Kinderwunsch 22/23

[Serrali86]

Ufschriba los immer guat a zettel zha
Jo miar werden üs den au mol überlega zum den je noch dem dia kli ina kita zgeh wenn a zweits unterwegs isch. Gell d eltera hen halt doch au immer meh alters wehwehchen.
Han gra a pandakostüm bstellt. Aber ganz will sis ni alega. Aber hüt isch si mol mit da arma ina. Muass den mol mis alega, vilicht kannis ihra so schmackhaft macha

[Mama21]

ooh jööh panda so herzig. ja mol luege was mir do findet

muess jetzt nocher notfallmässig id medbase, da ich en recht grosse bluetfleck gha han. zwor brun, aber muess sit vorgestee fragmin sprütze...
hoffe eifach, alles isch guet... mini ärztin isch leider nöd ume, drum muessi zumne andere gynkolog, aber sie wönd mi gseh. sicher isch sicher...
ha scho chli schiss...

[Serrali86]

wia gohts dr mama21??? isch alles guat ganga???? Denka fest an di!

[Mama21]

jo isch zum glück alles guet. het keis hämatom, und au d plazentas sind guet. kei ahnig vo wo dass da bluet her chunt. aber beidi babys hend ihren gsunde herzschlag bin echt erliechteret gsi, wo alles guet gsi isch. sogar d gschlechter het mer hüt sehr guet gseh und chöne unterscheide. git also en bueb und es meitli
muess mi jetzt körperlich schohne.

[Serrali86]

Bin froh das zghöra
Aber jo so sacha machen eim schu angst. Hoffa das isch ez a eimoligi sach gsi.
Oh schön das findi schu au lässig bi zwilling wenns buab und maitli sin. Denn könndee ez mol and näma. Odee hender schu idea?

[Mama21]

jo han noch wie vor immer no bluetige, aber alts bluet. isch chli nervig, merke au de buch selber.
jo für de bueb hemmer zu 98% eine für meitli bruchts nochli überzügigsarbeit

[Serrali86]

Was hens den ez gseit? Kei sorga macha solangs brun isch oder muasch bald nomol go zeiga?

[Mama21]

ich han nöchste ziistig sowieso de nöchsti termin bi minere gynäkologin. de arzt gester meint, dass i mim fall alli 3 wuche besser wär als alli 4 wuche. also untersüech. s segi halt e risikoschwangerschaft (de erst wo das wort au usgsproche het). au jetzt mit em fragmin chas nomel risikohafter werde.
i söll mi jetzt guet schohne. er heti mi au die wuche krank gschribe, aber han us... angst isch viellicht s falsche wort.. aber halt weg de chefin ufs zügnis verzichtet has hüt zwor scho gmerkt, au wenns nur en halbe tag gsi isch... mol luege öbi am donnstig und fritig mag schaffe..

[Trinaburbuja]

Hallo Zämme,

Ich Druck euch allne ganz fescht d Düüme wo grad am "hibble" sind und freu mi uf die Reis mit Euch
Und härzlichi Gratulation an Alli wos schowidr igschlage het

Ich mäld mi do au widrmol. Ich bi im Summer 22 drzuegstosse nachdem ich im April 22 e MA in dr 8. SSW gha ha.

Afangs Juli hets bi uns denn erneut igschlage gha und mir händ uns wahnsinnig gfreut.
Leider hän mir uns vo unserem Baby im Dez 22 in dr 24te Wuche miesse verabschiede und zu de Stärnli zieh lo.
Aktuell wart ich nach Stiller Geburt im Dez. Und Usschabig Afangs Johr uf mini Mens...
Denn woti 2 Zykle durego lo unds denn widr avo probiere..

Freu mi ufe gmeinsame Ustusch

[Serrali86]

@mama21: Wia gohts dr hüt? tuan jo guat uf euluaga. weiss isch a blödi situation mim schaffa, aber euri gsundheit isch wichtiger!!

@trinaburbuja: Liabe Trinaburbuja, herzlich willkomma bi üs. as tuat mer sehr leid zläsa was iar schu duragmacht hen uf eurera kinderwunschreis!! i drucka eu fest dr duma dass iar bald wieder töffen positiv testa und eures gsunda wunder denn inda arma ha töffen!!

me: mini erst SS im 20 het au inema MA gendet, das hemer indr 13. ssw gmerkt wos um da ETT ganga isch. Han den au a Usschabig kah. januar 21 hemer wieder töffa positiv testa und üsi kli isch im september den ufd welt koh. miar hen üs ez entschlossa zum den abem herbst wieder hibbla. hen eigentlich afangs johr ez wella, aber den het buda vum fründ wella daser meh schafft und ez tüamer mol luaga wia sich das ispielt, au weg dr betreuig und den föhmer den wieder a hibbla. das isch so mini gschicht.

[Mama21]

@trinaburbuja
uff, hend ihr scho viel dure gmacht .. hoffendlich klappets bi eu ganz schnell. und dass den au alles guet use chunt und ihr eues wunder bim wachse chönd zueluege

@serrali86
bin hüt wieder bi de gynäkologin gsi, weils nöd ufhört und jetzt au no übelkeit, liechte schwindel und chopfweh ihgsetzt het... gest obig ischs sogar bitz frisches bluet gsi.
bin jetzt 2 wuche krankgschribe und ha den de nöchsti termin bi de ärztin. söttis wieder frisches bluet geh, chani direkt is ksw (kantonspitol)... morn muess i zuesätzlich nomel is thrombosezenter zum bluet abgeh. sie möchted luege, öb allefalls s fragmin zu stark isch ... ggf. ahpasse, weniger einheite oder so...
so langsam chumi zuesätzlich schiss denn über wege de ss-diabetes. weni jetzt scho so problem ha, willi nöd wüsse wies denn mitem insulin isch...
allgemein wünschi mir, dass die schwangerschaft schnellst möglich dure isch hani mir nöd so vorgstellt... ha denkt es wird wie bi de tochter..

