Frühlings-Kinderwünsche - wir haben's geschafft

[Awe]

Guete Morge zäme

@Kizank: ich hoffe das chüssi hilft der, dass weder besser chasch schlofe, esch doof wenn mer sich
ned rächt cha usruhige znacht, vorallem wenn die ziit no chunt wo mer denn no weniger schlof hed.

schön gohts vorwärts bi euchem hüüsli ond daser hilf bechömet. wenn wänder izieh?

Jo mis kopfweh esch weder weg ond das ohni tablette eusi fründe händ mega freud gha womers ehne
gseit händ, herzig gsi

Hött morge hanis no im chef gseit, er hed dänkt dass die nochricht bald emol chunt ond hed mer
gratuliert er macht sich jetzt au no gedanke wägem wiiterschaffe vo mer ond denn düemer denn das
nomol gnau bespreche. ich hoffe min plan goht uf ond ich cha do bliibe.

[Kizank]

@Awe: Uii schön, dass alli so positiv reagiert händ! Druck dr d Düüme, dasses mit de Arbet au klappet. Aber wenn de Chef scho so e tolli Iistellig het, dänn gsehts ja scho mol guet uus!! De Wille macht da sehr vill uus.

[sportyspice]

Hallo!

juhui, es goht mir um welte besser Und euses chline schient e riese freud zha... mängisch denk i es tanzt in mim Buch, es isch mega härzig.
Mi Maa, träumt sehr sehr selte, und wenn er tröimt, denn weiss ers no viel seltener. Het gescht am morge gseit, er hebi vo eusem Kind tröimt, es sigi e Meiteli, i heb mim Mami vom Spital aglüte und gseit, wies heissi... er het gseit, es sigi Wahnsinn gis, so realistisch- sogar dr Name hebi gstumme. Glaub mittlerwile isch er au nümm sicher, dass es e Bueb gitt
I bi mir nid schlüssig, mägisch denk i es gitt e bueb, denn denk i wieder e Meiteli.... tröim aber au immer vo euserer Tochter, mit Name. Vo eusem Sohn hani nonie tröimt.

Kizank:Was isch eigentlich use cho bim Bluetzuckertescht? I muess de erscht endi Oktober bi dr Hebamme mache, grault mir aber au scho, mir gheit dr Bluetdruck immer so abe, wenn i am morge nix iss und denn i warme überfüllte Zug sitz. Mol luege. Chasch du eiegentlich scho dis Kind ertaschte, also weisch genau wo was isch? i glaub langsam zgspühre, wo dr Rugge isch, getrau mi aber nid fescht ume zdrucke. D Füess sind bi eus ziemlich sicher mittlerwile au obe, so wies dört ume zappelt.
WAS weid ihr no alles renoviere? und wenn weid ihr zügle? I bi mega froh isch bi eus alles fertig worde, und bin erscht denn schwanger worde... i hätt glaub dr nerv nid. Bi froh hani jetzt eifach Ziit zum Neihe und baschtle...
Übertue di nid... los dir helfe... weiss scho, dass seid sich so eifach.

@awe: gäll schön, das dörfe mit allne zteile. Hoff di Chef realisiert dini Wünsch Drück düme.

@Fea: Super, dass dini Antibiotika Kur so guet nützt. wie lang muesch es no neh?

I ha das Wucheend baschtlet wie e verruckti. Ha mol e Prototyp für d Geburtskärtli gemacht... jetzt heissts denn nur no voll Gas Grossproduktion starte. Muess aber no warte bis d Kartene und Couvert achömme, denn gohts los. Mittlerwile nimmst Form a, und i ha scho vieles Bachtlet und gneiht wo i mir vorgnoh hab... das find ich sehr beruigend und schön. Schick euch mol e Bildli vo euserer Karte. 100% Handmade by me.


Grüessli an allí und e richtig schöni Herbschtwuche. Hoff es goht euch guet!

[Kizank]

@sporty_spice: Resultat sötted mitti Wuche da sii. Het aber uf di Schnelle scho bi de Fä guet usgseh. Mach dr ned z vill Gedanke wäg em Tescht... Han s gliiche Problem (schints händ das no villi gad i de SS) mit em Bluetdruck. Und s Zuckerwasser reizt halt d Blase... Tipp: Nimm dr e Limette oder so mit, und frog, ebs dr es biz driidrucke dörfsch (mängi Praxene macheds ohni z frooge) und trink nachher no es Glas normals Wasser. Das isch ja erlaubt.

