Heimlech mitläse isch so längwillig we dir so abgöht da in
@raffi: auso i luege di Kurve ah. Du bisch ja ersch öpe ES+12, iz wart doch mau no bis am Fritig/Samschtig und när wird dr Test nüm Schneewiss si!!!!
@caramel: Dräibuech gfallt mr, aber dr Termin ir Klinik zur Erstbesprächig macht mi no nid grad schwanger. I ha mr aber es Ziel gsetzt! Spätestens im März söus klappe, auso no vorem 31. Geburi am 10. April! Wemers so überlege, i hät no fröid ame Dezämberli. 16.12.16 oder so, wär ou no schön oder es Samichlöisli am 06.12.16
@me: das mit dr Stell het nid klappt, aber mittlwerwile dänki ou chli, isch besser so. Komische Chef irgnedwie weni so drüber nache dänke. Är suecht äuä di perfekti Person, wüu är het schiins aune 3 abgseit und suecht wyter. Är het scho einisch sech für öper entschide ka, die heig ihm när aber öpis gschribe, woner gfunde het, eh, de nimi öich glich nid, mir löhs la si. Auso dä cha sech eifach nid entscheide und drum nimi di Absag o nid persönlich. Vor auem, dasser mr nid mau cha alüte, sondern nur es Mail macht
I ha gester SCHO WIDER ZS ka wo chli eiwissig gsi isch. i chume überhout nüm drus. Hm, i ha zwar Ovu's gmacht, aber gester und vorhär am Suntig und kene drvo isch positiv gsi. Cha grad so guet ou gad gester düre gsi si. Ghärzlet hätte mr am Samschti auso häts eh nid glängt. Im Momänt dänke mr beidi nid as Härzle. Isch mr aber no so rächt egau, wüu i weiss ja dass d Chance eh grad so guet wi nid da si, auso spilts ou ke Rolle weme dr ES nid breicht oder nid mau weiss wener isch. Bi iz eifach gspannt, wenn TR chunt. Irgendwenn zwüsche Hochzyt und bis ei Wuche nach Hochzyt wird si äuä cho.
I bi im Momänt grad wider chli chli ruhiger, aber trotzdäm isch Thema Hochzyt überall präsent und immer wider toucht öpis uf. Im Momänt gits Stritt, was mr üsne Trouzüge wei schänke und wi viu mr möchte usgäh. Wi immer si GG und ig üs natürlech überhoupt nid einig. Angersits bini wider am bastle und bi chli gnärvt einersits ab GG sine Verspräche, mir z häufe, angersits ou froh, dassers gar nid erscht versuecht, wüu ig ja eh würd sägä, nenei, i maches ellei. Aber i hät eifach vo ihm es "chani dr häufe?" erwartet.
Tja, das isch momentan so mi Alltag und es macht mi aues chli närvös
Puh, isch doch guet da mau z schribe. Eifach mau aues loswärde tuet no guet! Und i weiss, dasses öich ir Nase chutzelet und dr eh d News weit wüsse
Drum chani mi ja nid so guet zrug halte.
Edit: eigentlech dütet aues druf hi, dasses wider e 34-Tages-Zyklus chönt gäh. Ds wär ja dr 3. nachenand. Das wär ja hönne genial. Das darf so blibe. 34 fingi rächt cool, vor auem wes louft wines Uhrwärk!
05/2018 & Doppelpack 10/2022
und mini tempi isch natürli uf 36.67 ufe. Somit hani chein plan was losch isch 
I has doch richtig gfüehlt. Sooo guet. I ga hüt id Baby-Produktions-Phase und de chani mit guetem Gwüsse morn dr GG i sis Polterwuchenänd schicke 