Juhu auch wir legen los- die Schwangeren

[Carina16]

Hoi metenand

So, ez semmer deheime vo de Ferie, hend uspackt ond min Liebschti esch scho los zom nöchschte Termin... Do han ech doch mol Ziit, mech be euich z'mälde!

Ha mech so wahnsennig gfreut am Mettwoch, wo ech positiv teschtet ha. Ech ha i de Nacht so Schmärze gha ond be mega deprimiert gsi so nochem Motto "scho weder nüd". De hani aber gmerkt, dassi ned blüete ond denn hani de Tscht gmacht! Hui han ech zetteret! Has chum chönne glaube

Sett denn han ech oft ond mängisch au rächt starch das Zieh im UL, aber das seg jo ergendwie normal schiinbar. Ech lüüte de am Mäntig mim FA ond säges, vellecht muessi de au scho mol verbii...? Wenn send ehr im erschte Ondersuech gsi? Be jo wörkli noni wiit, hät TR erscht am Donnschtig selle becho...

@alessa: Aso ech merke brutal dass einiges i mim Körper am Tue esch, äbe vor allem wäge dem Schmärz wo mech emmer weder dra erenneret Aber ech be no so i de Phase Angscht, dass ergendöbbsi schief god... Das trüebt mini Freuid so chli... Wer weiss, vellecht hani jo au Schmärze well öbbis ned guet esch...? Aber jo, was sells, chani ez eh nüd ändere...

@Chlinii: Scho Halbziit? Wow, ech ha ergendwie z'Gfühl du heigsch erscht grad positiv teschtet Hoffe, es god der glii doch chli besser, dass wenigschtens nmme so müed besch! Du hesch no nüd zuegnoh? Wow, Respäkt! Ech kämpfe scho mis ganze Läbe met mim Gwecht, ech stelle mech drufii, dass i de nöchschte Mönet doch paar Kilo dezue chömid!

@Dezemberli: Das esch jetzt au ned grad dä Monet wo ech mer för mis Chend gwönscht hät, aber das esch ez halt so! s'Schechksal heds schiinbar so welle! Aber emmerhin esch de ned so heiss dosse wenn mer müend metenere riiiiese Chogele dör d'Wältgschecht döregwaggle Hoffe ez mol ned grad dasses de 24. werd, aber äbe... Hauptsach es esch gsond

So, ez mach echs mer chli bequem ond gniesse d'Ziit för mech eleige do.
Hebid es schöns Wochenändi

[chliini22]

hoihoi

Also ich nime selevite und ha na vitamin B becho und im moment magnesium well ich znacht de chrampf im bei gha han...
sie hend extra sbluet gnauer undersuecht und seg ok. Fa het mer nüt me mitge...het mich welle uf 50% chrank schriebe aber da wott ich nöd.. ha etzt paar 4 tage wuche vor mir und i 6 wuche ferie..
froge den abef namal öb i suscht öppis dörf neh..
gwicht: bis etzt zeigt waag plus mi us glich viel aa.. bin nöd dick aber au ned spindeldürr.. wenns nach mir wür gah chonted 5-8kg verschwinde aber tja egal wieviel sport ich mach und na so ufs esse luege gahg ned wiiter abe.. drumm bini nöd truuurig wenn ich nex +30kg ha am schluss..

@neuschwangere: ich ha nie gross dehnigsschmerz gha und wer ich ned so müed wür ich mich nach wie vor unschwanger fühle.. aber magnesium hilft sehr guet bi so sz.

Lg

[linn]

Hoi zäme

Wegem gwicht würi mir nöd so sorge mache, das gaht nach de Geburt bi de meiste uh schnell wieder weg, vorallem mitem stille. Einzig wasi beobachtet ha isch, dass de Buch nach spontan Geburte viel schneller wieder schön isch, als nach KS...aber das isch irgendwie au logisch.

Ich ha bi de erschte SS 11.1kg und bi de 2 SS 7.8kg zuegnoh. Mini normale Mass sind 165 und 59kg und scho recht sportlich, was mim Buuch glaub au ghulfe hät. Ich ha 2x normal gebore (iigleitet).

Liebi Grüessli

[Carina16]

Hoi zäme

Muess euich minin Sorg metteile! Ha höt Znacht weder soooooo starchi Schmärze gha, dass ech min Liebste am Morge id Apo gscheckt ha. Do esch är zroggcho & hed gseid mer müessid is Spital! Ech be soooooo verschroke, das chönder mer glaube!

