Wir warten seit Frühling 2014 und länger - Teil 8 - komplett

[harmony]

Sooo mini liebe, itz simer scho im achte und letzte Teil acho!!!
Werd de öpe Ziit asmer do de Lade chöi zuedue. Hibbler simmer jo nüm würkli - si üs jo s'warte gwöhnt, do hibblet mer nümme gross...

Das sind mer:

Caramel_joghurt/ BE / 1989/ verheiratet / <3 seit Februar 2014
Harmony / SO / 1987 / in einer Beziehung/ <3 seit September 2013 bzw. Januar 2016
Roehrli85 / BE / 1985 / verheiratet / <3 seit Juni 2014
Tiare29 / TG / 1985 / in einer Beziehung


Verschollen: Raffi89 / ZH / 1989 / verlobt / <3 seit Februar 2014


Mer händs gschafft und sogar alli scho gebore

Wolke7/ AG / 1983 / verheiratet / ET Dez15 / geboren 16.10.15
Hunny_B / AG / 1985 / verlobt / <3 seit 2013 / geboren Sept 15
black_key / ZG / 1985 / verheiratet / <3 seit Ende Juni 2014 / geboren 20.10.15
Mimi83 / LU / 1983/ verheiratet / <3 seit März 2014 / geboren Okt 15
Gerbera / BE / 1983 / verheiratet / <3 seit Mai 2014 / geboren Okt 15
Gini / AG / 1980 / verheiratet / Mai 2015
Tael / BE / 1985 / verheiratet / Termin 13.04.2015
Awe / AG / 1987 / verheiratet / im 5.ÜZ / 16.04.2015
Reanda / TG / 1981 / verheiratet / April 15
Talulah / SZ / 1987 / verheiratet/ im 2 ÜZ / Termin 11.03. 2015
Fea / BE / 1984 / verlobt / im 2. ÜZ / Termin 30.01.2015
Kizank / ZH / 1985 / verheiratet / 2. ÜZ / Termin 12.01.2015
Sportyspice / Nordwestschweiz / 1984 / verheiratet/ Januar 15


Folgethread vo üsne Schwangere:
http://www.swissmomforum.ch/viewtopic.php?f=20&t=195651

[roehrli85]

- *****übere hüpf***** -

Danke Harmony fürs wider nöj erstelle.
Das längt uf jede Fau, wemer ja iz aui es Mai-Baby bechöme!

[Raffi89]

@harmony: danke vielmal fürs eröffne vo eusem letschte teil.
Hoffe ganz fescht für dich das es mit em maibueb klappet.

@roehrli: hoffentli langets no für de durchgängigkeitstescht und du hesch din ES grad nacher wen alles schön dure gspült isch den chas ja nur klappe.

@me: Min ES erwarti nächscht zieschtig oder mittwuch. Bin fliessigdie am frauemantel neh und drück mer ganz fescht düme das es de monät klappet. Han mer scho immer es maibaby gwünscht
da ich ja selber eua bin

[roehrli85]

@me: iz het dr FA bir Frou am Empfang gseit, si müesse mi e Wuche früecher näh, wüus ir 1. Zyklushelfti sig. Het ne gseit, si söue mi am 21. Ouguscht näh 11.30. Hani natürlech zersch reklamiert, ja i schaffi z Bärn, i cha doch nid am haubi 12i verbi cho, für ne FA-Termin. Usserdäm sig ja mi Zyklus so läng, dassi ou e Wuche später no ir 1. Hälfti sig (normalerwis, wes nid wi dä Zyklus isch, wüu iz wärer genau am 21 Tag gsi). I ha mi aber när beruhigt und festgstellt, dassi o ruhiger bi, weni mr sicher cha si, dass dr ES würklech no nid gsi sig. Ok, i wirde das irgendwenn chöne irichte, ga am Morge ga schaffe, am haubi 11i hei, schnäu zum FA, am Nami wider ga schaffe. I fahre haut immer ei Wäg 45 Minute. So ne Mischt!

[harmony]

@roehrli
jo aber isch jo glich besser, de bisch emu sicher vor ES. jupidu itz wärde mer aui SS
Wiso hesch de dr FA so wiit wäg? ischer de nöcher vo deheim? ig hätt ebe ou 45-50 Minute gha zu mim und ha när schweren herzens gwächslet do id region... wohne und schaffe jo eh do und ha när denkt, weni de mou SS be und meh als einisch im Johr mues go isches doof so lang fahre.

