jucke i de Huut - vom Dehne worschinli. Und weni uf de Siite ligge, ziehts de Buuch halt chli abä, was biz unagnähm isch. Aber hert het er sich bisher nie aagfühlt. Ich wür worschinli de FÄ aalüte und frooge - aber bin au es biz paranoid
Also gfühlt isch de Buuch scho Risig, chume i de Chuchi fasch nüm hinder mim GG dure, wänn er am Rüschte isch (chli ängi Schluuch-chuchi). Aber so zum aaluege ischer no herzig. Froge mi mängisch scho, wie sich das Baby da drin verstecke cha.
Heizig isch bi eus zum Glück käs Thema. Die isch no super (OK, Öl halt, aber ja). Tank wird hüt Nomittag gfüllt.

@Awe: han s Datum aapasst Am Samstig flüüge mer für e Wuche uf Elba. Min GG mues biz schaffe, er und sin Chair vo de ETH organisiered e Summer School uf Elba. Ich flääze am Strand oder Pool ume und lah mi kulinarisch verwöhne Normalerwiis würe mer für de (eh dur d Grossbuechig vergünschtigt) Priis für eus z Zweite zahle, aber er isch ja finanziert, müend nur min Teil zahle. Wär sus 'ned ganz' eusi Priiskategorie, das Hotel.

@Huus: Schlafzimmer gseht scho guet uus, det mues nur no de Parkett abgschliffe wärde. Cha ächt ned verstah, wieso i dene Rüüm überall Teppich verläit worde isch... Soo schöni Holzböde... Nach de Ferie isch dänn s Thema Chuchi und Wänd striiche als erschts aktuell.

[Pesca]

Hoi zämä!
Bin neu i däm Forum, aber Euä Träff mit: Früähligs-Chinderwunsch - mir händs gschafft, hät mi grad so agumpät!
Wär schön wäni da chönt mitdiskutiärä!?!?

Chum usem Zugerland, bi ghüratä, Jg. 78, klappet hets bi üs im 1 ÜZ und ich han mi erscht letscht Frietig positiv teschtät (bin hüt 4 + 1!) Äs isch also no alles ganz frisch und neu für mich/eus. Bin meega hibbelig uf üses erscht Baby und erwart sehnlichst dä 1. FA-Termin am 18.9. Bis jetzt weiss äs nur mini Schwager und sini Frau, will sie am Weekend bi üs uf Bsuäch gsi sind und ich kei Wii trunkä han...Minä Eltärä wotis eigentlich au no diä Wuchä sägä...aber ich wotts chli speziell machä...sinä Eltärä säged mär's dänn wämer Ändi Sept. zu ihnä uf Spaniä gönd go Feriä machä! Nachäm 1. Foti sägis dänn au minä 3 Brüäderä...s'Gschäft versuächi bis am 29.10. hiezhaltä...dänn isch d'Pikettverteilig für's nöchst Jahr...und dört söti nüm uf dä Diänstplan! Ich hoff sie schnallets nöd scho vorhär...mir händ no einigi Gschäftsaläss bis dänn....

Momentan bini rächt müäd...ab und zuä isch's mär schlächt...aber das isch nöd so schlimm...für so äs chlises Würmli nimmt mär das gärn in Chauf...

Liäbi Grüässli usäm sunnigä Züri (woni schaff)

[Gini]

Hoi zäme

Freue mi weni au mini Spure cha hinterloh im Folgetread..
Mir sind sit em Früehlig am herzle fürs 2te. (sit März) im Mai bini den SS worde, jedoch leider im Juli en FG gha.
Ond jetzt beni im erschte Zyklus nach de FG wider schwanger worde. Es isch no mega früsch, aber trotzdem wogi mich do scho mitschriebe. Han hüt nachem positive Tescht uf Arote vo mim nervöse GG, smile... scho de Fä aglütet, am 23.09. dörfi s erscht mol verbi. Dörf aber hüt no es Medi go hole, weiss jetzt grad de Name ned vo dem, aber es handelt sich um Gelbkörperhormon wo selle helfe, d SS unterstütze..

Verzelle:
Im Job ond au de Bekannte natürlich erscht nach 12 Woche.
Do mir d Erfahrig gmacht hend, dass vorallem mini Eltere chli überfordert gsi sind nach de FG, wettis ihne scho früehner verzelle. Si hend denn öisi Tochter müesse hüete ond sind glaub zimli baff gsi ab dene negative news.
Ond so chöne si sich scho dra gwöhne..ond i gange i 2 Woche no id Ferie mitene, so wüsse si was lauft, wenns mir mol schlecht isch oder so.

