Juhu auch wir legen los- die Schwangeren

[Wendy]

Willkomme Smack
@krankekasse
Ich han bi minere FA müässe es Formular underschriebe ob ich nu die zwei US wo obligatorisch zahlt werded will oder meh. Die andere muess d KK nid zwingend zahle. Im Moment han i aber eh fascht jede Wuche en US will i immer mal wieder blüäte.
I de erschte SS hät d KK all US zahlt und d FA het mi eh det scho als Risikoschwangeri wegem Alter igschuft obwohl i nie Ässä Problem gha han. Drum hät d KK allwäg au all zahlt. Und susch en US isch i de Regel nid so tüür....

[Smack]

Ah ok. Wenn also öpis wär, muess mer meh goh. Ok
Das isch jo denn ok. Und wenns ned so tüür isch, au guet
Hoffe, es blibt bi dier wiiterhi alles guet

[alessa]

Smack: herzlichä Glückwunsch Wünsch dir ä wunderschöni SS
übrigens bin hüt genau bi 12+0 und han immernonig z'gfühl ich seg SS aber liäber so als ständig schlecht

Wendy: isch bi dir immernonig guät mit dä bluätigä?

Rafa: uuuuuund was gits? isch alles guät gangä im untersuäch?


Wünsch üch äs schöns Tägli

[Smack]

Danke Alessa
Ou guet, bini froh imfall. Es isch mer ab und zue chli flau, aber das isch villicht au nur Ibildig.
Gratuliere übrigens zum Bestoh vode "heikle Phase"

Ich glaube, ich lüte hüt mol de FA ah
Wenn hend iehr so aglüte? No chli gwartet oder direkt nochem Tescht?

[alessa]

Smack: Dankä obwohl ich immer no angst han das öpis chönti sii aber ja diä heickli phasä isch eigentlich durä
Ich han gad am nechstä tag aglütä ka, han bi 4+3 testet ka und bi 6+1 han ich in untersuäch chönä

[Smack]

@ Alessa
Ok, ich bin hüt 4+2 (dank eu weissi das)
Uaaah, das machts irgendwie so konkret Jetzt bin grad s'erschte mol irgendwie nervös

[Smack]

oh, meine FA ist bis 1.6 in der Weiterbildung. Nun muss ich definitiv bis nächsten Montag warten zum anmelden ... Schade, aber ich glaube, ans Warten muss ich mich eh gewöhnen

[Smack]

@ Rafa
Alles ok bi dier?

[Rafa]

Hallo zämä

so jetzt chum ich au ändlich wieder däzuä zum eui schriebä

@alessa
ja verstah dich guät bezüglich äm ETT. d'nackäfaltä isch ja minärä meinig na sowieso s'wichtigere vo beidem...han au lang überleit ob ich dä bluättest nöd söll machä aber han än dänn doch gmacht au vor allem no wägäm alter aber het mich glaub au sowieso für das würmli entschiedä!
chunt sicher alles guät...optimistisch si isch sowieso immer s'bescht!

@carina
waaaas, du bisch nümä di jüngscht???
ich hoffä ihr werdet eui einig und ebä wiä scho obä bi dä alessa gschriebä isch eigentlich d'nackäfaltä s'wichtigschtä vo allnä drü sachä wo agluägäd wärdät. ich han mini ss nachäm US wo mer gseh hät das d'nackäfaltä tip top isch offiziel gmacht und bluätwert nöd no abgwartet....bin mir sicher gsi das äs guät chunt! und das wird sicher au bi eui so si!

@wendy
wiä gahts dir und dim würmli? sind diä bluätigä nonig weg?

@smack
ja as wartä muän mer sich inärä SS definitiv gwöhnä mäntig isch ja scho glii und vorher wür mer ja sowieso no nüt gseh...muäsch dänn unbedingt brichtä wänn dä termin häsch, gäll!
wänn isch dänn din ET? ich nimm jetzt ämal a das du dä scho usgrächnät häsch bi mim töchter isch dä ET am 3.2.13 gsi (sie isch dänn aber doch scho im januar cho) und rein vo dä ziit her chönts doch bi dir ungefähr dänn si, oder?