Im Spital hends denn Bluet gno & alles, de esch de Ondersuech cho! Die hed soooooo lang gschallet & hed euis zwar i de Gebärmuetter es chlises Ergendöbbis zeigt, aber hed gseid das chönt au e lääri Blotere siii. Bem lengge Eierstock hed sii de ergebdöbbis gfonde wo ehre gar ned gfallt; sie meint es chönti "eifach e Zyste" sii, aber si wössis ned. De eschsi sech auno metem Oberarzt go bespräche! Sii hed gmeint sie chöng ned usschliesse, dass sech do öppis igneschtet hed wo ned setti siii (((((
Ech be soooooo trurig & veronsecheret. Be höt aso druf vorbereitet worde, dass ech a) mis Wörmli chönt verlüre oder b) en Eileiterschwangerschaft vorliid... I zwe Täg muessi zo mim Gyni, wo ez de ganz Brecht bechond!
Mere goda ächt sch*****, ha Angscht, be trurig!!!! Mer hätted höt anes Gebortstagsfäscht selle, aber ech be ned met; cha höt ned eine of Friede-Freude-Eierkuchen mache...

Hoffe euich gods besser! Wönsche allne e schöne Sonntigobig

[linn]

Liebi Carina
Zersch mal drucki di ganz fescht!!! Verstahn dini Angst total!!
ABER inre so früehe SSWuche ischs normal das mer nani viel gseht! Dini Schmerze sind allerdings scho guet im Aug zbhalte, aber da bisch ja i guete Händ jetzt!
Als chlini Ufmunterig, mini Fründin hät nachem erste Kind 3 Babys verlore, seinte au mit EileiterSS und Eileiter weg. Svierte het luut Arzt au wieder kei gueti Ussichte gha und de Termin zum Uskratze isch gstande...und siehe da, plötzli isch es chlises Würmli mit Herzschlag da gsi...und chunt scho bald ufd Welt!
Luut ihrere Wuche het mer scho lang öpis müesse gseh, aber es hät sich versteckt.
Ich druck dir ganz fescht beid Dümme das es au bi dir guet chunt!

Liebi Grüessli

[September]

Hallo ihr Lieben!!!
I han jetzt endli dä Chat gfunda [-][-][-]!!!

Mini Data

September-1984-1.Kind-ET 3. August- nöchst US 1. Mai


Han mich jetzt dur alles duraglesa.

Puuhhh Mäadigkeit und Sodbrenna, bin zum Glück davo verschont abr ihr arma!!! I hoffa dasses entweder bald ufhört bi eu odr dasser es Mittalo gfinden wo eu wenigstens a bizzali hilft!!

@Carina: da tuat mir unendlich leid!! I drucka ganz ganz fescht düma dass es glich no guat chunt und sich dia schlimma vermuatiga nid bestöätigen!

Rafa: wia gots dir? Immerno alles guat? Gott sei dank hend sich dBluatiga beruhigt!

Weli wucha: woher wüssed ihr gnau weli wucha ihr hend? Mina FA het amel e anderi wucha als ich usgrchnet ha!!?

Gwicht: ui so chani nid mitheba, bin so im der 23./24. wucha und ha scho 7kg meh, abr gemäss minem Umfeld nur am Buuch, dä finden alli um mich uma mega gross! Wo fühert da no hera? Miar hend grad vor Ostera sOrganscreening gha. Alles super und miar hend gseh wases git! Da hilft mir persönlich sehr zum meh a Bindig zu minem Baby heraztsella und obwohl mina Maa zerscht nid het wela wüssa wases git, ischer doch jetzt begeisteret, willers Chlimne scho mit em Nama chan areda! So herzig!!
Und jo sit meh als 3 wucha gspühriga sehr gut und all kräftiger! Es irritier mi mengmol weni so was am reda bi und uf zmol gits e mega Strampf[-][-][-]!!!!!
Leidr hani sit guat 4 wucha extremi ruggaschmerza, somit ghört sit letschter wucha a Rugga-Bandage zu mimera täglicha Bekleidig. Es isch no ungwohnt abr obwohl ich dra zwieflet ha, es hilft!!!!


Wünscha eu allna e wunderchöna obet!

[alessa]

Liäbi Carina
Ich druck dich au ganz fest! Hoffä es chunt alles guät!

