Wir warten seit Frühling 2014 und länger - Teil 8 - komplett

[Tiare29]

@harmony
I fühl mich gad 3/4 johr zrigg vosetzt..
I bi überzügt du gohsch de richtig weg..

Gesendet von meinem SM-G900F mit Tapatalk

[roehrli85]

Hallo Froue

@harmony: i cha dir da ke Rat gäh wüui ou nid weiss was i öich/dir genau vorgeit. So ne Entscheidig isch immer schwierig. Es isch ou schwierig e beständigi Bezihig ufzgäh u so z säge sech ufs Unbekannte ilah. füel di drückt. I wünsche dr dass dr Wäg wot wählsch dr richtig isch.

@me: i ha hüt Schmierbluetige ka u weiss gad nid obs evtl. vom EL-Test am Mänti chunt oder was süsch los isch. Für TR ischs eidütig z früeh i ha evtl. grad früechstens gad ES (ZT 20). Vore Wuche bini ja klar no vor ES gsi, het ja d Ärztin bestätigt ka wüu d Follis grad knapp um di 10mm si gsi.
Bi gad chli ratlos, wüu chli hani im Rügge es Zieh wi ou vor TR. Naja wes morn wäg isch wirds wahrschinlech vom Test gsi si u wes blibt de weissi ou nid

[harmony]

Omg fraue, was do grad abgeit isch ächt zvöu! Gester isch mer vode einte Sekunde uf die ander bewusst worde - dass das wo die letzte bald 2.5 Johr mi grösst Wunsch esch gsi - de puri Albtraum wär! es wär e absoluti katastrophe wenn ig jetzt no SS wirde vo mim GG
Mer hei am dsistig no ghärzlet.... am mittwoch usglöst, ES isch gester gsi! No am mittwoch hani denkt "falses halt no jetz i dem oder im nexte zyklus glich klappet, de het s schicksal halt so entschiede und ig sett bi mim GG blibe" - Aber jetzt versetzt mi das dermasse ine Panik, dass das vom Dsistig jo guet cha glängt ha füre ES gester

[Tiare29]

@harmony
Denn isch dini entscheidig klar [-]
Gohsch denn glich no mit GG id ferie??

Gesendet von meinem SM-G900F mit Tapatalk

[caramel_joghurt]

@harmony: de denki dass du somit eigentlich sowieso weisch wo dis Herz here ghört. Hoffe zSchicksal gseht das ou u du wirsch ke positive test a de Wiehnachte ha. Oder jetzt e diskreti frag, mit em andere isch aber no nid so viu gloffe dass de e positive test nüd mit dim gg chönt z`düe ha?
Mit dim GG isch aber demfau wou es Gspräch fällig?!

Aune andere nützet Dr ES, uf positiv i test`s ar\nach Wiehnachte.

@roehrli: bluetig ufghört? EV isches ou e ovulationsbluetig gsi, ha denn woni die mau ha gha ou wie mensschmerzen gha?!

[roehrli85]

@harmony: i verstah wi di muesch füehle. I gloube dis Härz weiss wos häre wot. Aues het si Grund, ou z negative, wüu dr Mönsch immer söu lehre. Es isch immer eifacher dr "bequem" Wäg z gah, drum tändiert me drzue, zersch dert düre z loufe. Vilech weiss me eigentlech, dass dr Wäg fautsch isch und we me när ir Sackgass landet, muess me glich e müehsame Umwäg gah, wo eim zrug ufe richtig Wäg füehrt. Das brucht viu Energie. Aber i gloube du hesch die Energie und i wünsche dr, dass dr das ruhig chöit löse.

@caramel: i chas ou nid gnau säge. Es tuet gloub immer no liecht blüete, aber isch ja nie stark gsi, ha ou nid irgendwie es Tampon brucht oder so. I befürchte nur, mi GG het wider nid tschegget, dass mr söte härzle. Es isch ja klar, dassi nid cha SS wärde, wenn är immer dr Zytpunkt verpasst.

[Tiare29]

Ahhhh roehrli das isch doch so frustrierend.. gib em mol en tschutt in a...

Gesendet von meinem SM-G900F mit Tapatalk

[roehrli85]

@Tiare: im Januar mache mr es Flitterwuchebaby wes haut iz nüt wird denn ischer hoffentlich mau schön entspannt u de bruchter ke Schutt i Arsch

[caramel_joghurt]

@roehrli85: meinsch di ES sigi gsi? hoffe scho dass di GG jetzt wieder chli meh mitmacht, jetzt wo ja ou klar isch dass dChance ja gar nid soo schlecht si.

@tiare: du bisch ou scho wieder bim ES oder? aber weder immer no so flissig sit chöit er ne ja sowieso nid verpasse

@harmony: liebs, wie geits dir? mit dim GG scho gsproche?

