Märzlis 2018

[Sunny8478]

Willkommen alle neuen März-Mamis

In etwas weniger als zwei Wochen sind bei mir die ersten 12 Wochen um und ich habe den nächsten FA-Termin, bei dem ich der FÄ sagen muss, ob wir einen Ersttrimestertest/NIPT/nur Nackenfaltenmessung etc. wollen. Habt ihr euch das schon überlegt und schon etwas entschieden? Habe ganz viel im Internet darüber gelesen, auch wie umstritten all diese Messungen sind und dass nicht einmal bei der Nackenfaltenmessung alle FÄ gleiche Messwerte nutzen... Jetzt bin ich verunsichert, wofür wir uns entscheiden sollen. Wie macht ihr es?

Wiä bi dä erschte SS mached mir wieder dä NIPT. D'Nackefaltemessig macht mini Gyn sowieso gad au.

[Lilyrose]

@Vedeja: Mein Partner und ich sind auch erst etwas über 3 Jahre zusammen und haben noch nicht ganz ein Jahr zusammen gewohnt, als ich geplant schwanger wurde. Auch wir hatten nicht mit so rasch gerechnet, ich hatte grad ne neue Stelle angefangen, war noch in der Probezeit. Aber wir haben uns eben auch gesagt, klar können wir warten und noch etwas länger zusammen wohnen und wegen Job abwarten...aber eben, man hat nie die Garantie, dass es genau dann klappt, wenn man den möchte. Ich bin sehr dankbar, hat es gleich geklappt, auch wenn das einige berufliche Unnanehmlichkeiten mit sich gebracht hat...gibt immer ne Lösung. Und was die Partnerschaft anbelangt, da gibts auch bei langjährigen Partner keine Garantie. Ich habe ehrlich gesagt eher das Gegenteil erlebt. Einige hatten grosse Mühe mit dem Umstellen und ganz andere Seiten (nicht so schöne) am Partner entdeckt, wo bei uns die Umstellung nicht so schwer fiel - vielleicht auch, weil wir noch nicht soooo gewohnt sind, wie wenn man seit 10 Jahren die Zweisamkeit geniesst.

@Tests: ich habe schon bei 2 Schwangerschaften im Freundeskreis erlebt, dass eine schwere Behinderung vorausgesagt wurde (offener Rücken). In einem Fall war das Kind putzmunter, im zweiten wars ein offener Bauch, der sich mit einer OP beheben liess (meiner Kollegin wurde dazumal zur Abtreibung geraten). Deswegen finde ich solche Tests sehr heikel...man hört recht oft solche Fehlprognosen.

@Pünktchen, wenn alles gut läuft werde ich ETT und Organ US noch bei FA machen und die restlichen Kontrollen bei Hebamme im Geburtshaus.

[Julikind]

Wir machen wie beim Ersten keinen Test ausser das Organscreening. Bei uns ist jedes Kind willkommen und ich würde auch keine ss abbrechen wenns nicht lebensfähig wär, dann soll es gehen zu dem Zeitpunkt, welcher das Schicksal wählte.

[PüNkTcHeN_1]

@vedeja: bi üs isch au d Jobsituation grad chly schwirig. Mi Schatz fangt im September nu ä Witerbildig a und i ha zwar ä feschtä Job, allerfings nonid so lang und mir isch bir Astellig klar kommuniziert wordä, dass schwanger wärde gar nid erwünscht isch. I ha also mild usdrückt bitzi bammel wiä mini Chefins ufnimmt. Aber du hesch rächt ä Lösig gits immer. Zum Glück isch mi Partner Füür und Flammä
@lilyrose und vadeja: ihr wüssed demfall au scho wiä üches Chind denn ufd Wält söll cho? I bi drum sooo unschlüssig ob i ä Beleghebammä söll suechä oder is Geburtshus zu dä Vorkontrollä oder was au immer... Nur os Spital möchti glaib numä im Notfall. Bis jetzt weiss i nur, dass möglichscht ä vertrauti Person möcht wo mich dur Schwangerschaft, Geburt und Wuchäbett begleitet. Findes aber nu soooo früe zum entscheide.

@Flusi: das stimmt. Ha mir au scho gseit, dass es ja schöner isch so als wenn mir den eeeewig langi Behandligä über üs hettet müessä erga loh. Ischs denn bim zweite bi üch drfür jetzt schneller gangä? Und drfür ischs sicher umso schöner wenn mä sis Ziel denn ändlich erreicht.

