Frühlings-Kinderwünsche - wir haben's geschafft

[Kizank]

@Talulah: politisch gseh schtimmt das scho! Aber rein geographisch ghört zypere ebe scho zu Asie

@Awe: Hee, ich wünsche dir vo Herze morn en ganz, ganz schöne, unvergessliche Tag!! Und dänn ebe no e schöni, erholsami Ziit uf Kreta!

@sporty: du bisch nöd hysterisch. Ich bi am Aafang, gad so zwüsche 10-14 wuche immer wider mol verschrocke, wili ebe nüt me gmerkt han! Guet, das het mis Mami dänn bestätigt, das sigi normal. Ich bin au als Hypochonder heregstellt worde, ersch nach eme MRI het de Arzt verdatteret gmeint, es sig es Wunder, dasi no so guet chöni laufe... Lüüt doch eifach mol aa i de Praxis. D Schwangerschaft goht no lang gnueg, wär doch schad, wännd dauernd irgendwelchi Sorge umetreisch. Ich ha bis jetzt immer sehr fründlichi Uskunft übercho, weni nahgfrogt han. Mini FÄ het gseit, si heig scho vill hysterischeri Frauene betreut

@fea: gäll, isch gad e super Ziit! bin jetzt i de 22. Wuche und ussert, dass s Büchli mängisch chli in Wäg chunnt, gahts mir mega guet. Also alli, falls ihr no vor händ, id Ferie z gah oder so - isch also au zu dem Ziitpunkt no super möglich!

[fea]

hey kizank und sporty, zeige dr mol euri büüchli ?

[sportyspice]

Guete Morge,

Also i ha gesuchter am Morge schnell aglüte und gfrogt was sie meint. sie isch sehr sehr lieb gsi und het gseit, i würds selber scho gspühre, wenn öbbis nid würd stimme. Wenn i e Druck nach unte hätti oder Blutige oder ähnlichs, oder s wirklich au e schmerhafti Sach wär. Oders mir wirklich nid würd guet goh und is Gfühl hätt s chline würd öbbis nid stimme, denn sell mi sofort melde. suscht sigis normal, dass dr buch um die 20. ssw würd stark wachse und demnoch müess dehnt werde und demnach unter anderem au chönn hart werde. Bi schlanke Fraue sig das je nach dem früehner dr Fall. (ha das au sid 2 Wuche). Wenn s zvill kontraktione gäbi, denn bestoht natürlich d gfohr, dass die ufe Muettermund chönne wirke... aber es chönne au ganz vill kontraktione pro Tag si ohne irgend e veränderig. (wies schienbar bi mir dr Fall sich!).
Muess es aber s nöchscht mol 17.9 nomol aspreche und sie luegt nomol genau.
Bi sehr froh gsi, hani aglüte, das hani mir gwünscht, die Bestätigung.
mini Kontraktione sind zwar unagnehm, aber nid schmerzhaft.
Und euses chline isch momentan sehr aktiv, i has Gfühl d Art vo de Bewegige het sich veränderet. Finds super... und mi Maa het au e riese Freud.

@Fea: mach mol e afang- zeig her dein Bauch

@Awe: wunderschöni Täg. gniess es in volle züg.

Juhui, bi eus isch die erschti Halbziit scho fascht ume... jetzt gohts theoretisch nümm so lang wies scho gange isch... verruckt. Freu mi wahnsinnig.

[Kizank]

Sali zäme!

Bevori en Abflug mache, schriibi nomol churz.

@Buuchfotti: I de Ferie gits sicher e gueti Glägeheit

@sportyspice: Isch doch guet, hesch aaglüte - jetzt muesch dr kä Sorge me mache. Schön merksches so guet, wäg de Vorderwandplazenta merkis nur mittelmässig. Wasi mängisch merke isch, wie wenns sich wür drülle im Buuch. Crazy Gfühl.

@Gini: Ich han mängisch au totali Stimmigslöcher. Isch ned schön, aber ghört halt dezue - hani (und GG) halt soo müesse akzeptiere... Dass du dir Sorge machsch, verstahni absolut. Sicher ned eifach, demit umzgah. Ich hoffe, dass du vo dim noche Umfäld guet unterstützt wirsch (das dörfsch durchus au verlange - gad bi dim GG). Lah di chli verwöhne! Und mach dr bloss ke Vorwürf wäg de Stimmigslöcher! Da chasch du absolut nüt defür!!

