Juhu auch wir legen los Teil 4...

[missre85]

@jeyjey eg be beunruhigt, wöu eg Endo ha ond SG vo mim Schatz ou chli igschränkt esch! De machi mer haut Sorge, dass mer namau so lang möi warte!
Jetzt muessi nor no 14 Tablette näh, juhuuii!
Wie gsehts zyklusmässig so us be der? Hihi, da chöi mer üs dHand gä, ha ou kei Gedoud!

@all wo sid der aui, wie gahts üch so?

[JeyJey]

Ok verstahni missre, ha gmeint hegsch no wiiteri Sorge bezüglich SS. Yeah nor no 14 Tablette, coohool! Und denn sött grad TR cho? TR sött bi mir so um de 31./1. cho, mal luege denn no 1 Zyklus warte und denn... juhui. Abneh muesi no knapp 3kg. Wenns weniger isch wärs aber au ok.

@all: Jahaaa, wo sind ihr Liebe! Es isch so still da ine.

[Bienchen84]

Hoi zäme

Sorry, i ha soo viu umd ohre im Moment!

@missre
i zeue d Tage mit dir, dr countdown louft!!!

@jeyjey
wie geits mit dire Chline? Het sech die positivi Entwicklig fortgsetzt?

@all
Was louft bi euch so??

@me
I ha gester es mega genials Erlebnis gha:
I bi zumne Medium gange, für dass i mit mim Mami cha rede. Nid lache, i bi o sehr skeptisch gsi, aber i soo fest zBedürfnis gha, mir ihre chönne z kommuniziere, dass i das iz eifach mau probiert ha.
U es isch ungloublech genial gsi... I ha mi ihre so nöch gfüeut u das Medium het mir sache verzeut, wo nur mini Mam u ig chöi wüsse. Das het mer i mim Truurprozess mega ghulfe, i bi mega erliechteret zwüsse, dass es ihre guet geit, wo sie iz isch. Es het mi ungloublech berüehrt. Iz hani grad d CD vo dere Sitzig nomau glost. Hach, so schön gsi! <3 <3 <3

@ÜZ
Bi gester i ÜZ 27 gstartet...
Sie (ds Medium) het übrigens ou gseh, dass mir am bastle si. U mis Mami het ihre zeigt, dass es es Problem git bi mim GG. U sie het schiinbar zGfüeu, dass es no öpe 2 Jahr wird ga, bis es klappt. Aber sie gseht mi eidütig ire SS in Zuekunft.

U das macht mir Muet, ou wenn i im Hinterkopf iz die 2 Jahr ha...

[JeyJey]

@Bienli: Ja, isch einigermasse guet blibe. Jetz ish sie grad eher chli unzfriede sit 3 Woche, aber das chönnt amene Schub ligge (gemäss Oje ich wachse-App). Und chötzle tuet sie nach wie vor vill, aber naja...
Guet bisch zumene Medieum gange, das cha extrem hilfriich sii!! Ich drück dich mal ganz lieb, du muesch sie riiesig vermisse! Mir vermissed de Dana ihre Grosspapi au jede Tag. Hätsch denn no 2 Jahr Geduld? Ich stell mer das sehr schwierig vor... doofi Frog - hemmt dich das ned, wennd weisch, dass sie euch "gseht"? Ich ha immer no Müeh mit herzle, well ich immer irgendwie sGfühl ha, er "gseht" eus. Voll blöd.

@missre: Nüt mit TR um de 31./1. Isch hüt morge (ZT 26) itrudlet... super, wenn das so unregelmässig isch, das machts ss-werde denn au nöd grad eifacher. Aber mer werdeds scho irgendwie rocke, gäll?

@all: Drücke euch wiiterhin de Duume, vor allem eusne geduldige Langziit-Hibblerinne. Ihr sind so starki Faue!!

[Bienchen84]

hihi, witzig, jeyjey!
Genau das hani o immer dänkt, mitem "zueluege"... hahaha!
Aber sie het mer usdrücklech gseit, dass "sie scho weiss, wenn sie öpis nid wott gseh". U da hani sofort gmerkt, um was es geit...
Aber sie chöm jede Tag verbi zum luege, ob aus ok isch. U das gspüri sehr...
Klar hani chli Müeh, mi mit dene 2 Jahr z begnüege, aber i füele mi irgendwie gar nid so schlecht derbi. Ke Ahnig wieso. Vilech wüu i weiss, dass mis Mami mi sehr unterstützt. <3

[JeyJey]

Super Bienli, das mag ich dir vo Herze gönne hoffe gliich für eu, dases vilicht chli schnäller gaht. Drücke eui de Duume!