@raffi
joooo ig wott ou es maichäferli - de bisch im winter nid hoch schwanger, und scho gar nid im summer wens so heiss esch... und hesch Urlaub dure Summer, wie toll isch de das.

[caramel_joghurt]

Nume churz

@harmony: Danke fürs eröffne. Soso denke aber das es die richtig entscheidig isch gsi wöu dis Gfüehl dir das so het gseit. ZEili wächst sicher glich super

@roehrli: oje. Aber so chasch würcklech sicher si dass Dr ES no nid isch gsi. Isch aber blöd ig weiss. Isch mer ja aube glich gange ou no ir ss zBern gschaffet u dr FA bim Wohnort, u de isch ja sehr nach vo dir

Chli e emotionale Wuche bi mir, chindergarteafang u 2. Geburi...zyt geit viu z'schnäu

[roehrli85]

@harmony: ja genau, i ha äbä vor zwöi Jahr gwächslet, ha vorhär z Bärn eine ka (früecher ja ou ir nöchi gwohnt) und wüui scho vor 5 Jahr umzoge bi, hani irgendwenn gfunde, möchti lieber FA bi mim Wohnort ha. Isch ja normalerwis nur einisch im Jahr d Kontrolle und weni de SS bi isch mir aber lieber, we öpis nid guet wär und ig chrank gschribe bi, dassi dä ir nöchi ha. Oder äbä ou wenn Situation wider itrifft dassi mini Stell wider verlüre, naja, isch haut iz tatsächlech so, dassi de äbä nid äxtra uf Bärn muess fahre. Und Vorteil isch ou, dass dr Spital z Langethal isch. Nachteil de für mis Mami we si mi wot bsueche, de muess is no wyter fahre, aber si wirds überläbe!

@caramel: ja so hani mi äbä gester ou beruhigt, so bini de würklech sicher, dass no ke ES isch gsi und je nach däm wot ja vilech dr FA ou gad es Experimänt starte auso gad dr Folli-Riifig ufd Sprüng häufe und denn chames vilech no, und e Wuche später de äuä ou nüm, auso chönt da scho Vorteile ha U ha de när ou gester gemrkt, dassi drfür nid gad e ganze Vormittag muess frei näh, sondern cha ja am Morge ga schaffe und bi när nur öpe 2-3 Stund wäg und das ersch no übere Mittag. Vo däm här chönts ja no guet si, nimmt mr ämu weniger vo mire Überzyt wäg. Aber haut das vile Fahre närvt chli. Isch ja egau, i maches fürs Mai-Baby! Och ja, d Chind wärde schnäuer gross, aus me cha zueluege!

[harmony]

@caramel
jo das verstohni - glaubt mer ame chuum, die chline chnöpf und zack si si scho ir schueu
Bis üsi Mai16-Zwergli i Chindsgi gö isch jo de scho 2020/2021 - geit auso no laaaaaang

@roehrli
guet, chume drus wie lauft eigentli jobsuechi, hesch scho agfange? bis wenn bisch itz no deht?
Jo ig ha zum Glück nume 5min Arbeitswäg, dementsprechend isch mi FA sowiso nöch.

@me
gester het mis - ide letzte 2 Zykle vermisste - übliche ES-Flattere aagfange...dasmol schint sech vo links öpis ufe wäg zmache, bi gspannt wasme de im US gseht. Bi flissig am Ovaria Globuli näh und Tee trinke... Eigentli hani no mit de Frauemänteli wider wöue afo, öpe vorletzt üz hani d'tröpfli nüm gfunde, neui bstellt, itz si die ou wider unuffindbar... regt mi grad uf...

[Raffi89]

Hoi Ladys di wueche heissts am abig fliessig in Sternehimmel luege meh, gseht vo hüt a bis am am Fritig morge ganz viel sternschnupf und chas sich für jedi womer gseht öbis wünsche. Bi so vielne müend wünsch doch eifach in erfüllig gah

@caramel: Ja die ziet rasst mega und a de Kind gseht mers eifach am meischte. Aber nächst Mai hesch den eues knöpfli und den bisch froh wenn de gross im Kindsgi das nöd permament trubbel hesch.

@harmony: Das nenn ich mal es zeiche das's flattere wieder gspürsch. Wieviel mal hesch du Frauemantel pro tag gnah und wieviel tröfpli?

[harmony]

@raffi
ig ah 2-3 mol täglech 5 tropfe gno.
jo am meiste gseht me ide nacht vo morn ufe mittwoch glaubs... oder vo hüt uf morn...