Hey, händ ganz e gueti Ziit, passed uf eu uuf und heissed d Neuakömmling lieb willkomme für mich

[fea]

Guete Morge alli zämme!

also sporty, brandneui Foti vo mir lutt Arzt also hüt 19+0, lutt mir e Wuche meh

kizank, ganz ganz wunderbari Ferie hoffentlich no voller Summer!!

an alli e wunderbare, warme Spootsummerdag!

[sportyspice]

tata... mi buch hüt 20+2 au nümm z überseh...

[sportyspice]

has gschafft... so do jetzt wirklich mis bild.

[Talulah]

Sooooo schööön üchi Büch! Han gad richtig Freud!

@Sportyspice: lago mio, du bisch ja gadechli trainiert!! we hesches mim Buuch, immerno so hert?

@Fea: und bi dier xeht me au scho s Büchli!

@Kizank: hani nüd gwüsst wegem Politische und gegrafische Standort (ha gmeint beides ghört zu Europa). Chunt ja au nüd so drufab!

@awe: freu mi wider öppis vo dier z ghöre nach de Flittis!

@all: we gaz üch allne so?

[Talulah]

ich han mal schnell en Frag:

Han scho ghört, dass me gwüssi Tee ide SS nüd sötti trinke... Han ez gad en Packig Schwarztee offe und trinke normal ca. 2 bis max. 3 Tassli Tee am Tag. Weiss öpper vo üch da meh drüber? Oder wird das mitem Schwarztee erst im 3. Trimester es Thema?

Danke schomal im Vorus.

[Kizank]

Hoi zäme!

Bin zrugg us de Ferie! Het guet tah, mol e Wuche lang pause vo allem, und mi au mol chli bewusster uf s Baby z konzentriere.
Immer nach em Schwimme im Meer hets, chum bini mol 5 Min ruhig uf em Ligistuel gläge, aafange umekicke.
Min GG mues jetzt de no bi de FÄ aatraabe, wäg de Kell Bestimmig...

Hüt bini am 5i verwachet und ha nümm chönne iischlafe. Jetzt isch mr irgendwie komisch... Glaub, gange hüt früe hei.

@Eigeheim: Elektriker hetti eigentlich sötte d Chuchi mache, isch aber ned uftaucht... Und hüt chunnt de Gipser go luege, was me alles mache mues.

@Talulah: Hmm, muesch dr glaub kä Sorge mache - d Warnige sind ja meischtens wägem Koffein. Und ich trinke au 2 Kafi am Tag. Mini FÄ het gseit, ich chöni gar ned so vill Kafi trinke, wies schädlich wär (trinke sus aber kä Cola, RedBull und ähnlichs). Schwarztee het sicher ned mee Koffein wie normale Kafi...

[sportyspice]

Guete morge!

Talulah: Danke, jo meh het s mol d Buchmuskle besser gseh
Kaffi und Koffein und Schwarztee: naja sie säge glaub scho meh setti das nid zvill konsumiere, wills s Wachstum vom Bebe chönn hemme. Chunnt halt au immer druf a wieviel meh vor dr Schwangerschaft konsumiert het und somit dr Körper gwöhnt isch. Chlini Mengene sind sicher unbedenklich... aber exzessive würd i das jetzt nid konsumiere.
Guet i bi Koffein abstinenzlerin, has no nie gern gha und drum sich es au nie e Thema gsi. Aber i denk e Entzug grad afangs Schwangerschaft wär au nid ideal.

kizank: Schöni Ferie gha? Goht mir ähnlich, euses chline schient scho e tagesrhytmus zha... weiss immer wenns amigs aktiv isch... wenn i gmüetlich ins Bett lieg, denn isch au action agseit find ich aber die schönschti Ischlofmassage... zumindescht no im Moment.

Juhui morn gönge mir go Organscreening. I freu mich.

