Juni 2019

[Ari]

@Panda uf jede Fall bi dir isches ja scho de Dunstig sowit mit dem Untersuech, oder?
Bi mir wirds vorussichtlich s Triemli in Züri. Wohne zwar in AG aber trotzdem nah bi Züri und da ich bis vor chli meh als 2 Jahr no im Kanton Züri gwohnt han fühl ich mich det eifach irgendwie 'heimischer'.
ET isch de 6.6. d FA het mich zwar bi de vorletzte Untersuechig 4 Täg zurück gstuft aber sie het gmeint alles unter 5 Täg Unterschied wird nöd gändered also blibts bim 6.6. Wär es praktisches Datum für min Verlobte, de chan sich Geburtstäg üüüüberhaupt nöd merke

[Panda89]

@Ari genau, am Donschti hani di grossi Untersuchig u bi langsam aber sicher wieder chli nervös... aber immerhin gsehni bir Untersuechig mis chline schätzi wieder vo demher isch dfröid glich no grösser aus dnervosität
Ah super, ja Triemli isch sicher ganz guet emu hani bis itz nur guets ghört vo dert u das verstani das du di in züri glich no heimischer fühusch we dert vorher gwohnt hesch us no nid lang här isch u me söu ja ou dert härä wos eim wou isch..
Ah okey, aber de isches guet wes glich nid gänderet wird, das datum vergisst din verlobt emu sicher nid aber chasch di tröschte, bi mim Ma isches dasselbe mit datum merke u drum hei mir ou am 6.7.18 ghürate, das cha är sech no merke

[Ari]

@Panda Chunt guet, nur no 2 mal schlafe
Ich würd au wahnsinnig gern wieder in Züri wohne aber d'Mietene sind zum Teil sooo höch... aber ja, vo det us wo mir wohned hend mir au nume 15 min bis is Triemli Spital, da gaht das au.
Haha, ja mängisch brucheds wohl e chli Hilf bim Datum merke

[Panda89]

@Ari Ja genau no 2 mau schlafä u nehr gsehni das schätzi wieder ja züri isch leider nid so günschtig zum wohne leider.. finges so schad das dmietine dert so höch si sisch wärä mir ou scho lang dert ah aber 15min entfernt vom Spitau isch guet
Haha jaa das isch so

[Anbe92]

@Panda wünsche viel glück bim untersuech hütt meldsch di denn - wird sicher alles guet sii

[Panda89]

@Anbe92 Oh merci viu mau das isch mega lieb vo dir
Am 11i hani dr Termin ig hoffe ou das aues guet wird si aber chunnt sicher scho guet mäude mi emu de nehr nachem untersuech

[Panda89]

Auso ig bi nach wie vor im Spitau... u zwar het mis chline Wunder hüt eher si ruhig Tag u het sech nid i di richtigi position wöue dreie für dmessig vom nackä... Doberärztin isch no cho u de het sie no e Vaginale ultraschau gmacht aber ou dert het sech dsbaby nid wöue dreie aber nach langem umeprobiere hets itz klappet itz bini eifach no am warte für bluetentnahm... u am Mäntig bechume ig nehr bscheid wetts am liebschte itz scho wüsse aber itz muessi mi ebe no chli gedulde aber wird sicher aues guet si

[Anbe92]

@Panda
He super das freut mi meega!!! bluetwärt sind sicher au in ornig!! und, nach wie vor kei schwangerschaftsazeiche?

[MayAnn]

Hallo zema. bi neu do:)

6.6./MayAnn/ZH/1992/3.

[Ari]

@Panda das freut mich. Da hend mir ja villicht beid e chli Schlaftablettene, bi mir isches ja au recht stur gsi und het kein grosse Wank wele mache Mäntig isch ja zum Glück au nüm wiit weg

@MayAnn Herzlich Willkomme

[Panda89]

@Anbe92 merci viu mau isch mega lieb vo dir hihi ja itz no warte bis am Mänti u luege was sie meine wirde sobaud igs weiss de sicher schriebe nei immer no nid... dseinzige woni ha isch extreme hunger sit Mänti hani dsgfühu dasi im stundetakt chönnt ässä u bi dir?

