Wir warten seit Frühling 2014 und länger - Teil 8 - komplett

[roehrli85]

@harmony: genau, Näme übernäh isch schön, aber d Näme müesse ou no schön si Hmmmm, obwohl, chunt mr gad so i Sinn, werum eigentlech nid aus zwöit Name dä vo mim GG?
So doof eigentlech iz über das nache z dänke. Zersch mau muess es ungerwägs si

[caramel_joghurt]

Hihi, Frouene dir heit no zyt zum überlege was für e Name passend wer gloub nach mim GG het mer de ersch churz vor ET aube chöne ussueche. Ig ha ne aube spätesten ir 20ssw wöue ha, eifach we öbis würd passiere dass das chind ou e Name hetti gha.

Bi mim Sohn isches sowieso lustig gsi, ha es Namesbuech gha u GG u i si üs überhoupt nid einig gsi. Ner hani mau dOuge zue da und uf e Name dütet...es isch ner Dr Name worde wo vis à vis vo mim Finger isch gsi

@harmony:tuets geng no wie verrruckt i dim unterlieb?

@me: min unterlieb isch ou am brönne. Aber gloub ES isch no nid gsi. Gester Nami hani churz mau ganz viu ZS gha, ner wieder nüd meh. Dr ovu vo gester Abe isch äue öbe glich wie am Mo gsi.

[harmony]

@roehrli
jo übere name vom GG us 2. name heimer ou scho diskutiert... wird aber wohl ou weniger de fall sii.

@caramel
jooooo leider heimer no ewig ziit über näme z'studiere... und irgendwenn müese mer üs ganz neu orientiere wöu de dä name scho wäg isch... aui wo ir gliche ziit agfange hei hibble wie ig, si itz scho mitem 2. SS oder wieder am hibble....
hoffe di ES chont de no - oder isch unbemerkt glich scho dure und dir heit hoffentli no gherzlet denn. Jedefaus hoffi nume nid ases wider sone Zyste oder irgend e seich isch.

@me
Unterliib duet und macht immerno, Tempi isch hüt wider liecht ufe...ha gläse das de ES auerspötistens 36-48h nachem sprütze isch, auso müessti hüt scho min. ES+4 sii, heisst auso NMT i 8-10 Täg - wirde de grad bis am samsti warte, faus TR nid chont

[roehrli85]

@caramel: ja hesch ja rächt, aber weni gseh wi lang mr iz scho Diskusione hei wäge Näme, o we no gar kes ungerwägs isch, de hani würklech chli Angscht, dass das Chind de mau Namelos blibt. Weni iz aber relativ gnau weiss, dass mr iz e Name chönte finde, de weiss ou z Wunderli dasses darf cho
hmm, isch ou chli speziell, i hoffe du weisch de, we dr ES würklech isch oder zmigscht, dass dr ne sowieso hättet gnutzt. Chunt scho guet!

@harmony: i chönt das mau aspräche bi mim GG, wi är das fänd, wes es Buebli wär, dasses si Name aus Zwöitname bechäm. Aber i gloube är möchts nid, so wine ischetzä.
Ja bim uslöse söter würklech maximal nach 48 Stund si, das isch so. I drücke dr ganz fest Düme

@me: ha hüt Abe no mi zwöit Termin bezüglech Hochzitsturte/Türtli/Cupcakes oder wie ou immer. Gester hani dr erscht ka und ganz viu zum probiere becho... Yummi. Iz bini ja gspannt, was hüt Abe no so louft.
Am Friti gani zum FA. Bi ganz närvös Bi ja iz gspannt obi z zwöite Ergäbnis vom GG bechume und ob iz dr Durchlässigkeitstest bi mir durchgfüehrt wird, wi z Ergäbnis isch und wis wyter geit und was mr haut vilech süsch no chöi bespräche.
I bi mir am überlege iz doch chli langsamer aues azgah und vilech am FA säge, dass mrs no chli lönge la drufah cho und erscht Ändi Januar, we de d Flitterwuche ou düre si, würdi süsch de gärn afah mit Zykluskontrolle oder was ou immer. I möcht ja irgendwie ou nid, dassi de äbä vilech nid chönt flüge und wes so wär, de hani nid öpe no nacheghulfe, sondern de wärs äbe uf natürlechem Wäg passiert.