Wer will eigentlich wo Gebäre und wie? Gits do Kaiserschnitt Befürworterinnen????
Ich wett mi Beleghebamme im Spital.

[Kizank]

Guete Morge zäme!

@sporty: Läck ich ha no dänkt, din Buuch sig aber chlii - GG het vo mir e Foti genau vo de Siite gmacht, da isch gar ned vill meh, wie bi dir. Debii fühlt er sich scho richtig gross aa... Worschinli, wills ja au nach inne gwölbt isch. Und vo schräg vorne würkt er irgendwie au grösser...
Aso geschter hettis ruig chli gmüetlicher dörfte sii - im Halbschlaf plötzlich en hammer Tritt kassiert, ha gad verchlupft usgschnuuft. GG murmlet es "tschuldigung" is Chopfchüssi ... Mir sind jetzt am werweiswe, eb mers gad scho für s Baby-Karate aamälde wänd

GG weigeret sich, s foti usezrucke Mues ihn hüt nomol aakicke dass mer nomol eis mached, bi bessere Liechtverhältnis.

@Geburt: Wie sportyspice - min Wunsch isch mit Beleghebamme im Spital. Kollegin het mer eini aagäh, wo si mega happy gsii isch. Kaiserschnitt mues jedi für sich wüsse - ich möchtis lieber zersch natürlich probiere. Wänns Komplikatione git, chame im Spital ja schnäll reagiere, und gsehni im Moment au nonig als Tragödie, falls so wiit chiem.

[Awe]

Guete Morge zäme

Ich bin zrugg us de wonderschöne Flitterwoche, mer händs sehr gnosse ond weder mol richtig chöne
entspanne

@Büchli: wow schön send euchi büüchli bi mer gseht mer ersch das woni i de ferie agässe han aber
das esch schnell weder dune...

@sportyspice: wie eschs organscreening gsi??

wie gohts euch susch allne so?

@me: ich bin jetzt au bereits i de 11. woche öbermorn hämmer de 2. ultraschall ond ich freu mi riesig, äntli weder mol euses schätzli gseh ond wies gwachse esch, hoffe alles esch guet.

[fea]

@awe: willkomme zrugg! schön händr sone schöni zyt ka!! jo freu di uf dä Ultraschall!! ich ha s dr schönsti gfunde...erstens hets mir sehr gholfe mit dr Übelkeit umzgo will ich mol wieder gwüsst ha für welles wunder ich das muess ushalte, zweitens hets mir Sicherheit gä dass alles guet isch will ichs jo damals noning gspürt ha, drittens gseht me denn no s chind als ganzes ufem Ultraschall wasi mega härzig gfunde ha..bim nägste Ultraschall gseht me denn scho nur no einzelni körperteili und die erkennt me meistens au nur -oder au nid- wenn dr gyn seit was das grad isch

@ alli: hey mir sin do in däm thread jo richtig schribfuul! (also ich natürlich sehr mit iigschlosse!!) wie gohts euch allne??

@me: ich gniess grad e freie dag und s goht mr ganz wunderbar! ich schaff derzyt sehr viel und ich merk dases mir nid guet duet...immer weni e paar dag durchgehend schaff, nimmt d Übelkeit zue, kum ich ohni ziemlich viel Magnesium nid ohni magekrämpf dure dag...kanich mi hingege erhole, chömme mini kräft jewils schnäll zrugg zum glück

dr dag dure gohts mir sowieso meistens sehr guet jetzt! am morge hani amigs no alaufschwierigkeite und v.a. am oobe und indr nacht hani müeh...weni inere chli falsche stellig lieg, wird's mir sofort wieder eländ..aber ebbe, da ich mittlerwile so vieli gueti stunde ha am dag, kani mit däm guet läbe!

hoff dir könned alli dr sälteni sunnedag uf die eint oder anderi wiiis au chli gniesse!

[Kizank]

Hoi zäme!

@Awe: Willkomme zrugg!!! Tönt ja super bi dir Scho gspanne, was du eus vom Ultraschall verzellsch! Vilicht erfahred er ja scho, ebs en Bueb oder es Meitli git! Mir händs i dem Ultraschall i de 12. Wuche vorläufig erfahre und inzwüsche ja bestätigt becho. Es isch würkli interessant, wie vill s Baby am Aafang wachst, was sich alles so uusbildet.

