Wir warten seit Frühling 2014 und länger - Teil 8 - komplett

[roehrli85]

@harmony: i hät gärn irgendwenn mau so ne Kurve ka, isch bi mir nur es ewigs uf und ab gsi. O wes 0.2 gsunke isch, aber iz isch Tempi ja scho zimlech regelmässig höch, fingsch nid? Auso we dä Test abglofe isch, bruch ne trotzdäm, heisst nid, dasser nid funktioniert, es isch nur nid so sicher. Auso i finge, we morn TR nid scho da wär, sötsch dä Test bruche (isch ja eh abglofe) und wener SS azeigt, ja supi!!!! Und wenn nid, de när glich zum FA. Eigentlech isch di zwöiti Zyklushälfti immer glich läng, dass si iz plötzlech söfu länger wär, isch scho chli komisch. Bi mir isch zwar dr Zyklus uberächebar läng, aber i bi mr zieeemlech sicher, dass di zwöiti Zyklushälfti immer 13 oder 14 Tag isch gsi. Dass es Froue git, wo immer e längi 2. Hälft hei vo 18 Tag, mah si, aber dass me das mau nur usnahmswis het, chani mr fasch nid vorstelle. Wenn de hets vilech scho mitem Uslöse vom ES z tüe, aber süsch, gloubi das nid. Tönt irgendwie scho viu eher nach SS!
Edit: auso dass dert am 23.08. hesch e Abstächer ka, isch ja ou klar, vo däm här isch ja d Linie schön dobe blibe und di letschte Tage isch d Kurve extrem ruhig. Du bruchsch eifach mau e aständige Test. Usserdäm, mir het e Fründin gseit ka, bi ihre hei grundsätzlech d Tests nie azeigt, si het würklech zum FA müesse, wüu si eifach dänkt het, si chön SS si, wüu d TR usblibe isch. Dr FA hets aber bestätigt, obwohl dr Test deheim nid azeigt ka het.

[caramel_joghurt]

Nume churz:

@harmony: ig bi jedefaus sehr gspannt was morn de Test seit.

@me: hm, aso wen jetzt bis am fritig geng no nume Altbluet chunt lüti wou ou mau am FA. hellrot isches bis jetzt ja nume 2 mau gaaaanz weni gsi einisch am Tampon u einisch nach em mumu taste. Mannnn, jetzt hetti wenigstens am Geburi nmt gha aber inzwüsche wird dass ou nüd meh. Ussert das söu TR si, aber äue weniger

[Tiare29]

@harmony
Ahhhhhhhhhhh sooo spannend.. kurve gseht miner meinig noh suuper us ♡♡♡♡♡♡♡

[harmony]

@caramel
und?

@me
TR niene, Tempi nomol ufe, Onestep 10er Test negativ, abgloffnig CB digital negativ. Mannnn isch das müehsam. Warte itz morn no ab.

[caramel_joghurt]

@harmony: Tempi no meh ufe hm...aber TR chunt demfau sicher nid. Aber sch***** Sie beidi negativ, wobi Dr cb ja ou isch abglofe gsi. U de glich mau am FA alüte ev. würde si ja e bluettest mache? Aso entweder bisch schwanger oder Di Zyklus isch ime hormonchaos.

Bi mir nüd nöis. TR nid da u momentan ou ke Altbluet. Eifach immer wieder mensbuchzieh. Testet hani ja nüme, aber so lang SB wer gloub ou komisch.

[harmony]

@caramel
jo nach mire ES Protokollierig wär ig ES+19 - nach de sprütze wär er auer spötistens am samsti gsi, de wäres ES+18. Medizinisch gseh MÜESE täg spötistens bi ES+19 cho. Drum dueni mi itz hüt und morn no Gedulde, bzw. morn nomi äuä mou alüte. De Onestep het nid de huuch vonere Linie, blütenweiss.
S'einzige wo angers isch dä Zyklus gegenüber süsch isch die Pregnyl Sprütze und vo dere hani niene gläse dass si de Zyklus cha verlängere -> nome denn wenn ir 2. ZH nochegsprützt wird fürd iinistig z'fördere - und das hani jo nid gha

[Raffi89]

@harmony: ich hoffe so mit dir das es klappt het und du morn dörfsch positiv teschte. Ich bin devo überzügt das du ss bisch [emoji7] [emoji7] wenn tempi hüt nomal ufe isch. Ich bin uf all fäll parat füren freudetanz-schrei[emoji2] [emoji3] .