[harmony]

@roehrli
du chasch jo de durchlässigkeitstest und es zyklusmonitoring glich scho lo mache - do wird jo nume gluegt und no nüt gmacht - aber de gseht me afe ev. wo no chönt es problem sii und ob der überhaupt momentan gross chasch hoffnige mache oder ob die hoffnige eh für nüt si. Und faus öpis wär wo müestisch e therapie mache, de chöntsch das afe i agriff nä... git jo zb. mängisch ou so fäll wo si für 2-3 Monet wider müese Pille näh... oder fallses bi dir doch PCO oder so isch, esches umso wichtiger am gwicht afo schaffe, ernährigsumstellig etc, de chasch das mol weder chli i agriff näh und vollgas gä im fitness... - ou weni apisst bi wenn TR chont, denki mer ame, deför nomol e monet meh zum go vollgas trainiere...

[roehrli85]

@harmony: ja Durchlässigkeitstest isch ja eh planet und iz muesses ou gah, schliesslech heimer ja iz würklech dr richtig Zytpunkt vom Zyklus. Aber nach mine Hormontests wärs ja scho kes PCO, das heimer erstunterwis usgschlosse. Isch haut eifach glich aues guet. Aber wemer süsch öpis chöi finge, wos natürlech würd verunmögleche, isch das scho klar, dassi das wot abkläre. Am Thema Ernährig/Fitness söti wider schaffe, ja, das sowieso. Aber isch iz gad das woni nid cha bruche, i gloube vorem Hochzyt bini für gar nüt meh fähig. Einisch issi vor luter Stress und Närvosität meh und angersits im Momänt grad issi de wider viu z weni und nime schnäu ire Wuche 3 Kilo ab. So wächslet das durent, Gwicht gumpet hin und här.

[caramel_joghurt]

@roehrli: so, hesch dis 2 Gespräch betr Torte gha u nech scho entschiede? Ev. duet haut Dr Stress u zGwicht wo ufe/Abe gheit ou uf Di Zyklus uswürke. Hoffe auso dass bi dim Fa Termin morn sowit aues i.o isch.

@harmony: und, wie füehlt sech dInnistig a?

@raffi89: di ES gester gsi?

So, und no zu mir wo egoistischerwis am längste wird:
Auso Dr ovu gester Abe isch wieder sehr schwach gsi. Bi jetzt chli ratlos we de am Mo u Di wer positiv gsi, wen wer echt de Dr ES gsi? ZS hani ja nume am DI chli gha, gester derfür brönne woni bis jetzt aube ha denkt dass das churz vor/nach ES muess si.
Gherzlet hei mer So und Di
Jetzt weiss ig wieder werum ig sisch nie Ovus ha gmacht, sötigs Wirrwarr ou

[roehrli85]

@caramel: entschide heimer üs no nid klar, mir warte iz uf di fertigi Offerte und es git no ei/zwöi Problemli wo müesse abklärt und glöst wärde. Aber i gloube mir chöi üs iz de rächt schnäu entscheide wäge Torte. Wird ja bi mir ou hüftig am längschte, weni zu mir schribe. I schribe eh immer viu Text
Ja i kenne das, isch so müehsam, we eim dr Ovu eigentlech ou ke Ufschluss git. I ha glehrt mi druf z verlah, dass wener bi mir negativ isch, isches ou so. Wüu de hani eifach nume verspätig. Ha aber ou scho Zykle ka, woner nie offesichtlich positiv isch gsi, dert isch d Frag, isch dr ES usblibe oder eifach nume z LH schwach gsi... Ke Plan.