[missre85]

Hallo zäme,

@jeyjey nenei, sösch hani absolut kei Sorge, wör me sehr fröie, wenni ändlech schwanger dörft wärde! Mmh, se säge eifach, dass denn sötsch e Abbruchbluetig becho, da eg aber met dere Pille e wenig ufbouti Gebärmuetterschliimhut ha, nehmi a, dass dBluetig ned starch wird si! Werom wartet der denn no einisch e Zyklus ab? Hihi, eg söt ganzi 8kg abnäh! Was machsch demet abnehmsch?
Fröit me, dasses met dire Chline emmer wie besser schiint zgah!
Ja guet, wennd ergendwie chasch igränze zwösche 26-29 Tag esches easy..Oder esches so schlemm onregumässig?
Danke för dini Düme! Zöue me jetzt eifach ou zode Langziithibbler!

@Bienli ou wennd ned dra gloubt hesch, fengis super, dassd trotzdäm gange besch ond sone gueti Erfahrig gmacht hesch! Hoffe sehr, dass der das ber witere Truurverarbeitig höuft ond du no vor dene 2 Jahr schwanger wersch! Schön, dassd aber weisch, dasses ergendwenn mau sowit wird si-höuft secher enorm?!
Jöö danke Bienli, dasch mega lieb!

[JeyJey]

@missre: Mir warted nochli, well ich en KS gha ha (erhöhts Kopf-Becke-Missverhältnis-Risiko). Eigentli wird ja denn es Johr warte empfohle, aber ich will nömm länger warte. Aber die Chliini sött scho mindeschtens es Johr alt sii, findi. Fallses denn im Okt. grad wieder wörd klappe wäreds denn knapp 14 Mönet usenand. Das wär ok. Aber natürli au 15 oder 16... nochher wörd mer wahrschindli scho langsam Gedanke mache, ich Ungeduldsfüdli!

[Bienchen84]

@missre
Ja, mir hets enorm viu ghulfe. I füele mi sehr bestärkt, dass i i mine Gfüeu recht ha gha. I vermisse sie unwahrschinlech... Aber so härzig: sie het gseit, sie warti uf mi. Ou wenns no "es momäntli wird duure", bis ig sie wieder wirde gseh. U schinbar isch sie ou nid alei, es si ganz viu Fründe und Familiemitgleider mit ihre. Dä Gedanke nimmt mer d Angst vorem Stärbe zimmlech. I ha scho immer Schiss gha dervor, aber iz viu weniger. U das tuet sehr guet.

@Gwicht
hmmm... was söu de ig säge..?! I söt ca. 15kg abnäh, aber i tue mi sooo schwer (im wahrste Sinn vom Wort) dermit!
Wei mer e Motivations-Gruppe mache zum abnäh??
Es isch ungloublech, mis Mami het schinbar gmerkt, dass i sit ihrem Tod zuegno ha (ghöre zu de Frust-esser) und i möcht iz umso meh abnäh!! Ha när ufem Heiwäg vom Medium dänkt, es wär kuul, we me e Whatsapp-gruppe chönnt mache mit Glichgesinnte...
Was meinet dir, wär öper derbi?

Läck, isch das e Hitz!!
I hocke im Büro (alts Holz-Chalet, schlecht isoliert) u schmachte vor mi häre... Chläbe mit de Arme am Pult u zeue scho d Minute, bis i hei cha...

[JeyJey]

@Bienli: Gueti Idee, aber ich mues 'nor' mini SS-Kilos wieder loswerde, sosch hani ebe kei Problem mitem Gwicht.

@missre: Ich isse eifach kä Süessigkeite momentan und am Obig nor Gmües oder Joghurt. Me sött ja sosch währendem Stille nöd Diät mache.

[missre85]

@jeyjey hihi, das met de Süessigkeite esch ebe mis grosse grosse Problem, mache darom eifach fast jede Tag Sport, aber gfüeut tuet sech gar nüt!
Ah so esch das, ha emmer gmeint me muess es Jahr warte wäg de Narbe, het das met däm ztue?
Ui nei, das muesch gar ned, be üch esch ja aues okay, mach der kei Stress!

@bienli ah super, wenns der sogar no fast dAngst vorem Tod het chöne näh, esches ja perfekt! Macht mer ou grad chli Muet, mer gahts nämlech glich met dr Angst!
Ja gäu, vermesse wersch se äuä emmer, wöu se eifach fäut-mim Schatz sis Mami esch vor 19 Jahr gstorbe ond är vermesst se emmerno!
Eg wär ja debi be dere Groppe, aber szwöitehöch esches doof!

@me ha tröimt, dassi schwanger be-esch chli hert gsi ufzwache!