@caramel: ich hoffe au ganz fescht mit dir. Es git ha so viel fraue wo i de früh-ss lichi bluetige hend oder es iscj inischtigsbluetig du bisch der ha nöd 100% sicher gsie wenn de ES gsi isch.

@me: bin hüt wieder i mim 1.ZT gstartet. Somit hani mini zwei düme ganz frei fürd harmony und caramel. Mini hoffnig lit ganz bi eu.

Gesendet von meinem SM-G925F mit Tapatalk

[Tiare29]

@harmony
hibbelhibbelhibbelhibbel... ach ich bin ganz nervös :hide: i hoffes echt soooooo sehr für dich.. du häsches so vodient wenn eues wunder de wäg endlich zu eu gfund hät.. und denn no es maibaby

[harmony]

@tiare
merci :-* jo es wär zu schön um wohr z'sii, im erste usglöste Zyklus und de no mis gewünschte Maibaby...
Immer die negative SST zha sind süsch scho müehsam gsi und i mine vergangene 24 Üz hani doch de eint oder ander gmacht. Aber dasmol chönti ame würkli hüüle. Wöu jetz hocki voredra und luege druf, mitere erwartigshaltig das etz do e 2. strich chont... süsch ame hani eine gmacht und denkt "jo do chont jo sowiso ke 2. strich"

[caramel_joghurt]

@harmony: auso hoffe ganz fest dass hüt u morn ke TR chunt. We würcklech Dr ES hesch gha, was ja eigentlech scho müesst si de gits 19 täg nach ES ja würcklech nume no dSS! Du hesch doch ou TR buchzieh gha, hesch das no?

@raffi89: ou man, Blödi TR. Aber wenigstens isch si pünktlich cho so dass scho i nöi Zyklus hesch chöne starte. Ja innistigsbluetig scho, aber 5 täg? Bi mim Sohn hani ja ou nume Alts Bluet gha, aber das isch gloub nume so 2 täg gsi, weisses nüme

Dr ovu Mo/Di isch denn eifach Dr Teststrich so e haarbreiti ganz stark gsi u Dr Rest haut scho chli weniger stark aus DKontrollinie. Has ner glich aus positiv agluegt, aber ob de würcklech Dr ES isch gsi weisi nid.
vori wieder Tampon ine da gha, chunt eifach Altbluet nüd früsches. ha vori no glese pilzinfektion chönt ou das si, aber würds komisch Schmöcke u das duets nid.

[harmony]

@caramel
normal hani öpe 5-7 täg vor TR mega rüggeweh, so 1-2 tag lang. Und när mega vöu ZS, mues immer e Slipilag dinn ha - und 2-3 Täg vorher fohts aa mit liechte Buchkrämpf.
Vorgester hani mega Rüggeweh gha, gester dure tag magechrämpf, amobe megamässig Chopfweh, ig schlofe schlächt, am morge esch mer schlächt, am obe spot no schlächter, ZS isch nüt, bzw. brüchti ke iilag... bim "ineufelänge" ischer wiis und dick. Gester het mi de Mumu und alles vell herter dünkt, hüt eher schwammig... ergendwie gohni mom. chli de vo us das morn TR chont... wirde itz äuä ou nüm teste und eifach warte... morn nomi mol alüte und froge obi cha e bluettest cho mache...

[roehrli85]

@caramel: isch e schöne Seich. Chas gad nid angers sägä.

@harmony: Tempi gstige. Ok... entweder nimmt si e Alouf zum abe keie, oder du bisch SS oder irgendwas süsch isch eifach dürenand. Auso i würd wahrschinlech a dire Stell wahrschinlech grad mehreri verschidni Tests ga choufe und när aui einisch düre teste Lue mau, was morn passiert mit Tempi und ob immer no ke TR chunt und süsch empfihli dr würklech bim FA azlüte, vilech chasch ja morn spontan verbi oder am Friti wenigschtens no. De hesch när hoffentlech e Erklärig drfür.

@raffi: ohhh neeei, tuet mr Leid. Aber jede Zyklus isch e nöji Chance und dasmau klappts

[caramel_joghurt]

@harmony: hoffe isch bi dir no aues im grüene, oder du hesch ss beschwärde

@me: nüd nöis bi mir, mensbuchzieh und SB beides weg

[harmony]

@caramel
so, die frage des tages wie immer, uuuund wie gsehts us?