[Raffi89]

Guete Morge Mädels

@harmony: Mini düme sind ganz fescht drückt für dich!!!! Nimsch wieder byro zum inischtig unterschütze?

@caramel: Du hesch ja verzellt das wo du SS worde bisch de ovu au nie positiv gsie isch. Ich würd mich a dinere Stell uf dis Gfühl verlah will din körper weiss ja wies gaht

@roehrli: Mhmmm so fein ganz viel verschiedeni Torte sprobiere Wot au I wellem Stil wird eui Hochzietstorte si? ich weiss ich bin es gwundernäsli

@me: Han ja eigentli gmeint min ES segi geschter und au vom gfühl her heti druf chöne schwöre. Aber mini Tempi isch hüt emorge nöd gstiege. Und hüt gspüri überhaupt nüt meh. Oh nei das heisst vielicht dasi de Zyklus gar kein Eisprung han und somit heisst bye bye Mai-Baby

[roehrli85]

@raffi: no nid verzwifle. Es cha das heisse, muess es aber nid. Dr ES isch entweder düre oder chunt no... Hüt, morn, oder chli später Gloub dra.
Mini Turte wird äbä ke richtigi Turte. Es wird obe e Turte ha, miteme härzige Brutpäärli druf und ufere Etagere wär när aues mit Minitörtli. Auso glich wi di grossi, nur haut in Mini-Form (öpe Grössi wi Cupcakes). Da wird när jedes einzelne dekoriert si und das damit näbem Dessert, we de niemer meh mah, jede säuber ou cha entscheide, ou das möchti hei näh. Isch eifach eifacher und gseht mega guet us.
Iz muessi aber no d Offerte abwarte, wüu das isch scho chli tüürer, aus wemes mit Cupkaces miech. Di Mini-Törtli si natürlicher viu ufwändiger, wärde ufgschnitte, gfüllt mit dr Creme wo de dri chunt, zuedeckt mit Zucker-Fondant und äbä no dekoriert.
Dekoriert wird so, dass di oberschti grossi Turte wyss isch. Dert chöme Zucker/Marzipan-Blueme druf. Sötigi wimer ou würklech hei im Struss, ir Tischdeko etc. Auso gits cremewyssi Röseli, es git violetti Calla-Lilie und es git Efeu mit dri. Es wird när unger es wysses Zuckerband drumum gmacht und dert obe drüber no so chli Schnörkel gsprützt Di ungere Törtli wärde abwächsligswis wyss und lila (d Farb vom Lila wird üsere Iladigscharte apasst). Uf de lila-farbige chunt de wider je wider in Zucker äs cremwysses Röseli druf und uf de wysse chöme so violetti Calla-Lilie und Efeublättli druf. Das tuet si aues säuber forme und so. Ou bi de chline wider je das grüene Zuckerband unger düre und oberhaub vom Band di geschnörkel Extrem speziell, extrem individuell und 100% passend zu üsem Bluemeschmuck, zu üsne Farbe und zu üsere Iladig.

[harmony]

@raffi
tempi chan au erst morn stiige. hauptsach gherzlet.
mini tempi isch ou irgendwo im keller und das obwohl ig jo def. müesst en ES gha ha... rede mer itz eifach ii dass das wäge de medis etc. esch und nüt zbedüüte het.

@röhrli
hesch de termin erst am nomi? oder muesch erst morn go? has gad nüm im blick, nome das vom schaffe wäg muesch.... schaffsch du morn?

@caramel
jo de ego teil wird haut meistens am längste, wär jo ou komisch we mer vo desne meh z'brichte hät
ig würd säge di ES isch vom Dsisti ufe Mittwoch gsi - Dsistig gherzlet isch jo perfekt!

