Märzlis 2018

[Vierwaldstädtersee]

Liebi Sunny&Vedeja es tuet mier unglaublich leid für üch!
Ich wünsche üch ganz viel Chraft für die nächst Ziit und dass ier dä Verlust chönd guet verarbeite! Üchi Stärndli wirdit uf euch ufpasse und üch hoffentlich scho ganz bald es neus Wunder schicke!
Fühlid euch drückt!
Alles liebi

[Sunny8478]

@vedeja:

Nöd nomol Öpper, wo das betrifft... Das tuet mir mega Leid für di. Das wär dis 1. Chind gsi, gell?

[PüNkTcHeN_1]

@sunny und vedeja: duet mir sehr leid für öich beidi. I hoffä fescht dir chöit das mit öinä Partner zämä guet verarbeitä und dörft öich scho bald übernä gsundä chlynä Wurm fröiä!

[Chnuebi13]

Sunny und Vedeja: es tuet mir mega leid!! Drück nech Düüme das es rasch umi klappet u ihrs guet chöit verarbeite!

[Jocelyn]

Liebi Sunny, liebi Vedeja, wünsche oi ebefalls viel Chraft zum das verarbeite und dass es glii wieder mitem normale zyklus klappet!

Alli andere: mer mached bim nöchste thread e übersicht mit oisne agabe, bis jetzt han ich di folgende übercho:

Jocelyn / 05.03. / ZH / 1992 / 1. Chind
Vierwaldstädtersee / 12.03. / NW / 1991 / 1. Chind
PüNkTcHeN_1 / 20.03. / BE / 1990 / 1. Chind
Gumseli83 / 30.03. / BL / 1983 / 2. Chind (Bueb, 2015)
Lilyrose / 31.03. / OW / 2. Chind

[Lilyrose]

@Vedeja: es tut mir sooo leid, auch wen ich hoffe, dass es sich einfach etwas verzöger hat. Wie gross ist es denn, Herzli schlägt? Ich hoffe immer noch, dass es nicht so ist.

@Sunny: auch für euch tuet es mir leid und ich wünsche euch viel Kraft fürdie Zeit und das ihr euch gegenseitig trösten könnt.

[Lilyrose]

@Jocelyn: hab mein Jahrgang vergessen, 1983

[Gumseli83]

Vedeja... miär fähled d Wort... es duäd miär soo Leid! Ich drück ganz ganz fescht d Düme das es ganz bald wider klappt!

Ha nach so villne negative Nachrichte grad chli en chlotz im Hals...

Ich fänds irgendwiä schön wenn mer d Sternemamis (wenn sie das möchted) bi de Übersicht glich au würded uffüähre... Vilicht eifach separat oder so

[Mami1977]

Liebi Frauä - bin au ganz truurig - so Sache liest mer nöd gern. Ha gad vor mim Gyni-Termin am Nomittag no diä eint Nochricht vernoh. Und dänkt: I verkrafte das nöd, wänns jetzt nüt isch...

So han i dänn zerscht vor Freud brüeled, wills doch guet usgseht, und dänn nachher uf em Spielpi vom Raten uf dä See und i d'Landschaft glueget und au gad no äs Tränli für Eu vergossä. Us luuter Demuet und au Truur, dass es nöd immer bi allne klappet. I weiss au sälber, wie so ä MA isch, und i wünsche Eu ganz viel Chraft, dass Ihr diä schwer Ziit mit Eunä Partner guet überstönd.

D'Hoffnig niä, niä ufgäh - i bin dä bescht Bewiis defür, dass mer dörf zueversichtlich und voller Vertraue sii. Fühled Eu drum umarmt...


Mini Aagobä wäred demfalls:
Mami 1977 / 13.03. / SZ / 1977 (sapperlot, bin ich alt gäg Eu) / 2. Chind (Bueb 2011)

Danke fürs Neueröffnä!

[Papillon_86_]

Hallo zäme

Ich mälde mich au wider mal zu Wort... Bim schaffe isch einiges los und wenni am Abig hei chum, magi amigs nüm de Laptop ischalte und ich mage chuum nache zum mitläse

@Vedeya & Sunny: es tuet mir mega leid, dass ihr eues Sternli verlore händ Ich wünsche eu ganz vill Chraft und vill Glück dasses gli wider klappet!