[JeyJey]

@missre: Ja weg de Narbe. S'Risiko füre Uterusruprur isch denn chli höcher, bi ca. 1:1500. Aber ich nim jetz mal nöd aa, dass ich denn gnau die 1500. bi und spontan gebäre döf mer denn i.d.R. nöd, aber ebe, bi mim (anschiinend) erhöhte Risiko für es Kopf-Becke-Missverhältnis (well ich eher chlii bi) riskieris eh nöd. Ich wörd mer mega Vorwürf mache, wenn weg dem bi de Geburt öppis würd schief gah. Ich ha zum Glück en super Arzt gha und e gueti OP. Er söll denn eifach alles nomol genau gliich mache.

Fies mit dim Traum! Aber vilicht ischs ja es guets Omen?!??

[Topolinchen]

Hallo mitenand

Bi scho lang nim da ine gsi bi oi ,willi mir nid sicher gsi bi obi mi demit nid zu sehr ide Kinderwunsch inesteigere!Aber es isch susch niemer woni kenn ide gliiche Situation wie ich,und vilich tuets ja glich guet wemer sich chli cha ustusche!

@avme: Herzlich Willkomme! Und viel Glück für oies 2. Wunder!!
@butterfly: Tuet mir u leid dass du so e truurigi und belastendi Ziit hesch müesse duremache!! ich drucke oi beide ganz fescht Dume dass ier oi bald wieder chönd froie!!

Wie gsehts bi oi andere us?Gits was nois zbrichte?Wo stönd ier??

@me: min Zyklus macht gar kei Fortschritt!Immer 40-65 Täg,die Warterei uf de Eisprung findi immer müesamer!Bi an Zyklustag 18 bide Gyni gsi,det isch en Follikel mit 17mm umegsi und sie het gmeint,de Eisprung seti bald cho!Ez bini ZT 37 und nid mal en Eisprung in Sicht!Chönd ier oi das erkläre?Cha de Follikel abgstorbe sii,gaht das?Sie het mir de es Rezept mitgä für Medis wo de ES sette uslöse umd Zyklus reguliere oder vorgä!Die chani aber ersch nä wenni d Mens gha ha:-/
Mi mag vor allem,dass soovil Lüt fröge wenn mir denn endli loslegge und wies denn usgsehchi!Wirde langsam sauer bi däre Frag!Wie gönd ier demit um?

Kuss a alli

Topolinchen

[missre85]

@Topolinchen schön mäudisch de weder mau! Tuet mer leid, dass du so eländ langi Zykle hesch, muess sehr müehsam si!
Het der denn dini Gyni nüt gä zom dr Zyklus chli zreguliere? Ou, grad gläse, dass das becho hesch..Esch denn TR jetzt cho?

@jeyjey nei,das muess ja ned grad onbedengt grad be der so si! E ehemaligi Arbetskollegin esch ou scho weder drü Mönet nach KS schwanger gsi ond es esch aues guet cho!
Ah so esch das..Wie gross muess me denn si? Wöu eg be e Zwärg!
Ja eh, wenns so guet gloffe esch, wöris uf aufäu ou so mache!
Eg hoffe sehr, dasses es guets Omen esch!

@me ha gester uf dr Waag gseh, dassi i 2 Woche 4 Kilo zuegno ha! Mache aber mega Sport momentan-cha ämu ned si, dass me scho 4 Kilo Muskle i dere churze Ziit ufbout? Sösch cha höchstens no d'Pille dr Grond si-die dörfi aber zom Glöck am Mettwoch absetze!

[JeyJey]

@missre: Ich bi 1.54m chlii (aber GG eher gross). Mues nüt heisse, aber da mini Bohne immer eher gross/schwer gsii isch und me am Schluss de KU nöd richtig het chönne mässe, well sie schräg drin gsi isch, hämmer eus de, wos losgange isch, für de KS entschiede. Ich wür mer mega Vorwürf mache, wär under de Geburt öppis schief gange... KU isch denn 37gsii, eher gross.
Cha scho sii weg de Pille! Ich ha nochem Absetze grad 2kg abgnoh innert 2 Woche. Aber ja, Muskle händ im Fall au Gwicht gäll!

@Topolinchen: So müehsam mit dene lange Zykle. Und die doof Frogerei... cha mers grad vorstelle. Vilicht eifach mal grad use säge, dass ers probiered unds ned klappt, eifach mal richtig sMuul stopfe, dene Blödfroger, vilicht sinds denn mal ruhig... aber das wott mer halt au bed grad jedem uf dNase binde gäll...