@fea: Ja gäll, isch zwüschedure ned so vill los. Gäll, ha imfall gad öppe i dere Ziit wo du gad bisch au öppe müeh gha mit schloofe. Ich ha Phasene gha, wäni komisch schräg gläge bi, dassi es uu hüüne Zieh im Buuch übercho ha. Luschtigerwiis het sich das aber sit ein, zwei Wuche besseret, obwohl de Buuch gwachse isch. Langsam hani au dusse, wien i am beste us em Bett usechume. Ha befürchtet gha, das wärdi nur no schlimmer. Jetzt isch besser - isch mr au rächt. Isch jo verruckt mit dim Mage. Ich ha zum Glück chum Problem.

@me: Hend d Bluetuuswertig vo mim Maa übercho. Er isch Kell negativ. Settet also kä Problem ha. So ganz gsehni nonig dure. Am 30ischte muesi zum Bluetzuckertesch aatrabe, dänn hani vill, vill Ziit, zum d Ärztin usfrooge. Mängisch boxt s Baby id Blase ine - hei isch das es Gfühl. Es het jetzt zum Teil rächt langi Phasene, wos ganz aktiv isch. Nüt me mit fuul umehange, und ab und zue mit eme Stupser zeige, dass me no da isch.

Langsam wirds mol wider Ziit, dass sich eis vo eusne Gspönli us em hibbel-thread cha aaschlüüsse, gopf!

[Gini]

hallo zäme

Wow, schöni Büch hani do dörfe aluege. I freue mi jetzt scho ufs chugele.

@Awe: Gratuliere no nachträglich zu euchem Fescht (be chli spot) ond schön, händer tolli Flitterwoche gha.
Wow, scho so wit? Läck die Zyt vergoht doch so schnäll. Erscht hesch doch no dini SS verkündet im Hubbel-Thread. Aber isch guet, lauft die Zyt.

@Kizank: Hm, isch scho no interessant mit dere Kell Gschicht. I ha do de überblick überhaupt ned. Ha au gar ned gwüsst, dass es chan unverträglichkeite geh, bis mir en Kollegin das ebe gseit het, will si betroffe isch (ned vo Kell aber si het Rhesusfaktor 0 negativ oder so ond het ämu Sprütze brucht ide SS..

@me: Bin hüt bide Fä gsi. Han min Maa ond die Chlini Grossi mitgschleppt. Si hend denn aber schön brav geartet im Wartezimmer. Wow, s härzli het gschlage!!!!!! Jupeeeeee..Bi grad mega glücklich. Hoffe sehr, dass es so witergoht. Es het sich schön ignischtet ond s Härzli het richtig pumpet. Bi sooo verliebt!!! So het sich min Traum erfüllt, höt innere Wuche hani Geburi ond ha s Geburigschänkli fescht bi mir.

I drü Wuche dörfi wider goh. Normalerwies wär jo erscht chli spöter, aber mini Fä isch gnädig ond het gseit, ich dörf i 3 Wuche wider cho.

Bis bald
Grüessli Gini

[Awe]

hoi zäme

@fea: jo ich freu mi wörkli riiesig dänke au das mer jetzt scho vell meh gseht ond glaub es werded
au no es paar tests gmacht.

@Kizank: mer wänd eus öberrasche lo muess am arzt eifach säge das falls mers wörkli grad setti gseh, das mer de weglueged, aber ich dänke er esch zu dem ziitpunkt no de einzig wo das cha interpretiere

@Gini: danke vellmol das freut mi fescht för dich das alles guet gsi esch bim untersuech ich bin det au mega nervös gsi ond bin so glücklich gsi womer s'herzli ghört händ

@Gschpänli: hoffe au das mer bald weder neui fraue vom hibbelforum döfed begrüesse

[Kizank]

@Gini: hey, schön laufts bi dir i dem Fall au guet!