September: han viel a dich dänkt da ich scho lang nütmeh kört han vo dir. Freut mich das es dir und em chliinä guät gaht WOW 3. August isch ja scho gli gli...das chunt schneller als mä meint

Linn: du hesch so recht, ich bin natürlich mega froh gahts mir bis jetzt so guät, aber ich han so nüt idä händ darum chan ichs nonig glaubä

Gwicht: ich mach mir da scho au chli sorgä bin au öpert wo immer ufs essä muäss luägä und dur d'visanne hani vo Feb 14-August 14 guäti 5 Kg zuähgno und han vo denä knapp 2 Kg wieder verlorä nach absetzä
ich bin au nur 1,58m chlii und bi 56Kg im Moment...bin ja mal gspannt wiäs wird

Ich han min ersti untersuäch am ziestig dr 21. April, mir sind sooo ufgregt.

Lg

[Deidelina]

Guete Morge Mitenander

@Carina
Das duet mir so Leid für Dich/Euch!
Ich druck alli Dume das trotzdem alles guet chunt.
Jetzt bisch jo zum Glück in guete Händ.
Dänk ganz fest an Dich.

@September
Wow, das goht jo scho nüm so lang bis zum August.

@Rafa
Dankeschön. Momentan gohts recht guet. Usser das d Brüst spanne hani eigentlich nit so wirkliche Beschwerde. Guet am Morge isch mir e bitz "komisch" denn muessi eifach öbis ässe/trinke aber denn gohts au scho wieder. Ab und zue es zieh im UL, aber das isch nit dr Red wert.
Fühl mi grad nit eso richtig schwanger, wobi dr Buuch chani scho nüm eso guet izieh

@Dezember
Hät jetzt au nit unbedingt nomol dä Monet usgsuecht. Aber viellicht schaffe mirs jo und s chunt am gliche Tag wo die Chlei Geburtstag het, 10.12.
Wobi wennis so due schnell usrechne wer dr Termin am 03.12.

@me
Cha jo scho am Fritig zum FA go. Aber weiss nit öb mä denn scho öbis.
Sie händ emol gmeint ich söll glich cho, hät jo Termin zur Johreskontrolle.

[linn]

Carina: wie gahts bi dir?

Alessa& Deidelina: wänder mir na oii Agabe für die erscht Siite dureghe?

[Carina16]

Guete Morge metenand

Danke för die velle liebe Wort ond Omarmige vo euich! Es hed mer sehr guet do! Ech ha geschter döffe zo mim FA ond är esch soooooooooooo lieb gsi. Hed mech mega beruhigt ond mer alles in Rueh erklärt. Er hed gmeint, är gsächi do e schöne Dottersack ond do seg alles i.O. Lut sine Mässige esch geschter 5+2 gsi. Ha sogar scho es Föteli döffe heinäh Är hed gmeint ofem Eierstock gsäch är e chlini Wasserzyschte "völlig onbedütend, chönd Sie grad weder vergässe!". Hei, ben ech erliechteret gsi! Ha zwar emmerno starchi Schmärze, vor allem Znacht, aber do muessi ez wohl döre!

@linn: Nöschte Ondersuech 24.4. ("De chömemer scho id Region womer s'Härzli vellecht cha ghöre")! Danke för dini liebe Beruhige, hed mer wörkli sehr gholfe. Ez hoffemer, es chond alles wies sett!

@September: Schön weder mol vo der zläse ond z'ghöre, dass alles i.O. esch. Hoffe, dini Röggeschmärze wärded glii besser!

Hebid alli en schöne, sorglose Tag!

[September]

Carina: das isch jo suuupper!!!!!!! Sind das Dötsch wo einem immer so Angst mached! SS zsi ich süss scho so a Herusforderig und nochher hetma all no so Pessimista um eina uma wo einem so unsicher mached!!!
Super hesch grad chöna zu dinem FA, freumi sehr für dich! Drucka düma für dö 24isgte!

Ruggaweh: bin ganz ehrlich, bi skeptisch gsi weg dä Ruggabandage ob das würgli hilft, abr miar sind gester guat 5 stund uf dä Bei gsi am Möbel luga und hüt gots witer und han mi super gfühlt! Chan da nu empfehla wener Ruggaweh hend, sägens eurem FA dä verschriebt eu da, denn zahlts KK! I bin begeisteret au wenns nid grad mega sexy isch [-]

Und jo 3. August isch nüma lang hi!!!!! Miar freued üs mega und sChlima stramplet und kickt wia veruggt jeda obet!!! Zwor zum ischlofa chli ungwoht abr i finds so schö!!!!!

E sunniga tag eu allna!!!

