Kinderwunsch 22/23

[Trinaburbuja]

Ich ha jetzt nomol e Termin bim Gyni gmacht, will ich 45Täg nach Usschabig immer widr Usfluss Han, mol mit Bluet, denn widr ohni... Ha eig gmeint ich heig e liichti Mens gha und jetzt gohts bärg uf und hört ändlich mol uf mit Usfluss... Dem ist aber scheinbar nicht so
Jetzt wird am Zyschtig nomol e Ultraschall gmacht und gluegt... Villicht seht si au e Verändrige vo dr Schlimhuut

[Mama21]

@trinaburbuja
uff.. mühesam da denkt mer, es wür was passiere und denn sind eim doch d händ bunde. wünsch dir e guets durchhaltevermöge

[Serrali86]

@trinaburbuja: was wür den das heissa binera veränderig vur schlimhut?

@mama21: hesch dresultat kriagt vum bluattest? Schmiarbluatiga ghört?

I bin bizli am umasücha und ruaba ez soviel wia möglich us do am weekend fasnacht isch

[Mama21]

ja han gester de bricht becho zum wiiter sprütze. bim nöchste mol chas sogar si d dosis z erhöhe. bluetige hend zum glück ufghört, defür stürze mir is nöchste pech...
oberi eckzäh. di chli fieberet in intervalle, isch oft schlecht glunt, brüellt viel, nächt horror.
ich aktuell sehr verkältet. glaube gripp. ohre und hals dönd mir weh, alli gliider dönd mir wen, cha chum meh rede und bi schlapp. neocitran döri kei neh... wenn hört die pechsträne endlich uf

[Serrali86]

Halli Hallo

So melda mi au wiedermol. i bin ez sit guat 2 wucha am kränkela. Has mer den aber doch ni neh loh könna am samstig and fasnacht. Am sunntig het dia kli den fiaberet, also simer si den früahner go hola als plant gsi wär noch fasnacht. mit hets den afangs wucha nomol gno. jo ohni kind sich erhola isch sicher um einiges eifacher. hoffa ez dasis mol dura han endlich. Aber ez het dia kli no bizli huasta. hoffa das wird ez ni schlimmer. Si het aber au sus gra biz a strengi phasa. as NAI vertreit si momentan gar ni. den hetma den zgschrei. gester hemer ihra us dr nasa a pöök hola wella, dia het tua als ob mer si abschlachten. :-/ miar sin au gra anda eckzäh dra, una dr eint isch schu dussa, mol luaga wenn dia andera den au endli usakoh wenn.


oh nei wia gohts dr denn ez mittlerwil? bisch biz besser zweg mama21? ach as isch doch oft so das wenn alles zema kunnt. :-/ aber jo über längeri zit hinweg isches denn würklich au demotiviarend!!!

[Mama21]

jo bi üs isch jetzt min fründ drah mit kränkle mir und de tochter gohts wieder besser. sie isch au wieder ide kita voll ufblühet
han am mittwuch untersuech gha und die chline sind bereits uf 18cm und 159/160 gr gschätzt. söll jetzt scho bluetzucker messe und hüt morge isch er tatsächlich erhöht gsi. jetzt muessi am ziistig wieder go zum de bluerzucker z teste.
sprich wieder ss-diabetes und so hani jetzt recht angst vor de geburt... wenn werdet die chline cho? wie frühe werdets cho? wie werdets gebore? mach mir grad rechti sorge

[Seeblume]

Hallo mitenand
Derfi mich aschlüsse? Mir üäbed für Baby Nr 2, eusi Tochter isch etz 15 Monet alt. Mir sind im 2 ÜZ, ich hoffe es klapped bald. Bi de Lia isches knapp 1 Jahr gange, ich bin gspannt und im Moment na ganz glasse. Würmi aber sehr freue wider wie bim erste mal inre Gruppe hibble zderfe
@serrali : hemmer nid letstmal scho zämä ghibblet?
Liebi Grüäss

[Mama21]