@me
s'organscreening isch tip top gsi...äs gseht alles sehr guät us...mir sind soooo froh, glücklich und dankbar! bi euis gits äs zweits meitli blibä äs meitlimami...min GG isch churz sprachlos gsi aber er freut sich natürlich au sehr...äs wird nöd eifach für ihn...girlspower isch agseit....sogar euisi chatz isch äs wibli

@linn
wiä gahts dir/eui?

[Smack]

@Rafa
Aaaah do bisch jo! Puuuh ha mer scho chli Sorge gmacht.
Jojo, Geduld isch no nie mini Stärchi gsi aber natürlich werd ich den Bscheid gäh
Hihihi nomol es Multitasking-fähiges Läbewese

[Carina16]

Guete Morge metenand

@Rafa: Schön esch alles guet! Freu mech för dech! Ond Gratulation zom Girlpower Danke för d'Motivation; onderdesse semmer euis einig, dass mer de ETT möchid. Wie lang muessmer de abwarte bes d'Resultat vom Bluettescht chömid? Ech Naivchen ha bes jetzt natürli gmeint, das chögid die grad mache...?!?

@smack: Jooooooooooo, die Warterei esch jede Tag met der Sie lod eim eifach ned los! Ständig geds öbbis wo mer druf warted; z'erscht of die frochtbare Täg, de ofe NMT ond ergendeinisch wartisch ständig of neui FA-Termine Aber ech fende, mer muesses eifach positiv gseh ond jede Tag gniesse; soooooooooo oft eschmer jo au ned schwanger im Läbe (die meischte ämel ned, hihi)! PS: Am Afang han ech au gmeint, mer seg amigs chli flau im Mage. Im Nochhinein glaub ech, das esch eifach d'Ufregig gsi; jedes Mol wemmer i Senn cho esch, dass ech schwanger be, hed grad de Mage afo dreie Osserdem esch die "rechtigi" SS-Öbelkeit ganz andersch gsi nochhär... Dröck der Düme, dass vo dem verschont bliibsch... Has ned so wetzig gfonde

@me: Es god mer wörkli tiptop; ech cha jede Tag gniesse, obwohli scho wörkli nömme so mag wie früehner. Jedi Stäge lod mi Pols is Onermässleche lo astiige ond ech ha onderdesse es onverkennbars Büchli öbercho. Aber es esch mer weder schlächt no trömmlig, was ech wörkli sehr schätze! Geschter hani ändli mini bede beschte Fröndinne enformiert! Esch mega härzig gsi, wie sie sech för euis gfreut hend! Ond ech be onändlech froh, dass echs ehne ha chönne säge! Ond i einere Woche esch de hoffentlech alles guet im Ondersuech... ond denn chas wösse wer wett

Wönsche euich en guete Friiitig

[alessa]

Guätä Morgä mitänand

Rafa: sooo schööön isch alles so guät gangä. Hesch du eigentlich vo anfang a gmeint das es nomal äs meitli git oder hesch eher ufä buäb tipt?

Smack: jaja diä warteri....

Carina: schön gahts dir so guät, hesches ja schliesslich etz verdiänt nach diner übelkeit usw.
Der Puls, gaht mir genau glich, vorallem au bim stegä laufä chumi richtig is schnuffä

Me: Ich hans gester im Gschäft mitteilt und ich bin soooo überrascht gsi das sich alli aber würcklich alli so für üs gfreut händ au dr chef...Ich bin so froh wüssetses jetzt, muäss mis büchli nüm versteckä

Chinesisches Horoskop: händ ihr scho mal vo dem Horoskop kört wo seit obs äs meitli oder buäb git?
Han gester dr Test gmacht und es seit Buäb, bin ja mal gspannt

Schöns Tägli

[Rafa]

guäts mörgeli

jööööö smack...alles tip top, dankääää!

