Wir warten seit Frühling 2014 und länger - Teil 8 - komplett

[caramel_joghurt]

@roehrli85: we scho nid darfsch schwanger so so hesch doch ömu so immerhin Dr Polterabe no richtig chöne gniesse u ou öbis trinke. Weisch chli meh wo ungefähr im Zyklus bisch?

@me: gester mittag es utro gno und oh Wunder ...isch ke Bluet meh cho Dr ganz Tag. Hüt auso vouer Optimismus ufgstande u ga uf zWc und...me cha sechs denke isch wieder Bluet cho.

[roehrli85]

@caramel: das isch aber scho chli komisch. Isch das no normau? I würd nomau FA alüte und nache Frage im Fau

@me: ig ha kei Ahnig woni im Zyklus stah. Churz gseit, eifach ZT 32. I chas im Momänt überhoupt nid sägä. Auso i ha ja d Vermuetig ka, ES chönt sogar scho am Mäntig vor zwöi Wuche gsi si (24.8.), extrem früeh für mi, auso wär NMT ja gester gsi TR aber nid da, auerdings irgendwie PMS hani scho... gloub
Oder de wärs wahrschinlech innerhaub vore Wuche nache, wüu när nachem 24.8. hets mit Härzle ja nid wöue klappe, trotz eme gscheiterte Versuech. Dr ZS isch när nämlech spätestens abem 31.8. nur no wyss und eher dickflüssig gsi.
Lange rede, kurzer Sinn, i bi mr scho am Überlege, e Test z mache, wüu weni iz hüt nid SS wär, de binis ou ire Wuche nid (ohni Härzle geits ja nid). U wener negativ isch, warti eifach mau uf TR oder nöji Erkenntnisse.
Lustig, ganz e chlini Hoffnig hani, wüui sitere Wuche irgendwie viu meh ufs WC muess aus süsch, ohni eigentlech meh z trinke. Iz gad hüt wär eigentlech e SS gar nid usgschlosse - mängisch muess me sech ja völlig vo aune Gedanke und dr ganze Kontrolle löse, damits klappt und das isch dä Zyklus dr Fall gsi. Auso i drücke iz mau für mi säuber.

[Raffi89]

Hoi mini liebe

Z'erscht möchte ich mich bi eu entschuldige dasi i letschter ziet so wenig mitschriebe und au ine luege. Weiss au nöd was losch isch es isch eifach zur ziet nüme min erschte gedanke de kiwu, warschinli au will mer ja nur no de monät üebet hani mi scho achli vo dem Thema distanziert. Also nämets mir bitte nöd bös weni nüme so fliessig bin, ich drücke dir harmony und roehrli ganz fescht düme das eues warte äntli es endi het.

@roehrli: Schön hesch de Polterabig so gnosse. Dörfi fröge was er gmacht hend? Suche no nach Idee für min Polterabig Ich drück der so fescht düme das du den din ES cha hesch woner gherzelt hend unds viele wasser löse es SS-Azeiche isch Wenn wilsch teschte?

@harmony: Es tuet mer so unentlich leid das wi din Zyklus de monät gloffe isch. Ich han so ghofft für dich und richtig mitgliedte. Wenn chasch wieder zur FA gah? Gasch aber nüme id kiwu-klinik nach dem was di gleistet hend oder?

@caramel: Drück di ganz fescht!!!! Bin mer ganz sicher das alles guet chunnt mit dim würmli. Es isch sicher eifach no alts bluet wo no usemues. Wenn aber fescht verunsicheret bisch lütisch gschieder am FA und frögsch na.

[caramel_joghurt]

@raffi89: das macht doch nüd. Findes trotzdem schön we zwüschine ineluegsch. Aber verstah das ou wie jetzt eher wieder chli Abstand nihmsch, we Dr ja ner e Pause machet.

@roehrli85: ja mach doch mau e Test, meh weiss ja nie

@me: naja, normal...äs gits ömu lut FA meh aus mer denkt. U solang i nid Buchchrämpf ha oder würcklech sturtzbluetige muessi ou nid verbi. Morn wird ja nomau Bluet abgenommen u de gseht mer ha de ob mis hcg überhoupt stigt. Dr Wert gester isch aber wou gar nüd so schlecht gsi, sisch hätte si aglüte ig müess morn nüme cho. I 24 Stund bini de hoffentlech schlauer i dere Hinsicht.