@julikind: findi ä schöni Istellig. Mir giängs glaub meh drum s z "wüssä" und vorbereitet z si. Aber genau das garantiered di Teschts ja nid....

[Flusi]

@Lilyrose: Mann, isch scho krass mit denä falsche Testergäbnis. S'Läbe isch halt nach wie vor nöd zu 100% vorussehbar und das isch au guet so.

@Julikind: Ich ha die glich Iistellig wie du. Bi üs isch au jedes Chind willkomme.

E schöne Abig allne!

[Gumseli83]

Ich gsehs genau wie julikind und mier wärded ussertem organscreening gar nüd teschte. Hend das bim letschte mal scho so gmacht.
Min FA hed üs das so au erklärt das er nur empfiehlt z teschte wenn mer au gwillt isch konsequenze z zieh.

[Smaragd]

Hallo zusammen

Mich gibts auch noch...
Hallo an alle Neuen.

Ich habe noch immer keinen FA gefunden bzw. Den Nerv anzurufen... es läuft auch grad noch sehr viel sonst. Muss mich Morgen aufraffen. Ich schreibe euch das nun extra, damit ich es tun muss! .

Mir gehts sonst gut! Ab un zu mulmig... eher wie bei meiner Tochter als wie bei meinem Sohn... bin ja sooo gespannt...

@Tests, ev. die Nackenfalte Und sicher das Organscreening.

@julie das tut mir so Leid!

[Papillon_86_]

Hallo zäme

Ihr sind ja wider flissig gsi mit schriibe... mage ja gar nöd na mit läse

@ Julie: Es tuet mir leid, dass ihr eues Sternli händ müesse lah zie Ich wünsche eu ganz vill Chraft.

@all: freut mi zum läse, dasses eu guet gaht und dass eini nachem andere positivi US hät

@ Tests: ich mache glaub eifach dNackefaltemässig und halt di gwöhnliche Bluettest. Finde mängisch mer chan au z'vill id Natur pfusche... Früener händs das alls au nöd gmacht... es chunnt wie's chunnt.

@me: bi nach de Ferie wider sit ere Wuche am schaffe und es isch rächt vill los... hüt hani Zwüschegspröch gha und has minere Chefin verzellt. Bi itz 10+1, ET isch am 7.3. Ich zelle d'Minute bis am 22.8. zum ETT Bi eigentli zueversichtlich, und doch machi mir ab und zue mal Sorge was wenn... Aber trotzdem tscheggi langsam, dass mer gli wärded z'dritte sii und mache mir so Gedanke. Ja, de Ziitpunkt isch nöd perfekt, finanziell wirds di erste 2 Jahr sehr knapp aber mir sind mega glücklich und dankbar. Hett ja nöd demit grächnet dasses so gli passiert. Aber wenn üses Würmli will zu eus cho, isches meh als willkomme
Beschwärde hani eigentli kei gravierendi. Ha eifach sit ere Wuche Problem zum ischlafe, dräie mi oft ume und bi am Morge früeh wach. Mini Brüscht hani s'Gfühl sind sit gester weniger empfindlich

So, pfused guet und bis gli

[yelea]

Wegen der Tests kann ich mich Julikind, Gumseli und Flusi anschliessen. Für uns ist jedes Baby ein riesen Geschenk und ich bin dankbar, dass ich schwanger sein und ein Kindlein "beherbergen" darf. Ja, so einen Fehldiagnose-Fall kenne ich auch aus unserem Bekanntenkreis... Die Nackenfalte haben wir bis jetzt bei den ersten beiden messen lassen. Meine Argumentation damals war, dass ich mich so gedanklich vorbereiten könnte, falls etwas wäre. Jetzt wo wir immer mal wieder von den Fehldiagnosen hören (auch schade, wenn man sich auf ein krankes Kind einstellt, dass schliesslich völlig gesund ist, wie eben diese Bekannten von uns) und uns mal vor Augen geführt haben, dass es immer nur um Wahrscheinlichkeiten geht, haben wir uns gegen solche Untersuchungen entschieden. Um den Ultraschall (ganz genau genommen ja auch schon Pränataldiagnostik) bin ich aber mega froh, finde es sooo faszinierend und würde ihn mir kein einziges Mal entgehen lassen wollen . Ich glaube, die Entscheidung kann einem niemand abnehmen, ich würde einfach vorher gut überlegen, was ein negativer Bericht auslösen würde...

