Wir warten seit Frühling 2014 und länger - Teil 8 - komplett

[roehrli85]

@harmony: das tönt doch super. I gloube fest dra, dasses iz guet chunt! Du hesch iz z Glück ganz uf dire Site!!!

@wolke: danke dir

[Raffi89]

@wolke: danke vielmal. Wie gahts dir und dim schätzli?

@harmony: wow das iach den super. Di git sicher nochli gas aber au. Das wird din glückszyklus
Wenn hüt uslösisch wenn isch den ca. de ES?

@roehrli: wie gahts der?

@me: min GG und ich hend geschter in himmel gügslet mir hend au zum glück au es paar gseh und hend eus zu jedere öbis gwünscht. Hüt emorge fahri is gschäft und gsehn if em feld sicher 20 störch. Han i de ganze kiwu ziet no chein einzige storch gseh. Das chan nur es guets zeiche si

[harmony]

@raffi
haha itz chonsch de mind. Drillinge öber

@wolke
merci. hihi nei, si het mi gfrogt obis gno ha "joooo ". jo ig glaub si wachst bis zu 1mm pro Tag und wenn de ES hüt usglösst wird...de ischer jo morn/übermorn. Herzle "müese" mer morn und am beste öbermorn nomol... hend gester au scho... auso längt das de längstens. Ig meinti, d'Schliimhuut-dicki spielt de ou erst bir Iinistig würkli e rolle und bis deht hani jo no paar täg ziit. Zum Glück hani s'Sero nid gno, ha nämli ou scho glese das chön dezue füehre das d'schliimhut nid so guet ufbout wird.

[wolke7]

@harmony: ond min fa het emmer gseid, er hegi scho fraue gha wo mit ere schliemhut-dicki vo 3mm ss worde send!!! Ond d'hunny het jo au nie wörkli e hufe gha ond es het klapped! Ich bin sehr zueversichtlich!!!

@raffi: hoffe das die störch no zuesätzlich zu de sternschnuppe onterstötzend wörked danke es goht sowiet ganz guet. De gmh esch zwar 1/2 mm chörzer gsi am ziestig, deför kei trichter me. Ond frochtwassser dörft chli meh si, aber d'versorgig vom chline seg sehr guet- also kei hiewies das öbis ned ok wär. Höt esch d'spitex serst mol do gsi för de hushalt ond ich ben mer so doof vorcho...wär am liebste devo gloffe...döfi jo aber ned.

[harmony]

@wolke
jo das verstohni no das der doof vorcho besch - aber es isch ihre job und du muesch itz uf dis würmli luege und di schone... also gniesses, mol angerne bim schaffe zuezuluege

@me
läck mer, die Sprütze gester obe het zemli weh gmacht. Pregnyl isch jo schinbar es HCG - hihi heisst eigentli chönti morn us Jux e SST mache, nome dasi ou mou eine ha wo positiv aazeigt
Juhuu es isch fritig - GG het hüt obe leider e Termin, auso müese mer üses Nümmerli zwüsche Fürobe und Termin inequetsche... ich ahne böses. GG het gester scho gseit är sigi jo jetz mega unger druck... hoffe eifach es chunt de nid nume heissi luft, längt nämli nid

[roehrli85]

@hormony: i wünsche öich viu Glück bim härzle. Und süsch machet drs de nachem Termin nomau und ou wenn är di schlimmstefalls müesst zmitz ir Nacht usem Tiefschlaf hole

@raffi: das isch doch super mit dene Störch. Hey wo heit dir eigentlech di Störch? i ha gloub o nie eine live gseh Mir geits ganz guet. I merke nume gad dassi nächst Wuche es rächts Programm ha, aber mittlerwile irgendwie sowieso immer. Iz sis no 8 Wuche bis Hochzyt

[caramel_joghurt]

Morge miner liebe hibbelnde

@harmony: hoffe dir heit zwüsche/nach dem Termin öies Mai chind chöne züge?

@me: ha nid viu z'verzeue. Gester mau e Ovu gmacht, nid mau e huch vorne 2. linie. Aber ES söti ja ou ersch Gege Mo si.

[Raffi89]

Gute morge ihr liebe

@harmony: hets geschter klappet? Jetzt chömer offiziell dir düme drücke

@caramel: wünsch eu ganz viel spass das weekend

@me: min ES erwarti nächscht mittwuch. I zwei wueche chömer inem abstand vo es paar täg positiv teschte freudetanz

[harmony]

hallo mini liebe wiibers
jo, gester hets super klappet - itz heissts abwarte. Ig ha mitem GG abgmacht, das wens DAS mol klappet, är si gwünschti buebename daf nä bimne meitschi simer üs eh einig

[roehrli85]

@caramel: machsch hüt wider e Ovu? Hoffe dä geit iz langsam doch gägä positiv zue. Mängisch chame erstunt si, wi plötzlech das Strichli fett und när ou schnäu wider wäg isch

@raffi: de tanzi de mit, aber göht de nid när gad aui u löht mi ellei Wot de ou no positiv teste e chli später. Geit drum bi mir scho no eher 4 Wuche oder undefinierbar läng.

