Sie händ denn gfroget, öb alles guet esch und öb mer gseht wenns losgoht. sie het denn gmeint es seig alles super und ich lösi mer schono ziit... Emel höt oder morn nonig... Do händs aber d Rächnig ohni mich gmacht
Nach em poschte und em Käfele sind s'Mami und de Papi hei gange. S'Mami het denn gmeint, dass sie jetzt doch mol chkli sött Pause mache und esch chli abgläge. plötzlich het sie gmeint, dass sie id hose bislet het, debi be ich das gsi wo sich agmäldet het
Schnäll händ sie ihri sache packt und sind ist Kanti uf Aarau gfahre, obwohl s'Mami is Geburtshuus het welle, aber well ich so früeh use ha welle, esch das ebe nömme gange.
wo sie denn äntlich acho sind, de Papi het schön Gas geh, händs glueget, wies mer so goht im Buuch. Mer esch es aber prächtig gange und so händs gemeint, dass es schono es ziitli goht. Also isch s'Mami u es zimmer cho und de Papi händs nomol heigschickt.
Ich ha mers de aber plötzlich doch andersch öberleit und so het de Papi weder müesse cho.
sie händ de s'mami id Badwanne verfrachtet, das het ihre aber gar ned passt... Dusse het sies de agnehmer gfunde. äntlich esches de richtig los gange und s'Mami het mit, mit de unterstützig vom Papi, uf die Wält gholfe! Am 13 minute vor 5 beni den do gsi! S'erschte wo s'Mami zu mer gseit het esch gsi: Es Meitli!
s'Ärzt händ mi de aber schnäll wäg gno, well ich zerscht ned ha welle richtig schnuffe, was ich de aber ganz schnäll nochegholt ha! Und denn hani äntlich zum Mami döffe! Uf d as hani mich doch so fescht gfreut!