[yelea]

@Smaragd: gut, dann fragen wir dich morgen Abend nach deinem neuen FA

[Joeyita]

Guete Morge zäme!

Hui da isch de wieder viu gloffe. Härzlech wiukomme de neue!

@Julikind: Sooo schön, freut mi sehr isch aues guet und isches eifach würklech nume zfrüeh gsi!

@Mia: Wow scho so wit, benide di ou e chli aber verstah o dini Ängst. Itz hesches aber de gli gschafft und muesch nümm lang bange! I bi ganz sicher, dass aus wunderbar isch.

@Ersttrimestertest: Mir hei ir erste SS ou nur dNackefaute la mässe, mi damalig FA het ou vo sich us gar nüt angers gmacht weme nid drnah het gfragt. Mir wärdes dänki wieder glich mache, da ou mir d Konsequänze nid chönnte zieh wenns es Risiko gäbt dass öpis nid guet isch. Und vo so Fähldiagnose hani leider ou scho meh ghört... klar säge mir beidi, mir wünsche üs es gsungs Ching und es wär sicher e sehr grossi und schwäri Ufgab, sech um es behinderets Ching zkümmere, aber i gloube, o das würde mer schaffe. Und ds Gägeteil, dass me nie e Uffäuigkeit gseh het und ds Baby när Trisomie21 het, hani leider o scho ghört. Me het eifach o hüt ke Garantie, obwohls so viu Möglechkeite git.
Organscreening wärde mer aber sicher mache, ig ha vor paar Jahr e Niere-OP gha wo es agebornigs Problem isch gsi und wome scho im Muetterlieb chönnt gseh, we ds Baby das o hätt (und nach dr Geburt entsprächend reagiere).

@Smaragd: Toi toi toi mit dr FA-Suechi!

@me: Gspräch mitem Chef isch sehr guet gange und er het sech ufrichtig gfreut. Klar isches ou nid völlig unabsehbar gsi bim 2. Aber i bi glich erliechteret. Jetz hani nächst Wuche Ferie und när muesi no 2 Wuche dürehäbe bis zum ETT.

[Gumseli83]

Au mier hend hüt döffe es fliessig pöpperleds härzli bewundere... es isch mier hend ganzi gröllhalde vom härz ghiit!
Grössi stimmt mit minnere berechnig überein. Es set also es osterhäsi gäh.
Leider sind d entzündigswert im wasser chli höch und mier mönd das gnauer aluege und evtl. Behandle.

@schaffe
Planed ier nach em muetterschaftsurlaub wider ii z stiege? Wenn ja wievill? Hört öper ganz uf schaffe?

[Vierwaldstädtersee]

@julie es tuet mier unglaublich leid dass zghöre und wünsche üch viel viel chraft für die kommendi Ziit und dass ier au bald döffid es Wunder ide Händ halte!!

@julikind&Gumseli ich freu mich fescht für üch dass alles sowiit guet isch!!

@tests ich ha kei ahnig vo dem und mini fraueärztin hed mier au no nüt erklärt. Au die normale Bluettest möchids bi mier erst ide 13. Wuche. Hend ier die alli scho gha?
Also mier gsend das glich wie glaub ich die meiste hie, jedes Läbä isch bi üs härzlich Willkomme.

@schaffe mini Chefin hed mier scho s ahgebot gmacht dass ich nachem Muetterschaftsurlaub zu 50% ide glich Position (Leitig) dörf wiiter schaffe. Ich bi super Happy da ich mi Job liebe und unbedingt ha welle wiiter schaffe. Bi üs isches au schön willi s Baby de cha mitneh und so au nüt wirde verpasse.

[Lilyrose]

@Vierwaldstättersee: das ist ja toll, dass du deine Stelle im reduzierten Pensum behalten darfst. Was arbeitest du denn, dass du Kind mitnehmen kannst? Oder hab ich was falsch verstande?

P.s. bluttest sich schon erst später, wir diskutierennur etwas im Voraus schon darüber

@Gumseli: so schön, dass alles passt und das Herzli böbberled. Was für Entzündungswerte, was könnte das heissen?

@Job: ich sags wohl erst nach meinen Ferien, wenn die nächsten Untersuche hoffentlich gut sind. Bin dann ca 13/14 Woche.