[caramel_joghurt]

sit gester morge ke SB meh. Hüt morge wiede chli buchzieh, aber eher wie Mittelschmerz .....bi aso ziemli Planlos. Eigentlech hani hüt nomau wöue teste aber has vergesse gha. Aso machi morn nomau e Test u sisch Fragi wou glich mau bim FA nache, de Termin hetti ja ersch endi Sept ev cha mer ne vorverschiebe wet ja scho gern wüsse was da los isch.

Soo. Und jetzt die wichtig frag retour, wie gsehts bi dir us?

[roehrli85]

@harmony: i hät gärn meh Infos

@caramel: auso so ne Art Mittuschmärz cha ou es SS Azeiche si (ohni d Hoffnige wider z fest ufe z schrube). I würd unbedingt mau teste morn und süsch we negativ am FA alüte. Ah ja, oder es isch e TR gsi und eifch ohni starke bluetige und drum Mensschmärze wäg. Oder es isch öpis da gsi, het sech nid rächt wöue inischte....

[caramel_joghurt]

@roehrli: hehe, ja ..gseh ou die möglechkeite. (Ussert Zyste aber irgendwie hani denn aube anhaltendere schmärze gha). Hüt morge isch zwar no Theorie derzue cho vo jetzt ersch ES, aber da bi ig z'troche.

@mumu: wie isch de churz vor/nach mens? Ha hüt mau gluegt u finde er isch mittig/eher höch und hert wie e Nase. Aber weiss nid wie er söt si bi mens

@harmony: ?? Wo blibsch? Fa aglüte ?

[harmony]

@caramel & roehrli

Sorry fraue, ig ha erst knapp 2h spöter e rückruef becho und ha de när zemli glii drufabe chönne go. Ergäbnis: ig bi glich wiit wie vorher! Oder so... usser dasi jetz dermasse hässig bi und grad sofort d'FA wirde wächsle. Dummi chueh!
Ig bi cho, Urintest gmach, wo jo wie erwartet negativ esch gsi. Bluet gä - när hets gheisse ig müesi warte bis d'FA usechont, de cha si no schnäu mit mir luege. Ok, gwartet, gwartet, gwartet... nach 45min chont si, luegt mi komisch aa und seit "wartet dir uf mi?" ehm jo... "ah nei dir müesst nid uf mi warte - mer gä üch de bscheid wies ergäbnis esch - und fauses negativ esch, de isch jo när aues klar"! Ehm, NEI! nüt isch klar, das beantwortet immernoni mini Grundsatzfrog werom ig bi ES+20 bi und mini TR niene esch ond ou nid de aaschin macht gli zcho... "joooo das isch de haut psychisch, gits mängisch" und isch wiiter de gang uf gloffe - und ig stoh deht und bi eifach nume no uf 180 gsi! 24 Zykle esch mini TR NED EINISCH!!!! e tag zspot cho ou weni mer no so stress oder was ou immer ha gmacht. Bi när grad is fitness go mini wuet useloh, drum schribi erst etz.
Woni de nachem Training weder id Garderobe bi, hei si mer grad aglüte "auso mer hei jetz d'resultat, esch aues in ordnig, dir sit nid schwanger!" HALLO GEITS EIGENTLI NO, NÜT ISCH IN ORDNIG! Zäggg bini weder uf 180 gsi und hät gad nomol chöne trainiere.

[caramel_joghurt]

Oh nei, mau e festi umarmig
ja geits dere no. Zersch la warte für nüd, obwou gschnäu en US sicher ou nid hät gschadet wes jetzt e Zyste o.ä. wer het si das ja gat Gseh. U aues i Ording... Ja hallo?! Würd auso ou wächsle, die het ja es Taktgefühl vome Elefant.
... u schad isch kes hcg ume! Aber de het das mit em ES ja äue nid ganz klappet. Hoffe findsch schnäu en andere FA wo mau luegt was los isch u das es ner vorwärts geit.

[roehrli85]

@harmony: auso trotz mine mega genial tolle Zykle *ironie*, würd mi FA mi nie bi ES +20 wägschicke. Är würd churz mit mir e besprächig mache und sehr wahrschinlech e vaginale US zum luege ober öpis gseht, wi dr ZS entwicklet isch, ob ihm öpis komischs uffallt etc. So öpis darf nid si. Vor auem no, dass d Sprächstundehilf seit, du söusch uf d FA warte und FA seit när, das sig nid nötig.
Grmmm, macht mi ou gad verruckt!
Drücke di ganz fest! Das hesch du nid verdient. E chli meh Verständnis, Taktgfühl und vor auem Untersuechig zum usefinge, ob doch irgendwas nid stimmt, wär scho no toll gsi.