@me: Bi scho mega ufgregt... ich chli meh als 2 Woche döfemer ändli au afange hibble. Ich wünsch mer das Schwöschterli/Brüederli sooo sehr für eusi Muus! Näme wüssti scho - und GG wird sich wohl wieder füege, isch eh zfuul, sälber zsueche

[Phylis]

@JeyJey
Mir döffet öppe glichzitig hibbele

[JeyJey]

@Phylis: Cool Phylis, bisch duneu da? Magsch chli öppis über dich verzelle?

@me: Geschter händ dOvus ageh... ich hätt sooo gern losglah. Aber dGeduldiziit wird jetz immer chörzer.

@all: Wo sind iiiiihr???

[butterfly85]

@JeyJey: Danke, mer versueched positiv i d’Zuekunft zluege.

@missre85: Mittlerwiile gohts mer guet. Ich han nach de letschte FG grad au no en Jobwechsel gha und has jetzt au weniger stressig. Das tuet mir und mim Körper au guet. Mir händ im Juli wieder agfange hibble, bis jetzt no ohni Erfolg. Mached üs aber au so wenig Gedanke wie möglich drüber. Ich nutze au keini würkliche Hilfsmittel. Han nur en App wo mer ungefähr de Eisprung azeigt (han die aber eigentlich meh, demit i chan luege öb de Zyklus einigermasse regelmässig isch) und mer nutzed s’Preseed Gel. Und jetzt mal luege, öbs klapped und demal au blibt.
Ja, bi minere erste SS wo leider denn en ELS gsi isch, hani grad knapp 2 Wuche nach minere Schwöster positiv testet. Wo bi mir denn nöd guet usgange isch, hani recht müeh gha mich mit ihre zfreue obwohli das gern ta het. Ich hans ihre mega gönnt, aber ich bin eifach truurig gsi. Ihre chli isch im März uf d’Welt cho und en riese Goldschatz. Mittlerwiile isch das mittem Freue au keis Thema meh, han eifach mini eiget truur müesse verarbeite.
Ich gnüsse mini beide Neffe (eine devo isch au min Göttibueb) i volle Züg und das hilft mer au recht.

Me:
Im Moment bini grad so ca. ES+8 oder so (gnau weiss is nöd) und warte druf öb d’Tante Rosa nägscht wuche uf bsuech chunt oder nöd. Eigentli hani vo afang a i dem Zyklus es guets Buchgfühl gha aber das elei seit ja leider no nüt us. Jetzt lömmer üs überrasche und susch gohts denn halt in nächste ÜZ. Mini FA hät nume gseit: Vill meh als wiitermache chönder eigentli nöd tue. Mir sind beid gsund und s’Schwanger werde isch ja bis jetzt keis Problem gsi… nume s’Schwanger bliibe. Han jetzt vo Ihre 1x pro Tag es Aspirin verordnet becho für d’Bluetgrinnig will das evtl. en Grund chönti gsi si, dass i zwei FG’s gha han.
Ansuschte freued mer üs im Moment uf üsi Ferie im Oktober wos für e paar Tag mittem Auto i d’Toskana uf’s Land goht.

Ich liese ab und zue mit, chum aber nöd so oft dezue wieni gern würd. Ich hoff, ihr nämed mer das nöd übel.

[Phylis]

Hello zäme

Genau ich bi neu da und ha denkt i döf mi eu aschlüsse

Ez bini gar nit mal sicher obi hibble richtig verstande ha
Aso ich warte gaaaanz gspannt druf endli döfe en test zmache, ha mir aber vorgno de nit vorem NMT zmache

Was würdeter denn gern über mi wüsse? Kennet ihr eu all scho chli?

[JeyJey]

@Phylis: Ja, so langsam "kennt" me sich scho es bitzli da ine... wie alt bisch du und sit wenn probiereders? Ich ha sGlück gha im letschte Auguscht direkt ss gworde z'sii und ab Oktober wämmer afange fürs Zwöite üebe (he ja, wirde doch au nämm jünger, im nächschte Januar wirdi 34gi). Es het aber au einigi Langziithibblerinne do ine, wo scho über es Johr / zwöi Johr lang warted. Es isch nöd immer ganz eifach.

@me: Noch Münche gömmer jetz hüt i dBerge i dFerie. Ich hoffe, mir dänked a alles und die Chliini nimmts easy im Reisebettli. Schloft hüt s'erscht Mal nöd dihei... *fingerscrossed*. Bis irgend einisch ihr Liebe. Haaaa... nor no knapp 2 Woche und denn bin ich offiziell au wieder am Hibbleeeeee, yay! Ich ha aber s'Gfühl, demits denn klappt müesst mini 2. Zyklushälfi nochli länger werde. Im letschte sinds nor 8 Tag gsii, das langet nienet hii... jänu. We'll see!