@Arbeiten: ich möchte ca 6-7 Mt Auszeit, für länger reichts wohl finanziell nicht und danach wieder 40%. Am allerliebsten aber nicht mehr in jetzigen Job, da sich dieser für mich seit der ersten ss seeehr negativ verändert hat. Ich bin völlig unterfordert, gelangweilt und frage mich jeden Arbeitstag wieso ich eigentlich dahin gehe (wegen dem Geld, sonst nichts). Ich muss schauen, eine sinnvollere Arbeit zu bekommen, wo ich meine Fähigkeiten einbringen kann, bevor diese verkümmern. Je nach Situation würde ich vielleicht auch 60% arbeiten.

@Me: ich bin schwankend zwischen "alles ist gut, baby war halt da grad etwas klein" und "was, wenn es wirklich zuwenig wächst". Die meiste Zeit glaube ich schon, dass alles ok ist, fühle mich auch schwanger (extrem müde, kaputt, Kreislauf usw). Und dann habe ich doch wieder fürchterlich Angst vor dem nächsten Untersuch am Donnerstag

[Flusi]

Hallo mitenand

@smaragd: Schön vo dir z'ghöre! Ich hoffe das mitem mulmig si isch nöd allzu schlimm. Ich frage jetz ganz fräch, öb du en FA gfunde und aglüte häsch

@papillon: Bi dir gahts ja au i grosse Schritte uf de ETT zue. Ich glaubes dir, dass du chum magsch warte. Hätt dini Chefin guet reagiert?

@Joeyita: Schön, dases de Chef guet ufgno hät. Da isch mer amigs grad richtig erliechteret. Gasch furt i dine Ferie oder gnüssisch chli s'dehei si?

@jeee!!! Über dini Nachricht han ich mich jetz grad riesig gfreut! Eeendlich häsch du Gwüssheit, und was für tolli! Ich freu mich sehr uf dich! Würdet d'Entzündigswärt ufne Blaseentzündig hiwise?

@schaffe: Ich schaffe sit ich Mami bin en halbe Tag ide Wuche und hilfe mängisch a Wucheend imene Beizli us. So wird und wett ichs au nachem zweite mache. Natürli müend d'Omis iverstande si, uf zwei Chind ufz'passe, aber ich glaube das gseht guet us...

@Vierwaldstädtersee: Das isch ja mega, dass du nachem Muetterschaftsurlaub ide gliche Stell chasch witerschaffe. Das isch glaub scho eher sälte, dass mer die Möglichkeit hät. Hend ihr en integrierte Chinderhort, dass du s'Baby chasch mitnäh?

@Lilyrose: Ich kann dein Gefühlschaos völlig verstehen! Zum Glück ist bald Donnerstag, dann hast du Gewissheit! Ich drücke dir sooo fest die Daumen! Es kommt gut!

Lg

[Joeyita]

@Gumseli: So schön isch aus guet und dr Steibruch wo ab dim Härz gheit isch hani bis hie ghört! Itz chasch scho mau chli ufschnufe und afa gniesse! Si dEntzündigswärt im Urin nid guet gsi, oder was gnau?

@schaffe: i wott genau glich witerschaffe wie jetz (60%) und am gliche Ort. Mi Ma schaffet 80% und so stimmt das für üs. Einzig wette mer wahrschinlech nümm 2 Kitatäg mit 2 Ching (wüus eifach es Vermöge chostet) und stattdesse beidi 1 Kitatag und 1 Tag es Grosi, das het scho zuegstumme. Hoffe das geit de uf so. Muetterschaftsurloub wetti ou 6 Monet. Ha bim erste "nur" 4.5 gha und has när e Stress gfunge mit Abpumpe a 3 Täg...

@Vierwaldstättersee: Wow das isch würklech toll we de ds Baby chasch mitnäh. Wärs de betreut?

@Lilyrose: gli gli het ds bange Warte es Ändi. Es chunnt guet!

@Flusi: Mir bliebe dähei. Mir bezieh im Novämber üses Eigeheim und das git grad no chli ztüe mit Usmischte, Chuchi plane, organisiere...

@me: Ha irgendwie scho mega wenig Symptom, abgseh vo Müedigkeit (aber o nid so extrem), Gruchsempfindlechkeit und nach wie vor so cremige Usfluss. Hoffe jetz aber nach wie vor, dass aus guet isch. Drfür kämpfi sit de letschte Täg mega mit Verstopfig, so müehsam (und schmärzhaft). Drbi nimi scho Magnesium.

[Julikind]

Arbeiten: Bin total unsicher ob ich 20% weiterarbeite oder ob ich diesmal aufhöre.