[roehrli85]

@raffi: ja i weiss, das het sicher einisch e Schnuppe für jedi vo üs Nöie Teil, nöis Glück und Stärnschnuppe zur Hilf!

@harmony: ja äbä no bis Ändi Novämber bini dert. Wi söui säge wis louft mit Jobsuechi. I ha grundätzlech chum Energie zum überhoupt sueche. Ha im Juli grad mau zwöi Bewärbige gmacht und beidi Mau iz e Absag. Ha iz gester wider eini useglah, woni mau wider chli ha d Energie drfür gfunde. Aber i ha so viu angers im Chopf und so viu los, isch gad schwirig für mi, irgendwie ischs no sooo wit wäg und glich geits haut de aube schnäuer aus me dänkt. Puh.

[caramel_joghurt]

Jo demfau muessi de luege dasi "Mini" Sternschnuppe nid verpasse.

Aber muess nech jetzt ou no öbis verzeue: bi üs im Dorf gits geng wieder einzelni störch, aber hüt hets ufem Feld nid 1 oder 2 gha, nei ganzi 17!!! Stück hani zehlt. Aber 4 si schön am Feldrand gsii u hei üs beobachtet das si sicher üsi 4i gsi.

[roehrli85]

Jöh caramel, hönne härzlig!!!!

[harmony]

aso gester hani e stond lang a himmu ufegstarrt...ke sone doofi schnuppe gseh.... vo hüt uf morn gets am meiste zgseh, am beste zwüsche 3-5 ir nacht. Übrigens am beste im Nordoste.

Itz isch grad chli langwilig do bi üs he... aber me seit jo, bi fraue wo vell zämehocke, passt sich de Zyklus aa mit de Ziit.... hehe mis mam, mini schwö und ig hei emu ou öpe glichziitig TR gha...
Wär jo itz zwar scho chli besser gsi verteilt, de hätte mer immer uf öper konzentriert chönne hibble und düme drücke...

Ig bi gspannt ufe US morn... es duet und macht i mim Buch und gester hani scho sone erste Aflug vo Mittelschmerz gha

[roehrli85]

Hey mir isch drfür ufgfaue, dass ig iz jedes Mau sitem 1. Zyklus dr ES immer zwüsche Fritig und Sunntig ha ka. Das isch natürlech praktisch, wüu de isch mi GG am meiste zum härzle bereit. Wär ja no guet. I rächne aber iz fest drmit, dass mi Zyklus wider sini "Normallängi" zwüsche 37-39 Tag animmt. De wärer dasmau zwüsche Mäntig und Donnschtig ungfähr.

Chönt das nid sägä, dass das würklech so isch u sech d Zykle apasse bi Froue wo immer zämä si/kontakt hei. Hmmm. So ganz isches ja nid so. Verschiebt sech de ou aube wider. Fakt isch mir stöh iz immerhin aui irgendwo zwüsche nach dr TR und churz vor ES. Bi mir wi dir wüssst, geits aber eh no chli länger.

[harmony]

@roehrli
eeeh das weisch jo nid vellech hesch itz ou e chürzere zyklus
nimmsch itz no irgendöpis?

vorletzt Üz isch 26 täg gsi, de letzt 36 und dä itz, falls follis gwachse si und de cha usglöst werde, ou nume öpe 25 Tag...

itz isches um mi ume wider am gebäre... das johr hets usnahmslos bi aune woni kenne, nume meitschis gä (bis jetz 9) und die 2 wos no bechöme, gits ou meitschi....dasch guet, de si d'meitschi düre, no besser für mis projekt maibueb <3

[roehrli85]

@hormony: nei nime momentan nüt meh. Nur no wi sit immer eifach Folsüri/Vitamin B6 und 12 das Bonal Folic

[wolke7]

Hallo fraue

Ich hoffe er händ alli euchi wönsch chönne abgeh ond drocke euch beidi düme för vier ganz tolli mai- wonder!!!!

[harmony]

merci wolke.
Jo ha gester 7 Sternschnuppe gseh, när bini de ine, esch afe spot gsi.

So, bi grad bir FA gsi, Eili esch scho 26mm, mues hüt obe uslöse - deför esch d'Schlimhuut nome 5.8 mm gsi, hoffe die git die nexte 2-3 tag no chli gas

[wolke7]

Ui harmony denn esch jo super gsi hesch ned met de medis ahgfange! Hesch im dökti das gseid oder hesch ihn im ungwösse gloh mini schliemhut esch nie besser gsi als 5-6mm ond es het au glängt...ond ich meinti die chan pro tag no en mm wachse! Muesch luege das werd din glöckszyklus!!!