[chliini22]

Guete Mooorgä

Euses Grüppli wachst ja.. schöööön

@September: ja die Bandage wird bi mir au na cho.. dä Chiro het aber gmeint ich ha im Moment na zwenig buuch.. bi zwar halbziit aber min buch gseht na na fascht nöd.. Bi nöd truuurig.. langsam wachst er.
Aber ich ha ja scho 2 Bandschiebe dusse und das wär min undergang wen nich etz tna müesst ligge.. :-S
Im Moment gahts mir nach wie vor tiptop abgseh vo därä Müedigkeit aber mit däm wirdi wohl müesse lebe..

@carina: super isch alles im guet und das chund bestimmt guet..eifach positiv denke!!

@zuenäh: bin etzt i dä 20. wuche und im Moment bini bi öppe +/- 1.5kg meh.. aber mit däm chani voll und ganz lebe und hoffe es explodiert etzt nöd gad...

ha hüt innere wuche US und dä gross Organscreen.. bi dä gspannt..

Lg

[alessa]

Carina: das freut mich sehr tuät gad guät so positivi news!

Linn: mini agabä, GL/82/1. Kind/vermuätlich 14.12.15

All: schön gads allnä sowiit so guät!

Guät nacht

[Carina16]

Hoi metenand

Ech hoffe, es god euich allne guet? Ech probiere fescht, positiv z'dänke, au wenn ech emmerno sehr veronsechert be! Ech ha wörkli emmer weder sehr, sehr starchi Schmärze. So fescht, dass mer ergendwenn schlächt werd vor Schmärz. Ech cha de praktisch nüd mache ossert ergendwo härlegge ond vor mech hijömmerle ond stöhne! Es esch aso wörkli ned so loschtig... Aber das schiint de Priis z'sii wo ech för üses Wonder, wo sech ez hoffentlech trotz allem guet entwecklet, muess zahle!

So, ez hani fertig mi Froscht abgloh ond danke förs "Zueläse"

E schöne, sonnige Tag! Enjoy it!

[Rafa]

Hallo zämä

@carina
So guet...das freut mich sehr für dich! Das chunt sicher ganz guät...hoffä diä schmerzä lönd au langsam ächli nah. Isch no komisch das du diä nur znacht häsch...am tag isch dänn alles ruhig? Druck dir au fescht dä duumä für dä 24.4

@alessa
Nei d'bluätigä händ zum glück ufghört...bin mega froh! Han geschter grad därfä in US und äs isch zum glück alles tip top!
Das isch imfall normal dass du dich am afang no nöd schwanger fühlsch...mir sind d'symptom erscht i dä 7. wuchä cho und wer weiss viellicht bliebsch du ja au verschont druck dir dä duumä für am 21.4

@chliini
Immer no so müäd?! Das isch würklich mega unagnehm...ich bin zwar au immer no eher müäd, mis iisä isch aber au schlecht und ich müässt tablettä nä...bring diä aber momentan nöd abä und drum wirds uf ä infusion usälaufä...hani scho i dä erschtä SS brucht

@gewicht
Wür ich mir au nöd so viel sorgä machä. Ich bin 163 und 56 kg und eher sportlich...han 14 kilo zuägno, han aber au än riiiesä buuch gha und bin mit äm glichä gwicht (56 kg) wieder i diä SS gstartät...han bis jetzt 3 kilo zuägno, zum glück nur am buuch, er isch aber au scho wieder uuuh gross
Han spontan vaginal geborä.
Linn, du häsch dich aber sehr guät ghaltä mit äm gwicht i dä SS...respekt!

@september
Schön vo dir z'ghörä und schön gahts eui so guät. Ja bi mir hät sich zum glück alles wieder beruhigt!
Dankä für dä tipp mit dä bandage...han zwar kei problem gha mit äm ruggä i dä erschtä SS und ich hoffä au dasmal nöd aber mer weiss niä!
Wänn du ä anderi wuchä usgrächnät häsch als dä FA dänn hät er evtl. din ET ufgrund vo dä grössi vom chind verschobä. Isch bi mir au so gsi...luut minärä berechnig wär min ET am 23.9 gsi und jetzt isch er am 4.10 aber das chunt guät anä will ich ja so monsterzyklä vo 42 täg gha han.

@deidelina
Viel glück für am frytig...wahrschindlich gseht mer würklich nonig viel. Wieso chasch dänn du scho so frühä ga?

@linn
Wiä gahts mit äm SS-diabetes?