[Serrali86]

Jo das macht aber schu sinn da termin im thrombosezentrum, will as het jo ez schu au agfanga sit do sfragmin sprütza muasch. also vilicht au a dumma zuafall, aber isch schu guat wema das nomol gnau aluagt.
und hens den sus no aswas gmacht hüt bir gyn? also bluat knoh oder so zum sus luaga ob alli wert ok?
mol dr tüfel ez noni and wand weg ss-diabetes. das muass jo ni si. eba du gsehsch jo ez jo schu wia unterschiedlich schwangerschafta si könn. :-/ tuan ez luaga das di zerhola kusch. hesch bizli wär wo di no unterstütza kann und mol euri tochter beschäftiga wenn si ni indr kita isch?

[Mama21]

jo si hend hüt meh bluet als sust gmoh, damits reserve gha heted falls nomel was gluegt wprde währ. bluetdruck isch bitz erhöht gsi.. aber bi do au grad ahcho, viellicht weg dem.
ultraschall isch hüt kei gmacht worde, da scho am mäntig gmacht worde isch. und au alles guet gsi isch.
bin jetzt mol uf morn gspannt.

jo wenn di chli nöd ide kita isch, luegi eifach, dassi trotzdem mich schohne duen. sie spielt guet elleige, au wenn sie aktuell viell scheiss im chopf het
aber sie isch ruhiger als au scho.

[Serrali86]

Und hesch dina termin schu kah hüt?

Oh seb isch aber auper wenn si sich allei beschäftiga kann. Do isch bi üs nonüd davo in sicht

[Mama21]

jo bin scho wieder dihei und endli mol am ligge
aber etzt heissts warte uf d ergebnis.

[Trinaburbuja]

Danke Euch für die liebe Wort
Ich bi friehner immer mit de Gedanke dra gange, dass bi mir de mol au alles riibigslos wird laufe, will eim jo immer gseit wird, dass s Chinder becho s einfachste uf dr Wält isch... Also das wird eim ufjedefall vo überall hör Vermittlet...
Aber jetzt bini anders belehrt worde und umso mehr me drüber schwätzt, desto mehr bechunnt mes mit, dass ganz vieli Fraue au sowas schlimms händ miesse dure mache

Ich drugg euch allne d Düüme, die wo früsch Schwanger sind unds no möchte wärde.
Wie gseit mir warte jetzt mol 2 Zykle ab und denn luege mir witers

[Serrali86]

@mama21: wia lang muasch den ufd Ergebnis warta? Het sich den was gänderet mitem Bluat?

@Trinaburbuja: Jo das kenni. isch genau wia da seisch. wenn mol mit da lüt über fehlgeburta redisch, den merksch wiaviel das schu erleba hen müassa. Miar isch au immer gseit worda, wenn ma kei bluatiga het isch e alles guat. naja dem war nicht so. :-/
Drucka dr duma das dmens bald kunnt. So schlimm wias gsi isch bin i trotzdem u froh gsi noch dr usschabig wo dia den doch zimlich "normal" koh sin. het mer in dem sinn guat tua zum wieder vertraua ufbaua in mina Körper.

[Mama21]

@serrali86
da ich hüt au no nünt ghört gha, nimmi ah es wird nöchst wuche. s wird halt jetzt gluegt, öb s fragmin "schuld" gsi isch. aktuell ischs mit de bluetig zrugg gange. bzw het praktisch nünt meh. so langsam wünschi mir, dassi die zwei wenigstens wür gspüre zum wüsse dass alles guet isch.

@trinaburbuja
jo das glaubi dir.. bi üsere tochter hemmer relativ lang möse warte. naja, eigentlich sinds "nur" 4-5 mönet gsi... aber für mich isch es dazumal schlimm gsi. monet für monet negative sst.. also vowege "chindermache isch eifach"
das mol hets zwor sofort ihgschlage (doppelt), aber defür au währed de ss bluetige, und de rest kenni scho vo de erste ss (fragmin, insulin spöter,..).
s erinneret eim richtig drah, dass inmer was chönti passiere
ich drucke eu d düme, dass es noch de 2 zyklene für eu klappt und dass d schwangerschaft intakt bliibt

[Serrali86]

Hüt isch dr 2. Geburi vu üsam sternli. Wahnsinn wia dia zit vergoht. Bin so froh hemer üsi kli tochter, wos eim so viel eifacher macht.

@mama21:muasch den ez glich witerhin das fragmin sprütza oder hens gseit ussetza bis dbluatwert uma sin?
Jo das glaubi, das git eim biz a bessers gfühl wema dbewegiga merkt.

[Mama21]

nei muess wiitersprütze. aber bluetige sind scho zrugg gange. hüt ischs nuno ganz wenig gsi und au nur no schmierbluetartig. aber merkes bim spatziere, dass längers laufe mega uf de buch schloht. vorher go sparziere und ha den wie en feste buch becho, als würed vorwehe ahfange, was zum jetzige ziitpunkt viel z frühe wär.