@Seeblume
herzlich willkomme i üsere chline aber fiine gruppe
jo das mit em hibbele isch immer so e sach.. bi üsere tochter hets au 4-5 mönet brucht, bis es emol ihgschlage gha het. i weiss, anderi sind viel länger drah aber für mich ischs do recht schlimm gsi, jede monet en entüschig möse z erlebe umso überraschter simer das mol gsi, dass es uf ahhieb klappt gha het. heti nöd denkt..
wünsch eu guets gelinge und hoffendlich klappets bi eu bald

[Seeblume]

Dankä vielmal
Ah so schön dasses gad klappet het aso ich ha geschter gad ma wider bsuech vo de tante rosa becho und das scho ES+7...ich ha immer scho sehr churzi zweiti ZH gha aber eher so 9 tag und bi ja bim erste mal nachme jahr au so ss worde...ich mag das aber etz nid namal usezögere und ga negst wuche mal go klärä eb vilicht e gelbkörperschwächi ume isch...
Uff aso 4-5 monet isch ja tatsächlich eher schnell, aber ich weiss....jede monet isch streng wenmer uf es chindli wartet

[Serrali86]

@mama21: und wia isch dr bluatzuckertest gsi? weisch schu meh?
Wia gohts dr mit dina ängst? hesch mol mim FA gredet wia das so mit zwilling isch wiaviel früahner dia öpa koh könnten?

@seeblume: herzlich willkomma. han au gra denkt wo i dina nama gläsa han, dasmer üs doch au schu über da weg "glofa" sin. das wird denks im 2020 gsi.
drucka eu fest dr duma dases dasmol schneller klappt. toi toi toi.. isch sicher aber guat wenn das mol mir gelbkörperschwächi testa lohsch, schlussendlich könnti ma das jo guat behandla. und eba isch doch jeda monat den mir zit zviel woma negativ testa wür.

@me: hüt wird üsi kli eifach schu 18 monat. wo isch den dia zit nur hi. ez muassi den au mol mim FA kontakt ufneh zum folsüri abhola, dasi den mit dem starta schu mol. miar tüan jo den erst abem herbst wieder konkret hibbela.

[Seeblume]

@serrali: jaa genau, klappet hets den bi mir im märz 21..wow scho 18 monet gel isch so schön wie sie sich entwiklet . Mini tochter isch au scho 15 Monet alt, und es passiert soooo viel:) mir hilfts sehr dur dchinderwunsch ziit, dass ich e glücklichi chlini tochter han..
Ah ok hender eifach de abstand nöd chliner wele oder weg was warteter bis den weni frage derf?

[Serrali86]

Jo as machts definitiv eifacher wema a kind andr hand het
Miar hen eigentli zerst au früahner wella afoh, will eba eigentli weiss ma jo ni wenns den ischloht und obs den au blibt. Aber bi üs hets gra paar moment geh womer den gseit hen miar warten no biz. Dr fründ wo wieder meh schaffa muass, den müamer luaga wias ez mit betreuig funktiobiart, üsi mamis luagen ez. Dmama vum fründ het ez au gra no was am herz kah, und halt au finanziell müamer/wemer wieder bizli a polster schaffa. Und eventuell isches biz eifacher wenn denn dia "kli gross" biz selbständiger isch drum löhmer üs dia zit ez no. Goht jo e u schnell

[Mama21]

@seeblume
ja denn würis au abkläre, was mit em zyklus "los isch". hormon chönd mengisch scho chli ... sii
üsi tochter isch im mai 21 uf d welt cho wird also bi de geburt au nonig sooo alt si. frühener hani nöd umbedingt wölle, aber viel spöter den au nüme und brueflich isch es au kompliziert worde. drum isch jetzt de perfekti ziitpunkt.