Natürlich hoffe mir, alles chonnt guet. Trotzdem weissi, au dasmol isch d Chance vonere FG bi 20%, do hilft alles bätte nüd..Aber i ha mir fescht vor gnoh, d Angscht nid überhand lo z näh ond eifach s näh wies chonnt.

I wünsche euch allne e gueti SS. Freue mi uf Ustusch!

[Awe]

@Gini: Herzlich willkomme ond so schön heds grad weder klappet Das hilft eim velecht au nochli meh über de Verlust hinweg. Dörf ich dich froge i welere ssw du d'FG gha hesch?

Damol chunt secher alles guet. Mer chönd chli zäme uf de Termin warte, mer händ de 2. Ultraschall am
25.09. ond uf de bini au ganz gspannt. Det werded denn nochli meh sache testet ond ich hoffe au det esch
emmer no alles guet.

[Kizank]

@Gini: wie scho im Früeligshibbelchat gschribe: gratuliere dir ganz herzlich! Soo schön, dass so glii wider klappet het!! Ich hoffe ganz fescht für dich, dass sich das Chliine ganz guet feschthebet und bi dir bliibt! Mögts dr sooo gönne, würkli! Vilich e gueti Idee mit em Medi. Nützts nüt, so schads nüt. Mit em verzelle hani au no lang abgwartet zum Teil. Für dini Eltere isches sicher au schön, wänns erfahred, dass so glii wider klappet het. Ich wünsche, dass du würkli e gueti Ziit chasch haa unds schaffsch, dass di d Angscht ned beherrscht. Glaubi dir, dass das ned eifach isch... Alles, alles Gueti!!

@Pesca: Herzlich willkomme! Gratuliere zu dim positive Tescht! Eifach dassds weisch, mer andere hend eus ursprünglich ime andere Thread troffe, wo mer no am 'üebe' gsii sind und kenned eus (und ggf Vorgschichte) drum scho chli. Ussertdäm gits Monats-Threads wo sich werdendi Mamis wo im gliche Monet ET händ träffed. Dörfsch aber au gern da blibe, wennd möchtisch!
18.9. isch ja mega früe für de erscht Untersuech. Ned verschrecke, wemmer no nüt gseht, gäll! Im Büro hani bis zur 13. Wuche nüt gseit, denn mol min Chef informiert. Mit em Rescht hani sogar no länger gwartet.
Hoffe, d Übelkeit ränkt sich wider ii - ich bi zum Glück verschont blibe. Nur so allgemein Apetitlosigkeit gha am Aafang.

[Talulah]

Hi @ all

@Gini: Herzlichi Gratulatiooooooooooooon!!! Freut mi so für dich, dass ez so schnell wieder klapped hät!! We gaz der so, irgendwelchi Beschwerde?
Sorry wenni das frage: isch s Risiko vonere FG nüd immer bi 20%? Also au binere 1. SS meini.

@Kizank: Jaaa es isch herrlich. Vorallem au entspannter wänn di nüd mit 7 Usrede vorem Glas Wy muesch drücke oder die halb Zyt de Buuch izieh, will mers nonig dörf xeh...
oh das glaubi, dass das en Useforderig füre Chef isch. (schön dasser sich als Kolleg glich für dich freut) Und wenn ez öpper nüs die restliche 40% wür überneh, meinsch klapped das nüd?
Ich wetti ebe au nachher no am gliiche Ort schaffe, eifach im 20% Pensum. Hoffe das chömmer so anebüge.
OMG das tönt ja komliziert mit dem Kell System! hoffe aber, dass nüd es Problem wird oder so!
Das mit dene Teppiche wirdi au nie verstah!! Hät me aber früehner no hüüfig gmacht!

@Pesca: ich schlüss mich da gad de Kizank ah und herzlich willkomme!

@me: hüt s erschmal SS-Hose montiert. Sind zwar tendenziell nochli z`lugg aber zum sitze genau otimal. Herrlich!

[Gini]

hoi zäme

Meld mi au no churz..

Danke vill mol fürs Willkommeheisse.