[harmony]

@caramel
momooou das chunt guet!

@roehrli
dume blibt drückt

@raffi
wenn hesch ES? drück der glich ganz fest de dume dases no dasmol grad klappet!

@me
Jo ebe, ig mues am mäntig ire Woche wider zum FA, de wäri ZT16 und äuä grad ume ES - dä isch jo be mer immer relativ spot. Da ig de Ovus irgendwie nid so troue, hani jetz mol afe mi Persona reaktiviert. Dä misst jo nid nome s'LH und eigentli ischer jo zur Verhüetig denkt, zeigt aber ou a 2 Täg dr ES aa - hihi missbruche jetz dä wider us "Fruchtbarkeitsmonitor". Ha mer no überleit de CB Advanced z'kaufe, aber dä isch haut eifach scho megamässig tüür. Dä monet unternimmi äuä nüt, mou luege was de FA a ZT16 de gseht und meint und waser vorschloht für wiiter zfahre... Ig mach mer eifach grad chli Gedanke ob ig söu stürme fürne IUI, wo aber vellech jo bi mer gar nüt bringt, wenn mi Körper gar nid ufs uslöse reagiert sondern das selber entscheidet.... Vellech setti ou eifach abwarte und mim Körper vertroue, wöu schinbar ticket er jo trotz allne iigriff wienes Ührli und entscheidet selber wenn ES noche esch. Handkehrum chomi mer denn eifach so tatelos vor....

We d'raffi de nüm hibblet und d'caramel zude SS überegwächslet het, de si nume no s'roehrli und ig - s'roehrli het sich mittlerwile ou no am Langziithibbler-Thread agschlosse... de wird de dä do äuä ussterbe *heul*

[Raffi89]

@harmony: Ich hoffe nöd daser de Thread schlüsset willer nur no zweite sind sondern will au ihr zu de SS überewechslet. Ich wünsch mers so für eu. Es isch würkli sehr komisch das din körper sobald i din Zyklus igriffe wird den nüme so funktioniert winer söt. Für mich isch das es es zeiche daser dir will demit zeige das er das alles allei schafft und du ihm eifach vertraue muesch. Nurscho di besserig wo hesch mit de Mensschmerze isch gewaltig. Din körper isch sehr stark. Ich will der aber uf kein fall dri rede will schlussendlich mues es für dich stimme. Ich weiss ja leider nur zu guet wie schmerzhaft und kräfterissend die langi ziet isch.

Min ES söt am 16.09 si han also no es fünkli hoffnig das de monät vielicht de monät isch ich wird eu de monät sicher no gselschaft leischte und mis beschte geh . Euses neue projekt heisst Juni-Baby

[harmony]

@raffi
jo, ig denke einersiits au, das ig mim Körper cha vertroue und alles funktioniert. Aber anderersiits heimer jo ou 24 Üz ohni direkti Unterstützig gha - und do hets mi Körper jo ou nid gschafft. Aktuell bin ig im 26.Üz - wirde wohl mi FA Termin vom Mäntig (21.9) uf Do/Fr vorverschiebe, wöu am mäntig denn wär ig scho ZT16 und das wär äuä chli spot zum kontrolliere und uslöse.
Hihi jo es Junibaby esch ou guet - next johr wär jo e Geburtstermin am 1.6.16 no cool gsi

[roehrli85]