@Renoviere: Drü Wänd i de Stube müend no gstriche werde, s WC obedure und d Chuchi. Chuchi mues no komplett bsorgt und iibaut werde. Aber ebe, chömed no Unterstützig über. De Bode lömmer denn vome Profi machä. Planed, im November z zügle.

Schwangerschaftschüssi nonig cho janu, irgendwie wirdi d nacht überstah

[fea]

Hallo alli zämme!

@Stillküssi: ich schlof scho sit mehrere Wuche mit so eim zwüsche de Bei will ich sunst eifach nid wohl bi...ich ka jo mehr oder weniger nur in einere Stellig schlofe dases mir nid schlächt wird...

@Kindsbewegige: die wärde bi mir langsam au immer wie stärker...also gpüre duenis jetzt jo au scho vieli Wuche aber s isch scho no spannend wies vo wuche zu wuche meh kraft bechunnt anschinend... unagnähm isches bi mir aber no lang nid, für das isches zwenig fescht..user zwüschedure ganz sälte woni richtig verschregg...unsers het s köpfli eidütig no oobe. ich gspür d tritte immerno unterhalb vom buuchnabel..die wuche zwüschedure sitlich, so höchi buuchnabel..kei ahnig wies denn ligt, wohrschins no quer..(goht das no vo dr grössi här?) i bi gspannt weni zur Hebamme cha (i glaubs ändi Oktober, mir hän nonig def. abgmacht) und si mir hoffentlich au chli ka zeige wienis ka taschte...

@hochzyt: mir hän am 25. Sept.ghürote...also eifach standesamtlich...

[Kizank]

@fea: Kä angscht, ich bi jo i de 26. Wuche bi de FÄ gsii, und det het si gmeint, s heig no locker platz zum sich drülle. Da muesch dr sicher no kä Sorge mache. Hey du hesch gad zwüsche mim zivile und chirchliche (20. Sept / 29. Sept) Jubiläum ghürote! Gratuliere!!! Wünsche eu alles, alles Gueti!!

[Talulah]

Guete Morgä

@Kizank: oh ja umbedingt hälfe lah bide stränge Sache vom Hüsli! ich hoffe din GG tuet chli uf dich ufpasse!
Hoffe dis Stillchüssi chunt glii!! isch ja voll doof wennd so schlächt schlafsch!

@Sportyspice: bin ja ganz gspannt uf de Prototyp vom Geburtschärtli!!

@Chärtli: Apropos Chärtli, we mached ihr das? Giz eis als Geburtsazeig und nu es zweits als Dankeschärtli oder giz da eifach eis kominierts?
Han äbe scho beides xeh... ich sälber wür ez glaub nur eis mache und zwar es Dankeschärtli. Hützetags mit Wahtsapp und MMS chame ja quasi so mitteile dasses ez uf dr Wält isch. Oder isch das zu "billig"? Was meined ier dezue?

@awe: häschc nu öppe migräne/Chopfweh? han amel vor de SS öfters gha und jetzt zum Glück praktisch kei meh oder vill schwächer.
schöööön wenn sich üchi Fründe so shcön gfreut hend! oh und da mim Chef tönt ja au guet. Drück der fest d Düüme, dass din Plan ufgaht und du so chasch witerschaffe wes du dier vorgstellt hesch!

@ me: nächst DI 14.10. hani (endlich) wieder de nächsti FA-Untersuech. De fangi gad die 20. SSW ah und sovilli weiss, sött denn s Organscreening astah! Uuuuuuund ich bin ja gspannt ob mer erfahred wasses wird!! Bin ja so en Gwundernase!

