Juhu auch wir legen los Teil 4...

[JeyJey]

Das tuet mer leid, Bienli. Ich ha der / eui nöd welle sHibble vermiese. Aber ich bi au eher en Usnahm gäll. Ich kenne niemer, wo noch 5 Mönet wieder ss isch gsi und au es 2. Mal grad im 1. ÜZ Glück gha het. A dem döfsch di wörkli nöd orientiere. Wieso isch das jetz so plötzli cho, du bisch doch so positiv igstellt gsi und hesches chönne locker gseh, dass es ev. no chli länger gaht (noch dere Sitzig mit dim Mami)? Jetz fühli mi irgendwie grad nöd wohl. De schrieb ich lieber da nömm mit, aber es isch ja nie explizit als Langziithibblerinne-Thread kennzeichnet gsi.

[Bienchen84]

@jeyjey
Isch nur, wüu iz grad privat 3 Babys si cho u i bi grad sehr truurig wäg däm... das mit mim Mami het mer sehr guet ta, das isch so... aber es het mi haut iz glich wieder igholt.
I freue mi für di, dass es schiinbar grad wieder klappt het. Aber i bi eifach grad nid ir Verfassig, mi so fest zfreue, wie igs normalerwis würd. Isch nid bös gmeint. Aber es geit eifach aus so schnäu verbi a mir u i stah immerno am gliche Punkt...

[Peanut88]

hey bienchen, mir "kenned" eus ned, ghör ja zude neue...chadi absolut verstah und hoffe sehr, ihr müend nüme zlang uf eures wunder warte! ich wünsch eu alles gueti und liebi!

[Peanut88]

guete morge!
sooo hasmer ned verkneife chöne und en tescht gmacht.. es+10=negativ. ha eich gar ned welle teschte, aber hüt morge isch mini tempi liecht gsunke (zwar no dütlich über de sind normal) aber min gg hetti hüt frei gha, denn wärs grad toll zum fiire gsi. aber ebe, chan au zfrûeh gsi si..jetzt muessi mi gedulde.de nägscht machi früehschtens am fritig (hoffe, chami beherrsche )

wie gahts eu so?

[sabigleinchen]

Peanut88: Ach menno, positiv wär super gsi . Aber es heisst no nüüt, jetzt mueschdi dochno gedulde.

I horche durend e mi Körper öbi öppis ghöre oder gspüre, so doof, det läuft jo eh no nüüt . Aber säg das mol mim Chopf.
Gester eschmer i Senn cho dass mer a dem Weekend wo de langsam TR chämt oder ebe s'öppis z fiire gäbt mer garned em Land send. Das weisi de äuned öbi mag warte. Vor allem beni vorhär no en Tag eleige, min GG reist gschäftlech scho en Tag früehner a ond ich chom denn förs Weekend noche. Wär de ebe äu en cooli Öberraschig... aber ebe, wär.

[Cona]

Hallo Fraue

I gügsle au kurz ine.

Die einte kenned mich no, bi au i dere gruppe am hibble gsi...
I wünsch euch all aber vorallem am Bienchen, Blevita, missre und dene wo mi no kenned das es doch endlilch ischlad.

Hochdütsch well ichs no amne andre ort gschribe ha
Ha nor kurz welle chli muet mache:

Ich melde mich hier um all denen Mut zu schenken die Ihn verloren haben. Im Juli 2015 hatte ich meine Hoffnung schon fast verloren, dass ich noch auf natürlichem Weg schwanger werde.
In der zwischen Zeit waren wir in der Kinderwunschklink, die bestätigten das was ich befürchtet hatte, dass wir auf natürlichem Weg nur eine minime Chance (wie einen 6er im Lotto) haben um schwanger zu werden.
Wir haben letzten Sommer geheiratet und haben uns für die Künstliche Befruchtung nach den Flitterwochen entschieden.
Und da ist es passiert, ich wurde in den Flitterwochen schwanger und mittlerweile bin ich Mama von einem gesunden Kind.
Liebe Frauen, es gibt kleine Wunder

Ich wünsche euch viel Geduld, Kraft und gebt die Hoffnung nie auf.

[Blevita]

Liebe Cona
So schön das du dich wieder mal hier meldest mit so schönen Neuigkeiten! Ich wünsche dir weiterhin alles gute mit deiner Familie.

liebe Jeyjey
herzlichen Glückwunsch das es bereits wieder geklappt hat. Alles gute für deine zweite SS. Du hast so ein Riesen Glück bereits wieder ein wunder in dir zu tragen. Bin ehrlich, bin extrem neidisch...

