Wir warten seit Frühling 2014 und länger - Teil 8 - komplett

[roehrli85]

@raffi: och nei, du üebsch ou scho lang (länger aus ig) und da muesch dr nid doof vorcho, nur wüu dr ES grad unklar isch. I hät haut eifach aues so quasi düreplanet ka und das het ou so guet tönt, GG sini Spermie si mässig, aber nid unmöglech, mache mr Isemination und när chunts guet (oder scho vorhär). Dass aber würklech bi mir iz no öpis uftoucht, mit däm häti irgendwie nid grächnet und iz isch eifach grad d Hoffnig chli furt, dasses würklech vorhär no e Chance git. Es muess eifach zersch behobe wärde und das cha eifach si oder schwirig. Es chunt mr iz gad chli vor, aus häts mi es Jahr hingere gworfe oder so, aber wär weiss, vilech geits när würklech ganz schnäu und isch nur e Chlinigkeit. I ha iz aber scho chli es mulmigs Gfüeu weni a ne Buchspiegelig dänke.

[harmony]

@roehrli
isch haub so schlimm die Buchspiegelig. Aber i bi auso ou froh hanis döre

[wolke7]

@roehrli: bi mer esch jo bim fa au ein eileiter nöd so klar gsi ond de ander guet dorchlässig...bi de buchspieglig eschs denn gnau omgekehrt gsi...begröndig: es chan si das da schlüchli ergendwo ahstoht ond drom d'flössigkeit ned klar dore flüsst...also esch wörkli no alles möglich bi der ond buchspiegelig werd hoffentli entwarnig geh...respektive cha mer je nachdem so grad die eileiter dorespüehle ond den sends voll parat zum wieter mache!!! Hoffe s'beste för dich!

@caramel: hoffe dine chend gohts besser?

@raffi & harmony: drocke euch ganz fescht dume das es dä zyklus klappet het!!!!

[Raffi89]

@harmony: wie gahts der? Gspürsch inischtig [emoji3] ? Wenn wilsch teschte?

@caramel: wie gahts der?

@roehrli: ich hoffe ganz fescht das din GG dir guet lueget und dich achli verwöhnt.

@me: hüt emorge isch mini tempi gstiege 0.14 [emoji1] und han au geschter starke zs cha und au wieder mittelschmerz wue scho am mittwuch. Han aber leider min GG geschter abig nöd chöne verfrüere [emoji17] janu mittwuch söt ja au lange.
Ich wünsch eu ganz es schöns weekend gnüsset Schöne Wetter.

[harmony]

@raffi
uf mini tempi chani äua ned go, die verlauft so sit zt1: ---^----^--------- mängisch füehli mi wie immer und mängisch ganz komisch... aber ha nid so s gfüehl ases chönnt klappet ha

[roehrli85]

@wolke: i ha mr würklech gad schlimms vorgstellt, aber du hesch mi iz scho gad chli beruhigt. Auso i wirde eifach trotzdäm mit mim GG wyter probiere u wi gseit, luege mr im Dezämber wyter. Villech wirds ja ganz e eifachi Sach när. Bi nur gspannt wi schnäu i e Termin bechume, zersch fürs Erstgspräch u de när fürd Buchspiegelig.

@raffi: ja mi GG merkt scho dassi ne bruche u das chunt scho guet. Hoffentlech schnäuer aus erwartet.
Sorry, weiss gad gar nid wär was scho gmacht het. Bisch du eigentlech scho ire KiWuKlinik gsi? Hesch du Hormontests u Durchlässigkeit u di GG es SG scho gmacht? Oder bisch sogar scho wyter? Clomi oder so? Weiss gar nid so rächt ob u weli Abklärige du düre hesch?

[caramel_joghurt]

@roehrli: oje! aber jetzt glich nid gat nume negativ rede. Das isch ja aues e momentufnahm gsi. Denke sobald dEileierdurchgängigkeit gä isch (was hoffentlech en eifachi Sach wird si) isch scho e grosse Schritt gmacht. Jetzt konzentrieret er öich mau uf zHochzyt und stellesuechi. Und wer weiss, wersch nid die erst wo trotz nid gat rosiger Diagnose ganz unerwartet schwanger wird.