@harmony: Uhhh iz heter sech sicher höne müeh gä, wener scho dr Name darf ha.

@me: frage momentan mi GG ganz hüfig, was mr de mitem Chline aues so astelle würde. I säge e Name wo mr einisch beidi aus guet befunde hei, nid eifach dr Chlii (wrum i iz nüm a nes Meitschi dänke, ke Ahnig, momentan stelli mr e Bueb vor - komisch). I wot teste, wi sech äbä dä Name afüehlt weni ne so ganz spontan bruche. Und vor auem isch am schönschte d Reaktion vo mi GG z gseh Är isch iz ändlech i däm Thema Papi wärde acho.
Wasi eifach merke, es wird haut eifach äuä so typisch si. Strängs, böses Mami, lustige und liebe Papi - Jaja, ig de dr ganz Tag stress und Träne und we dr Papi hei chunt, isch dä de dr best Mönsch uf dr Wäut!

[harmony]

@roehrli
jo ig rede ou immer vom bueb, mit name, und mi GG korrigiert mi de immer mit sim gwünschte name "aso du meinsch de ...." - när hani am Weekend, woner mi korrigiert het gseit "Auso, wens das mou klappet de gibi mi gschlage"
Gester bini so ufem sofa plegeret und immer wider igschlofe - när dänki ame, weni jetz sones würmli hätt, was würdi de äch itz mache...

@me
Ha übers weekend nid chönne Tempi mässe - nach Gfüehl hätti gseit de ES isch am Friitig Mittag gsi, usglöst isch jo am Donnsti obe worde. Es duet und macht und sticht i mim Buch ou hüt no.... Drum, weisi ou nid wenn är würkli gsi esch - nach ZS würdi säge def. düre ...aso bini ES+ iiirgendöpis... Teste wirdi de wohl am samsti ire woche....und wenn TR de glich chont, wird nomou e uslösi Zyklus gmacht - de längts äuä mit mine schnelle Follis grad nomou für Endi Mai

ah wasi eigentli no ha wöue säge - ig us gwundernase - luege natürli ou i desi threads ine... Bide Sommer 14 hibbler si si itz ou nume no z'4. - aso hüüüü fraue, nid das de die vor üs ferti si

[caramel_joghurt]

helloo

phu, richtig doofs Wucheend gha. Tochter het am Samstig mit dr Ambulanz id Insel müesse u am Sunntig het sech Sohnemann d'Lippe agschlage dasses blüetet het wie weiss nid was...

vom ZS her isch aber no nüd mit ES u ou dr OVU het gester afang gaaaaanz e fine strich zeigt, aso vome positive ovu si mer no wit entfernt. dr LH stigt ja im verlouf vom Tag, ha mer überleit ev. sötine eifach eher am Abe aus scho am Nami mache? oder verfältscht das z'resultat? für die 2 ss hani ja ou 2 zykle lang ovus gmacht (am Nami) u die si ja nie postiv gsi, aber ES muessi ja glich gha ha

[harmony]

@caramel
ui was het de dini tochter gha?
jo ebe es git einigi fraue wo de ovu nie positiv azeigt obwohl nachwiislech e ES isch gsi. Würd eifach möglechst chli um die glich tageszit teste

[caramel_joghurt]

@harmony: Kopfverletzig mit Verdacht uf Hirnerschütterig. Nid so e schöne Ablick gsi mit dem Bluet aber inzwüsche isch sowit aues wieder i.o.
Nenei, de Test wird dasmau nid Wiss blibe bi dir, oder besser bi aune nid.

Ha gester Abe ner no e ovu gmacht, dLinie het mehr scho sehr guet gse, mache de hüt Abe nomau, luege ob Dr ovu no klar positiv wird. Mittelschmerz u ZS gö jedefaus jetzt doch so richtig ES.

@name: Dr buebename wer für Mi ou klar. (Ob für GG ou no weiss i nid )weni mir üs z5 vorstelle gseni eigentlech ou geng en 2 Bueb. Probieren de aber aube wieder z'verdränge. Faus es Meitli für üs parat isch, isch das nämlich ou sehr wiukomme nid dass es de nid wot cho. GG meint zwar aube: 2 Frouene länge weni i mis Portemonnaie luege

@raffi89: du bisch ou ir heisse Phase gäu? Hoffe chöit Dr ES guet nütze.

