❤️Junibaby 2022❤️

[Banmilu]

Wer het au dörfe positiv teste und erwaret sis schätzli im Juni
Bi eus esch 2.te Hend Jan 21 euse ersti Bueb becho

[sonij]

Ich han au positiv testet. Has fascht ned chönne gloube ond no 2wiiteri tests gmacht
Es esch s’erschte. Das macht üs sehr glöcklech. Es esch aber ou e grossi veronsecherig ome.

[Banmilu]

Oh gratuliere ja säg nüüt das kenni so gued, gaht mer genau glich.
Ich han au 2tests gmacht

Wenn hesch den ET?

[sonij]

Gratoliere
Luut App isches de 3.6.22.
De Termin bim Frauearzt hani, god aber no 4 Woche.

Ond wie gsehds bi der us?

[Banmilu]

MerciBi mer es de 8.6.
De erst Termin bim FA hani am 20.10 freui mi jetzt scho riesig

[Häsli22]

Mer händ au positiv dörfe Teste Jetzt heissts abwarte und ganz vel Geduld haa. Ich mache ab und zue weder en Test wel ich eifach soo neugierig bin.

[Häsli22]

Händ ihr scho Symptom? Ich merke scho d Übelkeit und au d Müedikeit. Und es zieht soo fest im Buuch. Aber das känn ich scho vom erst Chind her und versuech mer ned zvil Gedanke drüber z mache..

[sonij]

Gratoliere
Aso ich merke au vor allem es zieh. Es esch scho rächt starch. Schlecht isch mer ned, han eifach emmer honger.
Ech weiss ned wie fescht dass das zieh normal isch. Dorom beni sehr veronsicheret.
Ned zvell Gedanke mache tönt guet, aber au schwerig.

[Banmilu]

@sonij @häsli22 gratuliere euch
Ich ben mega müüed und chli schlecht vergaht aber weder han scho röggeweh( wahrschindli weli de chli immer träg)
ab und zue es liechts zieh.

Jo sägged nüüt die unsicherheit immer ide erste 12Ssw!

@ Sonij wie alt esch dis erste?
@häsli22 demfall dis erste Baby?

Henders scho öpperem xeit?

[sonij]

@banmilu glaube hesch häsli22 und mich verwächslet.

Ich bin mitem erste chind schwanger.

[sonij]

Ja aso ich has minere beschte Kollegin gseid. Sie heds eh gahnt und ich bruche öper zom rede.
Bi üch so?

[Häsli22]

Danke
Esch mis 2. Chind. trotzdem macht eim jedes zieh bitz nervös. Has natürlich mim Maa gseit. Soscht möchti no es Ziitli warte.

[Anni020]

Hallo mitenand. Erscht mol herzlichi Gratulation zur Schwangerschaft Ich han etzt hüt au no en Test gmacht. Das, obwohl ich scho siit ere Wuche felsefest devo überzoge bin, dass sich do öpis tuet. Mir isch immer mol wieder chli schlächt&schwindlig&es zieht&zwackt im Underleib Und etzt hani de Bewies no vum Test becho, juhuuu schwanger
Und do ich die freudig,aber halt au unsicheri Neuigkeit vorerst nu mitm mim Maa teile, hani denkt ich schlüss mich Eu im Forum für en Uustusch ah.

[Banmilu]

Gratuliere anni020
Aso ich hans fengs einere kollegin xeit suscht wartet met auno obwohls ich am liebste allne wör welle verzelle da ich so freuid han

Ich freui mi scho wenni 1x bim fa xi ben und er mir en intakti ss bestätigt

[Funshine]

Hoi zäme.
Schön, dass ihr da sind und gratuliere eu! Ich drucke allne de Duume dass es guet gaht und mit Müedigkeit, Übelkeit, etc. nöd z'fest zueschlaht.

