Januar-Babies 2023

[Mamelo]

Gratuliere der Nia

[Moorea86]

Allne neue herzlichi gratulation.
I han au en termin gha gester.
Ufem weg zum arzt bluetige. Wo grad wieder ghört hend. Mer het ,obwohl i ersch 5+3/4 bin, bereits s herzli flimmere gseh. Baby do. I han wöchentlich kontrolle mit minere vorgschicht. Sit den ha inimmer wieder schmierbluetig. Aber zum glück brun. Mol luege wie s witer goht.
Et wer ca. 30.01.23. esch s zweite chind. Sohn dez 17. und 9 sternlis

[JoysLife]

Hallo zämme, nachdem ich jetzt e chli still mitgläse han, meld i mi au mol no offiziell in d gruppe

Mir erwarte au e januar 2023 wunder und es isch unsers erste <3<br>
Aktuell bi i öppe in d 7e wuche (6 3) und s härzli hän mir bim fa scho dörfe gseh. Jetzt heisst abwarte und mit dere doch recht unagnähme dauerübelkeit lerne umgo…

[Mamelo]

willkomme joysLife und herzlichi gratulation

[Lalelu88]

Gratuliere und dir moorea drucki fest dr duume dass das mal alles guet gaht!!!

[tricky]

Hallo Zäme,

Wenn alles guet geit bechüme mer o ä Januar Baby. Ha ET 30.01.23 U es isch die erschti Schwangerschaft. Ha letscht wuche teschtet, nach de Ferie. Irgendwie chanis fasch nid gloube was da alles in mir passiert .
Liebi Grüess us Bärn

[Bluecat23]

Hatte heute ersten Ultraschalltermin und habe das Herzchen flackern gesehen! aufregend! Ist meine erste Schwangerschaft

[Lalelu88]

Halloo mitenand! Ich han dä 2. US ka und min buuchbewohner isch viel grösser gsi als erwartet ich han mini letzt periode am 31.3. gha = 10+2. etz bini aber uf 11+4 vordatiert worde - somit gits wohl es Dezemberli, aber ehrlich gseit verunsicherets mich sehr, ich ha kä ahnig wieso das chindli so gross sött si und bezüglich zügigstermin bini sehr sicher und gemäss dem wäri maximal bi 10+4 Scho mal öper so ä erfahrig gmacht oder devo kört? 7-9 täg dunked mi ebä scho seeehr viel i dem Stadium..

[Mamelo]

hallo lalelu88

oh wow scho de 2. - i wett au
vellecht hets eifach grad en mega schib gha ond bes uo de nöchschte ondersuechig pendlets sechs de weder i.
sie chöme jo so oder so uf d welt wens wend. dene esch d woche egal

lömer eus öberrasche

[Mamelo]

wie gohts euch metschwangere so? i be höt i die 11. woche grötsch ond somet wär theoretisch jo scho 1/4 dore

i ha s ein oder andere wehwehli aber secher ned so das i mi gross beklage chönt. momentan schlohts mer aber recht uf d psyche, i be soöppis vo atriebslos ond demotiviert . hoffe es chöme gli weder bessere ziite

[linaluna]

Eieiei scho 1/4 das gad ja ruckzuck!
Ich bin i de 10. Woche und bi mier gads momentan nid so guet. Übelkeit, Erbreche, Appetitlosigkeit und Kreislauf/zämeklappe sind grad die Sache, wo mich chli ischränked. Findes so midem Schaffe au recht schwierig und frage mini Gyn glaub mal was mer no chan mache. Sie hed mier letzti Ingwerkapsle gäh gha, aber die stossed mega uf und denn wirds mier erst recht schlecht Immerhin heissts ja, dasses am Baby tendenziell guet gad, wenn zMami liidet

Bi mier ischs die erschti Schwangerschaft. Wie gads eu andere? Für die, wos nid die erscht Schwangerschaft isch: wenn ischs bi eu mit de Übelkeit/Erbreche besser worde?

[Moorea86]

@linaluna
Also ich kämpfe au grad mit übelkeit. Chone morn i die 8ssw. I weis no bim sohn dazumals hwts bi mir au öpe i de 7 ssw agfange ond den öpe i de 12/13ssw ghört. Es esch müehsam ständig schlecht ond so uf gar nüd lust zum esse. I schaffe au nebedra. Nur schaffe esch öpe s gliche wie wenn no es chind dihei bisch. Dem chasch au ned säge i mues jetzt go ligge ond mer gönd ned uf de spielplatz. Drum empfind i hs bim schaffe öpe glich wie dihei . Was mir hilft sind chalti getränk ond immer was esse. I trinke soscht nie süessgetränk. Aber cola ond apfelschorle sind moment min retter. Au so sache wie nüss ond salzstengeli. Chalts wasser mit iswürfwl ond früsche münzeblätter hilft mer au.