@ Buuch
Mich wunderets echt, dass mi no niemer agsproche hät! Aber ich glaube im Büro traued sie sich eifach nöd
Familie und nöcheri Fründe hani i letschter Ziit sälte gse willi 4 Wuche weg gsi bi. Aber ja... gli isch de ETT und denn machis offiziell

@schaffe
Ja mer chas würkli niemerem rächt mache... egal wiemers macht, es git immer negativi Stimme. Das isch nöd nur bim schaffe so, au mit stille, träge usw usw.
Ich muess definitiv go schaffe. Min Maa macht en Usbildig und hät nur ganz wenig Lohn. Also gits leider au kein Papitag. Grosseltere wohned nöd ide Nöchi bzw. mini Mama schaffet eh no 100%.
Ob Kita oder Tagesmuetter muessi no use finde... isch beides abartig tüür

@ Gschlächt
Witzigerwiis hani immer gseit gha ich wills 100% nöd wüsse. Aber itz hani mini Meinig total gänderet und ich hoffe mer gsehts

@Vorbereitig
Ich bi irgendwie no gar nöd in Stimmig irgendöpis chaufe oder näie.... villicht will ich mir unbewusst die 3 Mt. gsetzt han wo öpis chönnt passiere... oder willi eifach kei Ziit han oder au kei Energie im Momänt

@ neue Thread
Gueti Idee mit de Übersicht
Papillon / 07.03.2018 / BL / 1986 / 1. Chind

@me
Ziit gaht irgendwie so schnäll!! Morn fangt scho di 12. SSW a *juppiii* und am 22.8. isch ETT *freu und bang*

Wünsche eu en schöne Abig

[Yva88]

Hoi zäme
Endlich ist die große Daueranspannung weg, "ich bin Schwanger ich bin Schwanger" Gedanken, endlich verflogen.
Hab mich selbst verrückt gemacht, aber denke das ist nomal?? ^^ Ist ja das erste Mal überhaupt das es geklappt hat.
Bin immer wieder erstaunt das ich Null Symptome habe, weder Übelkeit, noch Kopfschmerzen oder ähnliches Ende der
Woche wären wir in der 8Ssw.
Nerven euch die Leute auch immer mit, du musst mehr Essen und so? Ist es überhaupt nötig jetzt schon mehr zu Futtern?
Will auch kein Mops werden *haha*
Sonst nix neues hier, hoffe es geht euch allen gut, wünsch euch einen entspannten Abend.
Gruß Yv
( Angaben )
Yv / 21.3.2018/ SO / 1988 / 1. Kind

[MarleneB]

Guete Abä zäme

Ig liese zwar jede Tag was so louft da aber chume im Momänt fasch nid zum schribe.

Wenn ig liese, dass scho paari ihri Stärndli hei müesse ga lah macht dass mich ganz fescht truurig und nachdenklich... Wünsche allne ganz viel Chraft und bald äs nöis Wunder...

Ig ha hüt SSW8+3 und bi ou scho agschproche worde... im Gschäft versuechis mit Blazer und Schal no chli ds verstecke. Han immer so en Blähbuch wo mega useschtaht.

Morn ire Wuche chani ändlich wieder zum Gyni und hoffe eifach dass alles guet isch.

Hie no mini Daten:

MarleneB / 22.03.2018 / ZH / Jg. 1980 / 1. Kind

LG
MarleneB

[Smaragd]

@sunny & vedeja ig ha so ghofft und es tuet mr unendlich Leid, dass dir das müesst erläbe! Wünsche öich ganz viu Chraft i dere schwere Zit!

