Wir warten seit Frühling 2014 und länger - Teil 8 - komplett

[harmony]

@caramel
uuuh de wirds nomou spannend
isch e 10er .. ig warte iz mou ab, teste de am dsisti süsch nomou

[Tiare29]

Ahhhhhh spannend.. i hoffe soooooo fest für eu..... mir dind gest wieder drü störch ufem dach ghocket.. für jeei eine♡♡♡

[caramel_joghurt]

Fazit vo hüt morge: Bruns Gschmier, e negative Test u einisch Kloschüssel umarmt Rechne aber jetzt eher mit TR

@harmony: wie gsehts bi dir us?

@raffi89: hoffe dini Tempi isch immer no schön dobe?

[gerbera]

@caramel: das isch ja e richtige krimi bi dir… drücke dr immer no d düüme…

harmony und raffi: euch 2 natürlech ou… hoffe immer no, dass bir harmony eifach dr tescht nur lang nid azeigt, cha ja si...

[harmony]

@gerbera
merci liebs :-*

@caramel
uuuuhuuu es bleibt spannend! Wenn würdsch nomol teste?
Ig ha immerno ke TR, aber mi Rügge und mini Brüscht düe extrem weh, wie vor TR, när ou so komischi chrämpf, ou wie vor de TR. So Schwangerschaftsaazeiche hani emu nüt. ZS isch so wiis/gelblich, merki aber nume weni gange go taste (jooooo bim ufs WC go machi das ame, zum luege ob ou wiiter "inne" no nüt rot isch) ... Teste wirdi wohl morn weder, falls Tante immerno ide Ferie isch...
Falls endi Woche immerno nüt do esch und de Test blütenweiss blibt, de lüüti äuä mol ar FA aa - wöu mi ES cha jo nid spöter gsi si, isch jo usglöst worde.

Langsam wirdi aso scho chli hibbelig.... ha mer jo scho immer so sehr es maibaby gwünscht

[roehrli85]

@caramel: scho speziell he. Aber we dr nid guet isch gsi hüt morge, chönts ja glich öpis positivs bedüte

@hormony: uuuuuh, ja das isch iz aber würklech no spannend.

@me: git gad nüt z verzeue. Warte eifach mau chli und luege was mit mim ZS no so passiert. Irgendwie hani würklech z Gfüeu, ES isch düre. Aber wenn genau dä isch gsi, ke Ahnig, irgendwenn letscht Wuche... Oder es nimmt no e Alouf z Eili und springt iz de erscht, isch vilech o wider nur Fählalarm gsi. Mir wärdes gseh.

[Raffi89]

@caramel: du machsches richtig spannend Hoffe ganz fescht mit dir!!!

@harmony: Ich hibble ganz fescht mit dir mit. Hoffe so uf positivi News morn.

@roehrli: Wer weiss vielicht isches fehlarm gsie damit du de ES mit dim GG den chasch nütze so winis im Kopf han wer de ES suscht im gegesatz zu frühner sehr früh cho oder?

@me: Bi mir müender düme nüme drücke. Ich schicke de harmony und de caramel all mini postivi Energie. Mini ganz hoffnig lit jetzt bi eu!!!!
Mini Tempi isch hüt emorge um 0.2 gsunke das heisst TR chunnt am Mittwuch pünktlich wieder uf bsuch. Es wär zu schön gsie und so holt eim Realität wieder i.

[roehrli85]

@raffi: i drücke glich no. Ja wenn wär ES äbä sehr früeh cho, wär ja normau erscht irgendwenn di Wuche nache.. Aber ZS wär äbä scho letscht Wuche meh ES-mässig gsi. Gester und hüt eigentlech nüm.

[harmony]

@raffi
oh nei, ig ha so ghofft für di! Aber trotzdem no nid ganz ufgä!
Ig ha nomol i mim app gluegt und gseh dasi deht iitreit ha am tag nachem ES uslöse, dasi megamässige mittelschmerz ha gha. De wäri auso scho ES+17.

Bi urbia.de woni no mini Tempi kurve füehre hets mi hüt bim iiträge gfrogt obi SS bi - mi babycomp bim messe hüt morge het mi hingege gfrogt ob TR do esch... ayayay. Test negativ, Kurve ou nid wie usem Bilderbuech, megamässig Rüggeweh.... Hoffe die Geduldsprob lohnt sich ou!!!!! Wiso chani nid eifach ou zu dene ghöre wo im erste, zweite Üz scho bi ES+9 positiv teste chöne...
Ha mer när afo zämereime, es chönt ou sii wäg de Pregnyl sprütze ... esch jo HCG, und bis das abbaut esch, het vellech mi körper när ersch tschegget das är jetz am zug wär z'produziere und drum mis hcg level chli hintenoche hinkt *jaja so isch das* - Google het do zwar ou nid drüber bscheid gwüsst
Ig wirde jetz eifach mol morn weder teste, i 2 täg cha sich do jo extrem viel tue... und de süsch am donnsti oder so weder und falls ig denn immerno glich schlau bi, lüti ar FA aa.... Aber über das muesi jetz jo noni nochedänke, mer nä ei tag ume anger. Merkt me asi afe chli hibbelig bi??