[Bluecat23]

Hey Mädels, mir ist es zwar nicht wirklich übel, aber ich leide unter Appetitlosigkeit (und etwas flauem Magen), trotz grossen Hungers. Ich versuche möglichst oft etwas Kleines zu essen. Was ich gerade für mich entdeckt habe: Bouillon! Ich habe im Moment grundsätzlich das Bedürfnis nach Salzigem und mit der Bouillon kann ich leichte Übelkeit bekämpfen und den Appetit anregen, so dass ich nach der klaren Suppe eher essen mag. Vielleicht hilft es Euch auch? Bin gespannt auf Euer Feedback

[Jana21]

.

[Bekka]

Hallo zäme

Mir händ vor 3 Wuche au positiv testet. Da ich aber nöd sicher gsi bin, obs es Januar- oder Februar-Baby git, hani no biz zuegwartet mitem Monatsforum. Mir händ scho en Sohn, wo Ändi Mai Zwei worde isch. Für eus de perfekti Ziitpunkt für es 2. Chind & drum freued mir eus sehr, dass er es Gschwüsterti bechunnt.

Leider lid ich sit 2.5 Wuche unter sehr starker Übelkeit, Appetitlosigkeit und au Erbreche. Ich kenns scho usde 1. SS, aber dete het mir seinte Medikament no guet gholfe. Da ich weg dere starke Übelkeit gest notfallmässig zude Gyni han müsse, wüssemer, dass sHerzli schlat & es am Baby guet gaht. Gott sei Dank! Usserdem het sie, wie ich scho erwartet han au bestätigt, dass sBaby scho biz grösser isch & de ET Ende Jan si wird.

Bin scho i minere 1. SS i sonere Monetsgruppe vom Swiss-Mom-Forum debi gsi & muen sege es isch super gsi. Ich han de Ustusch mit de anderne werdende Mamis extrem gschätzt. Es tuet eifach guet sich chöne gägesitig zunterstütze, Tipps gäh & eifach fürenand da si. Drum wür ich mich sehr freue, wenn ihr mich als "Nachzüglerin" auno i eues Grüppli ufnäh würed. Gern au id Facebook-Gruppe, da ich mit dem Forum irgendwie nöd eso guet zschlag chume...

[Nigginäggi]

Probiere es mal so: Hoffe es klappt https://www.facebook.com/groups/950113922342206/

Hallo zusammen

habe soeben eine FB anfrage geschickt. Werde in Jan 23 zum ersten Mal Mami und möchte mich gerne austauschen.

[Marzipani]

Hallo zäme

Mi Name isch Nina. I bi 29i, wohne in Kirchberg BE bi Burgdorf. I bi im 4. Monet vo mire 1. Schwangerschaft. Koche, bastle, spaziere, gärtnere und Karte-Spieli fäge.

Wer het Lust sech bimne persönleche Treffe usztusche? I freue mi uf dini Nachricht.

[Moorea86]

Wenn Jemand in die whats app gruppe möchte, macht mir doch eine pn mit eurer nummer. Damit ich euch dazufügen kann.

[rockcherry24]

Hallo in die Runde

war schon ewig nicht mehr aktiv hier im Forum. Nun bin ich in der 18.Woche schwanger, Termin ist der 23.01.23 und es ist mein 3.Kind.
Suche ein wenig Anschluss für Austausch, da in meinem Freundeskreis alle schon aus der Babyphase draussen sind. Die haben alle Kinder im Alter meiner zwei grossen Jungs (7&10J.). Da ich nochmal geheiratet habe und mein Mann keine eigenen Kinder hat, haben wir uns für noch eins entschieden.
Bis jetzt sieht alles gut aus, Geschlecht wissen wir vorraussichtlich dann Anfangs September wenn wir den Ultraschall um di 20.Woche haben. Bin schon sehr gespannt

[Moorea86]

Hallo rockcherry

Möchtest dunin die whats app gruppe? Hier und im FB läuft kaum was. Sind ein tolles Trüppchen. Grüessli