Wir warten seit Frühling 2014 und länger - Teil 8 - komplett

[harmony]

@tiare
wuhuuu, welcome back!
merci liebs - aber ebe, me gwöhnt sich as warte.

@treffe
aso so vöu ig weiss isch d'raffi vo ZH.

wie laaaangwilig, de isch jo gar niemer ume NMT ...ig ZT11, Raffi öpe ZT 13, Tiare ZT3, Roehrli ou vor ES - und bide Caramel hmmmmmm - hoffe mer es pendlet sich gli i.... oder es si und blibe de mou 2 striche ufem sst und es git im August es happyend.

[caramel_joghurt]

Stimmt, luut profil vor raffi isch si vo ZH.

@roehrli: was het di ovu gemeint?

@me: TR Buchweh wieder weg. Gange jetzt mau dervo us dasi ir 2 zh bi.

Ja längwillig, de isches ja gat bi niemerem spannend.

[roehrli85]

@me: I ha gester vou z Gfüeu ka i heig ES. Gester isch Ovu ganz klar negativ gsi, wi ou am Sunntig. Aber am Mäntig hani nid testet. Ha de vermuetet, vilech hätti ja am Mänti e positive Test ka und hane verpasst. Zwar, eigentlech wird ja d Linie vorhär normalerwis ou scho chli dünkler, isch aber ou am Sunnti nur Huchzart gsi. Drum bini iz wider verunsicheret. Hmm, i mache iz hüt und di nächste Tage äuä glich mau täglech no e Ovu, mau luege, ob sech öpis änderet. Hoffe es git nid wider e länge Zyklus.
Aber naja, i rächne mr ja eh ke Chance uns und da das mi letscht komplett Zyklus isch vorem Termin ir KiWuKlinik, bini eher gspannt uf das wo när chunt und versueches iz locker z gseh. I bi chli närvös. Dr Termin isch i 3 Wuche, chunt mr no sooo lang vor, möcht am liebste hüt scho ga.

[caramel_joghurt]

@roehrli85: hoffe die ovu wird gli no positiv. Nid dass no e monsterzyklus hesch. Ja di Termin isch ja scho gli u söts jetzt nid Klappe geits de ner hoffentlich nachem Termin chli vorwärts.

@me: post vori uf da, erste Brief yeah so cool öbis gwunne, 2 Brief mau e teil vo mine Spitalchöste...jaja, ganz toll cha sowieso gat die 2'500 hereblättere u Dr sälbstbehalt obedruf ..hät ou es paar schöni Sachene für dchind geh mit dem Geld...jänu.

[harmony]

@caramel
jo sägs nid, das hani ou denkt wo d'rächnig för mini buchspiegelig cho isch - und weni denke was mer süsch no aues füre FA und fürnes SG und no d'Akupunktur usgä hei - si ou scho paar 1000 franke zämecho, ohni das mer effektiv wiiter si oder meh wüsse. Das hätt scho längstens e top Erstusstattig gä

@me
ig ha morn vorem mittag no dr FA Termin, eigentli kontrolliere und de gad uslöse... bi morn ZT14 - aber ig wirde s'gfüehl nid los, das mi ES gester oder hüt isch. de ZS spricht defür und vorauem - scho lang nüm erläbt - aber ig bi dermasse scharf gherzlet heimer vorgester zobe... mou luege ob mer hüt no drzue chöme - GG isch aber no bimne Kolleg und ig ha Training - do hani scho sone vorahnig, das das äuä nix wird. Bi auso gspannt was mer morn ufem US so gseht.

[Raffi89]

Hoi mini Liebe

@treffe: Ich chume vom Züri. Bin aber sehr flexibel womer eus wönd treffe. Hender e gueti Idee wo?

@caramel: Ich findsch uh schön das wieder bi eus bisch. Und ihr eue Wunsch nöd ufgebet. Wege de Rechnig duen mal bi de KK na fröge. Will es git viel di dönt's us Kulanz für Kundezrideheit ohni Franchise und Selbstbehalt abrechne. Obwohls im Gsetzt anderscht gschriebe isch. Mir machet das au eso. Aber es chunnt halt mega druf a bi weler KK das bisch.

@roehrli: Ich hoffe ganz fescht das de ovu äntli positiv wird. Sinder immer no so fliessig?

@harmony: Ja zur ziet isches grad achli langwilig mir sind all vor ES. Ich sött mine hüt oder morn ha. Und den du am Weekend. und Roehrli und Tiare auno. Den Hemer i knapp 12 Wueche hoffentli ganz viel positivi News.