[roehrli85]

@caramel: Froue wei eifach immer hufe chlini Sache. Männer si aber nid günstiger. Di choufe nur einisch gross ih, drfür de megaaaa tüüür! Das fallt weniger uf, wüu si nid türi Chleider choufe und drmit ume loufe und prahle, sondern si choufe sech eifach technerischi und handwärklechi Sache. Chasch auso dim GG sägä, är müess nid meine, Froue sige tüürer, drfür sorge si nämlech drfür, dass im Hushalt gsparrt wird. Me brucht nämlech nid, wi so ne Maa hüfig dänkt, 10 verschidni Putzmittu. 2-3 gueti länge nämlech. Und es muess ou nid jedes Mau es Angus-Steak gäh! hehehe

@Bueb/Meitli: i gloub i ha mr immer so fest es Meitli gwünscht und de het äuä dä Bueb dänkt, ja de chumi nid, iz hani mr äbä dänkt, i söt offner wärde. I hät immer no fröid am ne Meiteli mit blonde löckli und blaue Ouge oder nei eganu was für ne Haar- und Ougefarb, sogar we das unverständlecherwis ganz gradi Haar hät, eifach es Meitli. Aber iz hani gmerkt, i muess zeige, dassi genau so fröid hät, wes e Bueb wird, e chline Pfüderi. De gsehni iz i mine Gedanke beidi gad vor mir und beidi si so mega geniau. Gseh us wi Papi und Mami glichzitig. Und de dänki, und wes Zwillinge si, ou denn bini dankbar, i bi absolut offe und nime ah was de haut chunt Ohhh und iz bini trurig, dass es eifach no nid so isch! I ha so es grosses Talänt drzue mi säuber z rüehre.

[Raffi89]

Hoi Ladys

@harmony: Wow super hets bi eu so super klappet mit em <3. Drück der ganz fescht düme jetzt chas nur guet cho.

@caramel: Oh nei dini Arm maus. Gahts ihre scho wieder besser? Vielicht het din Körper gmerkt das das Weekend so stress cha hesch und drum chunnt de ES achli spöter damit ihr en au chönd gnüsse

@roehrli: So schön das din GG so bim Thema acho isch. Mengmal bruchet manne eifach achli länger. A welem ZT bisch fengs? Sory han achli de überblick verlore

@me: Morn söti de ES si. Gspüre scho wies schaffet i mim Buch. Sind au schön fliessig gsie das Weekend trotz i klemme Nerv im rugge

@bueb/meintli: Mir isches so egal was es git hauptsach euses Wunder chunnt de Monet Ich denke beides het sini vor und Nachteil. De buedename wüsset mer scho ganz lang und binem Meitliname werdet mir eus sicher den wens so wit isch au no einig. Will er findet all meitli näme vo mir zu spezielle

[roehrli85]

@raffi: Ig bi ZT 11 (PS: mi Banner stimmt, dert steits drin, süsch wüsstis aube ou nid).
Hoffe doch du hesch schön ES gnutzt und eifach hüt gad no einisch

@Näme: mir heis hönne schwirig, Bueb isch no fasch schwiriger. Aber mir hei einisch rächt intensiv drüber gredt und öpis gfunde. Aber bi iz glich scho wider unsicher. Und ig möcht gärn je ä Zwöitname, bim Buebename wo i Frag chunt, bruchts sowieso eine, cha nid ellei stah. Z einzige wasi mr würklech sicher bi und mi GG ou iverstande, das verrati ou gad, es Meitli bechämt aus Zwöitname Marie (dr Name vo mire verstorbnige Grossmuetter)
I sueche im Momänt chli nach Näme aus mögleche Zwöitname für ne Bueb, wo di glichi oder ä ähnlechi Bedütig het wi dä vo mim verstorbnig Papi. Si Name säuber isch nid so schön, auso möchti dä äuä nid bruche.

@me: i ha di Wuche hufe Termine, hüt Mittag Chuechebesprächig/Offerte im Lade Nr. 1, morn am Abe Chuechebesprächig/Offerte im Lade Nr. 2, am Fritig übrigens FA . Samschtig zügle bim ne Kolleg. Und irgendwo zwüschin, wyter bastle fürd Hochzyt. Wot schliesslech mau fertig wärde.

[harmony]

@raffi
supi, demfall hüt nomol nochelegge

@caramel
gueti besserig dim töchterli. Juhu demfall chont de ES doch no.

@roehrli
Jo dr 2. Name isch bi üs ou scho klarer als de erst. Mini öutere si jo beidi scho gstorbe und bimne meitschi gits us 2. name e abwandleti Form vo mim Mami (eifach statt e es a am schluss) und bim bueb würds bim 2. name äuä dr 2. name vom GG sim papi gä, wo ou scho gstorbe esch oder je nach 1. name ou dr 2. vo mim papi - de name vo mim papi chunt nid i frog, dä gfaut mer nid so, bzw. är isch adoptiert gsi und het e usländische, spezielle name gha...
finges scho no schön we me chli öpis wiitergit...

[roehrli85]

@harmony: ja i finges äbä scho ou schön, weme chli Familienäme mit dri nimmt. I ha ou scho a re abgwandlete Form vo mim GG sim Vater dänkt, o wener no läbt, söuer ja ou bitte no chli, üses Chind het nur ei Grosspapi. Aber das wär natürlech e Ehr für ihn als wärdende Grosspapi fürs erste Änkeli und wenn das Chind im Mai chunt, chunts fasch ufe Geburi vo ihm.

[harmony]

@roehrli
jo klar, mues jo nid nome sii wöu si nüm läbe... üses chind wird nume 1 Omi ha und süsch nüt - und ihre name chont gar nid i frog - bi auer ehr