[Awe]

Guete Tag zäme

@sportyspice: Min gg red scho vor allne vo sinere tochter, wie wenn mers wörkli scho wüssed
han das gfühl au emmer no aber muesch luege, am schluss gets de gliich no e bueb bi eus

@Chärtli: Bin au sehr gspannt uf dis Chärtli sportyspice Ich due jo mini au selber baschtle, aber well
ich vo selber amel ned so ideenriich bin holi mer chli hilf. En arbetskollegin vo mim mami esch super i dem,
die macht wahnsinnigi sache, dued au gschänksäck ond alles ellei falte ond mache. ich döf denn mol zo ehre
go ond de cha sie mer chli tipps ond ideene geh woni denn dihei chan umsetze.
Talulah: ich maches glaubs umgekehrt. Due Geburtschärtli verschicke ond denn individuell danke säge,
meteme kärtli ond sms oder alüte

@Talulah: Frühner (scho als Kind) hani vell chopfweh gha ond au mirgräne. han das leider vo minere
grossmuetter ond muetter vererbt becho. Hann denn mol vor es paar johr akupunktur gmacht ond das
hed mer mega gholfe. Sit do hani eifach ab ond zue mol no chopfweh, aber richtig migräne velecht no
2-3 mol im johr.
Ou schön, bin gspannt was du zverzelle hesch vom termin Seisch eus denn wases git? hesch öppis im gfühl?

@me: mer gohts super, usserd dasi nüm soo guet schlofe i letschter ziit. Hött i 4 woche hämmer euse
nächscht ultraschall, gg ond ich chönd fasch ned warte, die ziit esch so schliiichend. Denn chumi de grad
i 5. monet, bi gspannt was mer denn alles weder gseht ond freu mi riesig druf, vorallem well denn au die
ziit afoht woni mis chliine sett s'erschtmol gspüre.

[Talulah]

@awe: ah ja das isch müehsam, mier sind au sone Migräne Familiä - kännes also! Han als Chind au schlimmer gha und ide Pubertät häts de chli besseret, bzw. isch weniger hüfig cho. So all 2-3 Wuche mal en Abig. Aber wenni es Aspirin gno ha häts meistens ghulfe. Drum hani de nie witers öppis degäge unternoh...
Schön, dass dier d Akkupunktur ghulfe hed!
Hihi klar verzellis üch, wenn mer wüssed wases git! Isch ja eh anonym da! ich tippe irgendwie uf nes Meitli, aber das au nur willich sit de 12te SSW so schlächti Huut bzw. Pickel han (hani susch nie ). Und anschienend het mini Grossmuetter amel ahand vo ihrere Huut ide SS chönne säge, weles Gschlächt ihres Chind wird ha. Bin ja mal gspannt!

Au die 4 Wuche bis zu dim Termin werded verbi gah! Eifacher xeit als gmacht, ich weiss voll härzig, dass din GG so mithibbelet bis dethi! bin au gspannt was du de brichtisch!

[sportyspice]

mol luege, obs klappt mit dr Karte.


@Talulah: Hahaha, jo uf grund vo dem hani alli Ammemärlifaktore für e Meitli Ha afangs Schwangerschaft imens an schlechter Huut glitte, nid mol in dr Pubertät hani so viel Pickel gha. Zuedem hani e Büchli wo nid nur nach vorne sich usdehnt, sondern au vo hinde biz sichtbar isch. weiss aber nid ob meh uf das chan goh. Aber i finds immer wieder sehr luschtig, wie viel unterschiedlichi Intepretatione s gitt.

@Kizank: uuiuiui, nid zvill mache, hoff dis stillküssi chunnt bald. i schlof momentan no wie e Stei, schlof sogar im Zug i, bevor er abfahrt... hoff das bliebt no e wili eso.

Geburtskärtli: i wird beides mache, i wird sicherlich e whatsapp oder so verschicke, und e Geburtskärtli am Tag druf, und nocher e Dankeskärtli miteme Foteli vo eusem Bebe. I find so sache so traditionell scho no schön... aber es isch e riese udwand... verstands au, wenns öbber anders macht.

Liebi grüess

[sportyspice]

juhui, es het jo wirklich klappt mit dr karte ufe lade... wie findet ihrs? Gitt no einiges ztue... aber mir freue eus, find es passt zu eus und zu eusem chline.
Und i denk es isch recht gschlechtsneutral... oder was meined ihr?