@alessa
ich han i därä SS nöd so äs starchs gfühl gha wiä i dä erschtä (detä bin ich mir total sicher gsi dass äs äs meitli git) aber doch han ich eher an än buäb dänkt und au i mim umfeld händ alli ussert öper uf än buäb tippäd
nei känn das chinesiche horoskop nöd aber bin natürlich mega gspannä obs dänn au stimmt häsch nöd du au s'gfühl dass äs än buäb git oder verwechslich dich jetzt ???
suupi händ sich alli im gschäft gfreut...isch doch immer schön wänn mer diä freud chan teilä!

@carina
also ich han s'resultat nach zwei täg gha...mini kollegin häts aber zum bischpiel scho am nächschtä tag gha...isch glaub je nach labor wos anägschickt wird unterschidlich...aber länger als drü täg söts sicher nöd ga!

[Smack]

@ Chinesisches Horoskop
Ou nei, nie ghört, was cheibs isch denn das was?
Mier, Smacker no meh als ich, gönd devo us, es git en Bueb.
Und was am wichtigschte isch... (ironisch natürlich ) Ich hoffe, es hät mini Füess Das isch momentan, eigentlich schon immer, " s'Striit-Thema" Nr. 1 bi üs (immerno ironisch ) Er findet, er het die schönste Füess uf däre Welt, ich säge mini, er lacht mini alligs us, ich find sini wüescht Sus gohts üs guet, und ab und zue, so ganz spontan seit er oder ich alligs, "ouuu hoffentlich hets ned dini Füess"

@ Chef säge
Das lieht mer am meischte ufem Mage.
Ich han sicher de Weltallerliebscht Chef, und er wird sich freue. Aber es schaffid nur no er und ich do. Ich weiss ned was passiert, wenn ich mol nüm do bin. Hört er ganz uf schaffe? (Pensioniert ischer scho länger) ... Oder sell ich vo Deheime us chli öpis mache? (Wär möglich) Wet ich überhaupt noch de Geburt schaffe? Das isch würklich no es sehr schwirigs Thema ... Ich hänge au sehr am Gschäft. Schafe sit 12 Johr do und mier hend es unglaublich guets Verhältnis.
Ich wet, ich wüssti was mache

[alessa]

Chinesisches Horoskop: http://www.jolie.de/artikel/chinesischer-empfaengniskalender-wird-es-ein-junge-oder-ein-maedchen-369966.html

Rafa: Ja genau ich han vo anfang a sgfühl es git en Buäb

Smack: Ja gell mä isch so gspannt wiä das Baby usgseht
So cool hesches du so guät mit dim Chef, wänn chenntisch würdi vo dihei us schaffa.

Grüässli

[Smack]

@ Kalender
Es Meitli bi üs
Wow en Trefferquote vo 85% ! Chapeau! So guet

@ Schaffe
Aber grad so noch de Geburt? Hmmm ich weiss ned öb ich do Ziit gfinde (und überhaupt wet)

[Rafa]

han das mit äm horoskop au grad wellä usprobiärä....wüssäd ihr dänn dä tag vo dä empfängnis so gnau? ich han kei ahnig

[Smack]

so ungefähr Rafa

[Rafa]

also...hans jetzt mal so ungefähr usgrechnet...bi mir gits äs meitli äs stimmt also gratuliere zum buäb alessa und gratuliere zum meitli smack chasch am smacker grad sägä bim nächschtä mal dänn viellicht

@smack
cool häsch äs mit äm chef so guät...chan mir aber guät vorstellä dass das mit äm sägä für dich nöd so eifach isch wänn ihr "nur" än zwei-mann/frau betrieb sind. aber muäsch luägä, er wird sich sicher sehr freue für eui und dä rescht chunt sowieso so wiäs muäss...glaub also au nöd dass du grad nach dä geburt ziit findsch zum wieder schaffä....isch äs doch ä sehr grossi umstellig am afang aber wunderschön ich bin nach dä geburt 7 mönät dähei bliebä und han dänn wieder 40% afangä schaffä und das mach ich au jetzt no und uuuh gärn...ich hoffä äs klappäd dänn bim zweitä wieder so guät!

[alessa]

Smack: Nei nöd gad nach dr Geburt, nachem Muätterschaftsurlaub.
Äs meitli cool, bin ja gspannt obs stimmt.

Rafa: bi dir stimmts ja voll