Scho während dr Schwangerschaft het mini Frauenärztin bi minere Plazenta sehr viel Kalk entdeckt und dorum händ min Maa und ich beschlosse, uf Rot vo minere Ärztin, e Kaiserschnitt zmache.
Do ich kai Risiko iygange wär für unser Kind isch mir zimlich schnäll klar gsy, das en Kaiserschnitt sbeste isch für uns...
S Datum isch uf dr 2. August festgsetzt worde. Jede Daag wos nöcher cho isch umso nervöser bini worde. Ich han eifach gwüsst: ab däm Daag bisch Mami.Han aber genauso Angst vorem Kaiserschnitt kha.Ich han immer dängt villicht goht irgendöbbis schief.
Am 1. August um Mitternacht hani miesse im Spital sy. Bi ganz elai im Zimmer gsy und ha gwartet bis am morgr mi d Schwöster chunnt cho wegge am halbi 7i am Morge.
Ha kai Aug zuegmacht die Nacht.
Am Morge isch mi denn d Schwöster cho wegge und ich ha das Supermodische Klinik- Nachthemmli dörfe alegge...
Dr Anästhasiearzt isch mir alles nomol cho erkläre und het dInfusion gleggt.
Min Maa isch denn pünktlich erschine. Am 8.00 händs mi in Operationsaal gschoobe und min Maa het sich miesse go umzieh.
Dr Anästhäsiearzt het mir denn mini Narkose gäh, dSchwöster Anita het mi denn mega beruhigt und dur ihri Awäseheit bini mega entspannt gsy.
So denn händ die Ärzt ihri Arbet gmacht und min Maa het ab und zue übers Tuech güxlet.
Am halbi 9i am morge het denn unseri Tochter dr ersti Schrei loh.Juhui.
Min Maa isch mit dr Hebamme mit go unseri Tochter zbeguetachte. Ich han miesse liggeblybe. Sie sind denn zrug cho und ich hase serst mol dörfe Küsse. Sie het so fein gschmöckt.
Nochane weiss ich nüm viel. Min maa isch unseri Tochter go parat mache und mi het me uf mis Zimmer retour brocht.
DTüre isch uf und min Maa het unseri Tochter iynegschobe. D Masse sind 2900 g und 47cm vo unserer Amélie Alessia.Ich dangg mim Maa für die Supertolle Momänt i mim Läbe.
Und em Team vom Marirfried für die toll Arbet.
Unseri Amélie Alessia isch do
Moderator: Phönix
!