@raffi: drücke dir eifach Düme, dasses iz gad no klappt mit Projekt Juni-Baby! Und vilech ischs ja no guet, dass mit de Gedanke gad gar nid so drbi bisch Dr Wunsch chli abstelle söu mängisch Wunder würke.
Wäge Polterabe, das isch när nid ganz so gloffe wi plante, hät eigentlech mit de Mädels zersch am Nami wöue ga bädele, dert het aber eini nach dr angere müesse us verschidne Gründ spontan no absäge und drum bini mit mim GG gange. Ha de d Limousine dert härä la cho, mit Mini-Canapés und Prosecco simer e Stund lang umekutschiert worde und hei de Lüt dusse zuegwunke Het hönne gfägt. När simer ga ässe im Desperados, wo übrigens mega lustig isch weme so aus Poltergruppe dert ine geit und si gad gseh, aaah, die Braut kommt. Di hei mi aus VIP behandlet und mir si sogar d Händ vo mim persönlech "Sklav" abputzt worde Und när simer eifch chli dürd Stadt, hei drü Chörb drbi ka mit Shots, Chueche und vilem krims krams gfüllt zum ga verchoufe. Es isch auerdings nid ganz so eifach gsi, am beste isch haut glich eifach dr Alkohol wäg cho. Aber immerhin, trotz eher weni engagement vo mire Site, hanis härä bracht fasch 300 Franke izsammle
Eine het unbedingt es Küssli vo mr wöue, das heter zwar becho, aber är het när ou drfür müesse zahle und einisch het eine es Selfie mit mir wöue mache, ou das hani nur gäg Bargäud gmacht

@harmony: oder am 6.6.16 oder 16.6.16 wär ou cool
I gloube du machsch dr chli viu Gedanke, aber du hesch scho rächt, we sech dr ES nid laht la uslöse, macht ou IUI ke würkleche Sinn. Und ja, wär scho no guet, we dr Termin füre verschiebe chasch.

@caramel: gsehsch, chunt aues gut Das isch de äuä dr Grund werum gewüssi Froue nid wüsse, dass si SS si, wüu si das mitere TR verwächsle. I bi de iz gspannt, was d Wärte hüt säge! Hoffe eifach es isch schön agstige.

@me: ha no nid testet, ha no gar keini kouft. Ig findes haut mittlerwile ou nüm spannend, negativi Tests azluege. Möcht mau öpis angers gseh und d Chance uf das isch ja eh viu z chli. Hamer iz aber paar Tests bstellt und wirdes Ändi Wuche glich mau no wage.
Und we aues so louft wis söt, de häti drum eigentlech d Chance, a üsem Nachhochzytsweekend wo dr nächst ES müessti astah, es Summer-Baby z mache. Denn hätti würklech mau super Chance, mi GG viu zum Härzle z bringe mit üser Übernachtig im ne Zimmer mit Dampfbad, Sauna, Whirlpool etc. vom Sunti ufe Mänti. Das gäb de es entspannts Chind
Und ja, isch scho so was harmony seit, mir blibe hie chli ellei übrig und drum hani mi äbä ou zu de Langzythibbler agschlosse, es macht für mi definitiv meh Sinn, als mi are nöje Früschhibbler-Gruppe wöue azschliesse, wo aui ersch gad aföh und de eini nachem angere postivi Nachrichte het

[roehrli85]

Hallo Froue, wi geits nech?

Puh i has doch gahnet. Arbeitskollegin isch SS. Si hets üs hüt gseit. 13. Wuche.
Si het scho länger chli Problem ka mit dr "Gsundheit" dassere nid guet isch gange, heig chuum Ässe chöne bi sech bhalte und so sogar 5 kg verlore und isch iz rächt dünn gad. Si het sech ou vom Wäse här chli veränderet, isch sehr ruhig worde und het nüm viu möge verlide. Mehrmals hani se druf agsproche, ob si SS sig, si het aber dr Chopf gschüttlet (nid aber nei gseit). Glichzytig hani mitere haut ou über mini Problem gred, si weiss fasch aus, wo bi mir so gange isch wäge KiWu und so.

I fröie mi für si mit, i ha mr eh gschwore, dassi nid iversüchtig bi uf angeri, das machts mir när ou nid eifacher. Trotzdäm chli trurig machts mi scho, wüu jedesmau weni vo öperem erfahre, dass si schwanger isch, sis eifach Froue wo sägä: es isch gar nid planet gsi und i ha das no gar nid wöue, isch eifach passiert.

