Wir warten seit Frühling 2014 und länger - Teil 8 - komplett

[caramel_joghurt]

@harmony: TR Isch nid cho oder? Dr ZS tönt zwar scho nid so nach ss, aber sisch würdi sege isch no aues offe. Drücke dir auso no witerhin dümme.

@raffi89: hoffe auso dass nid muesch falle. Bi auso bi dir no ganz optimistisch

@roehrli85: Ui, de wer Dr ES jetzt aber würcklech früeh gsi. Hoffe du chasch Di GG Überzüge dass Dr chli regelmässig chöit herzle, we das mit dem ES scho geng so unklar isch.

@me: so, ig denke jetzt eifach positiv. Ja ha mis typische TR buchzieh, aber wüsst dir was? Hani schliesslech i aune ss ou gha. U nume wöus jetzt au die Zykle vorher schlechtes het bedütet muess es ja jetzt nid si. Zudem hani hüt no zum Zahnarzt müesse u mis Zahnfleisch het sehr blüetet, si ner so: sit er schwanger Frou x? Ner het si no e Witz gmacht betr Zwilinge..müesse ja nid gat Zwilinge si, aber wer weiss

[caramel_joghurt]

Gloub bi doch usem renne.
Ha zwar gmeint sig ersch Es + 9/10 aber ha sb...TR wird wou hüt/morn cho

[harmony]

@caramel
hmmmmm bhalte de dume trotzdem drückt - inistigsbluetig

@me
TR esch noni do - eigentli rechni scho hüt no mitere, wobi hüt morge Tempi nomol gstiege esch, chiemt si äuä de eher morn (Vorem entgültige TR Absacker hani fasch immer nomol e Astieg gha, drum ke falschi Hoffnige). Aber morn hani de süsch mol wöue e test wage... wobi ig ev grad no bis am sunntig warte. Weekend wär halt scho no cool, wenn de GG grad deheim esch. Nachem Uslöse müesst de ES allerspötistens am Samsti gsi si, auso wäri hüt min. ES+13. Meistens isch TR ou a ES+13 cho, 2-3 mol a ES+14 .... Sonntig wäri jo de scho ES+15....

[caramel_joghurt]

@harmony: drücke dir auso so fest dümme. Tönt doch aues gar nid so schlächt.
Hm,..aber ha mer ner überlegt ev isches ou e kontaktbluetig gsi nachem herzle. Isch nume einisch Rosa gsi u ner nume no chli bruns Bluet. Nachem Wucheend si mer de beid schlauer...hoffentlech im positive

[roehrli85]

@caramel: ja das mit mim GG isch schwirig. Het gester nid klappt isch ou vou demotiviert und müed gsi, auso heimers när wider zmitz drin ufgäh. Aber naja, chame nüt mache.
So fingi guet d Istellig! Wyter so!

@hormony: Düme si glich witer drückt für di

@me: gester isch scho wider ZS rächt guet gsi, dünkt mi iz ou dassi chli Mittuschmärz ha, aber wüus ja gester bim Härzle nid het funktioniert, wird wahrschinlech gad wider aui Chance wäg si. Vilech bringe mrs hüt nomau häre. Weiss haut ou immer no nid, ob ES no chunt oder isch oder gsi isch.

[Raffi89]

@harmony: Mini düme bliebet uf jedefall drückt!!!! Bin würkli ganz optimistisch bi dir will bisch ja scho mind. ES+13 und no kei 100% Mens azeiche.

@caramel: Dini Bluetig isch sicher vom GV cho. Also hoffnig nöd ufgeh Ich will das Weekend öbis zum fiere ha und zwar grad Zeimal eimal harmony und du

@roehrli: Machsch den chei ovu meh? Wenn hüt din ES hetsch wör au no hüt abig lange. Hoffe ganz fescht das es hüt abig klappet.

@me: Han wie Muskelkater im unterbuch. Weiss aber gar nüme öbi das schomal cha han bi all dene Sache woni amigs so gspüre i de 2 hälfti Bi all dene Sternschnuppe und störch mueses doch de monät klappet ha

[roehrli85]

@raffi: Muskelkater im Unterbuch tönt im Fau guet! würklech, das tönt scho chli schwanger! Drücke dr Düme. Wenn testisch? Wo steisch?
Nei i mache äbä gad ke Ovu, ha ou gad keni deheim. I ha iz eifach nid wöue, es isch di letschte Mönet ou nie denn gsi weni ha dänkt und weni testet ha, hets ha nie chöne e positive Täst gäh und i mah nid jede Monet 10-20 Tag lang Ovu-Tests mache. I ha iz Ovu-Test-Pouse dä Zyklus

[caramel_joghurt]

@raffi89: oh, aso deu sege ja es geig sech wie Muskelkater im buch agfüehlt. Isch sicher es super zeiche wenn gseh mer vo dir e Test?

@harmony: und, und?? Testisch hüt oder doch ersch morn?

@me: isch wahrschintlech gester glich e Kontaktbluetig gsi, bis jetzt isch sisch nüd meh cho. Wes so blibt machi morn e Test. Ha Mi gester no über GG ufgregt. ha gester Abe "zwungenermasse" chli Eve (das Froubier) trunke. Mache das zwar aube so kurz vor nmt nid gern.

