Wir warten seit Frühling 2014 und länger - Teil 8 - komplett

[caramel_joghurt]

@roehrli: oh, mega schöni Torte heit er gha.

Harmony und raffi89:ES verbi?

@me: mini bluetige si auso verbi....aso ömu bis vori. Aber ha gester geng no es buchzieh gha wie vorem ES, ha ner mau gester aber e ovu gmacht u testlinie isch no stärker aus dKontrollinie gsi ga auso dervo us dass min ES glich pünktlich isch, ev auso ou e Eisprungbluetig woni jetzt ha?!

[harmony]

@caramel
Eisprungsbluetig hin oder her - geherzelt oder nicht, ist hier die Frage hoffe dir heit rächtziitig no es Bienli gsetzt.
Ob mi ES dure esch oder ned, chani irgendwie nid säge, Gfüehlsmässig hätti gseit Samstiobe/Sonntig Morge.... Tempi esch hüt aber glich gsi wie gester. Gherzlet hätte mer Fritig und Samstig, gester nüm drzue cho, aber äuä hüt nomol. Müesst jo längstens länge.

Ha jo am Friitig d'Sprütze becho mit 5000 Einheite HCG - hüt morge hani de mol so denkt, ig wott mol luege wases do imne SST aazeigt - woaaaah das wär jo e Traum gsi, sone richtigfett-sofort-positive SST. ohni am Liecht go Linie rote und erahne, esch auso scho es cools Gfüehl gsi, do mol 2 Linie z'gseh, aber ebe, do muesi mi jetz no 2 Woche gedulde.... scho nur weil ig am Mittwoch nomol sone sprütze bechome unds när ou geg die 8-10 tag goht bis das HCG abbout wär....

[caramel_joghurt]

@harmony: hoffe dasmau hets mit dem usglöste ES klappt, gnützt heiterne ja super. Wird das am Mittwoch kontrolliert bevors nomau e spritze git? Hihi, ja das het sicher e schön positive test gä, hoffe dass das i 14 Tag chasch wiederhole.

Ha gester Abe nomau e ovu gmacht, ou no positiv gsi...aber vom gfüehl her hetti gseit Dr ES isch gester düre Tag gsi, aber weiss nid ob das de überhoupt cha si mit em positive ovu?!! Gherzlet hette mer am FR, SO u jetzt woni das mit em wahrschindleche ES ha gwüsst hani gester Aber ja fasch GG müesse verfüehre...obwou mir eigentlich momentan nid gezielt hei wöue herzle.

[harmony]

@caramel
jo aber gäu, we mer irgendwie s'gfüehl het me isch ume ES, de chame das fasch nid ungenutzt lo verstriiche.

hehe jo dä Test isch grad sofort fett positiv gsi... aber ig ha jo ou öpe e hcg pegel vo öpe de 6./7. SSW. Wär jo zu schön. Mer hei gester ou nomol nochegleit, hüt isch tempi wiiter gstige...ig würd säge, ES isch am Sunntig gsi. Kurve gseht itz emel ou scho ganz anders us als bim erste mol uslöse.
Nei är kontrolliert nid, go nume schnell go d'spritze mache, wöu igs selber nid cha. Är het aber ou gseit, woni mol gfrogt ha vowäge kontrolliere ob dr ES ou isch gsi, dases jo nüt bringt, wöu 1. wärs denn scho bald z'spot zum no öpis mache und 2. isches de wohl ou es schlechts ei gsi wo eh nüt hätti gä - und do heter jo eigentli rächt findi. An ZT14 isches 24mm gsi - am mittwoch wäri ZT19 und s'folli wär de entweder i sich zämegheit oder no wiiter gwachse und de gits de ou nüt me. Aber ahand vode Tempi bini scho dr überzügig ases ghopslet isch und süsch hätti links no eis mit 20mm gha.

hmm vellech springts jo erst hüt - hauptsach es springt - cool wärs jo, de si du, raffi und ig weder glich wiit... itz wo üses nachfolgegrüppli usgstorbe isch (black het jo jetz öpe termin) - choimer grad es neus gründe.