@raffi89: yeah, de hesch demfau en ES gha. Und natürlech längt das

@harmony: muesch de du no Tempi Messe vom FA oder machsches vo dir us? Mir würd gloub das zickzack eher verwirre.

@me: mi Körper macht was er wot. ha Dr Überblick gat überhoupt nüme, einisch ZS ner wieder total trocke ...naja, so ihre Wuche wird mau testet. u sisch hani ja nächst monet sowieso FA um mau azluege was die witere Schritt were. Mi GG stellt da aber immer no ziemli uf stur a la het bis jetzt ja ou eifach klappt gha de bruche mer jetzt sicher ke Hilf.

[harmony]

@caramel
hoffe di GG zieht de glich no mit ou wend zum FA müestisch

ig ha ganz am aafang die erste 8 Üz gmesse zum mol luege ob und wenn de ES so esch. När hani mer immer ab und zue weder öberleit mol es paari z'messe. Bir Aku het denn d'TCM Ärztin verlangt asi wider tue messe... itz bini im 3. Messzyklus - has itz eifach no bitz wiiter zoge weils gwohnheit worde esch und wöu ig ou mou sone schöni SS-Kurve ha wöue ha

[Tiare29]

Hallo mini liebe

Do lauft jo einiges..

@harmony
Uuuuuuuund wie fühlsch dich?? NMT isch jo i wenige täg oder??

@raffi
Isch aetzt das din letschte zyklus oder hösch nocher no eine??

@caramel
Wie gohts dine kiddis?? Mir händ natürli au unfall gha ide ferie aber en riiiiiese schutzengel hät ufpasst ♡

@röhrli
Ach mann sonen scheiss woni etzt do vo dir han müesse läse
Aber etzt tüender am beste zerst hürote und denn kunnt das baby sicher gli..

@me
Jo bi üs isch alles super.. goht alles kli schneller als erwartet.. mir zügled uf de 1.11
Wenn alles guet kunnt wirdi abem januar wieder mithibble.. min gg ka nid warte

Also und i hoff aso eürkli gaaaaaanz fest, dass bis denn all schwanger sind!!!

[harmony]

@tiare
schön vo dir zghöre - das freut mi!

ig füehle mi nid angers als süsch, ha ou nid würkli s'gfüehl ases chönnt klappet ha... jäno bis am weekend wird igs wüsse.

[Raffi89]

Guete Morge

@roehrli: Mir sind scho indere Kiwu-Klinik gsie und hend alles aglueget inkl. SG und es isch alles super gsie. De FA seit mir ghöret zu dene wenige Päärli wo er sich nöd chan erkläre wieso s'nonig klappet het. Under dene vorusetzige hend min GG und ich eus entschiede kei Isemination smache und kei Hormon sneh will bi eus ja alles guet isch. Mir möchet uf natürlichem Weg euses Wunder empfange und gege das spricht ja au nüt. Ich bin sehr dankbar das bi eus beidne alles beschtens isch.

@caramel: Mini düme sind ganz fescht drückt!!!! Du chasch ja guet serscht mal bi dir luege öb alles guet isch. Und den im nachhinein laht sich din GG sicher zu zunem SG überrede. Und ich denke erlich gseit au das es voher nomal bi eu klappet

@harmony: Sone schöni SS-Kurve will ich au Wie fühlsch dich?

@Tiare: Schön das der so guet gaht. Mir üebet de und de nächscht monet no. Aber min GG het das Weekend scho gmeint mir söllets doch no mal en monät anehänke

@me: I mim Buch zicks und zwacks wie veruckt wie scho lange nüme. Min GG het das Weekend gseit das er gern au im Oktober no möchte alles geh Will er möchti nöd bis nach de Hochziet uf euses Wunder warte. Mal luege ich denke das mer au de nächscht monät nüme bruchet will das euse Glücksmonet isch. Think positiv isch zur ziet mini ineri istellig.

