Wir warten seit Frühling 2014 und länger - Teil 8 - komplett

[harmony]

jo du chöntsch natürli e SST mache und ines paar täg nomol, de gsehsch ob är allefalls stärker wird...

ig überlegg mer wäg minere hcg sprütze ebe ou, obi am dsistig eine söu mache, wöu denne rein theoretisch setti das vode sprütze dusse sii - und denn gsehni am samsti ob är stärker isch - nid das ig glich no zu dene ghöre wo vöu länger hei zum abboue und när am samsti freui mi abeme strich, wo doch nüt isch....

[caramel_joghurt]

Gloub warte jetzt eifach bis am mäntig.. Es isch de so wies isch!
Aber macht mer das ganze no schwärer, wes no Rest hcg isch vom Abort, wovon ig usgah. Ha bis jetzt gseit es isch haut eifach chrank gsi u drum wieder gange. Aber so chunts mer vor aus hettis ebe ou nid wöue gha.

Hm, schwierig..aber würd gloub am zistig scho mau teste. Isch haut eifach do dass e fini Linie ou no zum hcg vor spritze cha ghöre u ner 2 täg im ungwüsse lebe ob am Fritig e stärkeri Linie erschint ..was mer ja hoffe.im Idealfall wer er denn negativ, für SS wers zfrüeh u du weisch das dsprütze abbout isch.

[caramel_joghurt]

Ladys ig wirde mi vo öich verabschiede. Ha hüt morge buchweh becho u bi i Notfall. Dert hani erfahre dass mis hcg über 1000 isch, not op u Eileiter entfernt. Ha sogar scho Bluet im Buch gha ...isch auso e ELSS gsi churz vore lebensbedrohlichen Situation.
Muess das jetzt mau verdoue

[harmony]

@caramel
ach du schei* - ig hoffe du chasch das möglechst gli und guet verdaue und findsch din weg wie und ob möchtisch wiiterfahre. Besch süsch ou jederziit wederwillkomme

[Tiare29]

ach man.. ich hans vorer woni no uf siite 16 gsi bin scho vomuetet und es isch eifach Horror..
liebi caramel fühl dich druckt.. ich ka dir nochefühle..

[Raffi89]

@liebe Caramel
Es tuet mer vo ganzem herze leid was du hesch müese dürremache. Ich hoffe du erholsch dich nach dem ganze guet. Nimm der die ziet zum alles verarbeite. Ich drück di us de ferni ganz fescht und verstans das abstand bruchsch.

@harmony: Wie gahts der? Fühlsch di scho ss ? Du bisch jetzt mini Hoffnig

@roehrli: Wie gahts der?

@me: De ÜZ isch au wieder mal nüt. Mini Tempi isch sit 2 täg am sinke das heisst am dunschtig chunnt definitiv TR. Au mini Lunne isch zur ziet ufem tüeffpunkt und ich bin innerlich so hässig das es scho wieder nöd klappet het und ich verstas eifach nöd wieso eus das glück scho so lang verwärt bliebt. Ich bin eifach grad uf di ganz welt hässig
sory fürs uskotzte aber es het wieder mal müese sie.

[Tiare29]

@raffi
gang in wald go schreie.. es hilft wüüüüürklich!!! aber richtig luut und us tüfstem herze!!

[roehrli85]

@caramel: oh neeei! Hey es tuet mr mega Leid :'-( weiss eifach gar nid was sägä. I drücke di ganz fest und i hoffe ou, du fingsch e guete Wäg aues z verarbeite. Du bisch wi scho harmony het gseit, aber jederzyt hie härzlech willkomme!!!!

@raffi: mini Gfüehl si eifach am uf und ab springe. Aber grundsätzlech guet. Mir wäre das Weekend und ou z letschte mau sooo schön und viu am härzle gsi, hät mr eifach fest gwünscht, dasses immer so isch und das het mi anstatt ufgstellt, haut chli trurig gmacht..... was söui sägä, i hät gärn, dassi mit mim GG immer so hät wi mrs ir letschte Zyt hei ka. Aber i cha nid jammere, i nime mis letschte fünkli Hoffnig für dä Zyklus, warte ufe ES, hoffe i cha dä de ou nutze und weiss wener isch und när isch de eh scho Dezämber und de gsehmer de wis wyter geit.
Und ehm, ja i verstah di grad sehr guet, i bi ou grad chli uf aui und aues verruckt!