@tiare
wie gsehts us bi dir?

@raffi
schöns weekend gha in italie?

@roehrli
TR dure?

[roehrli85]

@harmony: hey super, de heiter ja vou chöne usnütze.

@caramel: ou bi dir hoffi, isch dr ES gsi wi dänkt und bi gspannt was drus wird. Mir hei eigentlech ou nid gezielt wöue härzle, aber me chas gloub eifach de glich nid la si, weme weiss, dass e Chance da isch.

@Tiare: nüt me kört, wo bisch, wi geits dr?

@Raffi: I hoffe dir heits so richtig gnosse z Italie. Schad isch z Wätter ersch iz wider schöner. Aber schlächts Wätter isch ja schliesslech perfekt zum härzle.

@me: Immer no TR, aber wird schwächer, Tag 4 und somit müessts dr letscht Tag si.
Has gad chli doof, irgendwie im Gschäft hani z Gfüeu höckli dr ganz Tag ume (so langsam dänki haut, ischs berächtigt, dass e Stell gstriche wird, aber i bi immer no dr Meinig, dass nid ig das hät müesse si, es git hie Lüt, wo 0-Bock-Stimmig hei oder viu eifacher öpis angers finge).
Irgendwie ga schaffe zum mi längwille und när d Freizit vou mit Arbeit verplanet. Isch im Momänt eifach nid so toll. Und näbebi würdi ja ou gärn wider is Fitness gah. Has ja sitem Juli so zimlech la si. Aber i ha ke Ahnig wenn.
Aus i auem bini sit dr Hochzyt sehr happy, aber iz wos haut düre isch, chöme di angere Themene eifach wider stärker düre und ig bi so chli i re trurige Stimmig.

[Raffi89]

@wolke: ich gradulier der vo herze zur Geburt vo euem Sohnemann. Ich wünsch eu als Familie nurs allerbeschti und hoffe das ihr bald 4er als Family eu chönd gnüsse.

@roherli: Wow e mega schöni torte hender cha. Und sicher au mega fein. Da chumi grad gluscht über Ich liebe süesses.

@caramel: So cool das scho wieder en ES gah hesch und ihr de au so perfekt usgnützt hend.

@harmony: Das isch sicher es mega gfühl gsie mal en postive tescht i de händ zah und bald hesch den au en richtig positive wo en chasch juble Drück der ganz fescht düme.

@me: Mir hend euses Weekend sehr gnosse. Bolognia isch e wunderschöni Stadt mit sehr feinem Esse. Ich han min ES scho am Fritig cha und mir sind erscht am fritig abig dezu cho zum herzle. Hoffe eifach mis eili isch den no i de Startlöcher gsie. Aber ändere chanis ja nüme drum nimis easy.
Bin hüt scho ES+4 und i 9 täg weissi den meh will den hani NMT.

[caramel_joghurt]

Si die ovus jetzt aui positiv? ....bi gat chli verwirrt, söt doch nid si 3 täg nachenand oder?

[Tiare29]

hallo mini liebe..
i han eu nid vogesse.. mir sind nur momentan gad kli im stress.. de countdown lauft.. no 9 täg bis zum zügle

aber zerscht zu eu..

@caramel
ich würd säge nonig positiv oder?? und no kurz was zu dim schwindel wod gha häsch.. under umständ ka doch de au vode ständige bluetige sii oder?? mini schwöster hät das gha wo sie mol öpe 7 wuche ständig wieder bluetige gha hät..

@roehrli
wie lang schaffsch etzt no?? häsch etzt scho was gfunde?? und e meeeega tolli turte händer gha <3

@raffi
ohhhh Bologna isch traumhaft.. i hoff s'herzle hät doch no glanget.. düme sind wieder druckt

@harmony
für was isch denn di 2. sprütze?? ich hoff etzt gaaaaaanz fest das du di erst vo üs allne bisch wo positiv testet.. dis warte muess jetzt eifach es end ha eeeeendlich..