[roehrli85]

@harmony: i schaffe morn, ga aber zwüschin wider gäge richtig hei, aber zum FA und när wider zrug uf Bärn ga wyter schaffe öpe so. Termin hani 11.15

[harmony]

jösses gott bini doof... irgendwie hani itz gäng s'gfüehl gha morn isch samsti - aber logo, ig schaffe morn ou... isch jo erst friitig. mhhh. itz isch aues klar

[roehrli85]

ja auso dr FA möcht mi gloub am Samschti ou nid gseh
Ohh, wär das schön wär hüt scho Friti, und iz so 10 vor 4i, de chönti ja i 10 Minute hei gah!!!!

[caramel_joghurt]

So Ladys . Es isch fritig

@roehrli85: bi gspannt was bi dir hüt use chunt

@harmony: dini Tempi macht sicher Wege de Medis so Kurve...das heisst no gar nüd.

@raffi89: oje, aber mir müesse jetzt eifach positiv denke dass mer en ES hei gha. Tempi jetzt ufe?

@me: gloub jetzt eifach an harmony ihri Theorie dass Dr ES vom Di ufe Mi isch gsi, tönt guet ha momentan irgendwie ou gat ziemli Stress. Das ganze Theater letscht wucheend, die wuche viu Termine u weni denke juhui hüt Abe mau bi Zyte dChind id zBett u ner chli frei chunt sicher wieder öbis. gester hani riese Putzaktion müesse starte das sohnemann zAuto vollko*** het.

[roehrli85]

Hallo Froue

Sorry, iz gits gloub e länge Egopost....
I bi bim FA gsi und mir hei zersch ganz lang gred und i hanim ou gseit i was füre Situation dassi gad bi mit Hochzyt, Stell verlüre und und und.
Punkt 1: es isch egau weni iz schwanger wirde i darf so oder so ufd Maledive flüge, i müesst eifach i däm Fau eifach e Trombosesprütze ga mache. Är het mr nur erklärt, dass är denn mit sire Frou nid dert härä sig, wüu we öpis wär, isch di ärztlichi Versorgig dert nid guet. Aber, me söu ja nid dra dänke, dass öpis chönt si, vo däm här spricht nüt drgäge. Sprich: Hochzytsreis chani i jedem Fau aträte ohni Bedänke! Mit däm di eigentlech positivi Mäudig.
Punkt 2: Z Spermiogramm isch nid besser worde, normau müesse di guet bewegleche läbändige Spermie mindestens bi 58% für ne gueti Chance uf ne SS si. Bi mim GG ischs öpe 47% gsi und einisch mau 52% und vo dene si öpe nomau 2% viu z schwach, auso di würdes gar nid schaffe. Isch nid extrem tragisch, wär aber därum guet, im Zämähang ou mitmim läng Zyklus, dr ES z stimuliere und de uszlöse und e Isemination z mache. Erhöht haut d Chance de scho, är garantiert mr aber nid, dassi wäg däm de grad SS würd. Tönt aber so wit no gar nid so schlächt. Är wird mi de a d KiWu-Klinik verwise und zwar z Bärn ir Insu.
Punkt 3: ig hanim uf das abe gseit, i müess iz mau zersch di Hochzyt düre ha und di strängi Arbeit ir Hochsaison und da ig eh uf Ändi Novämber kündet bi, woti vorem Dezämber nid afah. Es isch besser für mi, weni mr das iz nid ou no "atue". Wär nur no meh Stress.
Punkt 4: är het ke Pilzinfektion festgstellt, da aber dr ZS doch haut no chli bröckelig immer isch unds mi chli bisst liecht, hani e Tablette becho, das söt när sofort häufe und de wirds uf jede Fau guet cho, falls doch öpis da wär. Gruchstest het ou nüt uffälligs ergäh, auso aues nur haub so tragisch.
Punkt 5: d Durchlässigkeit isch iz aber es Problem. Einersits heter ou festgstellt, dass es ganz chlises Polyp da isch. Das muess aber über d KiWuKlinik bewärtet u agluegt wärde. Het aber nid unbedingt e Ifluss ufs SS wärde. Aber, d Durchlässigkeit isch schlächt gsi. Links isch gar nüt düre gflosse und rächts nur schwach.