[caramel_joghurt]

@raffi: ..aber solang nid Schreibschrank TR isch da gibt no nid dHoffnig uf. Du hesch denk ihr Nacht eifach gfrore

@harmony: uh, die Theorie tönt spannend. drücke dir auso no witerhin dümme

@me: Auso Fritig es+9 mini Bluetig /wahrschintlech Kontaktbluetig
Samstig ES +10, liechts Bruns Gschmier
Sunntig es + 11, Bruns Gschmier wird stärker
Mäntig es + 12, ZT 29: morge wieder Alts Bluet, wc schüsselumarmig, Test negativ, Tampon ine nach Ca 1 Stund wieder use am spitzli chli Hellrots bluet, sisch nume Altbluet. Ok, doch TR...aber nei ganz Tag nüd meh nume gelbliche Usfluss. Ig chume nüme nache...aso entweder hocket si dert obe u chunt nid ache oder weiss ou nid.

[caramel_joghurt]

@harmony: und, hesch testet?

@raffi: dini Tempi isch nid wieder ufe?

@roehrli: hoffe du es isch no nid gsi u dass we de würcklech Es isch dir ne ou chöit nütze.

@me: ...nume no Ratlosigkeit. Gester Abe bini mau chli mit em Finger ine, später woni uf zWc bi hani bin abwische doch chli Rosa Schlimm ufem wc Papier gha, auso wieder Tampon ine......aber dir chöits öich denke hüt morge isch chli Altbluet drane gsi, meh nid. Auso TR doch nid da

[roehrli85]

@caramel: es tönt scho nach TR wo verhocket isch. Komisch usdrückt. Aber isch nid, we das ganze ES+9 agfrange het, denn no viu z früeh gsi für TR??? Du bisch ja ou iz ersch +13, iz wärs ja normau we se bechämsch. Aber was söu das "Geschmier" di letschte Tage? Fingi iz scho komisch.

[caramel_joghurt]

Ja nach ES wer das für TR scho aues z'früeh gsi. Nach ZT nid, ha jetzt aube 27 gha u jetzt weri bi ZT 30
Ev. haut ke späte ES gsi sondern gar kene? Derfür würd ou spräche dasi wieder ständig uf zWc muess u sit en März hani ja scho 2 mau ke ES gha sondern ner derfür e Zyste u da ischs glich gsi, Harndrang, buchzieh aber ke TR. Nume hani de aube ou kes Gschmier gha. Wär aber irgendwie ou nüme normal 3 Zyste innerhalb 6 mönet

[roehrli85]

@caramel: oh je, nei i hoffes im Fau nid! Das wär nid schön. Cha dr das ou nid erkläre.

[harmony]

@caramel
dasch ou e mega seich bi dir
hüt morge besser gsi mitem schlächt?

ig bi ou noni würkli wiiter... Test hüt morge negativ gsi. TR macht ou ke aastalte z'cho. Bi itz ES+18, mis App het mi ou scho gfrogt ob ig SS bi. Tempi esch ou immerno dobe... Ansonste hani keni typische SS aazeiche... Vori hani e Kafi gha und när denkt ig ha mega buchweh, aber das isch meh so im Mage obe gsi....
Wirde süsch am Donnsti wieder teste und de süsch mol ar FA aalüte was sie so meint.... haha oder ig warte eifach ab bis endi Oktober, de wäre ou grad die 12 Woche ome....

<3 Herzenswunsch Maibaby <3

[caramel_joghurt]

Harmony: hm...isches de ganz sicher dass ner e ES het stattgfunde? Du hesch ner nüme zum FA müesse oder? Hoffe auso würcklech no ganz fest mit dir....aber e 10er söt ja scho langsam Azeige 18 täg nach ES

[harmony]

@caramel
jo ig ha denn gfrogt gha, obi när nid mues cho kontrolliere - när het si gseit nei, mitere Sprütze Pregnyl findi dä garantiert statt. Am Friitig hani abartige Mittelschmerz gha und hä nämli no am GG gseit ig ha garantiert am Mittag dä ES gha! Samsti hani nämli när nüt me gspürt = ES+18... Falls es doch sett klappet ha, wär die einzigi erklärig, das mi Körper nach dere Sprütze selber noni grad gmerkt het aser mues selber afo produziere, oder es het sech erst mega spot iignistet... *ooooohm - positiv bliiiiiibe*
Oder mi Körper verarscht mi und ig ha e Zyste....oder es isch kei intakti SS und mis HCG stiigt ned richtig.... *wiiterschaffeundnümdrübernochedänke*

[harmony]

Das wär no mini sehr mittelmässigi Kurve:
http://www.urbia.de/services/zykluskale ... 2015-09-01

[gerbera]

@harmony: also für mi gseht das ja eher nach schwanger us als nid… aber i ha ou mau so ne ewigi 2. hälfti gha, und ha denn ds gfüehl gha es hätti e befruchtig gä, aber es het sech när nid chönne inischte… donschtig am fa alütte und villecht e bluettescht miech gloub sinn...

[harmony]

@gerbera
jo ig warte itz nomol ab. Bi Dr. Google findet me jo zum Glück ou immer das wo mer wott ghöre... jedefalls hets einigi gä wo mitem Onestep 10er Test ewig lang negativ testet hei und de CB digital het scho lang positiv aazeigt.... De CB digital woni ir schublade ha - für denn mol chönne am GG vorlegge, damit är de nid mues strichli rote, isch im 10/2014 "abgloffe" - äuä machi dä mol morn morge .. und itz hani mer grad für 30.- no 3 digitali bstellt im ricardo.
Jo jetz, abwarte, üch närve, und de am Donnsti mol am FA alüte.
Medizinisch gseh sig die 2. ZH MAXIMAL 18 Täg... heisst also bi ES+19 müessti TR cho süsch sig mer zu 99.9% SS. Auso wär si morn oder de am Donnstig fällig und no "medizinisch verträttbar"...