[Smaragd]

@Papillon sooo schön, dass du es anfängst zu realisieren! Ihr werdet das ganz sicher gut meistern! Ich bin noch nicht ganz beim realisieren angelangt, dafür muss ich wohl den 1. US abwarten...

@yalea ja, es klingt gut, habe angerufen aber die MPA meinte nächster freier Termin wäre 12.09 aber das wäre ev. Ein wenig zu spät, deshalb muss ich am Dienstag anrufen, wenn die FÄ da ist...

@joeyita so schön isch ds Gspräch guet gsi, das isch immer e Erliechterig!

@Gumseli fröie mi sehr übere positiv Bricht!!

@Arbeiten, wenn ich reduzieren kann würde ich gerne 40% weiterarbeiten. 60% ist mir jetzt eigentlich schon zu viel aber mit 3 möchte ich wirklich mehr Zeit haben zu Hause! Und eine Pause von mind. 6 Monate möchte ich machen.

@Vierwaldstättersee, wo arbeitest du und was, dass du dein Kind mitnehmen kannst? Ich könnte mir arbeiten und Kind nicht vorstellen, schaffe nicht mal ein halber Tag Homeoffice...

@Lilyrose drücke die Daumen, dass alles gut kommt!!

@Flusi mulmig si isch nid so schlimm und ja, ha aglüte aber dMPA het nur gmeint sie het Kapazität aber mues am Di nomau alüte zum dr Termin fixe, da dr erst frei ersch am 12.09 wär aber ig scho ir chli fortgschritte bir Ss...

@me... zum FA Termin kann ich am Dienstag mehr sagen aber ich habe jedenfalls angerufen . Ich musste heute noch in die Nachkontrolle mit meinem Sohn, wegen seiner Operation. Es scheint alles ok zu sein.

[Mami1977]

Grüezi allersiits

Erlaube es mir, mich zu Eu gsellä - ächli Erfahrigsustusch wär wunderbar, will i mim Bekanntekreis gad niemert schwanger isch

I bin 40gi, ha bereits en 5,5-jöhrige Sohn. Üses Folgewunder isch trotz PCO-Syndrom doch no entstande. Total psychologisch das Ganze. 4 Johr probiert, mit Medis und Hormon au no dähinder. Nachdem i im Früehlig ziemli abgschlossä ha und i kein Brüeli me bim Aablick vomä Chinderwage gha ha, häts klappet. Akupunktur und Osteopathie - i schwör uf Alternativmedizin!

Nöchschte Dsiischtig hä mer US, am richtige Ort isch es, aber me hät vor es paar Wuchä no nüt ussert ä Fruchtblase gseh. So hoffe mer ganz fescht, dass mer dänn (11. SSW) öppis gseht und alles sowiit in Ornig isch. Es isch die letscht Chance, will i nachher nüme mag - altershalber.

Bin nach dä Geburt vo üsem Junior amigs 20% go schäffelä (Putzä, Dateerfassig, Mittagstisch) jetzt wür i aber mit zwei guten Gewissens ufhörä. Me chönd zwor dänn kei riesä Sprüng mache, aber mit mim KV-Löhnli chasch kei Kita finanziere. Omas und Opas wohnet zu wiit und sie möchtet au als frisch Pensionierti nöd wöchentlich Chind hüetä - verstohn i total!

So schnäll sind die 5,5 Johr ume und bi üs findet viel au nach 10 bis 12 Johr dihei sii wieder öppis, zum Glück. Mache Freiwilligearbweit und baue mir so es Netzwerk uf.

Do üses 2. Wunder es riesä Gschänk wär, wür i s'Mamisii no mol i vollä Züüg gnüssä. Bin jo nüm die Jüngscht

Eu allne viel Glück die nöchschtä Wuchä! Grüess runduma!

[Vierwaldstädtersee]

Ich schaffe inere Kita und bi eus dörfmer die eigene Chind mitneh. Was sehr schön isch aber sicher au ahsträngend. Bi sehr gspannt wie das wird.


@lilyrose ich hoffe fest für üch,dass alles guet isch und wünsche dier eh möglichst Churzwiiligi Ziit bis zum Donstig!

@joeyita woow es Eigeheim, dass isch ja mega mega Toll! De wünsch ich dier viel Spass bim ihrichte! I wellere Wuche bisch du eze? Ha ebe mängisch s gfühl mini Symptom lönd au langsam nache?!?

@smaragd ou was hed din Sohn gha weni das darf frage?

@mami1977 härzlich Willkomme und gratuliere zu üchem Wunder!