@me: ähm, ja wie chönts ou anders si, ig weiss nid ganz ob ES verbi isch. Am FR u Sa Nami hani ganz klar e positive Ovu gha u jetzt vori wieder negativ, aber ig ha geng no so MS. U ou nie so Nadelstiche gspürt wienis sisch meistens ha. hm, weiss jetzt auso nid gnau ob e ES het stattgfunde.
derbi hani jetzt mini Ovus wöue ufbruche, aber das verwirrt mi aube eher

[Tiare29]

@caramel
I weiss im moment nid woni stohne.. i ha letscht wuche 5 täg lang sturzbluetig gha.. ha s'gfühl gha i voblüeti.. bi denn au in spitol go kontrolliere.. sstest isch negatuv gsi aber sie hät es blösli gfunde wo evtl. Uf en früehabort hidütet.. i wett mich etzt aber nid uf das vostiefe und mir mached eifach wiiter wie bisher [emoji6] [emoji6] sie hät eifach gseit wenns etzt wieder vorkunnt müesstmers gnäuer aluege [emoji6] mach etzt jede tag en ovu eifach zum abschätze woni stand

Gesendet von meinem SM-G900F mit Tapatalk

[roehrli85]

@caramel: de wüsse mr ja wider mau aui nüt
ganz ehrlech, i ha 0 Ahnig woni stah. Mi GG hets mitem Härzle de doch no versuecht, het am Friti nid klappt, am Samstig de doch no, iz hüt ou wider, was zwar ou wider 4 Tag si u eigentlech hani ke blasse Schimmer ob scho letscht Wuche Mi, Do oder Fr dr ES düre isch gsi und wär weiss vilech ischer später gsi, de chönts ja doch glängt ha. I weiss grad gar nüt. Immerhin i ha e Chance und hoffe nound wenn TR am 24. oder 25. chunt de chamer relativ sicher si, dass mr ES ganz eifach verpasst hei. Wenn nid, de darfi no chli hoffe.

@Tiare: ohje, das tönt o nid so toll. Aber i findes super, mit dire Istellig! Hoffe du fingsch bald use wod steisch und dass das nid nomau passiert

[caramel_joghurt]

@roehrli85: ja, das isch wieder typisch für üsi gruppe dass niemer so richtig weiss wie, wenn, was. Hoffe demfau dass di ES ersch am Wucheend isch gsi. Die SB ner wieder weg ?

@tiare: oh, das mit de Sturz bluetige tönt ou nid so toll. Hoffe passiert nüme. Zeigt Dr ovu scho gege richtig positiv?

@me: mi ES isch gloub scho düre. Aber bi nid ganz sicher wenn, spätestens am mäntig. Mau luege obi ihre Wuche e test wage, aber de wüssti ou inwiefern ig darf alk trinke über die Festtāg.

[Tiare29]

@caramel
I bi jo voll nid güebt was ovus agoht.. aber im moment isch de strich no gaaanz fiin..

Gesendet von meinem SM-G900F mit Tapatalk

[harmony]

@so mini liebe fraue
do bini ou mou weder einisch - ha zwar immer mitgläse, aber ha nid so möge schribe.
Mi zuekünftig GG isch hüt id Ferie, när go ig id ferie mit mim jetztige GG - heisst auso, mer gseh üs erst i 3.5 Woche weder! Langi ziit und hoffentli wird sich bis denn einiges regle und kläre.
Für mi isch de entschluss immerno klar! Momentan hani nid s'gfüehl dass das eine mol mit mim GG 2 Täg vor ES chönt klappet ha - NMT isch immerno dr 24.12 - und für de next Zyklus, dr 30. wärs denn, hani mir pille gholt, weil mer jo umd ES ziit ide ferie si und ig noni weiss wie aues usgseht bis denn...
Mitem angere isch scho ou gnue gloffe, aber da ig jo dr ES usglöst ha und genau weiss wenn dä gsi esch, chas de auso definitiv nid vo ihm sii
Es wird ide nexte paar Woche sicher mehreri Momente gä wo ig wirde iiknicke und denke, ig chönt jo eifach bi mim GG blibe, alles wär so eifach.... Aber spötistens denn weni dr anger wider gseh weissi und gspüri, dases eifach richtiger isch mit ihm, das ärs eifach isch.... Jäjo ig glaube do wartet es turbulänts 2016 uf mi.

@caramel
düüme si drückt

@tiare
wele ZT bisch de jetzt?

@roehrli
hoffe es chont de doch no es unverhoffts wiehnachtsgschänk

[Tiare29]

@harmony
Aso weni devo usgoh das di erdt bluetig TR gsi isch wärs ZT 17.. wenn di 2. Bluetig TR gsi isch ZT 10..
Häsch denn mit dim GG scho gredet oder weiss er nix?? Klar isches eifacher bim maa zbliebe und i denk au das du vill gegewind bechumsch wenn denn gohsch au kritischi ussage vo familie und fründe evtl. Aber so wie ich dich vo do inne kenn bisch du e starchi frau und wenn din neue partner hinter dir stoht dchaffed ihr das bestimmt zämmä.. i bi au überglücklich das ich de schritt gmacht han.. und s'umgeld wird au merke eie guet dases dir denn goht

Gesendet von meinem SM-G900F mit Tapatalk

[harmony]

@tiare
nei min GG weiss nix... bzw. mol er weiss dasi mer gedanke drüber mache wies mit eus sel wiitergoh, aber er nimmts glaub nid würkli ernst - hani emel nid sgfüehl.
Mer gö jo no zäme id ferie und ig wirde warte, bis mer zrug sind und ig de ander wider gseh - und luege wies denn usgseht.