[roehrli85]

@raffi: Ok, i bi mir nur gar nüm sicher gsi, ob du das hesch ka, wüui äbä vo dir nie öpis vomene Problem ha kört Das wird scho, es brucht dämfau eifach nur Geduld. Aber iz muesch ja nüm geduldig si, di GG isch fest entschlosse iz öies Wunderli z mache.

@caramel: nenei, i gibe mr müeh, positiv füre z luege und ou a nes grosses unerhoffts Wunder z gloube. Auso Hibbelpouse gits keni, mir mache schön wyter wie bishär. Es het schlisslech nid gheisse, dasses gar nid möglech wird si. Es muess nur eis irgendwie düre cho

@Tiare: ja i bi mit de Gfüeu immer chli am hin und här wächsle. Aber i gseh irgendwie, dass üs zmingsch fürs nöje Jahr Tüürli zum Erfolg göffnet wärde. I bi überzügt, dasses när gar nüm so lang geit, aber iz heissts eifach mau abwarte, Tee trinke und Geduld ha. I hibble de vilech scho wider mit dir zämä, aber das wird sicher när bi beidne schnäu gah. Di GG isch ja ganz geniau, dasser da so vou drbi isch.

@me: ha mit mim GG abgmacht, dass mr nid ufgäbe. Mir si iz dr Meinig, we eis vo de topfite Schwümmerli am richtige Ort düre geit, zum genau richtige Zytpunkt, de chas schliesslech trotzdäm no klappe. Und wes so klappt iz bevor dass mr di nächste Schritte mache, de isch das umso es grössers Wunder. De wird das Kämpferli sech ou im Läbe chöne dürekämpfe. Vilech hets ja e guete Ifluss, wüu mr ohni grossi Hoffnig dra chöi gah und vor auem mi GG natürlech ou chli dr Ehrgiz packt het, öpis z schaffe, wo fasch unmöglech isch.

[caramel_joghurt]

@raffi89: oh, so schön vo dim GG. Aber wie du seisch, dir müessts sowieso nid verlängere du bisch ja jetzt schwanger

@harmony: so auso Frou Harmony, chli positiver bitte. In hoffe ömu ganz fest uf gueti News am Wucheend

@roehrli85: finde öi istellig super, das cha ja nume guet cho. Wie loufts mit de hochzytsvorbereitige, irgendwie weisi gad gar nüme wen de öie gross Tag isch Oktober?

@tiare: schön chunsch zwüschedüre cho ineluege. Oh super scho es Hus gfunde? Blibet er ihr nöchi vom jetzige dihei?

@me: ha vori gat über Mi säuber müesse lache woni ha denkt so, am Samstig mache mer mau e Test. Die letschte paar mönet, säubst we TR isch z'spät drane isch gsi, hani ja lieber gar nie wöue teste! aber vilecht änderets sech ja de ou wieder

[Tiare29]

@caramel
Nei i bi jo jetzt im TG und züched jetzt is züri oberland.. GG schafft ebe im züri oberland mir freued üs riesig

Aso mini düme sind druckt und nlchst mentig hetti gern 3 neuschwangeri

[roehrli85]

@caramel: ja 9. Oktober isches. Si iz no 6ähaub Wuche. Hmmm, i bi düre mit mine Närve! Chunt scho aues guet. Irgendwie, irgendwenn, irgend.......
I fröie mi uf di positiv Test am Samschtig

@me: louft gar nid im Büro. System tuet blöd, hets scho am Friti. Mir bruche für aues 10 Mau länger, somit wirdi hüt ou chli länger blibe. Stimmt aber für mi so irgendwie grad. I cha öpisem Tschuld gäh weni nid nache mah und darf iz mini Überzyt mache, woni Angscht ha ka, i bechöm keni meh. Schliesslech woti mr so viu freji Täg wi möglech no asammle. Ha no es paar Termine woni muess wahrnäh vor dr Hochzyt und da woti mini drü letschte Freitäg nid dra gäh!

