Juhu auch wir legen los- die Schwangeren

[linn]

Rafa: wie gahts dir/oi? Wie isch din US gsi hüt, fallsen scho gha häsch ?

[Rafa]

Hallo zämä

Min US isch super gsi...alles so wiäs muäss. D'nackäfaltä isch bi 0,8 mm...also perfekt! Nur hani ä halbstund nachäm untersuäch bluätigä übercho bin natürlich mega verschrockä. Dä US isch übrigens dur d'buuchdecki gsi und nöd vaginal, suscht heti ich mir diä bluätig ja nochli chönä erchlärä. Han dänn nomal därfä ga...am würmli gahts zum glück super...sie vermuätet äs hämatom. Han jetzt müässä hei vom schaffä und muäss mich ächli schonä...hoffä äs chunt alles guät!

@chliini
Ojee, plagäd dich diä müädigkeit immer no so??? Diä isch bi mir zum glück viel besser. Ich bin jetzt i dä 12. wuchä!

@linn
Ui ja das tönt sehr sträng...diä arm! Hoffä sie isch mittlerwiilä wieder ganz fit und du häsch dich au wieder chli chönä erholä!
Waaaas? Du häsch erscht i dä 21ssw äs büüchli übercho ? Min buuch gseht mer jetzt scho ganz guät! Han aber scho i dä erschtä ss än riesä buuch gha...wird das mal nöd andersch si

Schönä abig eui allnä

[linn]

Liebi Rafa
Was ghör ich denn da????
Wie gahts dir jetzt? Händ sich dbluetige gleit? Wie gahts wiiter...nimme a, du dörfsch ganz glii wieder gha?
Nimmsch zur sicherheit na magnesium?
Ich hoff du chasch dich guet schone! Häsch öpet für di chlii?

@chliini: wie gahts dir? Immer na im "winterschlaf":(?

Me: de chliine gahts zwar besser, aber de hueste isch na immer da und sie isch immer na müed, wohl au na vom AB.
Yep ich bi ide 20ssw am flughafe als unschwanger dure...resp ha min muetterschaftspass wege de thrombosesprütze müesse zeige, sie händs nöd welle glaube. Jetzt gseht mers aber def, öpe so wie süsch ide 23, debi bini jetzt wuche 18.
Bi irgendwie au wieder einiges müeder, aber isch wohl au swetter und min buch wo mi iischränkt;). Ha mir aber vorgnoh bis zur 25ssw go jogge zgha, bi de mädls bini bis zur 28, aber ebe, ha au en chliinere buuch gha.
Nehmed mers vorzue:).

@september: wie gahts dir?

Liebi Grüessli a alli und gnüssed swetter!!!

[Rafa]

Liäbi linn

Äs gaht mir nöd schlecht...äs blüätet zwar no aber viel weniger. Zudem wirds immer dunkler, sprich langsam chunt alts bluät! Ich muäss mich jetzt schonä...di chli isch bi dä schwiegis! Han kein termin meh übercho! Sie hät mich zerscht au nöd nomal wellä gseh...sie hät gmeint däm chlinä segs bim US so super gangä und alles hegi so guät usgseh dass sie nöd dänki dass öpis mit äm würmli segi...bin aber doch mega froh gsi han ich nomal chönä ga! Sie meint bluätigä i dä SS gäbs no viel und ich segi ja scho i dä 12. wuchä, ab äm so sogar i dä 13. und drum müäss ich mir jetzt nöd meeega sorgä machä sofern diä bluätig wieder ufhört und nöd schlimmer wird!

Ich glaub ihrä das jetzt ämal und vertrau mim chlinä würmli...hät ja bi beidnä US würklich alles suupi usgseh!

[linn]

Liebi rafa

Wie gahts dir? Hät sich alles chli beruhiged?

Liebi Grüessli

[Rafa]

Hallo linn

Mir gahts guät, dankä. Äs hät sich zum glück alles wieder beruhigt. Han hüt nomal därfä churz in US... isch alles tip top...bin so froh!

Und wiä gahts eui allnä so?

Liäbs grüässli Rafa

[linn]

Hoi zäme

Rafa: schön isch alles wieder guet bi dir! Wie gahts jetzt so?

Chliini&September: wie gahts oi?

Me: ich bi am 31.3 bim FA gsi, alles supi, nu scho biz gross. Aber ha bi beidne SS SS-Diabetes gha und wird jetzt wieder so si.
Ich bi zwar schlank und mach unschwanger Marathon, aber mini Wert sind ganz schlimm, so dasi Insulin ha müesse sprütze...gseht wieder schlecht us.
Krampfadere hani jetzt au wieder, aber ade Schamlippe, nüt a de Bei.
Ide erste SS null, denn aber mit de zweite häts agfange, aber ersch nach Wuche 30 und jetzt hanis sit de 18 und sie sind scho recht gross.
Aber Ziit gaht so schnell, bi au scho 20SSW und de Buch isch scho riesig! Gspühre s Chline au scho sit 3 Wuche recht guet:)

Liebi Grüessli a alli

[linn]

Herzlich willkomme Deidelina und Carina16

[Carina16]

Liebi Schwangeri

Freue mech sooooo do z'siii! Lese de mol usfüehrlech noche wenni vo de Ferie heichome! Hoffe es god euich guet!

Ech bätte, dass mis Wörmli es gaaaaaanz starchs esch & sechs jetzt schön bequem macht be mer (ha ämel rächt Radau do i mim UL

Hebod e guete Tag!

[linn]

Herzlich willkomme liebi Alessa:)

[linn]

Schön häsch ois gfunde, Carina:)!
Ich hoff au ganz fescht, dass sich oies Würmli gaaaaanz guet bi dir iniste!!!
Gnüsses...serschte Kind isch soooo spannend!