@tiare: Wellcome back i eusere Rundi. schön das wieder bi eus bisch. Ja mir sind warschinli fascht nachtbare chume au usem Oberland

@me: Sory dasi zur ziet nöd so fliessig bin aber es gaht grad alles drunder und obsi.
Im Gschäft isch höll los schaffe jede Abig bis am 9i. Und den lauft mer min Schattema no über de weg und schriebt mer jetzt jede Tag. Und zu allem Elend die schock Nachricht min Opa isch ganz plötzli verstorbe

[Tiare29]

@raffi
ojee mis herzlich biileid ha dir no e pn gmacht

@me
mini TR isch dure jetzt gohts loooooos i bi richtig euphorisch und positiv igstellt.. min GG hät gmeint mir mached üsere Familie es wiehnachtsgschenkli mol luege ob das klappet...... :-/

[roehrli85]

@raffi: tuet mr so Leid wäg dim Opa. I drücke di us dr Färni.
Ja i has no dänkt, dass du iz im Stress bisch. Mir heis fasch trurig ruhig, drum schaffe mr das Jahr nid ussergwöhnlech lang, drfür angere Stress, immer nur mit agressive Kunde, wo sauer si. Irgendwie bini froh, gli chani mini Fäll uf Ändi Novämber terminiere und de "darfs" de när öper angers fertig bearbeite. Ha haut nüm so d Motivation für so Sache, wüui ja eh muess gah. No di letschte 2 Wuche, di halti ou no düre. I hoffe es wird bi dir när im Dezämber ou wider ruhiger!
Danke für dini pn, so härzig, merci!

@me: weiss immer no nid woni stah, i hoffe iz eifach, dass mr hüt zum härzle chöme und vilech isch ja dr ES würklech no nid gsi. Ha gester nid chöne Ovu-Test mache bi ou ersch am haubi 12i deheim gsi nach üsem "Wiehnachtsässe" gester. Hüt versuechi mi chli z entspanne, ga no zum Coiffeur isch sooo nötig, ha mini Haar ziemlech la wachse für mini Brutfrisur und iz wos düre isch, woti se nur no furt ha.

@Tiare: i bi sehr überzügt, dasses kes Wiehnachtsgschänk me wird gäh, lah mi aber gärn la positiv überrasche I ha aber vor paar Tag ou mim GG gseit, letscht Wiehnachte hanis nid gschafft, di Wiehnachte wirds wohl ou nüt und di nächsti woti eifach nüm ellei si (mindestens öpis ungerwägs ha). Das Ziel söt doch bitteschön erreichbar si. Wüu nomau es Jahr mahni eifach würklech nid.

[harmony]

@raffi
mis bileid wäge dim grossvater!
De November esch eifach e blöde monet - letzt woche isches scho es johr här gsi sit mi papi gstorbe isch und morn sis 5 johr sit mis mami het müese go. Und üse Hund isch vor 3 johr ou im November gstorbe... ebe, eifach e doofe monet.

@tiare
na dann, vell glück und schön bisch wider do.

@me
hüt bim FA gsi - gester und vorgester hani mi so gfüehlt als wär ES - ha de aber denkt sig scho no chli früeh. Hüt ZT 14 isch US gsi und eigentli wär de uslöse planet gsi - mis Gfüehl het aber gstumme, ES isch gester oder vorgester gsi. Vorgester wär mer no fasch lieber - hei am Dsistig obe no gherzlet.
Är mächt mer itz e überwiisig zumne Kolleg, bzw. ine angeri Praxis wo IUI abietet - heisst auso mer starte de next johr mol mit IUI.
Da jetz mi ES schinbar scho ZT12/13 esch gsi, heisst wird mi Üz dasmol ca. 26 Täg.... längt afe de das mi ES vom Januar sowiit föregschobe esch, daser de doch scho i üsne 3. Flitterwoche esch hihi, GG und ig gä immer aa mer sige uf üsne Flitterwoche - zieht immerno

[Tiare29]

@harmony
denn hoffi das dis warte etzt echt gli es end hett.. d'ussicht uf e IUI loht jo hoffe :-*

[harmony]

@tiare
jo weiss noni recht wasi so devo sel halte... die statistische Chance stöh binere IUI jo irgendwie bi 10-15% SS pro IUI - wär nach de 3 wo vode KK überno wärde jo nidmol d'hälfti... aber jo, mir werdes gseh.

@roehrli
wäg de Wiehnachte hani ame ou so Gedanke. Im allererste Üz wärs so gsi, das die erste 12 woche grad dure gsi wäre ade wiehnachteb - und ig mim GG no gseit ha, weisch wie hätt s'omi freud, tja nix gewesen. Ha denn aber immer denkt, jo next wiehnachte simmer jo de aber sicher z'3. - wo denn d wiehnachte do gsi esch und mer nid z'3. - geschweige denn überhaupt wenigstens SS - hani scho chli e depri ha und ha denkt, jäno, de halt next wiehnachte... bis denn werde mers jo sicher gschafft ha! Ehm jo - mer si immerno z'2. und ig ha no grad dä und de next Üz ziit zum ade Wiehnachte chönne SS z'sii. Wobi dä Üz jetz jo scho gloffe isch und ig nume cha hoffe das s herzle am dsistig glängt het. I 4 Mönet isch jo bereits wider Zügigspunkt für Wiehnachtskind 2016 - auso werde mer wohl wahrschindli ade Wiehnachte 2016 ou noni z 3. sii....Aber mi weiss jo nie...