[caramel_joghurt]

Danke ihr liebe!
Has am Fritigabe plötzlich afa ane. Ha nid chöne schlafe u ner mau ELSS ohni schmerze googlet. Ha ner no uf mim Buch umedrückt aber nid würcklech schmerze gha. Aber ner am morge, zersch nomau chli nachegla u ner wieder stark u da hani ner denkt OK, doch ELSS. Im Spital hei si aber im US ou nüd gseh, aber der hcg wert u nüd gseh het ner ou ihne aues gseit. Vorauem aber ebe ou dFlüssigkeit wo si hei gseh ufem US im buchrum.
..Dr Wunsch nachem 3 werde mer aber nid ufgeh...
irgendwie scho no ironisch, ha nach beidne SS ke streife ect gha am Buch. Aber a das chind wo mer nie werde richtig kenne lerne, werde derfür jetzt narbene am Buch erinnere.

@ raffi89: oh nei! Es duet mer so leid
@ harmony: hoffe auso ganz fest für di
@roehrli: super chömet ihr chli me zum herzle.

[roehrli85]

@caramel: das fingi schön, heiters no nid ufgäh. D Zyt wird zeige, wis wyter wird gah

[Raffi89]

@tiare: ja das hani eidütig wieder mal nötig hender scho züglet?

@caramel: schön das ihr de wunsch nöd nach euem 3 nöd ufgebet. Ich bin mer sicher das ihr bald für die ganze sache wo jetzt passiert sind belohnt werdet. Du bisch bi eus jedeziet herzlich willkomme und du wirsch eus sicher fähle.

@roeherli: schön das ihr so viel herzlet und eu so richtig gnüsset. I wieviel täg söt den din ES si?

@hunny: danke das isch ganz lieb. Wie gahts dir und euem sohnemann?

Gesendet von meinem SM-G925F mit Tapatalk

[Tiare29]

@raffi
nei morn gohts los bi scho meeeeeega nervös.. hoff klappet alles riebigslos

@roehrli
wer weiss villicht passiert jo es wunder.. bide mimi häts doch au di schlecht nochricht geh und noher isch sie gad schwanger gsi..

@hunny
schöööön vo dir zlese.. i hoff es goht eu guet

[roehrli85]

@tiare: wünsche dir guets zügle. Ja scho, nur d Mimi het denn öpis vo wäg Schilddrüese gseit? Oder was isches gsi? Aber we dr Eileiter eifach nid oder so guet wi nid durchlässig isch, de chame so viu probiere wi me wot, de geits eifach nid. Auso di verminderti Azahl vo einigermasse läbesfähige Spermie chunt därum garantiert gar nid bim Ei ah. I dänke d Chance dass überhoupt eis düre chunt, ligt momentan so öpe bi 2%. Das isch haut nid grad viu, aber dieee nutzi scho!!!!

@raffi: puh, i weiss doch nid wenni ES ha. Hmm was bini iz, ZT 12, i dänke irgendwo zwüsche ZT 20 und 30 wird mi ES lige, auso hani mindestens e Wuche no Zyt, bevori so langsam i di heissi Phase chume. Schön isch eifach nume, dass mr unabhängig vo ES oder nid ES, Chance oder nid Chance, eifach chli meh härzle. Cha aber haut ou wider nur so ne Phase si, i hoffe di häbt no grad chli ah, damit mr dr ES würklech chöi nutze.

@hunny: das tönt doch guet, langsam aber stetig witer wachse. Aber glich krass he, dasser ersch iz uf 3 kg isch. Irgendwenn wird er aber de ufgholt ha und när geits de ganz schnäu
I wünsche dir, dass di Zyt gli düre isch und dir so gli wi möglech d Zyt miteme ganz chräftige chline Bueb chöit i volle Züüüg gniesse!

[harmony]

@roehrli
wünsche es churzwiiligs warte ufe ES

@tiare
viel spass bim zügle!

@raffi
TR scho cho? wie füehlsch di? Esch doch sowiso e seich i dere Kiwu-Ziit - es riese uf und ab immer. Mängisch magi ou ächt nüm. Wobi afe d'tüüfs nüm so tüüf si, wöu haut ou d'höchs nüm so höch si. Und glich dänkii ame weder, de isch mer paar Täg bis zude TR so voller Hoffnig und Träum und zäck isch ame weder alles verbi.

@caramel
schön, das ihr trotzdem nid ufgäht! Hoffe du chasch das alles schnell verarbeite.