Das bedütet: weni de när im Dezämber äbä de id KiWuKlinik gah, de wirds so si, dassi äuä e Buchspiegelig wirde müesse mache, d Ursach für di schlächti Durchlässigkeit so abklärt und hoffentlech ou behobe wird. Wenn nötig wird de dr Polyp (Gschwullscht) ou grad entfernt.

Ersch denn, we di Durchlässigkeit de da isch, cha ig när mit ES uslöse und Isemination starte.

Sowit heisst das, dass mir nid eis grosses Problem, aber viu chlini Schwirigkeite hei (no näbem Gwicht), wo z SS wärde im grosse und ganze so guet wi verunmöglecht, e Teil drvo cha behobe wärde, aber im Momänt gsehts so us, dassi vorerst sehr wahrschinlech nid SS wirde. Aber we när di Durchlässigkeit gäh isch nach ere Buchspiegelig und wenn nötig Therapie, de wär eh d Chance scho ellei grösser und mitere Isemination sowieso.

D Hoffnig isch no da, mir wärdes trotzdäm versueche, aber das muess scho sehr es schlaus Spermium im genau richtige Momänt und unbedingt uf dr rächte Site schaffe und denn würdis ou uf natürlechem Wäg gah, aber... jaaa, d Chance isch eifach chum da, zum jetzige Zytpunkt.

[harmony]

@roehrli
schön hesch grad brichtet. Ui das duet mer mega leid! Het är de nüt gseit wäg der Druchlässigkeit bzw. itz scho go luege, nid dases schlimmer chönt wärde? Jo bevor Durchlässigkeit nid gä isch, bringt ou e Insemination etc. nüt. Am beste konzentriersch di jetz voll ufs Hochziit und schribsch de Kiwu ganz ab momentan, nachem Motto "geit ja sowiso ned". Ig drück der denn jedefalls fest de dume dases guet cha behobe wärde unds denn glii klappet.

[roehrli85]

@harmony: nenei, i ha ja säuber nid wöue iz scho luege wäg dr Durchlässigkeit. I wot würklech das ganze Thema ufe Dezämber verschiebe. Und ganz ufd Site lege tuenis nid, i wirde nach wie vor mi GG packe, we dr ES da isch. Ig schribe vo däm här ou hie no mit und lise mit. Ke Ahnig, d Chance ligt vilech grad mau bi 5%, vilech ou nid mau, aber immerhin, dr rächt Eileiter isch ja chli durchlässig gsi, auso cha sech es starks Schwümmerli dert düre kämpfe wes wot
I finge d Nachricht hät chöne schlimmer si, es gseht momentan ja aues so us, dass nachere Buchspiegelig cha festgestellt wärde, was me muess wyter mache. U vilech ischs würklech nur das Polypel. De wird das entfernt und när chöimer gad loslegge. Und wär weiss, vilech geit das aues sooo schnäu, dass mr Januar/Februar scho e positivi Nachricht hätte. Und de hani sogar no d Chance uf nes 2016nerli Chind.
wenn nid, gits haut eifach es 17nerli, aber länger woti de nüm warte!!!

[roehrli85]

Puuhhh, ersch iz wonis ha mim GG läng u breit erklärt, merki dasses mir iz scho chli nach geit. Im Prinzip wär aues nur haub so schlimm, we das mit dere schlächte Durchlässigkeit nid wär. I hoffe eifach, dasses ke grossi Sach isch und schnäu cha behobe wärde.

[Raffi89]

@roehrli: drück di ganz fescht!!!! Es tuet mer so leid das de durchgängigkeitstescht nöd guet usgfalle isch. hoffe ganz fescht das din GG dir ganz guet luegt. Und natürlich hoffi no meh das mer das schnell und unkompliziert chan behebe und du nacher ganz schnell ss wirsch. Oder no besser du ganz unverhofft i de zwüsche ziet ss wirsch.
Da chum ich mer grad doof vor mit mim gejammer das min ES nonig gsie isch.