@Awe: D FG hani bi 8+5 bemerkt. Dh, bin im Büro gsi ond ha Bluetige bicho. Bin dänn ufgstande ond ha gseit, i müess go, heig en Notfall…Bim Arzt hani denn leider keis Schlagends herzli meh dörfe gseh. Er het gmeint, es seig so i de 7te ume gstorbe. Leider.
Mini Bürogspändli hend denn natürlich welle wüsse was isch, on i hans denne verzellt werom dass ig so schlagartig de Arbeitsplatz verloh han. Es Zitli het mich das gstresst, aber i has guet verdaut ond gange wider gern a min Arbeitsplatz. Isch jo nur wenig (20%)

@Talulah: Do hesch du glaub ganz recht. Es isch immer so es Risiko! Also au binere 1. SS. Het mir ämu d Verträtig vo minere Fä dennzumol gseit. Aber ebe gäll, vergässe mer lieber die Prozentsätz. Bi halt eher öpper wo realistisch isch ond i wett ned z fescht enttüscht si wenn wider öppis wär..Has geschter scho minere Schwiegermuetter verzellt, si isch fascht usflippt vor Freud. Ha denn gseit, si sell sich bitte beruehige, es seig jo no sooooo früsch. Aber si isch so positiv ond da duet mir guet. Chome jetzt flissig sms über vonere ond si frogt wies goht:-)

Mini Eltere sind no im Urlaub, säge duenis mol am weekend.

@me: Ha geschter scho dörfe Uterogestan hole bi de Fä ond jetzt hoffi, es würkt. Fühle mi im Moment zfriede.
Ond chli müed…hihi

Bis bald

[Gini]

@ Pesca: herzlich willkomme!!!

@Kizank: Jo das hoffi au, dass d Angscht nid überhand nimmt. Natürlich hani immer mol wider so Gedanke, aber eigentlich bini recht glasse im Moment. Denke wenns denn ufe erschti US (23.09) zuegoht, wirdi chli nervös. Aber das het jo glaub jedi Frau!

Bye Bye

[Kizank]

@Awe: Uiii, Kreta isch meega schön im Fall! Bi det au mol zwei Wuche i de Ferie gsii. Nämeder no es Mietauto für es paar Täg, zum chli umefahre?
Wännd mol es super Meer-Bade-Vergnüege willsch, gönd uf Ierapetra. Isch en Chiis-Strand, aber s Wasser isch hammermässig - ha mi eifach is Wasser gleit, und dänn nacheme Wiili mol abegluegt und dänkt, ja easy, da chani ja no locker stah. Bi prompt abtaucht. Au wonis bewusst druf aagleit ha, de Grund z berüere hanis ned gschafft. Würkli meega schön. Ierapetra isch au die südlichscht Europäisch Stadt (Geographisch gseh - Zypere isch jo eigentli Asiatisch).

[Awe]

@Kizank: danke för de tipp, das werdi mer uf jede fall merke jo mer düend secher es paar täg es auto miete.
freued eus so, vorallem noch dem hochzitsstress hämmers eus wörkli verdient mer händ emmer scho mol uf griecheland welle ond denn hämmer dänkt wieso ned i de flitterwoche, flüüge düemer au ned gern lang ond jetzt woni schwanger bi, bini au froh semmer nor knapp 3 stund am flüge.

[sportyspice]

Hallo!

@Awe: Ach herrje, ha grad fescht gstellt, dass euses chline bi 12+ sogar nur 5,5cm chli gsi isch. Aber eueses isch wie gseit eher chli. Es isch in dr 6ssw nur 3,7 mm gsi, aber mit eme sehr regelmässige Herzschlag. Schienbar stimme eusi Berechtige... sie het eus uf jedefall das jedes mol so versicheret. Bin sehr sehr gspannt ufe nöchscht Ultraschall.

@Gini: herzlich willkomme, schön bisch au mit drbi.
@ Pesca: Ebefalls herzlich willkomme... bi euch gitts jo wirklich Früehligskinder... bi eus wärs so plant gsi, aber euses Lusskeibli het kei Geduld gha.

@Me: i bi momentan sehr verunsichert. Hoff dir kenned das Gfühl. Meh wett als Mami jo alles richtig mache. i wett nid zur Fraueärztin wäge nix, aber i wetts au nid verpasse... find das momentan imens schwierig zum abschätze. Und e Rot geh cha niem. i bi jo wie die meischte do au zum erschte mol schwanger, also keini Erfahrungswert. Mir isch bewusst, dass wenn dr Buch wachst und s Chind ums gümpereled, meh ab und zue es zieh und es steche cha gspühre. Was isch normal, was isch zvill? i ha scho so oft e harte Buch, grundsätzlich völlig schmerzlos, und s chline gümpereld fliessig, aber so oft, isch das normal bi 19 +4?? I muess erscht am 17.9 zum grosse Organscreening. Irgendwie hani denkt i wart mol ab, aber i dreih mi im Kreis. Magnesium nützt nix... aber wie gseit es isch au voll schmerzlos.
i muess drzue no säge, i bi biz traumatisiert, mir het mol e Arzt über längeri Ziit igredet, dass i mir symptom nid sell ibilde... bis meh nach x Monet gmerkt het (per Zuefall, will dr 1.Arzt in de Ferie gsi isch- )dass i praktisch kei Ise meh im bluet han und i Borreolose gha han- de isch fascht d Wänd uf.
... sither hani immer angscht, dass i mir das nur chönnt ibilde.

bin aber alles anderi als Psychisch instabil und ha schiens e imens guets Körpergfühl.