[fea]

@kärtli: woooooow, wirklich härzallerliebscht sporty!
mir hän jetzt denn grad so einigermasse d iiladige für unser hochzytsfescht gschafft nägst mai, und nid emol die ganz fertig..also d kärtli hämr drugge lo aber i wott no bi jedem zwei, drei persönlichi ziile dri due, usserdäm wämr no Briefmarke drugge mit unserem "hochzytslogo" druff....also hani mi dorum no nid wirklich mit de geburtskärtli befasst..ich fürcht, es wird chli devo abhängig wärde wie viel zyt ich ha wies usechunnt...

@gschlächt: also mir wüsses mittlerwile ))) sölli mol Google ob die zeiche bi mir zueträffe? hihihi ich ha mi ebbe nie demit befasst

[Talulah]

Wunderschöne guete Fritig-vorem-Wuchenänd Morge!

@sporty: he das Chärtli xeht ja wohl eifach nur HAMMER us!!! hesch du würkli super gmacht! Und ich finds also au, es isch absolut gschlächtsneutral, het ja vo allne Farbe chli debi. Hihi ja chli Arbet git das sicher no! Wevil bruchsch insgesamt?
Chame de Schriftzug "Baby" und de Chinderwage so chaufe, oder hesch das mit me Plotter gmacht?
(han ez übrigens au gad entschiede, dassi selber wird bastle und nüd drucke lah! )

Bin ja gspannt was bi üch wird gäh! Also das mit de Buuchform hani au scho ghört, aber das chamer bim beste wille nüd vorstelle, dass uf das chasch gah. Chunt doch au uf de Körberbuu vo de Frau und vom Chind druffab! mer xehnds ja de .

@fea: ohhh so schön, denn giz bi üch no es Hochsigsfäst im Mai! Mai isch eifach sone schöne Monet zum hürate! ja so Chärtli sälber bastle bruucht halt scho vill Zyt. Also fürs Hochsig hemmers au drucke lah, han schlichtweg eifach zwenig Zyt gha zum bastle, da mier die ganz Deko (bis ufd Blueme) und d Hochsigsturte scho sälber gmacht hend. Aber für s Chind wetti d Chärtli ez ebe glaub scho sälber bastlä!
hihi bis ins kleinste Detail! Macheder üchi Briefmarke mit WebStamp vode Post? (känne ebe nur das)
Uuuund tuesch üs verrate wases git? (Gwundernase lässt grüssen! )

Es guets Tägli allersits!

[Kizank]

Guete Morge allersiits!!

@Chärtli: wow, sporty, so schön!! Ich wirde worschinli nüt mache. Mit em Renoviere und Zügle wo no uf mi zuechunnt wirds mr eifach z vill. Und i üsere jetztige Wohnig hani soo wenig Platz, ich chans ned mol chli ligge loh, weni ned gad dra schaffe wott. Mis Mami het 25 Chärtli für mini Geburtsazeig gmacht mit eme flache, ghögglete Schüeli. Mega krass. Si het aber scho 3 Mönet vor minere Geburt ufghört z Schaffe.

@WebStamp: fea, lueg umbedingt rächtzitig, dassd a d Chläberböge anechunnsch. GG und ich händs au so gmacht gha, und es rise Theater gha, wills dauernd usverchauft/ned nahgfüllt worde sind.

@Schlafe: Aso uf em Sofa bim Fernsehluege klappets wunderbar... Rege mi über DPD uuf: Am Zischtig hettets welle zuestelle am Zwei am Namitag. Händ denn en Zeddel dete gloh, dasi ned ume gsi sig. Han en usgfüllt und am Mittwuchmorge vori bi go schaffe an Briefchaschte gchläbt, dass si s Paket dörfed vore platziere. Mittwuch hei cho - nöt det. Dunschtig hei cho - nöd det. Aaglüte, "Ja sii ich weiss au ned, warums ned deponiert worde isch, de Spediteur het akrüzlet, er sigi döte gsii...". Aso isch würkli offesichtlichscht, Husnummere klar erkennbar, und wenner vor em Iigang staht sind links d Briefchäschte und ein einzige het en rise zeddel drah...

@Gschlächt erkenne: Das mit de Buchform het d Sekretärin vom Chair wo min GG schafft au gseit. Het sogar richtig tippt, aber si seit, vor de 30. Wuche sig si amigs ned ganz sicher (Isch i de 23. gsii). Han ihre gseit, dasi ersch nach de Geburt verroote, eb si rächt tippet hegi

Mädels, morn starti i di 28. Wuchä langsam nööchets... Heieiei...