[roehrli85]

@caramel: ja i ha nur ei Tag würklech SB ka und när isch eifach dr ZS wyteri 2 Tag chli brünlech gsi. Isch när aber wider wäg. I gloube haut eifach, dass würklech vom EL-Test isch gsi, wüus dert e chlini Verletzig het gäh.

@harmony: ja da chunt no chli öpis uf di zue, das isch so. Und i bi de när glich gspannt, wis bi dir so wyter geit. Es wird sicher hert und asträngend, egau wis use chunt, aber du schaffsch das, du bisch e starki Frou! Und am Schluss wird aues so cho wis söu.

@tiare: Machsch iz täglech e Ovu-Test, bis e positive hesch? I hoffe, das geit schnäu, damit gli wider weisch, wo steisch. I hoffe uf jede Fau, dass du nid no einisch so ne Bluetsturz hesch.

@me: mittlerwile gloui ou, dass mi ES düre isch. Aus andere wär unlogisch. Ob mr ne iz breicht hei oder nid, weissi nid, irgendwenn zwüsche 24. und 31. wird d TR mau cho oder haut de nid. I gloube grad i däm Zyklus nid, dasses chönt klappt ha. Das wär ziemleche Zuefall.
Auso mi nächst ES wird ja so wis usgseht irgendwenn i de Flitterwuche si. I wirdes denn mau mit locker agah versueche und wirds nüt, fahni gloub när im Februar wider mit Ovu-Tests ah. Irgendwie muess es doch möglech si, dassi dä ES mau breiche und vilech scho es paar Tag im Vorus cha akündige.
PS: i ha am Mittwuch e Aruef ka und chami nächst Mäntig Morge ga vorstelle. Isch nur e Stell für angerhaub Jahr, aber drfür chönti dert Erfahrig ga sammle, zum när i däm Berich woni am liebste möcht schaffe, eifacher ine z cho. Klar, i hät mr vorgstellt e Festastellig z becho, usserdäm ischs nur 70%, aber das isch ou völlig ok. I weiss ja eh nid wasi wot, auso isch das gar nid so schlächt und i bi gspannt öbig die bechume. Würd se uf jede Fau anäh, wüu i cha ja de glich no wyter sueche, isch ja sowieso befristet.

[Tiare29]

@roehrli
Jo genau.. eifach zum wieder ahnig vo mim zyklus z'ha..
Cool.. i wellem bereich würdsch denn am liebste schaffe?? Häsch du e kv usbildig??

Gesendet von meinem SM-G900F mit Tapatalk

[roehrli85]

@Tiare: ja i ha KV gmacht (Handusschuel). Bi i paar Bundesverwaltige gsi, Stadtverwaltig Bärn, Kursaal Konzärnsekretariat, immer im ne Sekretariat vo grössere Abteilige. Iz äbä 3ä haub Jahr Krankekasse aus Sachbearbeiterin. Was ig aber würklech gärn möcht, wär i ne chlineri Gmeindsverwaltig. I de grosse Verwaltige isch me eifach i re Abteilig zu eim Thema und mehreri Lüt mache z gliche. Was aber bi de chline Gmeinde fägt, me isch es chlises Team, jede hiuft mit ir Iwohnerkontrolle und jede het vilech no sis eigete Sekretariat. Z. B. isch öper zueständig fürd AHV-Zweigstell, öper fürs Bouwäse, öper fürs Schuelsekretariat etc. Auso me übernimmt eigentlech säubständig ei Berich ellei. Je chliner d Gmeind isch, desto viufältiger si d Themene und umso säubständiger chame schaffe. Aus Assistäntin hanis z. B. ou immer intressanter gfunde, weni für z. B. ei einzelne Abteiligsleiter ellei bi zueständig gsi, aus wenn me im ne grosse Sekretariat, für mehreri Abteilige schaffet.
Dert womi iz cha vorstelle, isch ou e Gmeind, aber haut mittugross, dert si de pro Themeberich mehreri Lüt, aber es geit scho meh i di richtig, wis ire chline Gmeind isch. Drum fingis ou ok, dasses uf einehaub Jahr befristet isch, wüu de hani när die Erfahrig wo mir würd häufe, i so ne chlini Gmeind ine z cho.

[roehrli85]

Hallo zämä

Bi wider verwirrt, ha iz dr dritt Tag Ovu-Tests gmacht, gester bini erstuunt gsi wi stark d Test-Linie worde isch, auso hani hüt no einisch versuecht. Gseht ziemlech positiv us und i ha es Zieh wi chönt Mittuschmärz si. I chas zwar fasch nid gloube, aber i dänke ES isch iz oder di nächste Tage ersch. Het sech äuä aues chli verzögeret. Bi auso chli spät dran. - Es sei denn es isch e LH-Astig useme andere Grund?!