Ja, Rhesus wüsse mer scho, bin au negativ und GG positiv. Isch aber für s erschte Chind ja absolut ungförlich, me duet denn bald mol mir e Sprütze geh, dass, falls sich s Bluet vom Baby und mir mische tuet, mis Bluet kei Abwehrkörper bildet. Kell isch ebe nomol öpis anders. Bim Kell ischs es Problem, wenn de Vater Positiv und d Mueter negativ isch (bi eus ja anders ume). Dänn chas scho ab Mitti Schwangerschaft Problem gäh - will bim Kell d Mueter scho über de Nabelschnuerkontakt cha Antikörper afange bilde (im Gegesatz zum Rhesus, wo würkli Bluetmischig brucht). Frooge mini FÄ denn no genau, weni für de Bluetzuckertescht aatrabe mues.

@Awe: Jäsoo! Ja denn, wichtig dassds ihm vorher seisch Bi mir ischs extrem dütlich gsii. Es isch so bequem mit halbe gspreizte Bäi daghocket und het 'präsentiert' was Sach isch . FÄ isch au gad chli verchlupft gsii, händ soo müesse lache. Ha vorher mol no en Spruch tue wills so ruhig gsii isch und sich ned so het welle bewege: "Hihi, das git en chliine GG". Tja, git würkli en chliine GG

[sportyspice]

Hallo!

I bi au wieder zrugg, ha e hufe umd Ohre gha und bin nid drzue cho zum schriebe. es isch doch scho wahnsinnig, wie Ziit rennt...zack isch dr September fascht scho wieder dure.
Mir sind letscht Wuche bim Organscreening gsi, alles tiptop het sie gseit. Mir wei eus au loh überrasche was es gitt und i glaub euses Chline hättis au nid pris geh, es het beidi Ärmli und Beinli vorem Köpfli gha. es isch mega härzig gsi.
Ha denn hüt no alli Date usdruckt per Posch becho und bin biz verschrocke... euses Chline isch e Mägerlimucki... es isch wirklich e winzigs, in dr Kurve sehr sehr wiet unde, fascht z underscht. Het mi fascht biz gschockt. I ha jo scho gwüsst, dass es bisher immer sehr chli gsi isch, aber het mir biz angscht gmacht. Klar i bi jo au kei ries, und es het jo durchus vorteil... und i find die chline Babys au die härzigschte, aber ha glich grad biz angscht gha. Aber sie het jo gseit es sigi alles ok. irgendwie gohts bange immer witers. am Afang, denkt meh, juhui, wenn die 12 Wuche dure sind, denn juhui, wenn bimOrganscreening alles guet isch und denn 28. Wuche überlebenfähig... und hoffentlich nid zfrüeh und sowieso. ohje, es wird wohl vorallem erscht afo, wenns denn mol do isch...


@Gini: juhui, hesch es au bald über die 12 Wuche geschafft... hesches es scho breit verkündet oder liegt das no vor dir?

@Kizank: Hahaha, goht mir glich mit de Tritt ind Blose, euses chline isch au mit de Füessli nach abe und lost mich au hüfig ufs WC's go. Ha ständig s gfühl i müess ufs WCs, und wenn i nid gang denn bechum i sehr viel mehr e harte Buch.
Isch dis au eher Nachtaktiv, i glaub euses will mit mir scho biz üebe, dass is denn gwohnt bin znacht ufzstoh

@Awe: schön heid ihrs guet gha, welcome back.

@FEA: schick dir e liebe Gruess durch d Leitung.

[Kizank]

@sporty: Also mis isch am Abig sehr aktiv, so bis am 10ni. Tagsüber gspüür is au ab und zue. Ha aber no nie gha, dass es mich ufgweckt hetti oder dasi ned hetti chönnte schlaafe. Ich säg ihm amigs, "lueg, jetzt dueni aneligge, jetzt tüemmer Pfüüsi mache." Nachher isch meischtens Rue. Mues aber au säge, dasi en zimlich fixe Tagesablauf han, cha also guet sii, dass es sich aapasst het. Bisch au em 28i entgägefiebere i dem Fall En herte Buuch hani glaub no nie gha. Aber was i merke, gäg de Firabig amigs, wie de Buuch abezieht, bi jedem Schritt woni mache.