Wir warten seit Frühling 2014 und länger - Teil 8 - komplett

[roehrli85]

@tiare: los teste und säge. Mir möge dir das voll gönne, falls es postiv wär isch doch guet, mach dr kes Gwüsse!!! Unverhofft kommt oft und süsch aube haut nid so schnäu.

@caramel: si iz Bluetige mau furt? Wie geits dir?

@me: riese Wechselbad der Gefühle. Ha sit Tage uuuuh viu Emotione woni gar nüm cha zueordne. Aber ja es isch eifach nur wunderschön gsi und di Tage woni iz frei ha nutzi iz no für Namensänderige und Bsüech bi Schwigereltere, Mami, Schwigergrosi etc. Z wichtigschte isch aues iz erledigt, d Gschänk heimer aui scho düre gluegt und mit vile Träne und schluchze beguetachtet und Chärtli gläse. Mir si beidi völlig nüm fähig e Tag ohni Träne z überstah, aber das si ja positivi Träne und das wird sech ou wider normalisiere. Bis Mittwuch hani iz no frei, viu Erholig wirdi nid ha, aber mir hei iz Sunntig Abe und hüt Morge sehr gnosse imene Romantikhotel. Zimmer mit Whirlpool und Saune und eifach nur es Top Znachtässe und super perfekte Service.
Mir si iz beidi uuuuh gspannt uf d Föteli, aber das duurent no chli, ha fangs es paar vo angere Lüt vo Handy-Fotos becho, aber isch natürlech nid z gliche, wie di schöne Fotos vor Fotografin.

[caramel_joghurt]

Nüme ganz churz

@roehrli: tönt aues nach eme supertag

IG ha leider geng no bluetige....geit mer ou dementsprechend nid gat guet. Körperlich u ou psychisch! Sobald ig weiss werum wird mi de nomau churz melde u ner wou e uszyt neh.

Harmony und raffi89 hoffe dir chöit de Dr ES nütze uu es git endi Monet positivs zlese.

[Tiare29]

@roehrli
Schööööön hämdrs könne gnüsse

@harmony und raffi
Mini düme sind wie immer druckt..

@caramel
Kopf hoch und lueg dir guet... *drückdich*

@me
Ha nonig testet aber no kei tr in sicht.. mir würdet üs wahnsinnig freue kei frog.. aber i ha uhh angst, etzt woni mir scho kli hoffnig han, wieder en blüete wisse test ide hand zha
I wart etzt no bis am dunnstig ab.. evtl. vozögeret sichs jo wegem wetterumschwung

[roehrli85]

@Tiare: immer no nid testet?

@caramel: frage iz eifach no einisch. Wi geits dr hüt und wi hesches mit de Bluetige?

[caramel_joghurt]

Isch zwar chli weniger worde aber geng no frisches Bluet. Aber vilecht chunts langsam guet. Git Phasen düre Tag wo nüd isch u ner ziehts wieder im unterlieb u de blüetets wieder. Aber dbluetig übernimt eigentlich dReinigung, entzündet oder so isch jedefaus nüd. Nime jetzt mau erhöts Magnesium um dGebärmuetter zberuhige. U ner mau luege ob gli en ES chunt oder haut no nid!
Wie gsets bi dir us, hesch ou gli nmt oder?

[caramel_joghurt]

@wolke: weiss nid obs da lisisch, aber ha gat gseh das im monatsforum hesch gschribe u us gwunder mitgläse. Es duet mer auso so leid was du da aues muesch düre mache. Muesch jetzt bis zur Geburt blibe u hoffe isch nume es chlises rissli? Hoffe auso ganz fest dass di chli doch no es paar wuche im Buch blibt.

[wolke7]

Hoi hoi

Jö danke för dini nochrecht caramel! Jo muess bis zur entbindig bliebe...es chan momentan niemert säge öbs i de nöchste paar stond sowiet esch oder öb mers no 5/6 woche schaffed. Mis erste ziel esch uf jede fall mol 34+0 ond den tue ich mich neu orientiere. Es esch vermuetli scho eher en riss da emmer nor es bezeli use lauft, da aber gfohr vonere infektion bestoht esch hei goh natürli kei option me. Im spitol si wär gar ned so es problem, ergendwie bechom ich die ziet scho dore...aber dasi mini chli nor einisch am tag gsehne ond ned för sie chan do si verriest mer s'herz

Mol no zu dine bluetige...ich han jo noch de erste gebort no plazäntaräste i de geärmuetter gha ond han au ständig vor mich here blüetet. Mol hets fascht ghört ond am nöchste tag eschs weder mensstarch do gsi...ergendwie tönts no ähndlech zu dem wo du beschriebsch? Bi mer hets den erst ufghört noch de usschabig. Het din fa nomol ultraschall gmacht zum luege öb vo de fg alles dosse esch?

