Bin also widar go bada und as isch widar as biz besser worda, han so all 10-15 minuta gspürt wia sich in minem krüz alles zemazücht, aber buch het sich u guat gfühlt, bin also au widar mim dogli go laufa, han allerdings wärend am laufa gmärkt das i villicht nid söt zwit go, bin den au bald widar dihai gsi, aber mit fernseh luaga und entspanna isch s widar wia vorem laufa gsi. Mis Schatzeli het mi numa komisch agluagt und au nid so recht gwüsst, aber so ab am8ti am obed ischden allmählich losganga....szücha isch immer me worda, da abstand kürzer und es isch au regelmässig worda, so alli 5-6 minuta. Han den no 2 stund gwartat,irgendwia han i nid könna glauba das as losgoht, miar osch so guat ganga und i ma ghört jo immer numa wia schlimm das da schmerz isch und au wenn selber uf infosuach gosch..eba.Sind den so geg dia 10i üs am barat macha gsi für ins spital i bin u nerväös worda, an fehlalarm wär miar nämli upeinlich gsi und sind so am 11 im spiital itrudlat wos ehrlich gsait im ersta moment nid grad so freut gha hend, alli gebärzimmer voll, i müass in as whzimmer und den hends mar zerscht a halb stund herztön und wehauntersuacht. Dhebamma isch gum bin i aghängt gsi verschwunda,as sigend 5 geburta im gang...
Mis schatzli und i hend denn amol abgwartatet, i han müassa a halb stund uf da glicha sita liga und bin fascht gstorba, mi nid zkönna bewega het mar gar nid passt!
Aber au das sich verbi, bin den im 5 minuta takt ufs wc, au wenn mini blossa leer gsi isch,uups,het druckt.
Also, Heztön o.k., Weha schwach und mumu 3cm. Si het gmaint das därztin no alles söll kontrolliara und den könn i widar hai. Aerztinhet den au nid vill gsait, isch aber u liab gsi!, het gmaint i söll no liga bliba, si muass schell in op und en werdi widar go könna. kum isch si ganga, isch miar druchtblosa platzt, Pressweha hend agfanga und i bin hina und vorna nüma drus ko. Uf zmol isch den asbettli und a2ti hebamma umagsi und nach insgemat 20 unagnehma minuta isch dia kli uf da welt gsi......Wunderschön mit perfekter Hut,gsund und verschlofa, aber si hend si miar den grad agleit und den het si trunka...as absolut unbeschriblichs gfühl,han nur no köna Sie aluaga und mina schatz und miarsind wia verzaubertgsi.
I bin u fro das alles so guat ganga isch, nur dumgebieg het miar im nachinein gar nid gfalla,bin drum au nach 2 Täg hai mitara wo sich a supercooli, liabi Hebamma spontan bereit erklärt dnochkontrolla zmacha.
I wais das i snöchsta mol das ganze wit intensiver erleba, miar isch as den fascht zschnell ganga, aber dank dar grossariga unterstützig vo minem liaba ma han i hüt guati erinnariga wenn i zruk luaga und gnüss jeda tag mir IRIS.[
Danka das i di erfahrig döf do ufschriba und entschuldigung wens aso lang worda isch, aber i bin serschta mami in minem Bekanntakreis und gnüss das drum recht do!
)