@Itrag 1. Seite:
Smaragd / 19.03.2018 / BE / 1981 / 3. Kind ( Girl 2011 / Boy 2014)

[Flusi]

Hoi mitenand

@Vedeja und Sunny: Es tuet mir so wahnsinnig Leid, dass ihr so truurigi Nachrichte übercho hend. Es risst eim eifach grad s'Härz use und isch so fescht truurig. Au ich ha das mit de MA müsse erläbä, und das isch so en riese Schock gsi. Me fragt sich denn immer: Warum muess das üs passiere? Öpert hät mir denn gseit, dass das denä Mänsche/Paar passiert, wo das möged verchrafte und das zämä chönd durestah. Bi mim Maa und mir isch das würkli so gsi. Sit det wüssemer, dass mer alles schaffed. Und mir sind voreme guete Jahr miteme Wunder belohnt worde wo mir eifach nur ganz extrem schätzed und dankbar sind. Bi üch wird das au so si! Ganz sicher wirded au ihr miteme grosse Wunder belohnt. Die einte müend gemeinerwiis eifach vill Geduld ha. Aber es wird klappe! Ich dänke fescht a üch, drucke fescht de Duume und wünsche üch ganz vill Chraft.

Verurteilen: Ja das isch es schwierigs Thema. Ich hätti au nie denkt, dass mer als Mami so fescht beobachtet wird. Und wemers de nu immer allne wett rächt mache chunt mer sowieso in Druck. Ich ha das au recht müesse lehrä und mich scho es paar Mal chli agriffe gfühlt. Schlussendli machis aber eifach so, wie mirs für richtig halted, wies fürs Chind am beschtä isch und was für üs funktioniert. Mitem Schaffe isches genau glich, ich cha jedi Iistellig verstah. Vomene Mami wird scho einiges erwartet. De Huushalt sött top si, immer perfekti und gsundi Mahlziite parat, d'Chind guet erzoge und suuber kleidet, s'Mami sälber sött au nu gstylet usgseh und 2 Täg go schaffe sött mer au no... Ich han scho paar Mal dänkt: Ui, wenn das jetz öpert wür gseh. Aber denn gsehni min glückliche (dräckige) Sohn und dänke, das isch s'richtige Läbe, das isch s'einzige, was wichtig isch!

@smaragd: Oh, da händ din Sohn und au du aber happigi Täg hinter üch. Ich hoffe es wird ganz schnell wieder guet! Das mit de FA hätti glaub au so entschiede. Ich hoffe du fühlsch dich guet ufghobe! Wenn dich öpert uf d'SS aspricht unds du nöd wetsch sägä, was seisch denn amigs? Ich cha sooo schlächt lüge...

@pünktchen: Ich ha kei Erfahrige mit Tagesmamis, ha aber im Umchreis scho ganz vill guets drüber ghört. Es isch halt eifach persönlicher, aber me muesses sicher au guet träffe... Ich würd sälber au gern mal Tagesmami wärde.

@papillon: Wow, du häsches au scho fascht gschafft! Und denn darfsch los, die tolli Nachrichte go verbreite

@mami: Nach all denä truurige Nachrichte, bin ich sooo froh gsi, dass du hüt gueti Nachrichte übercho häsch. Ich freu mich ganz ganz fescht für dich. Ich has glich wie du, nach denä Nachrichte han ich rächt Schiss vorem erschtä Untersuech morn. Ich han sones guets Gfühl. Wenns jetz nöd guet isch, denn ziehts mer de Bode weg und s'Urvertraue isch wäg. Ich hoffes eifach so...

@Agabe: Mini Agabe sind
Flusi / 28.3.18 / SZ / 1988 / 2. Kind (Bueb 2016)

... und jetz wünsch ich allne e schöne Abig!

[Chnuebi13]

@Verurteilen: es ischmega krass was sech dLüüt Zt erloube!! Herrlich findi aube o dr Satz närne "aber es geit mi ja nüt ah..." iwenn rütscht mir äuä es "das wäri durchus so, wieso hautisch di de nit eifach drus?"
Schlimm findi ou das gäng aui am Kind im Gsicht umegrabsche u hässig wärde wenn me ne seit si söue nit. Ider wei sNuggi klaue!!

@Übersicht: merci viu mau fürs mache! Hoffe i ha nüt vergässe
Chnuebi13/Kt BE/1988/30.03.2018/Meitschi 2016

[Gumseli83]

Morge mitenand...

Die vile schlechte News vo geschter hend mich grad chli abezoge... bin im Moment au grad nümm so positiv wiä au scho... hoffe das chund denn wieder...