Chume usm Züri Unterland und ha bereits 2 Chind (Jg 2018 und 2020) und drum bini eher ä "Glegeheitsbsuecher" vom Forum. Und doch tueni gern au bitz "hibbele" und lese wie's euch so gaht und wer weiss, vilicht brucht's mal ä Ratschlag oder Tipp oder eifach mal öppert, wo d'Sörgeli teilt.

Am 21.10. hani dä 1. Termin und freu mi sehr. Es fühlt sich aktuell (no nöd) so "schwanger" ah. Zwar ab und zue es flaus gfühl im Mage oder bitz müed und natürlich au immer Hunger... Aber so richtig "begriife" chanis de au erst, wenni's dä mal gseh ha, das chline Würmli. Mir sind gspannt was es git und freue üs riesig.

Min Maa und ich sind beid Teilziit Bruefstätig und teile üs d'Kinderbetreuig öppe zu gliche Teile. E Spagat wo mir mache zwische Job, Chind und Hobbies wo me d'Bei künftig no bitz meh spreize müend (sorry, für dä Usdruck, aber chan's grad nöd anders beschriebe) - mir freue üs uf jedefall riesig und hoffe, dass alles guet chunt (ja, die Angst ha ich au, sogar nach 2 gsunde Chind) - wo ich ab und zue mir grossi Sorge mache, ob ächt alles ok isch mitm Chliine. Min Maa und ich hend s'Gheimnis für d'Verwandtschaft nonig glüftet (die findet all, dass mir nöd ganz normal sind, wenn mir "i dä hüttige Ziit" 3 Chind möchte (also vo eus us dörft's de au gern äs vierts geh) aber erstmal schön dä Reihe nache und jünger wird me ja au nöd. Mir sind drum gspannt uf di grosse Auge wenn me dä s'Gheimnis lüfte.

So jetzt hani bitz viel gschribe. Künftig dä wahrschinli eher bitz weniger vo mir, aber so wüssed ihr, wer dä da no ab und an mal bitz mitliest

[Funshine]

Ah so, ja: mir erwarte üse Nachwuchs es wenn zwischem 31.5. bis 02.6. spätistens

[Deamsi84]

Hallo zusammen
Auch ich habe positiv getestet. Mein ET ist voraussichtlich der 31. Mai 2022. Darum schleiche ich mich auch noch in eure Gruppe
Ich habe bereits eine Tochter (2019). Dies wäre dann unser zweites Kind. Die erste Untersuchung ist am 20.10 und ich bin schon ziemlich aufgeregt und hoffe sehr, alles ist gut…

[Milania]

Sali Zämä
Ich han au en positive Test gmacht und mis Baby sötti ca. am 8.Juni uf Weld cho. Ich freu mich so sehr. Es weri erste Chind vo mim Partner und mir. Ich ha allerdings chli Sogre, welli vor em usbliebe vo mine Periode Alkohol trunke ha. Wie hend ihr das gmacht?
Liebs Grüessli

[Anni020]

Gratuliere allne Neuankömmling im Forum

Wegem Alkohol - so viels mir isch,isch ganz am Aafang dAlles oder Nüt regle. Aso wenns dem Zellhuufe schadt,gits e FG und sus chas eswie kompensiert werde. Ich bin bi minere erste SS am Aafang i de Ferie gsi&han dozumols nöd wenig Alkohol trunke (aso sicher mind.1 Glas am Tag) Au bevor dMens uusbliebe isch. Nöd,dass ich dodefür Werbig wür wölle mache, überhaupt nöd!! Aber mim Chliine hät das überhaupt nünt gmacht&er isch puurlimunter. Es chan erscht nocher schädlichi uuswirkige ha (glaubs ab SSW 4,bin nüm sicher,aber findsch viel Infos im Netz)

Hoffe,es goht eu allne guet

[Banmilu]

Hoi zäme ganz herzlich begrüessi eusi neue

Hoff es gaht euch allne guued.

Ich chan mich bezüglich Alkohol au Anni020 ahschlüsse.

So schön findet immer meh zu eus