Wir warten seit Frühling 2014 und länger - Teil 8 - komplett

[harmony]

@caramel
jo das isch ou weder so öpis wo mi närvt. ig ha denn no gfrogt gha ob nach de sprütze de nomol per US kontrolliert wird obs gsprunge esch. Nei, weil bide sprütze zu 99% de ES stattfindet - AHA seit me, die Studie wotti mol gseh, abgseh devo blibt immerno 1 vo 100 wos nid so esch... und bi däm Glück wo ig ha...

@roehrli
jo die hei mi s'letzte mou gseh deht!

Ig lüüte morn mol mim eigentliche FA aa, bi däm bini sit 1.5 johr nüm gsi. Denn woni no binem ir Johreskontrolle bi gsi, simer afe 3 Mönet am üebe gsi und är het de so biläufig gseit, 2 Johr üebe sig normal, vorher düeg är eigentli nid gross Abklärige mache - drum bini jo de grad id Klinik nachdem mer 1 Johr güebt hei. Jedefaus lüüti morn mou eifach aa und luege ob mi dä ernst nimmt - faus nid chani zu eim go wo kollegin kennt, dä isch super, aber haut für mi chli blöd vom wäg her... do wär ebe min "alt" perfekt.

[roehrli85]

@harmony: weni ehrlech darf si. I finge e FA ou nid optimal, wo fingt, vor 2 Jahr macht är nüt. Nacheme Jahr isches normau, weme mau di ganze Abklärige macht und de äbä ou gad mau nache hilft. Weme ja ersch nach zwöi Jahr würd afa z Problem sueche, isch me vilech i 3 Jahr fangs bim Problem acho.
Mine het ou gseit, es Jahr müessi eifach mau versueche 9-12 Zykle zmingscht, aber är het ja när reagiert und gseit, ok, uf das hi, dassi ja ou so übergwichtig sig, chöimer mau d Schilddrüesehormon teste und wemer ja gad drbi sige, mache mr di ganze Hormontests i einisch. Brucht ja nur einisch Bluet I ha das när sympatisch gfunde und jedesmau het är mir wider gseit, wie und wenn i welem Sinn mr de chönte wyter mache.

[harmony]

@roehrli
jo klar, aber ig ha jo de när wo s erste üebigsjohr ume gsi esch, ou nid nochegfrogt was är meint, bi eifach so id klinik. Ig gibe iz däm nomou e chance und süsch bini de ou zackig weder wäg

[caramel_joghurt]

Oooooh mein Gott

Aso has hüt morge wieder vergässe oder besser ha am 5i uf zWc müesse u nid dar denkt
Jetzt vori nachem z'morge eine gmacht u da isch e Linie
Aso ganz ruhig blibe.....öber erfahrig mit Babytest? Cha de ou fautsch negativ si? DLinie isch sofort erschine. Ha druf gluegt wies düre louft ner plötzlech...hä e schatte..aber nach 1 min isch so ganz dütlech da gsi

[wolke7]

Caramel zeige!!!! Han lang met babytest testet!

[caramel_joghurt]

Da

[caramel_joghurt]

Hmm, isch jetzt ou gar chli. Aber grösser lads, und lads und lads und ner chunt nüd. Probieres de ner nomau

[wolke7]

Also so händs bi mer nor usgseh wos positiv gsi send öpe bi es+ 12/13...jetzt esch nome d'frog öbs stärcher oder schwächer werdet...aber din nmt wär lut dim vermuetete es nonig gsi oder?! Uhhh bin gspannt!!!

[caramel_joghurt]

Doch, söt öbe ES + 15/16 si. Mache später en Evial, het het no nie fautsch azeigt. So billigtest hei mir ja ou mau BIR ZYSTE positiv zeigt, aber nume schwach

[caramel_joghurt]

Probieres nomau....ah, ha gat ke nerve

[wolke7]

Ich chan der s'beld vo minere testreihe ned ufelade- wennd mer per pn dini natel nr schecksch chan ders so gschnäll dore schecke! Also wennd möchtsch natürli!

[caramel_joghurt]

@wolke7: Danke, aber wenschon ändere chöntis ja glich nid. Ha jetzt aber no gat Dr Evial gmacht u obwohl Dr Urin wie Wasser isch gsi, gseht mer auso e fini Linie ....