@me
Mini Kurve verlauft immerno super - bi gspannt.
http://www.urbia.de/services/zykluskale ... 1446037426

[Raffi89]

@tiare: Ich wünsch der morn es guets Zügle. S'Züri Oberland isch mega schön ihr werdet eu sicher ganz schnell ilebe.

@hunny: Schön slese das eue Schatz sich so guet macht und scho kräftig a gwicht zugleit het. Hender scho hei dörfe oder ischer no uf de Neo? Sory chene mi da nöd eso us.

@roehrli: Den hoffi jetzt eifach ganz fescht das ihr sicher no bis zum ES so fliessig sind. Grad letschti isch im 20min en Artikel drin gsie das wennmer mer hüfig herzelet unabhängig vom ES Chance für e SS höcher segi will eusi Vaginalflora sich den a schwümmerli gwönnt isch.

@harmony: WOW dini Kurve gseht sehr vielversprechend us. Ich drück der so fescht düme. Es wör mer grad so guet due wenns bi dir klappet het will wenni gsehn das würkli wunder passieret und das wiedermal mal bi eus im grüppli. Wenn wilsch teschte?

@me: Mini tempi isch no wieter gsunke und han au scho liechti TR schmerze denke das sie hüt i de nacht itrudlet. Und den gahts uf inen neue Zyklus obwohl i grad im Moment fascht nüme dra glaub das es bi eus uf natürlichem Weg klappet. Bin immerno uf alles hässig es fahlt mer eifach so schwer zums ane das es genau eus breicht het. Den hani hüt i minere guete lunne no erfahre das kollegin SS isch. Die glücklich bi ihre hets im 1ÜZ igschlage. Mageres aber vo herze gönne und freu mi au aber ich willll doch au!!!!!

[harmony]

@raffi
ev. wenn tempi immerno schön isch, wird ig am samsti teste, wöu mer drum anes fest gö und wenn tempi abegeit, de lohnis lo sii.
Was macht dini TR?

[roehrli85]

@raffi: oh mann, isch aber ou PMS wo di no meh hässig macht. Klar nid nume, aber das verstärkt dini Gfüehl haut no. Aber i verstah di und drücke di fest! Ja stimmt, ha ou scho kört, es sig so oder so besser regelmässig z härzle. Ou sänkts zwar jewils d Spermiezahl, derfür isch d Qualität besser. Auso i hoffes ou, dasses no so blibt.

[Raffi89]

@roehrli: Danke vielmal ja es isch würkli PMS wo dasmal alles no so verstärkt het dasi so hässig uf alles bin. Aber jetzt isch scho wieder achli besser. Ich versuch jetzt eifach wieder achli vermehrt mich uf di schöne Sache im lebe s'konzentriere wie zum bispiel gani im Dez. nomal go brutkleider aluege obwohl i mi ja bim letschte mal scho völlig i eis verliebt han

@harmony: Dini Tempi bliebt sicher schön dobe. Mir drücket dir alli ganz fescht düme (mini sind scho am blau alaufe )

@me: Mini TR isch di Nacht wie prophezeit itroffe. Das heisst ufsta und mis krönli wieder ufs neue srichte. Auf gahts in ÜZ 21.

[harmony]

@raffi
merci - chasch aber glaub au ufhöre düme drücke. Ig füehle mi grad richtig wie 1-2 Tag vor TR - Tempi isch zwar immer no dütlech über CL aber glich chli abe hüt... mol luege wies morn usgseht.

[roehrli85]

@raffi: jöh, du bisch ja ou scho rächt lang mit dire Planig dran. Gäu hesch du mau gseit, dir hüratet de im Usland und drum gits äbä meh z vorvereite? Italiänischi Familie oder so? Wenn isches de bi dir so wit mit Hochzyt??? Hey, bi de ou gspannt wis dr de geit. Und wed Lust hesch, sobald di für ds Chleid entschide hesch, wäre mr auso ou uf nes Foti gspannt.

@harmony: oh nei, aber weisch, mir drücke witer d Düme, wüu mini si eh grad frei, di hei nid viu z tüe. Isch no nüt verlore.



Ah ja wemer gad drbi si. I ha no nid d Fotine vor Fotografin, eh fasch keni, ha drum nur eis einzigs woni einigermasse guet troffe bi, wo mr öper vom Handy us gschickt het. Aber das längt füre Afang: Gsicht hani mau unkenntlech gmacht, aber dir weit mi ja ou Frisur u so gseh dänki