@wolke
ich gratulier dir au gaaanz herzlich zu eurem kämpfer.. aber er hät jo gottseidank für 32+0 es super gwicht und grössi.. weisch scho wie lang er muess bliebe?? ich han jo au es Frühchen ka aber gottseidank au mit stolzem gwicht drum hani ihn ganz normal dörfe heineh..

und jetzt no zu mir..
also nicht schwanger.. eis aug brüelt und s'ander lacht.. es wär biz en doofe ziitpunkt gsi so mitem zügle.. aber wemmer so druf wartet machtmer sich denn halt glich wieder kli hoffnige.. und min GG hetti sich sooooooo gfreut.. er isch glaub entüschter gsi we ich aber mir händ etzt gseit wemmer züglet händ passemer nüm uf.. mir lönds eifach drufabcho.. und ähm jo ich han e Zyste deswege de lang Zyklus.. jetzt tueni das no behandle und hoff das nocher alles i.o. isch

[harmony]

@tiare
oh schad, aber viel spass bim zügle! die 2. sprütze set en allfälligi iinistig unterstütze.

@caramel
das wo do so dick esch, esch jo testlinie... komisch 3 täg positiv... chönns aber schins gä wens nid/doch noni ghüpft esch... tempi messe duesch no?

[roehrli85]

@tiare: nei ha nüt gfunde süsch würds mi ou gar nüt stresse eigentlech. Bis Ändi Novämber muessi/darfi no. Schad isch nüt gsi, aber isch ja ou no nid so planet gsi, vo däm här. Isch doch guet, löht öich di Zyt zum Zügle und irichte und när chas losgah mit wider hibble.

@raffi: das isch schön heiters gnosse. Und das wird sicher no pünktlech gsi si mit härzle

@caramel: weiss nid, normalerwis hani 1 oder 2 Tag positivi Tests ka. Meh no nid. Und wenn isches immer unsicher gsi, ob si positiv sige. Isch d Testlinie de die, wo nöcher am "MAX" isch, oder? Wüu wenn nid würdi sägä, si ja gar nid positiv. Nei aber i cha dr da druf würklech ke gschidi Antwort gäh gloubi. I bi gad am Überlege, ob i denn, woni mau so ne ungloublech länge Zyklus ka ha und z Eili verschrumplet isch im Eierstock blibe höckle, ob i denn ou paar Tag positiv ha ka. Chönt ja no si, es würd gärn und cha nid...

[caramel_joghurt]

@tiare: demfau de guets zügle u dass die Zyste gli verschwindet. U ner chasch ja de da ou scho wieder mitschribe.



@roehrli: Test Linie isch das bi max, auso die dunkler Linie hoffe stellemässig findsch gli e Lösig.

@raffi89: dass het sicher no glängt..hoffe auso du Nachschub de Dr Anfang vo üsere nöie Ss Gruppe

@me: gloub Dr ovu isch nid Wege ES positiv gsi, ha hüt wieder so öbis wie TR... ga hüt nami zum FA ga e hormonstatus mache ner mau luege. Ma echt gat nüme, wieder total buchweh u eigentlech aues wie normali Tr, gits doch nid. Het nid denkt dass so e früehi FG mi Körper so dürenand cha bringe.

[harmony]

@caramel
ach nei sone scheiss!!! wie esch gsi bim FA? weisch scho meh?

[caramel_joghurt]

US hets kene geh, guet denke bire Entzündung o.ä. hetti wou geng schmerze. ZBluetergebniss überchumi ersch am Fritig

[harmony]

@caramel
hmm ok - aber dases no irgend e zyste oder so het gä?
komischi sach.

heiter gseh, d'black het vorgester ou ihres töchterli becho - heisst üses folgegrüppli isch definitiv usgstorbe. Esch eifach scho krass... vor 9 Mönet hei so vöu positiv testet und sither isch eifach nüt me passiert....