@Blaseentzündig
Zum Glück doch nüd. Es hed zwar Bakterie aber nid so vill, das mers müssti behandle. Min FA hed aber gmeint dass das mit de Preiselbeerchapsle sicher kei doofi Idee sig, wenn ich schiinbar chli afällig bin defür i de SS.

@Alange
Das findi au ganz furchtbar Chnuebi... und immer is Gsicht... Wenn mer s chind im TT hed dunkts mit zwar weniger, will denn muäs mer ja am Mami fascht am Buse verbi grapsche - wobi das gwüsse denn au nid abhalted.
Genauso schlimm findis Buuch-Grapsche... Miär hed bi de letschte SS en Geschäftspartneri duurend an Buuch müsse länge... iri Tochter isch grad ähndlich wiit gsi und sie heds liäb gmeint, ich has aber recht unagnähm gfunde... Finds denn mängisch au no schwierig wiä mers de Lüt seid damit sie nid grad voll vor de Chopf gstosse sind. Will freudigs Interesse egal öb für de buuch oder nachhär s Bébé isch ja eigentlich positiv.
(Bim Ross hani immer gseid "Achtung, es biisst!"... )

[jayaschwa]

Hoi zäme

Ich bin no Newbie und han mich erst grad da im Forum registriert.
Bin hüt 10 + 6 schwanger mit mim 1. Chind nach 5 Jahr erfolglosem Chinderwunsch und diverse erfolglose Chinderwunsch-Behandlige. Es Wunder isch passiert und mier sind doch, entgege allne Ussage vu Ärzt, unerwartet, natürlich und vu allai schwanger worde.

Tut mier vu Herze laid für die vu oi wo laider dä chliini Würm händ müesse gah lah, ich waiss wie schmerzhaft dass das isch und wünsche oi alles Guete und vill Chraft für die schwierigi Ziit.

Isch ev öpper vu oi vum ZH Oberland? Ich bin in Illnau dihai.
Würd mich froie mich mit oi da ine chli dörfe ustuusche.

[Shrimpy88]

Hallo zusammen!

Uiui, hier ist ja einiges los... Wünsche denjenigen, mit der traurigen Nachricht, ganz viel Kraft. Verliert den Glauben an's Gute nicht!

Übersicht: Shrimpy88 / LU / 1988 / 06.03.2018 / 1. Kind
Danke schon mal für die Arbeit!

[Flusi]

@grabsche: Ou ja, das mitem Chind alange hani au gar nöd gern! Min Sohn mags au nöd liide und wändet sich amigs grad ab, denn merkeds d'Lüüt amigs grad sälber.
Mitem Buuch hani nie Problem gha. Wahrschindli hät mers mir grad agseh, dass ich das nöd wett...

@gumseli: So guet, dases kei Blasenentzündig isch. Ich hoffe es bliibt so! Ich merkä au, dass mich s'Schicksal vo de andere fescht beschäftiget. Mir müend glich probiere positiv z'blibe, au wenns schwierig isch...

@jayaschwa: Herzlich Willkomme bi üs und herzlichi Gratulation zur Schwangerschaft. Da wett öpert ganz unbedingt zu üch! So schön, dass mängmal doch so schöni Wunder passiered! Ich freu mich fescht für üch!

@me: Eeextrem nervös und ängstlich han ich hüt Morge zum erschtä Untersuech dörfe ga. Gott sei Dank isch alles guet. S'Härzli hani grad sofort gseh pöpperle und d'Grössi stimmt au. Ich bi sooo froh und dankbar, au dass mich mis Gfühl nöd tüüscht hät. Jetz chömed die schlimmere 4 Wuche, bis s'erschtä Trimester verbi isch. Zum Glück han ich ganz en tolle FA. So darfi i guet 2 Wuche nomal en chline Zwüschebsuech go mache, bevor de i 4 Wuche de ETT gmacht wird. Da drüber bini sehr froh.

Lg

[Gumseli83]

@Flusi
Oh so schön das alles guät isch und s härzlich fliissig pöpperled.
Warum sind diä nächste 4 Wuche für Dich diä schlimmere? S Risiko sinkt ja mit de Herzaktivität... resp. mit jedem Tag meh.