@me
Alles sowiit guät...di chli isch leider chrank...magä-darm sind bis jetzt vo däm verschont bliebä aber eimal triffts eim halt doch!
Min nächschtä US isch am 26.5 - organscreening und hoffentlich outing

Schöns tägli eui allnä

[alessa]

Guätä Morgä

Carina: ich finds scho chli komisch diä starchä schmerzä bi dir Viellicht sinds ja Zwilling und bruched eifach meh platz Hoffä das es dir bald besser gaht.

Kaffi: Trinked ihr eigentlich no Kaffi oder händs ihr gans gstrichä? han amigs bis zu 3 kaffi trunkä und jetzt versuäch garkei meh ztrinkä und wänn nur einä am Vormittag, schaded das würklich soooooo fest?

me: mir gahts sowiit sehr guät han sit gester fast kei UL zieh meh und sust kei ahzeichä.

Schöns Tägli und grüässli

[Rafa]

@alessa
Mer seit 2-3 kaffi pro tag segi bedenkälos...das isch suscht au öpä mini tagesration! Han aber vo dä 7. bis i di 14. wuchä gar kein kaffi meh chönä trinkä...dä isch mir völlig widerstandä und äs isch mir schlecht wordä. Jetzt gnüss ich min kaffi am morgä wieder sehr ich beschränk mich uf 1-2 pro tag! Also einä am morgä und je nach dem wänn ich no abgmacht han än latte am namittag!

[linn]

@carina: sooo schön, das chunt jetzt sicher guet!
Isch allerdings scho nöd so toll, wenn du immer so schmerze häsch!

@september: ja das mitem rugge kenni ja leider au, mir hät de gurt allerdings nöd wahnsinnig viel bracht. Findes aber sehr guet, bringt er dir erliechterig!
Ja gäll august isch au scho glii:)...bi ois wirds aber eber mitti/endi...je nach diabetesproblem.

@chliini: du machsch das scho guet mitem gwicht, aber setz di nöd zfescht under druck. Ich stah nur bi de FÄ ufd waag, das langed;).
Dini müedigkeit trotz dynamisan da? Iisemangel liit nöd vor?

@alessa: gnüsses eifach wenns dir na so guet gaht, bi mir häts bi allne drü ide 6/7ssw agfange:/.

@rafa: haha danke:)...ich ha mich nie lah stresse lah und au sûesses gesse, eifach so das es mit de diabetes passt. Bim stille gaht das denn schnell wieder weg. Finde dini 13kg aber au sehr guet!!
Sölli din ET ändere?

Deidelina&rafa: froied sich oii kind au so ufs baby? Mini zwei chönds chuum erwarte und sie wänd unbedingt numal es schwösterli:)...ich hett also au sehr gern es dritts meitli, han mir immer so fescht meitli gwünscht, aber schlussendlich hauptsach gsund und alles gaht guet!

@kaffi: trink ich au ide regel eine pro tag, max 3. hani bi allne so gmacht.

@me: eig alles supi, händ na badeferie buechet im juni, da froi mi druf...nöd koche, putze etc .
Diabetes halt eifach täglich 4x messe, wird aber wohl bald müsse insulin sprütze.

Liebi Grüessli

[Deidelina]

@Rafa
Ich cha nur so früeh go, wills dr Termin zur Johreskontrolle isch.
Ha aglüte gha und gfrogt ob ich denn glich söll cho
Denn het sie gmeint gha, jo dr Abstrich muess mä glich mache

@Kaffi
Ich trink 2 Kaffis am Tag. Mol luge obs witerhin schmeckt.

@Carina
Bisch en Armi wenn so fest Schmärze hesch.
Ha mir au grad dänkt gha, dass es viellicht Zwilling chönte si

[Rafa]

Guguus

@deidelina
aaah, ja dänn isch alles klar

@linn
nei nei, min ET stimmt ...isch dä 4.10! ich han d'agabä erscht nach mim erschtä FA termin bekannt gä
ja mini chli freut sich au sehr....wiä fescht sie das scho realisiert weiss ich nöd...sie streichlet immer wieder dä buuch und git küssli und verzellt was sie dänn alles macht wänn s'baby da isch, nuggi gä, schöppälä, büächli verzellä isch mega süess! und am zieschtig han ich sie s'erschtä mal zum FA-termin mitgno da er nur ganz churz gsi isch...sie hät dänn äs föteli (US-bildli) vom baby vo dä FA übercho und isch uuuh mega stolz gsi

@me
nöd viel neuis...bin am schaffä und mir händ grad nöd so viel z'tuä drum chan ich chli forümlä

schöns tägli eui allnä