[harmony]

@wolke
ig drück der ganz fescht de dume das dis chline no chli im buch blibt. Jetz hesch scho so mängi woche duregstande, itz wirds wenigstens langsam absehbar! Im Gegesatz zu Wuche 19 oder so, wo das ganze agfange het, isch doch jetz es sehr es guets Stück gschafft und dis Schätzeli wird das meistere und isch es starks. Alles alles gueti!

@caramel
oh mann die blöde Bluetige. Hoffe es hört jetz den und du chasch wider durestarte!

@tiare
soooo hesch jetz ändli testet?

@roehrli
was duet dis PMS?

@me
ZT13 - ES erwarti zwüsche ZT15-18.
Morn muesi am Nomitag zum FA, mol go luege was mini Follis mache - är möcht den allefalls uslöse. Würd jo ideal falle ufs Weekend, de chömemer ou zum herzle

[roehrli85]

@caramel: Ja, nachdäm ig mir iz zimlech sicher bi, dass ES zwüsche 1. und 3. Oktober isch gsi, wäri NMT eigentlech spätestens am Samschtig. Vilech machi de mau e Test, wenn bis denn ke TR chunt.

@harmony: auso momentan merki nüm vo PMS. I ha gester u vorgester mau chli öpis gspührt, aber nid viu und hüt hani gad wider afa schaffe. Eigentlech aues normau. Schlächti Luune wi süsch hani ou nid, wüui sowieso vou mit Glückshormon sit dr Hochzyt
I hoffe für di, dass du iz würklech ufs Weekend hi uslöse chasch

[Raffi89]

@roehrli: So schön das er eue Tag gnosse hend und au eues romatische Weekend. Jö so herzig das bi eu beidne immer wieder Freudetränli kulleret sind. Wenn wilsch teschte? Ich drück der so fescht düme!!! Es isch eitütig wieder ziet füres Wunder!!!!

@caramel: Es tuet mer so leid was grad bi dir los isch. Will unter de umstend das immer wieder bluetige hesch chasches gar nöd richtig verarbeite. Ich drück di ganz fescht us de ferni und hoffe ganz fescht das alles schnell wieder guet chunnt. Lueg der guet!!!

@tiare: Unnnddd wie fühlsch di? Hüt Hemer ja dunschtig

@wolke: Ich hoffe ganz fescht das din chline sichs nochli gmütlich macht i dim buch. und das ziet für dich schnell verbie gaht und dini Sehnsucht nach dinere Tochter dich nöd alzu fescht belaschtet.

@harmony: Ich hoffe das din FA morn chan uslöse das wer perfekt fürs Weekend. Den hender sicher gnueg ziet fürenand.

@me:Ich söt min ES zwüschet am Samschtig und am Mäntig ha. Hoffe das mir das Weekend chönd gnüsse gönd spontan morn bis am Sunntig uf italie

[caramel_joghurt]

@harmony: hoffe du chasch hüt Dr ES uslöse.

@roehrli: wie gsehts bi dir us mit pms oder ebe nid?

@raffi: oh toll, gniessets u de chöit Dr Dr ES sicher super nutze.

@me: auso gester das Magnesium gno und tata, kener Bluetige Dr ganz Tag. Aber ner am Abe hani wöue ga Dusche u ner plötzlech isch mir so schwindlig worde u Buchchrämpf, sofort us Dr Duschi use aues het sech num no dräit, schwarz vor Auge u ha zGfüehl ga überchume ke Luft meh über. Bi ner no irgendwie Treppe abe wöui ha wöue luege wo GG isch..gat no zum WC glängt u mi übergah. Denke mau isch en darmchrampf gsi vo dem viele Magnesium... ..

[roehrli85]

@raffi: wow schön, gniesset das Weekend. Das git doch es schöns Baby-Produktions-Weekend Hm, auso i gloube ja scho nid, a das Wunder muessi gestah. Wirde morn, wenis nid vergisse, mau e Test wage.

