Wir warten seit Frühling 2014 und länger - Teil 8 - komplett

[Raffi89]

@caramel: mini tr isch di nacht itrudlet mit so schmerze wini no nie cha han. Und mini tempi isch immer no dobe nimme a das isch wege de erkältig. Bin grad achöi trurig das es scho wieder nöd klappet het. Es tuet mer leid das dini bluetig eifach cheis endi het. Hesch mal de fa gfröget öb das normal isch?

@roehrli: hets gester mit dim gg klappet?

Gesendet von meinem SM-G925F mit Tapatalk

[caramel_joghurt]

Oh nei, hoffe wenigstens dschmnerze lö gli nach. Cha doch eifach nid si.

Ja wirde am mänti mau Nachfrage. Wes jetzt wie agno tr isch gsi wär ja aues no im grüene Bereich gsi. Aber jetzt scho wieder so starki bluetig findi ou langsam chli komisch.

[harmony]

@raffi
och nei :'( das duet mer so leid!

@caramel
das cha doch eifach nid wohr si

@me
tempi esch 0,05 ufe, grad uf CL und ig füehle mi sehr nach TR... rechne auso ou nöchstens demit

[harmony]

so, bi mer isch ES+11 ou TR scho acho... witer geits, Üz 27 und miteme Julibaby....
mag mi scho chli dases zum 3. johr ou wider nüm glängt het zu mim wunschtraum vomene mai/juni baby i üsem 1.Üz hätts es mai14 baby gä...iz isch ou juni16 scho dure

[Raffi89]

@harmony: oh nei.... drück di ganz fescht. Es isch eifach en riese mischt... es isch eifach nur mega trurig das scho wiede en monät verbie isch ohni positivi news. Frög mi amigs wieso wieso mir genau das los zoge händ. Wil medizimisch gseh statt eusem wunder ja nüt im weg. hoffentli muesch nöd fescht liede mit de tr schmerze.

Gesendet von meinem SM-G925F mit Tapatalk

[caramel_joghurt]

@harmony: duet mer leid. Isch echt gemein. Ha gat letschti wuche vor eire erfahre wo roucht wie blöd u Bier trinkt. Aber chum isch eis chind da gsi isch jetzt znächste unterwägs. U wer jetzt denkt dass si ide SS weniger roucht de irrt..da frage ig mi de aube scho wo da dgrächtigkeit isch!

EV. Isch dbluetig wieder meh wöu mehr gester hei ghärzlet. Vilecht doch nid so e gueti Idee gsi...

[harmony]

@caramel
jo über so sache regi mi afe zemli uf...drum chani ou kei "teeniemütter" und so züg me luege. Hmmm hoffe das bi dir isch iz haut nomou rechtigi TR und när isch ferti... de si du, raffi und ig glich wiit <3

@me
schmerze hani praktisch nüt - das wär endo technisch jo mou guet...
mache jetz ou nomou e zyklus mitem persona... Aber langsam schissts mi echt öpe aa... GG und ig hei jetz beschlosse das mer haut afang johr nomol chli luxusferie mache...
mit SS ade wiehnachte wird etz ou immer knapper. Hihi deför wär dä Üz dr ET gemäss app grad a GGs geburi

[caramel_joghurt]

@harmony: ja machet das, wer ja ou schwanger möglech. Super hesch fasch ke schmerze, wenigstens das isch mau öbis Positivs

Hehe, ja hani ou scho denkt ob sech Mi Zyklus dir u raffi het wöue apasse. Hoffe scho isch jetzt de fertig. Irgendwie chani so mit Dr FG nid richtig abschliesse, es drückt afang uf zGmüet da solang ig Bluetig ha ou automatisch mau sterchers mau schwechers Buchweh derzue ghört...was Mi irgendwie afang ou reizbar macht. Zudem merkis ou mim Körper a, wird mer viu weni id knöi ga u wieder ufe schwarz vor Auge u bi eifach schlapp/müed. aber ja...passt ja irgendwie zum Reste dass jetzt ou das nid ganz planmässig louft

[roehrli85]

@caramel: ohje du armi! Drücke di mau ganz fest. Hesch vilech hüt scho chöne öpis abkläre?

@harmony: tuet mr ou für di Leid, wenigstens si iz d Schmärze nüm so stark, das isch doch scho mau guet. Auf ein Neues zu dim Juli-Baby!

@raffi: ha iz gad chli müesse guet läse, dassis gseh ha. Oh nei, iz isch bi dir ou TR cho. Drücke di ganz fest, tuet mr Leid hesch so Schmärze. Hoffe wird schnäu besser!

@me: i ha am Donsti tatsächlech mi ES no chöne nütze. GG het sech ganz viu Müeh gäh
I ha dä Mittuschmärz aber ou no nie so stark gspührt und Ovu isch scho lang nüm so klar positiv gsi. I hoffe iz mau, dass das es guets Zeiche isch. Aber i rächne mr trotzdäm ja grundsätzlech keni gueti Chance us. Houptsach i weiss, dassi ohni TR cha hürate. Wär ja ou Mischt süsch!

[caramel_joghurt]

@roehrli: ja wer weiss we Dr ovu wieder mau so richtig positiv isch gsi..dmüglechkeit wer ja glich da u da mir andere ja no nid nach ES si, drückii dir beidi dümme! Vorauem wünschi aber dir morn e wunderschöne Tag mit dine liebste lüüt. Es wird sicher aues guet loufe, auso la di hüt nüme la stresse. Hesch die nöi Unterschrift scho güebt oder bhaltisch din Name?