Eh ja, aber i cha drmit umgah und immerhin schaffi ja nur no 3ähaub Monet dert und när geit mis Projekt Schwanger wärde de eh hoffentlech id Ändphase und cha sicher ou gli abgschlosse wärde *hoff*

[harmony]

@roehrli
jo das isch klar, dasme i so situatione immer denkt, ou wenn mer sech freut, "oh schön, ig wett ouuuuuuuu". aber ebe schlussement bringts nüt iiversüchtig z'sii - ou we sies nid planet hät, cha sie jo schlussendli glich nüt defür, schlohts bi ihre so schnell ii und genau so wenig chöi die wiiblis öpis defür, ases bi üs halt ebe länger geit. Und weni süsch e schwangeri neume gseh, denki mer när ou immer "nid iiversüchtig sii, ig weiss jo nid was die fürne gschicht und wäg hinger sich het"
Bi mir süsch nüt neus, ZT5, FA Termin belohni bi ZT16, misse Tempi, mache statt Ovus jetz widermol e zyklus mitem Persona...

@caramel
wie geits dir? Wie gseht di HCG Wert us?

[roehrli85]

@harmony: ja äbä, si cha ja nüt drfür und si versteit mi ou sehr guet, wüu si äbä mini Situation ou kennt. Ig bi drum nid nidisch, nur eifach chli trurig.

@caramel: hey stimmt ja, hesch du dini Wärte?

[Raffi89]

@roehrli: Das tönt aber nachenem fätzige Polterabig Limo fahre möchti au sehr gern Und sehr gern heti en stripper hahaha stell mer das sehr luschtig vor mit mine Mädels
Eifach isches nie wenmer vo öberem erfahrt das sie ss isch. Aber find super das nöd iversüchtig bisch. Will das ischs wichtigschte. Klar denkt mer ich will au.... ich stan doch so schön i de reihe und söt au bald dra cho. Ich bin mer so sicher das euses Wunder de Weg au no zu eus findet. Wie fühlsch di?

@harmony: Duesch din Persona zwecks entwende Das isch super Geburtstermin 01.06.16 wär mega cool. Und vorallem isches im Juni meischtens schön und den chamer guet im freie feschte Wär no cool wen de Termin 10.06.16 wer will genau es jahr spöter hüratet mir

@caramel: Wie gahts der? Was het de FA geschter gmeint? Hoffe ganz fescht das alles guet isch. Denke ganz fescht a dich.

@me: Ganz langwilig hüt ZT 9. Han hüt emorge ganz vergesse tempi smesse das isch mer no nie passiert Und nacher het de morge natürli nur no besser werde chöne. Sitzi im Auto und mini Boxe hend nurno krosset . Am Mechaniker aglütet obi verbi dörfi und woni deht gsie bin händs wieder funktioniert *schäm*

[roehrli85]

@raffi: mir geits guet, und süsch ungernache tuet sech ou nid viu, i ga eifach morn ga z Brutchleid nomau alege und chas de hoffentlech hei näh. De möchti bitte bitte ke TR morn becho. Das wär no nätt. TR-Azeiche, ke Ahnig, ou nid würklech, SS-Azeiche... ds Thema Ibildig heimer gloub langsam düre

[caramel_joghurt]

Hcg isch gsunke

[Raffi89]

@caramel: oh nei...... es tuet mer so unglaublich leid. Drück di ganz fescht us de ferni und wünsch der viel kraft.

@roehrli: ja thema ibilig kennet mer leider nur zu guet. Hoffe das dis kleid jetzt perfekt sitz.

Gesendet von meinem SM-G925F mit Tapatalk

[harmony]

oh nei caramel, das döf aber nid wohr sii! was isch ou los mit üsem grüppli

[wolke7]

Liebi caramel

Es tuet mer onglaublich leid ich drocke dich ganz fescht!!!!

[Tiare29]

@caramel
Neeeeei das dörf doch nid wohr sii *loebdrück*

@harmony
Neeeei nid de thread schlüsse i chum doch au scho gli wieder

[Mimi83]

Liebi caramel
Weiss gar ned was schribe![emoji20] es tuet mer sehr leid, dass hcg weder sinkt. Ich denke fescht a dich und hoff das dich dini liebschte guet chönd uffange.

[Awe]

Liebi caramel es dued mer vo herze leid, weiss gar ned was mer do dezue sell säge drück di fescht