[roehrli85]

@harmony: ja scho sehr speziell. Zersch hets ou es Zytli nüt gäh und plötzlech si aui mitenand SS worde und mir si ellei übrig blibe. Und iz het jedi scho gebore. Es isch wahnsinn u zeigt wi schnäu di Zyt und so ne SS düre geit. I hoffe doch so fest, dasses für jedi vo üs ou gli z Warte es Ändi het.

@caramel: Oh bi iz gspannt uf dini Testergäbnis

@me: i bechume de hoffentlech nomau e nöje Muet-Schub sobald ig de mini Buchspiegelig cha ga mache und hoffentlech "z Problem" behäbe. Aber i ha ou chli Angscht när enttüscht z wärde, wüus de trotzdäm vilech nid klappt. Irgendwie würds mi fröie, weni die Buchspiegelig no im Dezämber cha mache. Wäg mine Ohre-Gschichte im Juni hani ja schliesslech so viu Leistige bezoge bzw. sälber zahlt, dass iz d Franchise vo 2500 bis uf nid mau meh 200 Franke ufbrucht isch, de wärs mr glich, das gad no das Jahr azgah. Aber i befürchte di si nid so schnäu. Wär nämlech mega cool, när im Januar id Flitterwuche und de am beste no gad der ES i de Flitterwuche und de grad no SS wärde. Hmmm, tröime darf me ja no, obwohl i gloube das isch nid so realistisch.

[caramel_joghurt]

Hallo Ladys

Sorry, nume gat Ego

Auso mitti Sept hei si zletscht mau Bluet gno gha, hcg öbis liecht über 100 no gsi, ner het dAbortbluetig richtig agfange, paar Tag später nomau, ner gfüehlti mens u jetzt nomau gfüehlti mens! Aber.. Mi hcg isch überhoupt nid uf 0
Muess jetzt am mo wieder zum FA. e früschi ss isch gloub mit dene Bluetige ziemlich usgschlosse Weiss Dr Wert vom Mi nid, aber jetzt isch ou klar werum die Ovus so stark si gsi...

[harmony]

@caramel
ah ebe ig has no denkt! s'HCG wirkt sich jo bimne ovu test oft glich us wies LH (drum gits jo ou die wo orakle vorem SST) Drum hani eigentli no wöue froge, ob bi dine mehrtägig positive Ovus e SS usgschlosse esch - ha aber denkt isch vellech chli e blödi frog, i dire Situation und nachem Abort.
Ig hoffe fest für di, das sich glii aues chlei beruhigt oder du positivi News chasch verkünde.

[caramel_joghurt]

Ja mau luege was sie am mäntig seit. a positive ovu Wege hcg hani gar nid denkt, da ig eigentlech bi dervo usgange bi 0 zsi. Bi nmt isch aber es Orakel doch ou no ziemlich schwach, de wer Mi hcg ja äue immer no bi 100 ume?! Ah, würd am liebste unter e Decki verchrüche hüt Nami u nüd meh mache.

[harmony]

De weisch nid wie höch dis hcg jetzt isch? bi ES+14/15 wärs im Bluet jo um die 100 - Bim Orakel isch de Pegel im Urin halt massgebend, und dä isch jo immer am Bluet es paar täg hindedri. Zudem chonts ou no drofa wie sensibel de Ovu esch.

[caramel_joghurt]

Nei...hani gat gar nid dra denkt zfrage. Bi irgendwie gat gschockt gsi dass das ganze no nid abgschlosse isch. Ovu isch e 20er u hase aui am abe am 8ti gmacht.eigentlech het mi ja dr stark ovu scho verwunderet,da si bis jetzt knapp oder gar nid richtig positiv si worde.
Ha vori überleit e SS test zmache wie stark de azeigt, aber bringt mer ja ou nüd.