@MayAnn Härzlech wiukomme

@Ari Hihi ah guet de isch mis chline emu nid dseinzige wo chli stuur isch gsi bi emu froh wos sech nehr nach 2std mau kehrt het ja das stimmt, 4mau schlafä u de weissi scho bscheid aber ig ga itz emu fangs nur vom positive us

[Anbe92]

@Panda super, und wiemmer gseht isch au ohni azeiche alles beschtens!
Bis uf das, dass mini Brüst die wuche na meh weh tüend als sust hani au gaaaar kei azeiche.... mache immer na a dere doofe gripp ume und psychisch isches grad recht astrengend für mich....

[Panda89]

@Anbe92 Hihi ja, ou we me kener Azeiche het bedütet das nüt schlimms, jedi schwangerschaft isch haut anders Oh je aber das kenni, mini düe ou immer no spanne... oh du armi, hoffe auso dases itz nur no besser wird u di grippe furt gaht... Aber birer schwangerschaft het me gloub eher es schwächers Immunsystem.. aber hoffe es besseret schneu..
U duet mir leid wes psychisch ou no grad asträngend isch für di.. Aber egau was isch, das wird u chunnt guet da gloubi fescht dra

[Anbe92]

@Panda genau so isches ja hoffe au dases bald dure isch... mit huusmittel duuret halt alles viel länger... aber es isch langsam chli astrengend...
danke vielmal das isch lieb! Muess mi na gedulde bis am mentig... denn weiss ich meh....

[Ari]

Oh ja Erkältet si isch grad SO müehsam. Bin jetzt sit enere Wuche ziemlich stark vercheltet und jetzt wird d Übelkeit zwar langsam besser aber defür chan ich jetzt weg em Hueste nöd schlafe

und bi de Azeiche hend ihr mir das mit de Brüst vorus, die hend bi mir niieeee gspannt oder grossartig weh ta... biz empfindlich sinds, das isch alles.

[Anbe92]

@Ari ohjee duu armi, ich hoffe bisch bald wieder fit, das mitem hueste kenni.. bin jetzt 3 täg dihei gsi willi mi so schlapp gfühlt han.. hütt go schaffe aber es isch eifach gar nanig guet.. mega hartnäckig.. wünsche dir ganz gueti Besserig und heb dir sorg!
Hihi das mit de Azeiche isch scho spannend, so isch jedi frau unterschiedlich.. zum glück isch dini Übelkeit besser worde

[Panda89]

@Anbe92 ja das isch ebe dr Nachteu, Huusmittu si super aber es duuret haut viu lenger aus mit anderne medis.. hoffe emu dases ganz schneu besser wird..
Wöu das gloubi soforr dases langsam asträngend isch..
Ja am Mäntig hesch du de no dr gross Untersuech das wird aues guet cho mit üsne schätz.. hesch dr Termin am Morge oder am nami?

@Ari oh je de bisch du demfau ou vercheutet oh itz wo dübukeit langsam besser wird hesch itz no hueschte.. hoffe auso ou dases bi dir ganz schneu besser wird.. isch sicher angers müesam mit em hueschte
De chunnt das mit de Brüscht sicher de no bi dir isch aber ou nid so agnehm leider.. emu mi Ma het nid so fröid dran wenni ihm aube fasch eis tätsche wener chum a chunnt

[Ari]

@Anbe92 Merci, dir ebefalls Gueti Besserig! So ganz ohni Medis isches wirklich no hartnäckig. Chöntsch denn villicht no chli länger dihei blibe und dich schone?

@Panda89 jaaa ich bin eh so eini, ich merk dass es Winter isch wenn ich s erst mal vercheltet bin aber danke au dir. Chunt scho guet, isch au scho chli besser als am Wuchenend.
Das glaub ich dir sofort, dass das au nöd agnehm isch.. und din Maa muen da leider dure, er würd die Schmerze ja sicher au nöd wele ha

[Panda89]

@Ari De cheibe Winter... U ja bi dene Temperatur wächsle wo mir fasch ständig hei isch me nehr de ou no mau schneuer vercheutet... aber de bini froh wes scho besser aus am Weekend isch u de wirds itz nur no besser
Haha jaa er wirds emu überläbä aber bi de ou froh we si nüm ganz so fescht spanne wie itz

[Anbe92]

@ Panda danke dir vielmal
Han de Termin am 13:30.... hoffe so fescht das alles guet isch.... und ich bin au soo gspanne wenn endli mal de buch afangt wachse....

@Ari danke diiir vielmal hoffentli simmer beid gli wieder fit!