[wolke7]

Oh fraue dä monet tönt soooo guet bi euch...ich erwarte ganz e hufe positivi nochrichte das wochenänd!!!! Caramel ich han bi de erste ss am obig en test gmacht will mer ihglade gsi send ond dä esch negativ gsi...met eme komische gfühl hani denn gliech es glas wii tronke...prompt esch am nöchste morge de test doch positiv gsi...ich ben au der meinig i de ss 0 toleranz was alkohol ahbelangt, aber mer weiss es halt au ned vorher...ond es eve esch amel secher besser als wend g'schnäpslet hetsch

Ich drocke euch dume!!!!

[harmony]

@caramel
nei ha beschlosse erst morn
betr. Alkohol, am aafang vode hibbelziit hani min. 1 woche vor NMT ke schluck me trunke. Ig trinke sowiso ned so vell und scho gar nie bis zumne ruusch, drum luegi do absolut nüm druf. Gester hani ou es panache und es halbs glas wii gha. Weni de würkli mol weiss asi SS bi, giltet klar ou 0 wie ou bim rauche

[gerbera]

Froue i drücke euch ganz fescht d düüme, dass dir euch bi üs chöit aschliesse, u verteile mau chli vire…

@caramel: i ha ES+9 mit mim Ma no filet vom heisse stei, also nid unbedingt ganz düre brate gässe, und derzue es glas prosecco u es guets Glas Wy gha, und ES+10 när positiv teschtet… ha när nur dänkt, super, ize hani dä abe no ohni schlächts gwüsse gnosse… und sider hani mängisch ou zum astosse e schluck wy gha…eifach wenns mi mega gluschtet het… und dr chli isch ja super gsung und het topwärte geng...

[caramel_joghurt]

@harmony: aber demfau gani dervo us dass bi dir no aues im grüene Bereich isch ?

bi mir isches eher umgekehrt. Am afang vor hibbelzyt hani denkt es giltet ja sowieso zersch aues oder nichts Prinzip u zersch muess dr Embrio ja ou mit em Kreislouf verbunde si. Inzwüsche isches aber ebe so, dass wes de endlech mau söt klappe ig das risko nid wet iga dass no öbis passiert wöui Alk ha gha. Aber wege dem Eve machi mir jetzt nid unbedingt Gedanke. Dass müesst sicher scho herters si oder viu meh. Trotzdem weisses mi GG eigentlech u dassi a dem Fest gester ke Alk ha gno isch sicher nid ufgfalle. Aber we er mir es Eve here stellt u aui ringsume wei Prost mache, hanis ja ner quasi müesse neh.

[harmony]

@gerbera
hihi do chunt mer grad d'sinn, ha gester ou heisse stei gha und s'rind teilwiis fasch bleue gha. Hüt simer amne hochziit, de wirdi emu secher ou es glas prosecco näh... fahre jo sowiso, de wirds ou us däm grund nid meh. Abgseh devo bini immerno überzoge TR chont

Jöö he, iz siter jo scho im endspurt - mega schnäu gange! Bi aber scho chli truurig heimer nid aui chönne im SS thread wiiterfahre

[caramel_joghurt]

so, harmony unddddd? Bi vori no chli i anderi Threads ga ineluege u da heisi überau hüt morge positiv Testet...de muess das doch bi üs ou so si.

EDIT: mini TR isch da

[harmony]

@caramel
jo has ou gseh. leider nein. NMT wär def. gester gsi... TR hani no keini, Test negativ

[caramel_joghurt]

ou mann...aber da ke TR hesch, chöi mer ja glich no chli hoffe.

[Raffi89]

@caramel: so en mischt.... drück di ganz fescht.

@harmony: solang tr nonig da isch chömer ja nochli hoffe. A welem ES+ bisch den hüt?

@me: bin scho ES+9 und tempi isch immer no schön dobe. Frühner isch si bi ES+9 scho gsunke. Bin no ganz positiv igstellt und hoffe ines paar täg ufen positive tescht

[harmony]

@caramel
ha din edit betr. TR erst iz gseh! so en schei**. hesch si dasmol chli fester? ES demfall glich chli früehner gsi?

@raffi
mini düme si drückt.. aso eine, dese bruchi no für mi. Bi ES+ 15/16 ...die letzte 24 Üz hani se immer bi +12-14 becho

[roehrli85]

@caramel: tuet mr Leid, isch TR cho

@harmony: i hoffe trotzdäm no für di

@raffi: das isch doch sch mau guet, di Tempi söu iz dobe blibe.

@me: kei Ahnig woni bi und eigentlech spiuts ou ke Roue, im Momänt hani eh ke Chance. Mi GG versteit unger locker näh öpis ganz anders aus ig und drum wirdi uf gar ke Fau SS.

[caramel_joghurt]

@harmony: aues bim aute bi dir? ev. zeige bi dir tests ja eifach spät a. was hesch für eine gha? en 10 oder 25er?

@raffi89: uiii, tönt ja super bi dir. Hoffe auso ganz fest uf es Mai Chind bi dir.

@roehrli: oje, hoffe di GG versteit ou gli dass haut herzle scho nötig isch we mer es chind wot züge.

@me: ach, öbe zgliche gstürm wie letscht monet. aso bi gar nid so sicher ob jetzt TR da isch oder nid söt ja so bi ES + 11 si. Ha gester scho chli "bruns Gschmier" gha am morge ner dr ganz Tag nüme. u jetzt hüt dr ganz Tag geng wieder chli, aber ebe es isch bis jetzt nume bruns Bluet. Blibts bis morn alts bluet machi de mau e Test.