[Awe]

Hoi zäme

@sportyspice: wow ich han mich grad i das chärtli verliebt Es esch wonderschön, ächt. Finde
au d'farbe neutral ond sehr schön glaub so toll bring ich das ned here...
wievell muesch mache?
Bi mer sends de scho es paar, goht dänk scho gäg di 100...freu mi grad druf wenni dis schöne
chärtli gseh
Mer händ eusi Hochzitskärtli au drucke loh. D'iladigskärtli ohni Foti vo eus, deför metem schöne
Motiv wo zo eus passt ond bi de Dankeskärtli düemer aber föteli druf, die send grad in bearbeitig.
Drum findis ebe jetzt schön fürs Babykärtli öppis selber s'baschtle

@fea: uuhhh döfemers au wösse? Wönsche der en ganz e tolli vorbereitigsziit förs grosse Hochzitsfäscht

@Talulah: gäll wenn mer das schöne chärtli gseht vo de sportyspice denn wett mer au grad selber
baschtle findes schön hesch di au för die variante entschiede, freu mi scho uf dis bildli vom prototyp

@Kizank: wow scho i de 28igschte woche, so schön Das wäg dim chüssi esch jo mega doof, finde
das au emmer so müehsam met dene päckli...hoffe du bechunsch es hött

[fea]

aaaaaalso ich loss euch zerst no chli orakle, nochär verrot ichs denn

- mir isch die erste 13 Wuche hundeeländ gsi, au nochär no sehr viel schlächt, mittlerwile rächt guet aber Übelkeit wird wohrschins bis am schluss es Thema bliebe

- die allererschte wuchene hani praktisch nur Salatgurke (hani au sunst gärn) und härdöpfelstogg (äss ich sunst nie freiwillig) gässe

- mi buuch het me scho gli emol gseh. ich miesst no grad paar lüt froge, aber ich glaub nid dass me mir d SS vo hinde agseht...defür hani fangs also e rächts büüchli geg vorne!

- ich ha die erste 3 mönet kei luscht uf süesses ka obwohl ich sunst seeehr e süessi bi...mittlerwile isches öbbe so wie vorhär....die ersti zyt hani v.a. au luscht uf suurs ka

- ich ha scho die ganz SS relativ gueti hutt...die phasene mit vielne pickel woni vorhär zwüschedure ka ha, sind bis jetzt wägblibe.. bsunders trocheni hutt oder so hani au nid

- mini hoor sind öbbe gliich bliebe, eher vilicht chli weniger fettig

- bim schlofe muess ich immer uf dr linke site liege

ähm was mien dr no wüsse für euri vorhärsaag? hihihi

[Awe]

Hihi fea ich han leider kei ahnig wie die azeiche z'düte send, aber ich tipp eifach spontan
ufe bueb

[roehrli85]

@fae: merci für dis Bsüechli bi üs I ha o wöue cho rätsle! Nachdäm i googlet ha, gits Sache wo immer no für beides chöi spräche... schwierig, ig tippe aber uf Meitli! (wäge dr guete Hut und wäg dr Übelkeit!)

[caramel_joghurt]

@sportyspice: woow Hase bi mine ou geng säuber gmacht, aber doch chli *bescheidener* aus dies Kunstwerk

@fea: ich rate jetzt uf e Bueb weg de schöne Huut u Haar. Muess zwar sege bi mir isch das bi beidne ss glich gsi ussert dÜbelkeit isch anders gsi.

so, jetzt nihmi no es paar ss-Vire mit u ga wieder. Hoffentlech bis baud

[Talulah]

Guete Morge zäme

@fea: du bisch sicher die geilst, machsch voll es Ratespiili!
hmmm... also wonis so duregläse han, hetti zerscht uf nes Meitli tendiert, denn isch aber das mit de Haar & de Huut cho. Und da es Sache hed wo uf beides düted, also s eine ufne Bueb und s einte uf nes Meitli, biini ez wieder gliich wiit. Also rati eifach mal uf ne Bueb!
bin ja seeehr gspannt!