[roehrli85]

@harmony: i weiss, es wär knapp, dasses uf Wiehnachte scho da isch, chönt aber evtl. länge. Aber um das geits mr gar nid, weni scho nur SS bi ar nächste Wiehnachte und am liebschte grad über di 12. Wuche us. I würd so gärn eifach aui denn mit dene News überrasche. Je früecher aber umso besser. Es isch ja nid unrealistisch, aber macht mi fasch chli trurig. Und i weiss no wi mr vor 2 Jahr no gstritte hei, wüu är denn überhoupt nid het wöue. Mir hei ja mit Hibble de erst im Juni 2014 gstartet.

[caramel_joghurt]

@harmony: dumme si drückt. Het wou eifach so söue si dass di ES vo sauber isch. U gherzlet heiter ja optimal.

@roehrli85: doof dass nid weisch ob ES isch gsi oder ebe nid.

@raffi: oh nei, duet mer leid. U Wege de Arbeit isch ou blöd, ha ja aube ou bir KK gschaffet..ner het mer no geng frustrierti chunde wöu si nid chöi wächsle, aus mer öbis derfür chönti. OK, danke für de hiwis. Aber weiss nid ob mini KK da so kulant isch, zudem hane no kündet..

@tiare: guete hibbelstart

@wiehnachte: ja isch definitiv ou bi mir so dass ig scho letschti Jahr üs z5 ha gseh ar Wiehnachte oder de ja mindestens das Jahr...wird nix u we Mi Zyklus nid jetzt gat wieder vou normal isch, wasi ja nid cha erwarte, wirds ou nix mit schwanger ar Wiehnachte

@me: jetzt paar täg Mi total mensig gfüehlt. Isch jetzt aber wieder besser! Isch aber irgendwie doof we mer so ke ahnig het wo mer steit. Aso entweder bini ca ES + 9 oder ha nume ES gfüehl gha u de chaner no cho oder ha e Zyklus ohni ES.

[harmony]

@caramel
nach motto "unverhofft kommt oft" - hoffi das scho ES+9 bisch und das jetzt no bis ES+260 oder so geit

[caramel_joghurt]

Das wäri natürlich die best müglechkeit...aber realistisch, hmmm

[caramel_joghurt]

Morge

@roehrli85:wie steits bi dir? Denksch dass Dr ES isch gsi?

@raffi: hoffe dir heit Dr ES guet chöne nütze.

@me: ha vori mau e SS test gmacht. Hcg isch ja nach Dr op nüme gluegt worde. Isch negativ gsi u somit weiss i jetzt ou dass Dr positiv test wo hoffentlich gli mau wird cho vore nöie Ss isch. Jetzt warti mau uf TR, am buchweh nah söts gloub scho gli sowit si.

[Tiare29]

@caramel
Hoffe tr chunnt gli damit neu starte kasch...

@roehrli
Und es dure??

@raffi
Wie gsehts bi dir us?? Sinder fliessig gsi??

@me
i stoh vor ES.. irgendwenn ide kommende wuche.. weiss nid genau wenn.. ha rechti schwankige gha im zyklus.. aber ha mir gseit i will mi nid vostiefe und nid gross luege.. mol luege obi da schaffe

[harmony]

@caramel
wie geits der? TR?

@raffi
ES dure?

@Tiare
na dann, entspannts herzle wünschi

@me
Ufem US am Fritig hets jo usgseh als wär dr ES gsi - mini Tempi isch wild am ufe und abe go, aber e Hochlag hani definitiv keini - weiss auso ou nid was do genau los isch und obs überhaupt e richtige ES gsi esch. Ansonste hani am Fritig links no es 15mm Folli gha, vellech springt jo das no.

[caramel_joghurt]

Nur churz

@harmony: HM,komisch. Aber ha gmeint ufem US gsech mer das scho ob es Eili isch gsprunge?!

,@me: momentan füehle mi wieder wie vor ES, mittuschmerz u ha ou ziemli viu ZS ...nix meh mit pms Symptome..ke ahnig, weiss ebe nid ob ovus jetzt überhoupt richtig wurde azeige. Aber müesst sowieso nöi choufe, ha kener meh. Mi nervt eifach nid zwüsse wo ig stah, geit nid mau drum dasi jetzt unbedingt wet wüsse wen ES isch wegem herzle.

[roehrli85]

Hallo Froue

Irgendwie simer gloub aui gad chli am wärweise wo mr eigentlech stöh

I ha vo däm här ou ke Ahnig und i ha ou ke Lust meh da dran ume z grüble. Warte eifach nur druf, dass dä Novämber düre geit, isch mr aues gad chli zwider.