Am 15.02.05(Termin 07.03.05) be ech am 5 verwachet und ha gmeint ech möig ofs WC. E be ufgstande und ha gmerkt das ech scho en Gutsch i de Hose ha!! Ha mer nüd derbi dänkt und be weder go pfuse. Am 7 esch din Papi usem Hus und ech ha nomal welle ofs WC. OPS etz esch aber alles i Hose. Ui hani dänkt esch äch das Fruchtblase wo Plazt esch? Hm was muesi etz mache? Ech ha em Spetal aglüte und d'Hebamme het gseit e söu of di halbinüni verbi cho. Hm, di Papi het e gueti Stund zum Heifahre und wens den Fehlalarm esch? Drum hani dim Grosi(mim Mami) aglüte. Si esch ganz usem Hüsli gsi und het gseit si chömm sofort. Ha do no dim Papi aglüte: Duu, ech gah jetzt is Spetal. Er het gmeint: Was go mache? Er esch chli usem Hüsli gsi. Mer hend do angmacht das ehr zo üs chunnt wemer me wösse.
Dis Grosi und ech send do is Spetal. Vorem Spital hemer Patricia atroffe. Si ufem Wäg zur erschte Chemotherapie und mir ufem Wäg zur geburt!
Glück und Leid so nöch benenand.
Di 1 Hebamme het mech undersuecht und ganz nachdänklech gluegt. Si het aber nüd gseit was los sig sondern het e Ultrallschall agortnet. Sie het mech gfrägt öb ech wössi öb du rechtig i mir enne döigsch lege. Ja klar hani gseit be ja ersch grad em US gsi. Sie het gmeint das sig fasch unmöglech si gspühri nämli gar nüd vo dim Chöpfli und das chöig no lang gha. Si gloube es gäig e Kasierschnett.
Am halbizähni esch de Papi cho und dis Grosi esch heigange.
Mer hend do es Zemmer bezoge und hend müsse warte. E ha nämli no fasch ke Wehe gha. Am Mettag ome semmer offe Gang go loufe und wehe send längersi heftiger worde. Und niemert het sech gross um üs kümmeret. Wo do Bsuechszit agfange het, ha ech reklamiert e weig i Gebärsaal und ned da allne Bsuecher zur Show stah!!!
So semmer ue cho. Es esch en länge Namitag gsi met grosse Schmärze. E ha chumm gwösst wie lege,hocke und ou min grossi Wunsch i Wanne z'gah het nüd gnützt. Di HEbamme wo üs hät sölle Betreue esch nie ome gsi und het üs vell elei glah... Mer send üs Bedi Helflos usglefert vorcho.. Niemert het üs informiert, Frage beantwortet, betreut!?
Ech weiss vom räschtleche Namitag nüm vell da ech vor Schmärze mängisch nüm gwüsst ha wo ech be. Am Achti am Abe hani ke Chraft me gha und ha en PDA gwönscht. Di Papi het mech zum Glöck voll und ganz understötzt. D'Hebamme het nämli zemli blöd dah. Das chöigs doch ned si und das sig ned so schlemm. E sölli mech chli zäme näh.. Mer hend do en Arzt la cho und de het gmeint es sig e guete Entscheid e PDA z'mache, da vom Chöpfli emmer no nüd s'Gspühre gsi esch.Mer gäig ou grad Wehemettel das es vörsi göig.
Vo dene ah eschs mir vell besser gange. Deför hed dis Härzli unregelmässig afe schlah, mängisch ganz schnell und weder vell z'langsam. E ha do nüm dörfe Position wächsle und be a verschednegi Grät agschalte worde...Ech ha mech chli chönne erhole aber der eschs eifach ned guet gange und niemert het gseit werum?
I de Nacht am elfi esch do en Neui Hebamme cho, Rahel het üs do ou deheime no betreut. Si esch ganz erstunt gsi dases be mir ned vörsi god und het numal de Arzt la cho. Oi het dä usgrüeft, di Hebamme vorher het nämli die agordnete Wehemettel eifach ned gäh!? Er het mech numal underseucht und äntlli esch mau gseit worde das din CHopf i mim Becki stecke blibt, darum gods ned vorwärts. Das sig ou s'Problem för dis Härzli. Di Asträngig. Er het gseit er gäig üs no bes am 01.30 Zit und wen du dene ned da sigsch den döig är dech met de Glocke hole. OJE; das au no. Hm gäu Joel das het üs do CHraft gäh und am 01.34 am 16.02.05 besch du gebore worde. Leider esch do alles zemli schnell gange. De Arzt het Nabelschnurr döregschnette und scho besch du wäg gsi. Ech ha dech nur es bar Sekunde gseh. Mech het mer do gnäiht(4,5cm) und äntli het üs Rahel ufklärt. Du besch ned dörs BEcki cho well du NAbelschnurr 2 mal zemli straf ums Hälsli gha hesch.
Du hesch ou Surstoff em Bluet gha, drum hetmer dech 24 Stund od überwachig da. De Papi het aber emer weder dörfe zo dir go luege wis dir got. Ech be no schwach gsi..Am morge am 5 hetmer mech do uf Station verleit und äntli hani dech ou dörfe go aluege.... Das esch e so es mega schöns Gfühl gsi!!!
Liebe Dani ech danke dir das du mech be de Geburt vo üsem Sonnemann 100 Prozent understützt hesch. Ech liebe dech vo Härze.
Liebe Joel de Start i dis Läbe esch lang und schwerig gsi aber trotzdäm es unbeschrieblechs Erläbnis.. Ech be stolz dis Mâmi dörfe si und dech dör dis Läbe dörfe z'begleite. Ha di mega fesch gärn du chline Strahlemaa