Liebi Grüess

[fea]

Guete Morge Alli zäme

sporty, ich schätz di au alles andere als hysterisch ii...und wenn du also über mehreri Däg unsicher bisch, denn lüt doch gliich mol aa! oder vilicht dr Hebammehotline? Gits so öbis au bi euch am Spital. Wonich s letzt mol aglüte ha wäge de Krämpf hän si mi zwar sofort zum Arzt gschickt, aber ich ha jo au Schmärze ka und Erbroche. Also wenns bi dir schmärzfrei isch, könne si dir vilicht no Tipps gä. oder dir ebbe roote obs söllsch go zeige oder obs nid pressiert...

@me: ich bi jetzt im 5. Monet und ändlig gohts mir guet!! nid 24h pro Dag aber öbbe 20h....und allgemein bini zfriede und fröhlich

[Talulah]

Hallo mitenand

@Sportyspice: ich bin ez au nüd die wo weg jedem "bitzeli" zum Arzt rännt. Aber glaub en herte Buuch würi würkli schnäll zeige. Sovill ich weiss hät me das zwüscheddure aber guet isches glaub nüd... chasch ja eifach mal bim FA altüte. Det werdets der bestimmt am Telefon scho chönne Uskunft geh. Au wegem Stäche meini.
We du seisch, bim andere Arzt wo schlussändlich du glich Rächt gha hesch und ich find ufs Körpergfühl lose chan nüd so falsch si. Du gmerksch ja als einzigi wes dier gaht.

@Kizank: nei so lustig weg de südlichste Stadt. Mier sind ja uf Zypere ide Flitterwuche xi und bim Cape Greco hends üs xeit das seg ez de süd-östlichsti Punkt vo Europa! ich glab die drüllets amel scho so, dass für sie passt - egal wod bisch!

@Awe: ich wünsche üch morn es wunderschöns und unvergesslichs Hochsig!! Gnüssed de Tag i volle Züg und natürli au die aschlüssende Flitterwuche! bin gpsannt, wasd verzelle hesch, wennd wieder hei chunsch!!

@Gini: ja du hesch rächt, gschider nüd zvill über das Nachedänke. Das schützt ja au nüd devor... Positiv dänke und das ufs Chind überträge!
aber ich verstah di scho mitem "realistisch bliibe". Jöööö isch ja voll herzig vodim Schwigermami! Hoffe s Uterogestan hilft fest!!

@all: wünsche üch es schöns WE!

Glg

[Awe]

Guete Morge zäme

@sportyspice: ich han do e site gfunde wo schtoht, wie gross s'baby a welchem tag öppe esch. ond du
besch imfall genau super dine wie ich do gsehne. bi 6+ ond 3.7 mm besch genau i dem rahmen ond bi
mer bi 7+1 chunts au fasch hii

http://www.rund-ums-baby.de/40_wochen/ssl.htm

ich cha dich guet verschtoh met dine ängst, bin mer secher dass sobald mis schätzli au chli grösser esch ond
ichs gspüre dasi au ab ond zue es komisches gfühl ha, wenni sache gspüre woni ned känne. dänke das esch ganz normal. wenn ich dich wär wöri wäge dem harte buuch susch eifach "nor" im FA alüte? denn chasches im FA oder de mpa erlütere ond die wössed meistens was druf säge. ond wenn das ganz normal esch denn chasch beruhigt uf de nächscht untersuech warte.

@fea: schön gohts euch zwoi so guet ond chasches jetzt richtig gnüsse

@me: ich bin hött met mim chliine in 3. monet gstartet ond eus gohts tip top morn han ich mis
hochzitsfäscht ond am mäntig gohts för 2 wochen uf kreta id flitterwochen, mer freued eus soo
das verkürzt de monet natürli extrem ond mer chönd 3 täg noch de ferie bereits zum 2. ultraschall ond
de gohts no e woche ond die 3 mönet send dure ond ich cha mis glück mett allne teile

wönsch eu allne e gueti ziit ond bis gli gli weder

[Awe]

@Talulah: danke der vellmol