[caramel_joghurt]

Raffi und harmony, wie füehlet er öich? Mi Optimismus isch scho gschrumpft ha hüt mis typische liechte Buchweh becho

[harmony]

@caramel
das hani ou scho sit gester! bi no gar nie würkli optimistisch gsi sit ES. Morn oder übermorn wär NMT, teste würdi am samsti

[Raffi89]

Hoi ihr liebe

@caramel: Oh nei aber solang TR nonig da isch bliebet mini düme drückt. Wenn hesch NMT?

@harmony: Ich hoffe so fescht das di irsch und TR nöd chunnt. Mini Düme sind ganz fescht drückt. Es muess doch wieder mal i eusere Gruppe klappe. Ich will wiedermal en freudtanz und freudeschrei los lah

@roehrli: Hender au scho so viel stue im gschäft? Möchtsch du uf de Branche bliebe oder suchsch e neui herusforderig?

@me: I mim Buch zwickt und zwackst sit 2 täg und mini recht lieschte duet mer immer mal wieder weh. Aber für Azeiche isch das no definitiv sfrüh bin hüt erscht bi ES+ 6 nächscht wueche weissi meh. Bin zur zeit no ganz optimistisch han nur scho wieder achli angscht vor em fall

[harmony]

@caramel
und wie gsehts us bi dir?

@raffi
mini düme si drückt!

@me
weiche Mumu, viel ZS, liechts unterschwelligs Vor-TR-Buch und Rüggeweh - rechne hüt oder morn mit TR.

[roehrli85]

@raffi: i bi nid so fixiert ufd Branche, im Momänt wär aber vilech nid schlächt, wüui iz chli Erfahrig ha und cha mr vorstelle uf dr Branche z blibe, muess aber nid. I luege sowohl als auch. Ha iz mau vorgester doch zwöi Stelle intern gseh und versueches mau. Wäre ganz angeri Abteilige und Ufgabe, cha mr das aber no spannend vorstelle. Di zwöi Stelle woni iz ha gseh, isch eini im Leistigsberich (Ambulant) und di angeri im Firmekundeberich. Also sehr ungerschidlech. Iz bini ja ir Vermittlerbetreuig, auso muessi d Abschlüss ja nid säuber mache Mir löh la mache. I gloub füre Verkouf wäri nid so gmacht, Beratige scho, aber Aquisation uf Druck mit Zielvorgabe... nei scho lieber nid!
Mitem viu z tüe, ja isch so, es zieht gad sit dere Wuche massiv ah und am Mäntig heimer ou Kick-Off ka, dass heisst, ersti Tendänze zu de Prämie si da und nächsts Mänti wärde di provisorische Prämie 2016 ufgschalte. När wird d Produktion de ganz schnäu no meh Astige. Für mi passts aber, di Wuche gsehnis aus erste Asturm ah, aber no fasch Ruhe vor dem Sturm. I mah gar nid a di nächste paar Wuche dänke!!!!

@aui drü: hey bitte nid so schwaz male, i bruche chli meh Motivation vo jeder einzelne vo öich!!! Und raffi, falls du doch fallsch, fange mir di wider uf!

@me: bi glich no gspannt obi äch dr ES verwütsche und hoffe eifach uf das birebitzeli (fasch nüt) Chance woni ha. I ha am Mäntig bi mim GG Terror gmacht. I gloub mi ZS het EISPRUUUNG gschroue. Bi mr nid sicher, wüu de wärs meeeega früeh gsi! Mir hei ämu ghärzlet, ha mi GG chöne überzüge, dasses muess si (villech)
und i wirde luege, dassi mr ne hüt nomau packe. Wüu i wot nid drvo usgah, dass würklech ES düre isch. Cha irgendwenn no die oder nächst Wuche cho. Wär weiss, villech später.
Mi arm GG