Liebe Frauen
ich verabschiede mich ebenfalls aus dieser Gruppe. Wir sind bereits im 30 ÜZ gestartet. Mir geht es wie Bienchen, ich ertrage die vielen positiven Test Resultate nicht mehr, ich göhn es jeder Frau die dass Gefühl eines positiven Test in den Händen halten darf erleben darf. Aber es ist auch Neid das einem jedes Mal heimsucht, jede neue die kommt hat irgendwie immer gleich das Glück innert kürzester Zeit SS zu werden und ich kann mich über solche Neuigkeiten einfach nicht mehr freuen. Es tut mir leid ich will niemandem etwas Böses oder gemein wirken und deshalb ist es an der zeit diese Gruppe nach zwei Jahren zu verlassen. Alle die mich noch kennen wünsche ich alles liebe und gute und den neuen wünsche ich von Herzen dass sie diese Tortour nicht durch machen müssen...

Herzlichst, eure Blevith

[alessa]

*Reinschleich*

Liebe Blevita
Liebe Bienchen84
Ich weiss nicht ob ihr mich noch kennt
Aber ich verstehe euch nur zugut und weiss genau was ihr fühlt.
Diese Foren sind toll um sich auszutauschen aber ich finde man setzt sich zu fest unter Druck.
Ich wünsche euch viel Kraft und alles alles liebe für die Zukunft, lasst euch drücken!

Alessa

*Rausschleich*

[JeyJey]

Hallo zäme. So wies usgseht han ich euses Krümeli verlore. Ha hüt liechti Bluetige übercho und denn neg. teschtet, d.h. sHCG isch wohl am falle bi sehr truurig, aber min FA het gseit, das chäm halt sehr oft vor (biochemischi SS, Früehschtabort), ich söll mich sälber schütze und künftig nömm vor NMT teschte. Warte jetz, dass TR richtig chunnt, cha aber no es paar Tag (bis Woche gah schiins).

@peanut, sabigleinchen: Wie gsehts bi eui us?

Blevita: Tuet mer Leid für dich. Chas verstah. De chömmer de Thread aber schlüsse, da du ja quasi 'Admin' vo de 1. Siite bisch.

[Peanut88]

guete abig mitenand

@jeyjey: oh nei!!das tuetmer sehr leid zghöre!!wie gahtsder jetzt? hoffe sehr, d tr chunt gli und ihr chönd wieder neu starte! wege de 1. siite&schlüsse vom thread: bruchemer die erscht siite überhaupt? also ha die zb nur überfloge bim 1.mal inne cho..

@sabi: hehe das kenni soo guet! ich het schwöre chöne, dasses klapped het mini brüscht hend scho e wuche vorher weh ta, ha mega stimmigshöchs gha und das zwicke muess mal luege, dassi das nägscht mal chli zrugghaltender bin oh das mitem perfekte überraschigstag chani verstah! hets mim gg gern nägscht wuche zum geburtstag gseit naja, jetzt chani das we wenigschtens chli fiire und am teamesse im nov muessi kei angscht ha vo seltsame blick, wenni plötzli nix trinke

me: ich ha hüt mini tr becho und jetzt grad rechti chrämpf *grrr*. nimme metformin sitt zwei mönet und jetzt isch spannend gseh, dass sich min zyklus scho vo 34 uf mini ursprüngliche 29/30täg zruggpendlet het..also ab i die nägscht rundi.. min gg freuts dasmal heter glaubs vorfreud uf de terminsex

ich wünsch allne en schône abig und a diejenige, wo sich zruggzieh möchtet, alles liebi und viel chraft! cha das absolut verstah. liebi grüess und schöni träum

[JeyJey]

Also au de Tescht hüt het kä HCG meh (oder zwenig) azeigt, euses Krümeli het sich nöd möge hebe. Warte jetz uf TR.

Thread: Also ich wär eher deför, en neue Thread ufztue mit öpperem, wo die 1. Siite cha manage...

[missre85]

Hallo zäme,

eg be ou weder im Land! Mer hei troumhafti Ferie gha meteme krönende Abschloss, aber das chont onger @me!

@jeyjey oooh nei, es tuet mer mega leid, dass du das hesch müesse erläbe! Wönsche der, dass dini TR baud chont ond der weder chlit witerhibble! Vöu Chraft!

@Peanut ond Sabigleinchen härzlech wöukomme da enne! Wönsche üch vöu Spass ond Erfoug bem Hibble! Hoffe sehr, dass der ned wie eg, s'Bienli ond d'Blevita so lang müesst warte!

@Bienli ond Blevita eg verstah üch sehr guet, mer gahts ou emmer so wenn öper Nöis chont ond grad positiv testet-tuet de mega weh ond me frogt sech, werom se aber eg ned!
Fenges aber glich schad, dass der zwöi nömm ome sid, be denn äuä am Schloss ellei no da!
Wönsche üch vo Härze aues Guete be däm Wäg wo der wöit gah ond dass der schnäu Erfoug heit!Wär schön, wenn der rasch wördet schriibe, wenns klappet het!