Liebi Grüessli

[Deidelina]

Hallo Zämme

Ha Euch jetzt au gfunde.
Merci, linn.

Due denn am Obe mich do dureläse, muess no im Gschäft e bitz öbis schaffe.

[alessa]

Jupppiiiiii bin jetzt au da

Freu mich uf der gmeinsami ustusch

Min vermuäteti NMT sötti dr 14.12.2015 sii

Linn, han gad glessä das du ss-diabetes hesch, muäsch jetzt au meh uf dernehrig luägä glich wiä bim normalä diabetes?

Lg

[linn]

Alessa:
Ja genau, zersch ufd ernährig luege bis es nümm gaht und denn halt insulin sprütze. Ich ha leider ganz schlechti wert gha und fascht nüt meh chöne esse...nur scho e mango hät glanget wegem fruchtzucker. Je grösser skind wird, desto schlechter die eigne wert, drum chas hüfig si, das es ebe nur mit de ernährig nümm langet.
Häsch erfahrig?
Cool, dezember isch au cool! Ha zwei gottekind, eis afangs dez, sander am 24:)

[alessa]

Nei ha kei erfahrig, aber ich weiss diabetes isch nöd zunterschetzä. Luäg dir demfall guät damits üch 2 guät gaht

Ich bin selber äs dezemberli (26), hettis mim chind nöd gwünscht aber es sötti ja idr erstä helfti cho, find das gaht no, aber um wiähnachtä isch amel nöd so schön geburi zha

[linn]

Du gäll, hauptsach es klappet alles mit schwanger werde und sbaby isch gsund! Sdatum isch als kind wohl ärgerlicher als denn erwachse...känn 5kind wo vom 22-25.12 geburi händ und es isch denn eifach so...wiehnachtskind sind irgendwie au was bsundrigs:)

[Rafa]

Huhuuuu

Herzlich willkommä deidelina, carina und alessa so cool....das freut mich sehr sind ihr au i euisäm grüppli wo hoffentlich bald scho wiiter wachst

@dezemberli
ja gäll wänn mer chänt wählä wür mer sich glaub dä dezember nöd ussuächä als ET aber ebä, hauptsach äs hät klappäd und allnä gahts guät...mer gwöhnt sich a alles. und ja alessa, bi dir isch äs ja äs stückli vor wiähnachtä zum glück

@linn
oje ss-diabetes! känn niemert wo das hät oder gha hät. muäsch aber scho nonig insulin sprützä oder? sind dänn dini zwei töchterli grösser und schwerer gsi bi dä geburt oder hät sich das dur's insulin normalisiert? krampfaderä a dä schamlippä tuät das weh? machä chamer wahrschindlich ja au nüt, oder?
wiä gahts dir suscht so bezüglich schlecht, müädigkeit und sodbrennä? isch alles ächli besser wordä?

@me
mir gahts guät, dankä. han am 14.4 min nächschtä FA-termin...freu mich sehr druf, vor allem nach därä ganzä ufregig mit blüätä! bin aber sehr zuäversichtlich....min buuch isch scho recht gross...weiss echt nöd wo dä no anä möcht aber zum glück nur dä buuch...hoffä äs bliebt so wiä i dä letschtä SS!

wiä gahts eui neuschwangerä so? han imfall churz vor äm testä au mega unterliebsschmerzä gha und gmeint TR chömi jedä momänt...isch glaub normal und ghört ächli däzuä!

schöns tägli eui allnä und gnüssäd d'sunnä!

[chliini22]

Guete Mooorgä

Sorry melde mich au wieder male.. ich kämpfe nach wie vor mit därä schiess müedigkeit und ha hoffnig ufgeh dass es besser wird.. :-S ha etzt dä halbziiit.. also schaff ich die andere 20 wuche au na irgendwie..
Bluetwert sind anschienend ok.. ha na zuesätzlich es Vitamin B becho und Magnesium aber naja nütze tuet alles nüüt.. :-S
Ha mi fängs dra gwöhnt dass ich am 8ti is bett muen.. wenn ichs nöd mache so wie gester unds halbi 10ni wird ja dän merki straf am Folgetag..gseh chum use und weiss etzt scho nüm wie auge offe phalte.. :-S jänu isch friitig..

Gratuliere namal allne Neuschwangere und wünsche eu e beschwerdefrei Schwangerschaft!!

Ich bi bi die Wuche im US gsii aber het nur en churze geh, muen dän am 21.4 wieder gah, dä gits dä Orgranscreen.. bi gspannt.. mir wend nöd wüsse was es git und lönd eus überrasche..mal luege öb das klappet..isch am zistig ziemli blööd daglege und me hettis glaub offesichtlich gseh..

min buch fangt au a wachse.. langsam chan ichs dä würkli nüm verstecke aber für halbziit halti mich guet.. +/- usgangsgwicht.. mittlerwiilä viellicht +1kg

wie gahts eu allne???

lg

[alessa]

Schönä guätä morgä

Chliini: ohje dini müädigkeit dured aber gad ächli...nimmsch nüt drgegä?

Rafa: hesch immerno bluätigä?

Carina: wiä gahts dir mit dä chrämpf? Han gester magnesium gholt, diä nacht isch viel besser gsi aber han immerno.

Deidelina + Linn: wiä gahts üch?

Me: ich fühl mich sooo nöd SS Chan mich irgendwiä garnöd so richtig freuä, han immer sgfühl dr Test sig ä verarsch... gsi

Schöns tägli

[linn]

Liebi Alessa

Das isch total normal, bis froh gmerksch nani viel und sgaht der guet!

Liebi Grüessli