@caramel: oh neei, so ne Seich. Vilech muesch es Mittelding finge, auso meh Magnesium aber nid ganz sooo viu. ??? Im PMS rate bini nid so guet. Auso i merke sehr wenig bis nüt.

[harmony]

@caramel
heyeyey dasch ou e sach. Hoffe es beruhigt sech endli.

@raffi
schöns weekend

@roehrli
dume blibt drückt

@me
Hüt bim FA gsi, ZT14, es Folli links isch 20mm gsi, rechts 24mm ...rechts wär ou mini "besseri" siite... jedefaus hani grad e Sprütze becho zum uslöse und mues am Mittwoch nomol eini go mache. ES sett iz aber morn/öbermorn sii. Perfekt... hüt scho mol es paar bienli gsetzt

[roehrli85]

@harmony: tönt ja super, de wünschi mau es super Weekend mit viu Biendli und Blüeteli

@me: so langsam hani z Gfüeu, weissi iz wini ei/zwe Tag vor TR merke, dass si chunt. Bi plötzlech sehr hmmm, säge mau lustvoll, muess chli Dampf ablah und när hani gad z Gfüeu, ZS het so ne fine Gschmack nach bluet und wird es bitzeli dünkler. Und de fahts im Rügge ah zieh. Tuet zwar no aues nid würklech weh, aber dütet druf hi, dass d TR jederzit chunt.
Churz gseit, i gloub das wird nüt. Ha zwar iz e Test gmacht und ja i weiss, am Abe und so isch nid glich wi am Morge, aber är isch wiss und ig mr zimlech sicher, dassi z teste iz ou wider cha la si.

[roehrli85]

Has doch dänkt, TR chunt ir Nacht
I Starte Zyklus 13
Ha iz zwöi mau 34 u einisch 36 Tag ka. Zykle si also tendenziell immer no chürzer

[wolke7]

Guete morge mini liebe!

Euse sohn hets gester zobig plötzlinrechtig pressant gha ond esch bi 32+0 ssw met 2100 gramm ond 42cm ufd wält cho! Er het diräkt sälber chöne schnufe ond esch jetzt zur öberwachig uf de neo. Er fehlt mir zwar onheimlich, aber ich ben eifach nor froh gohts eus beidne guet!

Liebi grüess
Wolke7

[caramel_joghurt]

Oh Wolke,gratuliere euch ganz härzlech. Super dass er scho elei het chöne schnufe u für die wuche het er ja doch eigentlech es sehr guets Gewicht, vorauem no mit dene ganze Komplikatione ir Ss. Hoffe er macht das witerhin ganz guet u dir chöit de scho baud eues Familienlebe z4 diheim Gniesse.


...aber irgendwie ou gat trurig somit isch üsi folgegruppe wou "usgstorbe" dass jetzt ke ss meh git. Nihme a ou Black key het inzwüsche gebore?

[wolke7]

Danke der caramel! Nei d'blackkey hani leider öberholt sie esch emmerno ss...aber vermuetli scho nöm lang...ich hoffes amel för si! Jo ich verstoh di das di da trurig macht ond es get au gar ned die rechtige wort zum euch ufmontere...will es esch eifach ned gerächt ond es esch scheisse wenn mer so lang, so vell muess dore stoh zum sin herzenswonsch chönne erfölle...ich verstoh di guet...en dicki omarmig a euch alli!

[harmony]

liebi wolke, ig gratuliere dir ganz herzlech und freue mi dases däm chline maa doch scho so guet geit trotz 32+0 und trotz de ganze komplikatione!

jo mi machts ou chli trurig, ines paar Täg het ou d black gebore und denn isch niemer me SS...und i dene ganze Monate het niemer me das Glück dörfe ha und nocherücke...

[roehrli85]

@wolke: i gratuliere dir vo Härze. Zum Glück geits öich guet und är schnufet säubständig. Drücke di ganz fest. Isch sicher ou gad chli e Schock gsi so früeh. Wünsche öich nur z beste und dass dir ganz gli hei chöit.


@caramel und harmony: mir luege eifach, dass mr aui ganz nach binenand de SS wärde und de heimer witerhin es Grüppli


Ha hüt vo mire Törtlibäckerin/Konditorin es Chärtli mit Foto vo de Hochzytstörtli becho. Das hani öich iz nid wöue vorenthalte.