@cona oh schöööööön vo der zghöre, ha vöu a de dänkt! Gratuliere der ganz härzlech zo üchem Wonder! Guets Könnelehre, gniesset dä Momänt!

@me jetzt zo mim persönleche Höheponkt vo üsne Ferie: MER SEI VERLOBT!!
das tröstet me sogar dröber henwäg, dassi TR weder becho ha ond erst no zfrüeh!

[JeyJey]

@missre: Jeeeh so schön, gratuliere eui. Wüsseder scho, wenn ihr werded hürote? Schön, händer eui Ferie chönne gnüsse!

@me: Bluetig het agfange mal luege, öb de Zyklus jetz eifach normal wird oder irgendwie andersch...

[missre85]

@jeyjey hoffe sehr, dass när ned sones Chaos hesch wie eg jetzt!
ja, wahrschinlech werds dr 6.10.!

[sabigleinchen]

Hmm min Bitrag vom Handy us hets offebar ned gnoh. Denn hat no einisch.

@jeyjey: Das duetmer sehr leid, dass euches Mini ned het möge blibe. Erhol dech guet ond ich hoffe au din Körper esch glii weder bereit für en neue Versuech ond denn mag euches Chline hoffentlech blibe.

@missre: Wow so schön, härzleche Glöckwonsch zor Verlobig ond alles Gueti för euch zwöi.

Mer gohts super. Ben halt zmetzt zwösche ES ond NMT chli am warte. Versueches z verdränge dasi ned durend das em Chopf han ond das glengtmer no rächt guet. Vergeses amig weder en Tag oder zwee ond de chontsmer weder i Senn. Do ich jo glaube, dass min ES 2 Täg z früeh gsi esch, weisi jetzt garned so rächt wenn dass TR noche wär. Mini zwöi letschte Zyklene send 26 ond 27 Täg gsi ond de jetzt wär denn theoretisch nor 24/25 Täg lang. I warte eifach mol ab ond wennimi em Greff han, de testi erst so am 30./31.10., falls bes dethe TR noni do esch. Aber mer wörde eus mega freue wenns klappet hät. I mues os dere Firma use, die dreihe alli dore donktsmi .

Schöns Weekend

[lifa2016]

*reinschleich*

@cona: mag mi no guet an dich erinnere grautliere euch zu eurem schätzli!!!

@missre: sooo schön!!! Gratuliere euch ganz herzlich!!! Bisch scho total im planigsmodus? Falls e adrässe für günstigi marke-brutchleider bruchsch hani dr eini. Eifach Bscheid gä

@blevita und bienli: falls ihr das no läsed: ich wünsch euch alles erdänklich gueti!!! Hoffe fest dass au ihr eines tages euchi schätzis dörfed im arm ha, uf welem wäg au immer die zu eu finde werded! Verstahni voll daser euch zrugziehnd. So forene chänd genauso en Fluech si, wie au en säge. Alles alles gueti euch!!!! Ich hör nid uf dume z drucke

@me: mir gnüssed jedi minute mit eusem chline Schatz. Au wenns nid immer eifach isch, wenner zb sini 2h schreiphase hät. Die sind aber zum glück nid jede tag. Er isch meh chli de nörgeler, aber dänke das lieht am wachstum. Scho en richtige chline pfünder worde hihi .

Lg valea

*rausschleich*

[missre85]

@valea danke vöu mau, dasch de lieb! Ja eh, hät am liebste scho am Standesamt aglüte, aber wägem Jetlag hei mer gester leider zlang pfuset!
Wär sehr interessiert ar Adrässe för die Chleider!
Jööö, fröit me, dass ders so gniesset ond är guet wachst!

@sabigleinchen danke vöu mau ou der! Esch guet, dass du ned emmer dra dänksch, dassd zwösche ES und NMT besch!
Du chasch ja dr NMT öpe usrächne, wennd weisch a welem Tag dTR letschstmau cho esch, auso ES+14 oder so..

[JeyJey]

@missre: Jö, so herzig, dini Vorfreud! Aber bim Standesamt cha mer meischtens erscht 3 Mönet vorher fixi Termin abmache aso, bi eus isch das ämel eso gsii.

[missre85]

@jeyjey hihi, ha scho dänkt, dass me äuä jetzt nanig cha fixi Termine mache, aber eg muess no Sache froge wäge Samstigstrauig etc. und fenge das scho spannend! Esch aber ou no hert wennd amene Termin wotsch hürate wo vöu wöi ond denn dr Termin nömm hesch wöud erst chorz vorhär chasch fixe!
Wie gahts der?

[JeyJey]

@missre: Ich ha ja au zfrüeh aglüüte und sie hets denn glaub prov. itreit und het gseit, mir sölled denn 3 Mönet vorher nomol alüüte / bestätige. Mir gahts chli besser. Do/Fr hani vill brüelt, sind wohl nochli dHormon gsii.