[harmony]

wuhuuuuuuuu so cool. Aso für mi gseht dä zemli positiv us!
Drücke ganz fest d'düüme as das guet chont!
bi de scho grad chli niidisch, wott doch ou es maibaby ha.

@me
ES+21, TR immerno niene, aber vöu meh ZS. Cha hüt nomi no bi mim eigentliche FA verbii - wott när no mitem luege was är für möglichkeite gseht und mues ne umbedingt froge ob ou är IUI macht und ob er mi überhaupt ernst nimmt. Ansonste muesi de haut wächsle. Ahhh die vo gester macht mi immerno schissig.

[caramel_joghurt]

Oh, harmony ....ig hetti dir das ou so möge gönne verzeusch de was Dr Fa het gmeint
U ehrlechgseit bini momentan ou sehr unsicher Wege dene SB woni ha gha. Ha vori probiert am FA azlüte aber de het natürlech Ferie. Ha jetzt denkt ev zBryo füre neh?

[Valeria01]

*reinschleich*

@caramel
ich han gfunde au wenns villicht au nid so passt dassi no da mitlise aber ich freu mi für jede wo Schwanger wird und möchte der ganz herzlich gratuliere und hoffe ganz fest das alles guet chumt!

de andere wiiterhin alles gueti und viel Glück.

*rausschleich*

[caramel_joghurt]

@valeria: Danke vielmals. Aber gseh gat das bi dir leider es sternli het geh? duet mer auso ganz fest leid. Weiss gat nid wasi söu schribe.. Eifach e umarmig u dass du gli wieder darfsch schwanger si

[Valeria01]

@caramel
Bitte sehr gerngscheh. Ja leider scho... hend am Mo de Bscheid becho, dasses es Sternli geh het und wartet ez uf d'Bluetig wo mit Cytotec uusglöst wird. Ja das hoffed mer au.
Lah di nid verunsichere vo Gschichtene wie minere und gnüss dini SS! Alles gueti

[harmony]

@caramel
jo s'bryo isch sicher nid schlächt, würdi ou mol afo näh. Ig ha mis gester grad versorget - ha denkt ig nimes itz nüm, nid das TR erst recht no spöter chont.
Mini Tempi esch ou hüt immerno dobe...

@Valeria
Es duet mer leid wäg dire FG, hoffe fest für di as das glii chasch abschliesse und ine neue Versuech starte.
Lese chasch immer ha ou gseh das e neui Hibbelgruppe gfonde hesch.

[Valeria01]

@harmony Danke mer werdets versueche. Dir wiiterhin viel Glück.

[roehrli85]

@caramel: was bitteschön söu a däm Test nid positiv si!!! I häts mit dene ganze Schmierbluetigi fasch nid agnoh, aber dr sogenannt "Mittuschmärz" het ja glich chli druf hidütet. (SS-Azeiche??). Auso i bi sehr zueversichtlich, dass es das bedütet, wos schint z bedüte Aber i verstah ou dini Unsicherheit! Häb eifach nur positivi Gedanke, damit sech z Würmli wo sehr wahrschinlech da isch, bi dir ou wohl und geborge füehlt und wot blibe! I hoffe du chasch gli zu dim FA gah, aber hesch vilech e Alternative, wo spontan verbi ga chöntsch?

@Valeria: ha dr doch ou no wöue sägä, dassi das vo dir ganz gross finde, nach däm was isch gsi. I hät dr würklech ganz fest gwünscht, dasses dasmau guet chunt und i meines därum ou ärnscht weni sägä, dasses mr ganz fest Leid tuet für di! Du wirsches ou no schaffe, ou we iz leider wider e Niederlag hesch müesse istecke. Drücke di us dr Färni, und lah di nid la entmuetige. Mir hei aui üses Päckli z trage und wärde irgendwenn aber ou miteme positive Gschänkli belohnt! Das bini mr ganz sicher. Es brucht aues viu närve und es fliesse bi üs aune ou träne und irgendwenn wärde mr aber es Wunder i de Arme halte und das ganz fest chöne gniesse.