@serrali86
mini nürchternwert sind scho nöd grad rosig. ha jetzt am ziistig mittag nomel e churzes gspröch gha. d ärztin findets jetzt zwor nonig dramatisch, het mi aber bereits zur diabetologin überwiese. am mittwuch werdi de ersti termin ha. mini ärztin meint, für insulin segis no z frühe. aber i loh mi mol überrasche.
wenns so wiiter goht, werdet wohl 2 wuche vorher ghollt, also endi juli.
ich weiss halt echt nöd wie... zu not en kaiserschnitt aber .. jo wie söll is sege... i ha mir die ss andersch gwünscht. i heti lieber eis baby im buch, als zwilling. klar i liebe beidi und ha mi ad situation gwöhnt. aber bin "plane" denkt mer halt nonig a zwilling.
und i heti mir e eifachi geburt gwünscht. selbstständigi wehe, ohni stress und ohni ihleite. eifach so, wie mers halt vorstellt. nur scho bi de tochter s ihleite... es isch so künstlich, nöd echt.. also so het sichs für mich ahgfühlt. i ha einfach jetzt e "echti" geburt wölle erlebe ohni erzwinge.. und jetzt weissi eifach nöd, wenn i gebäre, wie ich gebäre.. ihleite, kaiserschnitt... s macht mi trurig..

[Serrali86]

jo i kann di verstoh. ma het doch eifach so aswia dia traumvorstellig vunera ss und anera geburt. und gell ma weiss au dases ez eventuell dia letscht ss isch (je noch dem falls eura kinderwunsch den nocher fertig isch), und den wür mas schu gera uf "normalem" weg erleba. i han das bi minera ss au kah dases ni so glofa isch wia i miar das immer usgmolt han, und han au lang damit zkämpfa kah, bisi das losloh han könna. Gell zerst früah wasserilageriga, den a vergiftig, den ileita und glich a KS, alles ganz anders als wia immer erträumt. und jo do machi miar doch au jetzt schu gedanka wias bima zweita mol echt wird. :-/ also i verstohn di vollkomma das dia gedanka kömmen.
und dennoch probiars ez eifach so azneh wias isch und zbesta drus macha. schlussendlich zellt jo nur dases diar und da zwilling guat goht. i weiss isch eifach gseit, aber as isch so. a ss isch a wunder so oder so, egal wia und wenn dia den ufd welt kömmen. denk an euri gsundheit und ni an das wias heti si sölla.

[Mama21]

ja voll, do hesch scho recht.
bin den eifach froh, wenns verbi isch. min körper wieder zrugg ha grad mol öppe d hälfti vo de ziit ume und es goht so langsam
aber sit es paar täg werdet all meh bewegige vom obere zwilling spürbar. de unteri hani nonig gspürt

[Serrali86]

Ach schlussendli gohts den sicher doch no schnell, muasch nu luaga och so herzig wen ma dia wunder gspürt

[Mama21]

jo weni so denke, dass d hälfti öpe verbi isch, gohts irgendwie au doch schnell

[Serrali86]

Jo eba gsehsch. gell as git au zita wo sich züchen, aber aswenn wirds den vilicht sogar zmol zu schnell goh.
wia gohts diar den mittlerwil so?

[Mama21]

ich fühl mich eigendlich körperlich guet, au bluetwärt vom thrombosezenter hend sich sogar verbesseret. het nie denkt, dassi sowas no dörf lese
aber gest bim schaffe hani vereinzelt üebigswehe vernoh... nöd viel, aber defür recht stark.
hüt wieder sit em nomi. bi den denoch hüt aneglege, obwohl mir no bsuech vo mim papi und schwöster gha hend. aber die letschte 3 stund sind heftig gsi. iiimmer wieder eini ums ander... s het nöd gschmerzt, aber bi de letschte 2, 3 ischs mir aber au schlecht worde.
zum glück het sichs jetzt wieder bitz gleit. aber wenns morn wieder so isch, gohni is spitol wegmne ctg. bi minere tochter hani sogar möse wehehemmer neh, aber erst ab de 26. ssw. jetzt bini erst ide 19.

[Serrali86]

Ui... Wia gohts dr denn ez? Het sichs wieder beruhigt oder bisch no ins spitol oder zum FA?