Raffi\harmony: tr verbi?
Bi mir isches wou jetzt würcklech ou Tr, aber so langsam dörftsi ou wieder ga

[harmony]

@caramel
hüt ZT6, TR esch döre - morn inere Woche muesi zum FA go kontrolliere was mini Follis mache.

@roehrli
hoffe bisch nid all zu nervös! wünsche der uf jedefall es unvergässlichs hochziit - und uf morn no einigermasse guete schlof

[Raffi89]

@roerhli: Ich wünsch der morn ganz en unvergessliche schöne Tag und gnüsset eue tag i volle züg. Ich drück der ganz fescht düme das du sbeschte Hochzietsgschenkli überchunsch

@caramel: Oh nei du hesch immer no bluetige. Die söll sich jetzt mal ein für alle mal verabschiede.

@harmony: Hesch du mit dim FA scho mal über IUI gredet? Oder chunnt das für eu nonig i frag?

@me: Mini TR het sich au scho wieder verabschiedet. Ich bin wied Harmony am ZT 6.

[harmony]

@raffi
ig ha nach dem theater ir klinik zu mim FA zrug gwechslet und ha itz deht 1 Zyklus gha woner eifach per US kontrolliert het was mini Follis mache. Ha mit ihm noni über IUI gredt, wär aber scho öpe mol es thema - weiss halt ned wies isch mit de Guetsproch vode KK, weil die erst grad letzt Monet d'Guetsproch gmacht hend für 12 Stimu Zykle...

[wolke7]

@roehrli: ich wönsche der morn en wonderschöne ond onvergässliche hochzietstag- mag alles eso si wie dus der emmer erträumt hesch! Du wersch bestimmt wonderschön i dim chleid usgseh ond wer weiss...velecht hets jo doch glängt dä monet zum scho bald dörfe positiv teste!!!

@raffi & harmony: wönsche euch vell glöck för dä neui zyklus!!!

@caramel: hoffe sehr das es ändli dini normali tr esch ond du jetzt au in neue zyklus chasch starte!!!!

[roehrli85]

Danke danke Froue
I bi zwüschdüre närvös und zwüschdüre isch aues ganz entspannt. Iz isch gad mis Mami spontan bi mir gsi und het d Ringe mitgnoh, i weiss die i guete Händ, aber es macht mi chli närvös, die nüm im Blick z ha Iz heimer aues erledigt wo hüt no het chöne erledigt wärde. Das chunt sicher guet. Bi ja gspannt wi viu i schlafe und wis morn Morge mir de geit. Und caramel, ja i ha mini nöji Unterschrift hingerzi und fürezi güebt, bi iz vou parat, dassi de ja nid falsch ungerschribe.


@caramel: hoffe du hesch ganz gli keni Bluetige meh

[caramel_joghurt]

@roehrli85: ...guet schlaf

Danke öich, dbluetig isch scho nüme stark hoffe auso bis am wucheend isch mau endgültig fertig.
Oh, ha hüt nami dörfe es neugebornigs hämpfele u ner hets no gat e strampler ane gha wo mir ou hei....ach, ig wet ou ...aber ja mir aui hei hoffentlich gli üse glückszyklus oder er het scho agfange

[Tiare29]

Huhuuu zämmä

Zerst mol ROERLI i wünsch dir morn en unvergessliche tag!!!!!

Zweitens.. fraue ich han hüt gad mit "schrecke" festgstellt, dass ich scho bi ZT 32 bin aso ES +15.. i ha ide letschte 4 mönet immer en zyklus vo 24-28 täg gha.. irgendwie getrau ich mich fast nid zteste..

[Awe]

Hoi zäme

lese emmer no chli met

@roehrli85: wönsche euch es wonderschöns hochzit hött ond das alles so lauft wie du der das erträumt hesch

@Tiare29: das tönt aber spannend trau dich

@caramel: gopf, hoffe dini bluetig hört ändlich das wochenänd, dass du gli weder chasch starte.

@Raffi ond Harmony: schad händ ehr weder ine neue zyklus müesse starte, esch eifach ned fair. drücke eu fescht düüme för de nächscht.

[Raffi89]

Hoi Ladys

@roehrli: Ich gradulier der vo ganzem Herze zu euere Hochziet. Hoffentli het alles so klappet wie ihr planet hend sodas ihr eue tag i volle züg händ chöne gnüsse.

@tiare: uuunnnndddd hesch teschtet???? *bin ganz gspanne

@awe: Danke vielmal mir chömet ganz sicher au no dra . Wie gahts dir und dim schätzeli?

@caramel: Wie gahts der? Ich hoffe ganz fescht das bluetige inzwüsche ufghört hend.

@harmony: Bi eus gahts ja scho wieder gege ES zu. Wenn hesch de FA Termin?

[harmony]

@awe
hihi du chasch di jo de im Dezember ou grad weder üs aschliesse

@tiare
säääääg

@raffi
jo ig ha am Friitig Termin, de wär ZT14 - erwarte normal de ES ca next Sonnti-Dsistig. Mol luege weni nid wieder Vierling sprungriif ha, de wird är jo chöne uslöse - ob de das damol funktioniert isch e angers thema